2003 年 11 月 26 日 星期三 【晴】

痴線架呢牌..............我已經差唔多成個星期冇返房訓覺喇~~~
晚晚都上左十樓........鬼咩,部電腦俾人借左上去用,又要上去上網~
真係難為左 juli........晚晚獨守414~~~呵~~~不過佢都應該係晚晚開夜架喇~

星期三晚訓完十樓......四點幾至訓喎.....咁星期四朝堂英文就一定唔返架啦~
諗住返十點新聞評析啦........點知再起身已經十二點........
開電腦睇左報紙,兩點幾就落左去泡面食......跟住三點幾收到阿勇份野就上十樓打埋佢~
咁打完就開icq玩啦~

sa 今晚去打邊邊,宜又落左去開會兼上堂,恆又同fd食飯喎~
所以我就等到六點左右,拎左衫俾宜就出去print 野兼食飯喇~難得一個人呢~呵~
今日都幾凍呀.....我又白白痴咁著左件短袖恤衫加背心喎....少少震架都~
print 完野去左食拌面......食到一半阿立send msg黎問我出唔出去食飯囉.........無奈晒喇~
結果我就去左金四搵佢,一齊出夢娜食飯......哈~第一次同佢兩個人去食飯呢~(唔好再話我冇提喇~呵呵~)

食完飯就o係暨大四圍遊蕩等阿立九點夠鐘開會~~~
諗住去文學院等宜行過,點知佢一早返左宿舍囉..........汗+十級無奈~
咁立就去開會先,我拎左野俾宜之後呢就返房喇~~~
沖完涼呢我就上左十樓喇~~~

點解我會上到去呢? 呵~因為sa臨去打邊邊前俾左佢條鎖匙我喎~
我十一點左右上左佢房,佢間房兩條友都鍾意玩夜歸架囉.....
咁我就開左電腦聽歌,關晒所有燈,出左露台坐......
原來咁樣真係勁好feel 架喎......佢地個露台好正,又高,又冇人望~完全滿足晒我呀~
o係露台坐左唔知幾耐......我諗一個鐘左右啦,都諗左好多野架~
之後聽到宜返黎.......冥想繼續~傾左陣,sa都返埋黎~

之後唔記得搞咩........好似係icq.......咁就又玩到半夜......
又o係佢地房訓..........而家都唔知邊間係我自己房喇我,唉~~~

>>November 28, 2003 at 4:30:45 PM GMT+8

2003 年 11 月 25 日 星期二 【晴】

今日係星期三.........嗯嗯~~~

尋晚o係樓上訓完.....今朝九點醒左就返落去換衫上堂~~~
點知上堂都係訓.......唔通唔抄筆記真係會令人訓的?
一直訓到落堂都差d唔知醒....哈~
之後就搵埋阿sa出去食飯~~~今日阿立同阿恆都唔一齊呢~~~
結果我地兩條友就去左伯頓~~~

上到去.....呵~我明點解個個上到去都會加錢要自助餐喇~真係唔夠食架~
我同sa係咁隊蒜蓉包~~~呵呵呵~~~食o下傾o下又兩點~
咁就返黎諗住去上堂喇~~~

今日堂曾智偉我訓少左呢......因為有書睇~裙情洶湧 啊~~~
上完堂就返左房,上網打日記睇報紙咁啦~~~
跟住七點半就出左去食飯~~~四兄弟 again~~~

我地一路都諗緊去邊食~哈~恆話想去 M 記~立就想去多滿分~
最後我地去左 KFC ~~~叫左兩個桶餐,當然係全清啦~~~
一路食都傾左d問題....嗯~我知應該點做,但......點解我會做唔出呢?
食完就去行左一陣好又多~~~期間宜打黎....嗯~終於都返黎喇~呵呵~
返宿舍果陣諗住過金四搵阿勇,但佢又唔o係房喎~
咁冇計啦,我咪返房囉~~~

沖完涼,拿拿聲拎左部機上sa房,諗住佢上網,我就借佢機做功課啦~
點知佢部機.......唉~虧機黎架~~~呵~~~
結果又得返我一部機.......咁我就用返自己機打報告~
一路打又一路收到死肥釗d粗口爆笑msg~~~笑到收唔到聲呀........
最後搞到四點幾至打完........又o係佢地房訓喇.........

