2003 年 11 月 15 日 星期六 【晴】

今日...........心情一般啦~
尋晚上網上到五點至訓.........今朝十二點連話都嘈唔醒我,係我自己突然間札醒左~
一睇...........十二點三喇..........拿拿聲打俾阿sa.....佢已經打過俾我囉~
本來諗住出去食,最後都係留左o係房泡面...........
一點九就拎野上去俾sa,順便去運動場熱身.........今日我有鐵餅比賽啊~~~

去到...........又係冇人囉.........做熱身又搵唔到人幫手看袋..........
後尾就去左場地集合至見到阿妹黎~~~咁就可以放心熱身喇~~~
今日d人.........少左,但係勁~
有個特招原來上個月至比賽過......狀態大勇啦~一擲就過 30 m..............
我都算係咁喇~成兩年冇練都仲擲得返 23 m 幾.........勁勁師妹擲 26 m 幾~拎第三~
我今次又只係拎得返第五~~~哈~~~又係輸俾四個特招.......
如果練返我諗會好好多........但d特招以前係擲 40 幾m 架囉原來......恐怖~~~

玩完呢.......阿sa又玩完跳舞喇,咁就等埋佢一齊走~~~
咁佢諗住出去買地拖喎,咁我地就打算食飯後順便去買啦~
宜又唔想出黎,咁我地就兩條友自己出去喇~~~
起初想去食台灣野,跟住又話去M 記........飲左杯黃振龍都係諗唔掂~
最後去左佰家樂食呢~~~買左野返去俾宜~~~

咁之後就去買地拖,sa又買左奶,咁就返黎喇~~~
返左黎上左佢地房........呵~聽歌~~~
而家..........好似有d唔同左咁~
後來過左首領房拎奶.......傾左兩句咁啦~約左三師兄食飯~~~yeahyeahyo~~~
跟住冇耐就返落黎喇~~~

係咪咁快就到ending?冇睇錯?


>>November 16, 2003 at 3:53:28 PM GMT+8

2003 年 11 月 14 日 星期五 【晴】

呵呵呵~~~
今日係校運會我有份比賽的日子啊~~~
今朝十點幾醒左之後呢~就落返自己房喇~~~
十一點呢就落去樓下參加果個咩僑生盃閉幕式........
我頂~~~又俾人昆囉...........又話十一點開始,結果成十二點至開始......
仲要只係頒冠軍囉..........叫咁大班人黎只係睇..........阻左佢地時間呀~

完左呢就同阿宜出左去食飯~~~
佢今日都好似唔太舒服呢..........未食完就自己走左~返聚會?
咁我食完就行返房......坐左一陣就行去運動場喇~~~
去到兩點.......咁諗住早半個鐘熱身啦.......就落左場跑........
見到我戰友喇~~~係03級的特招生師妹........山東人~~~勁勁勁~~~
之後差唔多時間就走去比賽喇~~~

哇........師妹果然係特招..........一出手就過 10 m.........我只係 8 m 多少少咋........
好笑的係......我好似係唯一一個外招生入到決賽喎......呵呵~
不過最後只係拎第五...........師妹拎左冠軍.......哈~偶像呀~~~
跟住睇人跑接力........真係勁好睇,每組冠軍果隊都快人成條街架~~~
後來仲發現........呢度冠軍唔係拎牌架,係拎錢架~~~
我都有得拎呀.......第五有 $25 架~~~

之後同左阿sa行去百佳......原來唔係好遠架咋喎~不過勁肚餓~~~呵~~~
又一次試到o係街邊 ko 一隻燒雞的經驗.........哈~
行到十點左右啦......就撘車返黎~上左首領房雪奶同傾偈~~~
傾到十二點左右就過返宜房.....留左一陣就走喇~~~

返到自己房就唔得閒喇........
先係沖涼,仲要洗衫、拖地..........
途中仲要玩緊 ICQ 同埋搞肚痛.........而我聽日係仲要有鐵餅比賽架各位~~~
搞掂晒都成四點..........今晚又冇得訓喇.........唉~

講得出,我就會做得到,你唔好當我流得架~~~

>>November 15, 2003 at 8:19:04 PM GMT+8

2003 年 11 月 13 日 星期四 【微冷】

今日都抵死喇.........