Beaker~
10000 咁都俾你自己踩中,我冇得講啦~呵~
我尋晚四點幾臨訓前都仲上去睇過架.......9997
我想等佢去到10000 架..........不過好眼訓,頂唔到~~~
留返15000 俾我啦~~~今次我實得架~!!!

>>November 27, 2003 at 4:52:15 AM GMT+8

2003 年 11 月 24 日 星期一 【晴】

又走堂喇今日~~~

今朝一早七點醒左.......但係見到Juli 咁好訓..........忍唔住又訓返~
一訓就訓到九點.....哈~咁咪起身返英文囉~
行去上堂果陣撞到儀媽,順便問佢同唔同我地一齊食飯~約左放學等~
今堂..........呀miss又o係度係咁話人喇~~~

上完堂就快快手咁返宿舍,因為我好神奇咁唔記得左帶電話出街~!!!
好在唔係好多人搵過我咋~~~拎返個電話之後就同阿立阿恆阿sa儀媽地去食飯喇~
今日去左食拌面.......哈~我果碟入面有隻唔知咩囉.......結果要換過碟野~都幾核突架講真~
食完就返黎,上左sa房睇睇佢部腦腦........
但係我試左好多次都搵唔到佢上唔到網的原因囉~

諗住去上堂.....點知o係sa 房hea hea o下又走埋堂~~~
hea 到後尾阿sa直頭訓左~!!! 我就繼續攪我的機~哈~
我開左佢部機d歌幫佢改返d名......好唔抵得d歌名全部亂碼呀~!!!
到佢醒果陣已經七點.......咁佢就話計劃返第二堂,我仲諗住佢會唔返tim~
咁去首領房飲完奶,佢就返學,我就返房上網~~~

之後到九點,四兄弟就約定出黎食飯~~~
最後決定去豪景食飯~仲可以睇埋衝上雲霄~呵呵~
食完又去左黃振龍~之後就返黎喇~

返到宿舍都唔得閒呢~
一返黎見就黎十一點,拿拿聲走去沖涼~
之後玩左一陣 ICQ ~咁點幾鐘就連人帶機上左十樓搵sa~
哈~我部機o係佢房都上到網喎~咁好明顯係佢部機的問題啦~呵呵~
之後睇左d 土風舞果日d相同埋短片.......三點幾先至訓~
咁呢個時候我當然唔會落返去啦,咁就o係sa房訓喇~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
某些時候,某些地方
不想再被人看見~不想再被人觸碰了~
沒回報的付出,還能支持多久呢?
世上所有的東西都不過是一個個的謊言而已~
這樣的世界.....

還是關上門吧~.....

有時候,是不是做朋友會比較好?

>>November 26, 2003 at 9:39:28 AM GMT+8

2003 年 11 月 23 日 星期日 【晴】

哈~~~終於又要返黎喇~~~

今日成日都冇野做,全日都冇乜心情~
今朝訓到差唔多十二點至起身,一起身無耐就食飯~
食完飯保險經紀打黎喎~話要我張學生証copy~
咁我咪落樓下copy囉......順手睇野~

去到四點幾差唔多五點就撘小巴落旺角~
幫 Juli 拎藥之後就等上車.......楊露又話黎,結果我開車都未見到佢.........
成程車係咁訓訓訓.........冇計,尋晚睇選情睇到鬼死咁夜.......
唉~臨返黎之前都係睇到民建聯大敗.......得返六十幾席咋........嗚..........
而家d香港人乜都話反,佢地已經完全忘記左一個區議員的職責係為居民服務,唔係出去叫口號!!!
尋晚睇選情直播,見到葉副輸左,真係好沉重呀個心~跟住見到郭必錚都輸埋~唉~
點解咁多o係區做左十幾廿年野的人都要輸俾空降部隊?
香港人真係痴左線喇........

好喇~訓醒返到黎~拿拿聲打俾阿立~
去到宿舍樓下,佢地已經o係齊度~咁我放低d野o係宿管度就同佢地出去啦~
阿sa又o係途中打黎話唔駛返跳舞,咁又出埋黎~
去左佰家樂食飯~~~嘩勁肚餓啦........十二點食完野就冇食過喇~~~
一路食又一路吹水~~~返房之後呢,阿sa就黎我度上網,我就執野~
之後~~~終於又訓返呢張床喇~~~

Juli 仲未買電話線........個電話依然放o係我張床度.........唉~
佢幾時會記得買呢?

>>November 26, 2003 at 9:10:08 AM GMT+8

2003 年 11 月 22 日 星期六 【晴】

嘩嘩嘩~~~今日勁早起身啊............五點半~係朝早五點半啊..........
點解要咁早呢? 嗯~因為今日係選舉日,我要出去助選啊~
七點鐘要去到藍田報到.....六點就出門口喇~
巴士又遲遲都唔開....結果我都係要撘小巴轉地鐵再轉小巴上去......

上到去....正正七點~周總理仲未黎囉,遲到~仲要唔識黎tim~~~
好喇~到佢黎左,就落去集合同開工喇~~~
我地上左去碧雲道開檔,一上到去就係咁派傳單,又係咁講~
早晨,你好~請投 2 號xxx一票丫~多謝支持呀~
一直係咁講講講,做做做~~~去到一點就去食飯,順便走~

走左之後呢~我就去左平田果邊,諗住搵姚sir睇睇佢點啦~
但係過到去都係搵佢唔到~咁結果我就撘車走喇~
一上車即訓.....好累呀真係~
落車都兩點幾喇~去左投票...呵~d助選團好搞野呀~
跟住落去買野俾juli就返屋企喇~

返到屋企,上左一陣網,到五點就出尖咀睇書~
睇左一陣......tor tor 打黎,咁我就返黃大仙喇~陪佢投票呀~
嘩.......黃大仙的助選團真係勁好多~~~
佢投完票呢,就一齊走左去食燒味飯........又係燒味飯........兩餐喇今日~
食完飯就拿拿聲返屋企喇~老豆係咁催我返去~~~

返到屋企,又係咁上網,同埋留意選情........唉~民建聯,工聯會果邊好不利呢.......
果個死人頭陳x林....把口冇好野架,講埋d野.真係搞x棍........
希望唔好輸太多啦.......不過....唉~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今天,感覺很充實~
根本完全沒有時間讓我有機會想起那些事~
很久沒有試過了~
這樣的感覺.......真好

依然掛念一個人......

>>November 24, 2003 at 4:29:35 AM GMT+8

2003 年 11 月 21 日 星期五 【晴】

哈~今日都幾無聊..........

今朝一早訓到差唔多十一點至起身........
食左野就約tor tor 出旺角..順便買車飛~
點知佢阿媽搵佢喎......咁我咪自己一個行住先囉.......
買左車飛......又係我一早估到但唔想出現的情況~
之後去左榆林睇書.....好耐未試過o係果度坐咁耐喇~~~
睇完左林詠琛本....水中消失.....都ok丫~不過俾到一種佢就黎江郎才盡的感覺我喇開始~
三點幾睇完本書就同tor tor 行去尖咀......

一路行行睇睇....咁又到左六點~
我忽然間興起話想去食B仔涼粉喎~結果兩條友就撘車入左元朗.......
當然tor tor 會叫埋佢老公出黎啦~
咁我地o係元朗四圍行......涼粉食唔到,但就去左食勝利牛丸~
始終都試唔到方東白兄介紹果間學記呢.........

食完去買左支酒飲..........之後就撘車出返九龍喇~費事大大個燈膽照住人啦~呵~
諗住搵宜......佢又唔想出街~結果就返左屋企~
咁又一日喇~

聽日選舉日呀......我七點就開工喇......
大家記得去投票呀~~~!!!