今朝一早因為o係阿宜房訓..........結果又係唔知醒,冇返到朝早堂采訪~
之後諗住家姐約我十一點半去食飯,就返房換衫出去啦~
點知落左樓之後,家姐話新聞學院學生要十二點半去到運動場報到喎~
但我問德哥又話唔駛.......結果佢就過左運動場,我就返左房上網打日記~~~

之後兩點左右,皇上又打電話黎問我做咩唔去運動場,又話要點名........
結果我就同阿宜一齊行過去啦..........行到去門口見到法學院的啦啦隊,宜就留低傾,我就上左去坐~
個開幕式講真都幾悶架.......不過我而家至知原來暨大有咁多學院架咋~
睇完個開幕式呢.........我就同家姐,阿狗,昌昌一齊出去~佢地請我食飯啊~~~呵呵~~~
咁我又叫埋阿宜出去~~~我地去左小東北食呀今日~~~
但個時間係四點幾.......唔湯唔水咁,我都唔知當Lunch 好丫定夜晚好喇~

食完野昌昌返去先~我地就走左去行百佳.........
嘩.........家姐同狗係咁買囉.........阿宜又買埋一份.......呵呵,我冇錢,好忍得手呀我~
行完百佳都七點幾喇......返到黎八點左右啦........
咁我上左宜房玩.......咁佢九點幾果陣話想食燒茄子喎,咁我咪叫佢出囉,又唔出~
到十點幾果陣又話出,今次到我唔想出喇~~~搞到十點九,我終於都係陪佢出左去~

今日食得好趕呢..........差少少又記夜歸架喇........好在冇事~~~
我都未試過咁快食完廿幾串羊肉呀~~~
趕返黎之後呢,宜就黎左我房上網~~~
但係.....唔知睇左d咩.......佢..........
我見到佢咁都有一剎那不知所措囉.........完全唔知點好,只係知我應該陪住佢~
之後沖完涼送佢返房........又o係佢房玩阿sa部腦........呵~
結果又o係佢度訓地......唉..........都唔知邊間係我房喇而家..........


>>November 15, 2003 at 5:22:32 AM GMT+8

2003 年 11 月 12 日 星期三 【颳風】

今日好似暖返少少~~~

嗯..........尋日朝走左堂英文........miss成個星期未見過我喇~呵~
跟住走去返新聞評析.........今次終於都上左台講野喇~~~不過都好緊張~~~
放左之後呢~~~就趕返去五飯果頭搵阿宜同阿sa,一齊出附小搵阿青~
嗯........依然係咁........嗯嗯.........
出到附小至知,原來我地冇人搵姨媽囉........
呵~拿拿聲打俾佢,咁佢出埋黎呢我地就出去食飯喇~今日去黑天鵝呢~~~

上幾次黎都覺得ok架.........今日黎到d侍應服務態度差到爆囉.........頂~
食完飯呢~姨媽就走左先,阿青返去執野,宜同sa就去上堂~
咁阿立、阿恆同我就諗住去夢娜睇電視啦.......點知夢娜冇開電視喎........
一路行晒成條街都唔見有.......上去網吧諗住有......點知網吧維修緊........
結果我地都係冇得睇.......行左返宿舍..........咁我就繼續打我的總結喇~

但係呢部死人腦腦又玩我囉........個防毒又出問題..........搞到我頭都大埋~
而家仲未搞掂架,不過我唔理佢咋.........
跟住好快咁打完份總結,六點九就陪阿恆出去睇醫生順便print野喇~~~
佢今次都幾傷呀.......睇佢個樣~
睇完醫生,食左個拌面打底,就返房玩機等開會同宵夜喇~

咁九點呢我地就開左體育部僑生盃總結會喇~
實在係開得好快.........差d抄唔切.......呵~會議記錄啊........嗚.........
咁十點左右就開完會喇........但要等埋阿立........等到十點半至出到去.........
但係阿宜今日唔出去囉.........

咁今日就係四兄弟出去喇~我,sa,立,恆
一路食又一路吹水~~~食食o下阿南同成班外招生部人又黎左~~~
呵~係咁俾我地隊佢囉.......慘呀~
但今日我的狀態都唔係好.......我地飲左十二支左右啦我就開始眼訓喇~(係眼訓唔係wing呀記住)
唔知做咩...可能之前隊煙傷得滯....今日隊酒眼訓之餘係想嘔囉,從來未試過呀~
諗住玩通頂唔駛記夜歸......都係頂唔順.....三點幾就返左去喇~~~
阿sa又冇帶鎖匙喎...結果就黎左我房~

I will stay for you......
I wil be a good listener........
一流仔與你常在.........呵呵呵~~~

>>November 14, 2003 at 5:33:27 AM GMT+8

2003 年 11 月 11 日 星期二 【颳風】

唔多開心呀今日...........

唔知做咩.........今日一返學個個都笑騎騎咁望我..........
我都係尋日完完全全咁走晒果六堂o者........都唔駛咁望我架下話.........呵呵~
今日阿sir又玩野......我頂.......唔鍾意佢個串樣.........搞到心情唔多好~

放左學,約左阿宜出去食飯......佢又唔知做咩......勁靜......咩事?
一餐飯好靜咁食完.........好唔慣...........
買左個外賣返去俾阿sa.......整個行程都好靜........擔心~
或者係我自己o既問題?

返到宿舍,上左佢地房.....玩到兩點三就返落去拎書上堂~
上完堂......打俾阿宜問佢去唔去睇波~
嘩......好惡呀佢d語氣......我都唔知發生咩事......一路又係靜.......
去到球場..........睇左陣香港對澳門...........最後都係輸........
一散場又無人發現我存在,又開始覺得自己多餘.......所以靜雞雞走左.........
跟住同阿sa阿恆出左去食煲仔飯........

返黎食完雪條呢..........o係樓下唔知傾開d咩........又去左暨商
買左信封同埋.........煙~
尋日連隊六支搞到頭痛胃痛想嘔,今日仲唔識死,又去買過........
鬼咩........心情勁差,超無癮嘛.........我都唔想架..........都唔知咩事........

返到房,沖完涼玩左陣icq就上左10樓打排球report......
d 氣氛好唔同囉我覺得今日........總之勁唔知點咁........怪怪的~
最後因為好凍同埋打到好夜........我直情o係10樓訓埋.........不過都係訓地.......

唉........唔想而家咁樣..........
清醒一點,看遠一點..........嗯~醒呀~

>>November 13, 2003 at 9:08:40 AM GMT+8

2003 年 11 月 9 日 星期日 【陰晴不定】

哇哇哇..............好凍啊.............

話說今日我一朝早就要撘車返廣州........
咁我諗住香港都成二十度,咁廣州應該都係凍少少架o者~
咁就著左件長袖衛衣同條短褲返去喇~~~
點知一返到去落車果一下我已經知大檸樂喇~~~
嘩凍到我阿媽都唔認得呀......又落緊雨......我就要好慘咁兩手拎住野冒雨行返去喇~

返到房....唔夠五分鐘我又要拎野上去俾阿sa,順便去上堂........
咁我諗住一堂半堂應該頂得住,就冇換褲喇~跟住就發現呢個係我最錯誤的決定~~~
我跟住上果三堂中新史,全程都不停咁o係度打冷震.........
上完之後就等埋阿sa,返房換左褲就出去食飯喇~~~
最大發現係........原來一條頸巾真係可以頂得住一件大褸架~!!!

食完飯,返房上上網,執o下野咁.....九點幾呢阿宜就返到黎喇~~~
佢.........呵~呵呵~~好有冬天feel呀~~~
幫佢拎左行李上去呢,我就陪左佢出去食野,順便去買電話卡~
原來佢未試過增值架囉..........呵呵~完全估唔到~
食飯果陣又傾開d令人煩惱的問題...........都係唔好提喇~
但係我真係好少見有人可以咁凍架.......咁再凍d你點算?

返到房先知,張200卡漫遊狀態下唔可以充值囉.........頂~又要買過一張..........

兩個人都俾我預想中平靜.......都好o既~平靜都係一件好事黎~

我幾時先至會有咁o既修為呢???
唔諗喇.........好凍呀........諗唔到呀~~~

Beaker~
哼~上慈雲山唔話我知~!?
當我一流少冇到啊?呵呵呵~
做咩事唔開心?
不如等我幫o下你丫~嘿嘿嘿..........

>>November 11, 2003 at 6:03:09 AM GMT+8

2003 年 11 月 8 日 星期六 【乍寒還暖】

今日.........哈~剪左頭髮~~~

今朝起身....覺得個頭超樣衰........
但係都係唔想出門口....拖到成十二點至出去剪頭髮~~~
我叫個師傅幫我剪短少少............佢幫我剪短左起碼一半囉撞鬼...........
但係又留返我前面果一小撮喎........呃.........都ok 掛..........

剪頭毛果陣倩打黎........約我出旺角陪佢拎袋~
咁我剪完頭毛就出左去搵佢喇......佢拎完袋就陪左我食飯~
之後佢要去比賽....我就返屋企~~~
上左陣網就拎個芒去上水俾人喇~~~

嘩差d遲到呀........正正準時到~
交左野俾人之後就拿拿聲出返旺角喇~要俾書小妖呀~
點知.........呵~有人遲到囉~跟住我又約左tor tro~
本來話出旺角食飯,但最後係去左觀塘囉.......
跟住............又係咁打機.........同埋食左好多二手煙........
tor tor再搵左個fd出黎諗住唱k......但最後去左食糖水就返屋企喇~

返到屋企至知到一件大事.........
唉........點解最後都係會咁樣架........
點解? 完全冇諗過件事會咁快發生.........
咁就完左............唉~

僑生盃又有問題.........?

>>November 9, 2003 at 4:05:37 PM GMT+8

2003 年 11 月 7 日 星期五 【晴】

今日天氣涼左呢~又落雨..........

原本今朝約細佬佢地出黎打波架嘛......而家好啦~
又落雨,尋晚又夜訓.....阿宜又話唔出.咁大家都唔駛出啦~個天都唔俾我打波喇~
唉...........難得返黎可以打o下籃波.......連呢個機會都冇得打~
算.......咁我咪繼續訓囉.........訓到十二點至起身~

食完飯,上左一陣網,咁等到兩點左右就出門口喇,約左阿sa 同楊露兩點半嘛~
點知兩個都遲到........sa 遲少少....死人楊露又遲到成粒鐘........
黎齊就行去高登睇芒........唔,好快就搵到喇~但sa 要去拎錢,咁我地就落返去~
大家都見有少少肚餓,所以就去左許留山食野~
食完呢就返上去買野喇~~~

買完野呢,阿sa就要走第二場,而我預左幫佢拎野,最後就同車而走喇~MTR~
撘車途中約左佢同學聽日拎野返去先~咁就唔駛我拎上去~
但因為個芒同d贈品都幾重同幾大舊,所以......難為左楊露喇~要佢幫我拎野返黎~
咁佢就上左我度,上左一陣網就走左喇~~~

今日.........都幾無聊......聽日去剪頭髮呢~太好了~

>>November 8, 2003 at 3:24:41 PM GMT+8

2003 年 11 月 6 日 星期四 【陰】

呵呵呵~~~太好喇~~~終於返到黎我日思夜想的香港喇~~~
好開心呀~今日一上完堂就拿拿聲撘巴士走喇~~~
都係一段幾好的旅程黎~一個人都幾好丫~~~

返到黎~即刻返屋企放低個大袋就再出門口喇~~~
tor tor 同阿宜的時間撞晒~~~最後我選左出去陪阿宜丫~
咁我四點左右出到尖咀~就陪左阿宜睇衫同揀禮物~上左利時行一轉~
期間細佬 H 打電話黎,咁就約左佢五點半去碼頭等~
咁我一路行街呢 TOR TOR 又一路打電話黎喎~呵呵~

咁我地準時到碼頭又唔見佢喎,咁就去左行零食物語啦~
行完就見到佢黎左喇~咁之後我地又走左去行HMV~
俾細佬話我同宜耍花槍.......呃.........
行完HMV差唔多六點幾~咁我地就陪阿宜行返去返團契喇~
之後就再撘車返旺角搵TOR TOR 喇~~~

咁去旺角的途中呢,同細佬都傾左唔少問題~
去到新世紀呢,就見到tor tor , tango 同佢另一個fd~
咁我地就行去食飯.......勁遠囉~
食完飯呢,就陪左佢地去睇耳環......
諗住出去搵阿宜的,但佢要陪fd,咁我又費事過去喇~
之後同細佬撘車返屋企,兩條友撘左去土瓜灣囉~呵呵~
最後傾左一陣至走~~~

返到黎.......玩左陣icq至沖涼......勁夜~
玩到三點幾,個頭終於乾左,咁就去訓喇~~~

兩位細佬~
我睇住你兩個一齊,唔想見到你兩個咁快出問題呀~
都係果句,一段感情得來不易,要好好經營珍惜,唔好咁易放棄呀~
做大佬o既幾時都咁支持你地架~

>>November 8, 2003 at 4:49:07 AM GMT+8

2003 年 11 月 5 日 星期三 【晴】

好期待呀...........仲有十二個半鐘我就可以踏上我o既回歸香港之旅喇~~~

唔知點解..........今次真係極度想返香港........
上次返去就唔係好想留o係香港,真係想快d走......今次......唔知呢?
不過真係好想快d返去......見返班朋友.....好耐冇見tor tor 喇~~~
返香港應該會開心好多啦今次.........我估~
可能仲會開心過留o係廣州~~~
或者係...........我又想借住離開逃避某d野?

嗯.........都可能係喎~
但係離開左都唔代表我會聽唔到架喎...嗯,大問題~
唔緊要啦~~~最緊要返到香港可以見到最愛的高堂同埋朋友~
仲可以拎錢........(呢個至係main point,我爭緊阿sa好多錢架喇......)

今日我都仲出左去同大汗一班工聯會子女去平又靚食飯~~~
我發現$600 一個月生活費o係度真係完全唔夠用囉...........
要努力d搵錢至得喇..........返去要搵定工~!!!
今晚就同阿青、阿立地出左去食印尼炒飯~之後陪左阿青佢地去西門就返黎上網喇~

個icq又成日都神神地咁........玩死我~~~
真係好期待返香港打波的日子........好耐冇同你打波喇細佬...........
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
沒有他,也沒有她
是否代表了世上其實每個人都一樣呢?
每個人都有自己所追求的,也有為此而失去的~
故事天天都在我們身邊發生,又何用分他或她呢~
天空依然湛藍,世界依然在轉
一切如常~
又是風和日麗的一天~

>>November 6, 2003 at 3:17:13 PM GMT+8