掛念一個人...........

>>November 22, 2003 at 3:44:21 PM GMT+8

2003 年 11 月 20 日 星期四 【晴】

今日個日記都仲係咁..........之前果d冇晒,好在終於都可以 login 入黎再寫~~~

咁呢幾日呢.......我就返左香港喇~~~
一返黎.......放低野又出左去同細佬K、楊露、倩、嘉僖同埋.......Jo? 一齊食Lunch~
之後就返左勞校.......聽到同學入院的消息.......
等到三點幾,諗住去蒲崗村睇倩打波,點知就俾人捉左去真光....＝ˍ＝
本來話左俾細佬K 聽唔去架喇,又俾左個驚喜佢囉.....呵~

去到......勁多人丫.......
上左三樓搵到細佬........佢交低左d工伯就陪左我、楊露、周杰倫四圍行~
行完呢就落左地下睇表演~
睇完就去左玩射波~個個都去玩囉......
我就過左隔離玩排球.......哈~

跟住去左附近個攤位玩羽毛球~~~仲識左個可愛的妹妹仔~~~
呵呵呵~~~之後又去玩射籃~~~
玩完又去返羽毛球果度~順手問左妹妹仔拎ICQ........哈~
之後去到六點幾就走喇~~~

走左之後呢~又要去地鐵站等齊人去食飯~
今日同工聯會同中聯辦的大人們食飯呢~~~
食食o下傾開.....想年假搞一次生活體驗,去農村......
我都想去呀......如果唔駛開工的話....不過最好係之前有工開啦~~~

食完都係九點左右.........咁就諗住搵宜出黎啦~
但佢好似又約左fd出黎食飯........
咁我就去左九龍灣搵倩落黎打機....橫掂佢都想打架喇~諗住順手等阿宜...
點知打到十點幾..再打俾宜.....佢話可能o係人地度訓.......
咁我唔駛搵佢啦.......結果就上左倩屋企,坐左一陣就返屋企喇~

有d野唔開心........不過........算啦~

>>November 22, 2003 at 3:17:51 PM GMT+8

2003 年 11 月 18 日 星期二 【晴】

諗住今日會凍啦........點知又熱喎........哎~

今朝好好呀~返十點~雖然尋日係四點至訓,但都好過返八點丫~~~
不過返到課室依然係訓.........上左一半訓左一半~~~
之後中午就等埋阿sa一齊出去食拌面........

返左黎呢~宜就一早出左去行街,sa就走左去sit我堂中西科技比較~
但係阿sa去到都係訓囉,呵呵~
上完堂我又返左房玩ICQ喇~~~

上房玩左一陣,先記起今日約左三師兄同埋首領粟米食飯~佢地仲未通知我時間囉~
之後好在ICQ見到三師兄,問左時間~
臨出門口睇睇個手機.......先知原來自己較左震機,有六個MISS CALL 囉........
落到去俾首領佢地話左幾句啦.....呵~跟住去左食牛丸~~~三師兄未去過呢~~~
食完又去左黃振龍~~~之後就返房~首領佢地上左我房呢~~~

九點果陣阿sa send msg黎問我跌打收幾點.....佢隻腳痛呢~~~
諗住叫佢即刻出去睇.......但又冇人聽........
去到十點先至聽......咁我就陪佢行出去~~~
行到出暨花........見到成班人囉......公關部班人~~~
咁傾左幾句又同阿sa、宜走喇~~~
點知去到跌打果度佢關左門.........開朝9:30晚21:00 囉...........
咁要等聽日再去喇.......

睇唔到跌打,咁就返黎喇.........
我又上左去佢地房hea~~~
不過今日玩到十二點幾就返房喇........要沖涼洗衫呀~~~
我到而家先o岩o岩洗完咋慘.......兩點幾喇.....
聽日又係八點堂.........唉~唔想返英文呀..........

>>November 26, 2003 at 9:41:57 AM GMT+8

2003 年 11 月 17 日 星期一 【陰】

今日勁勁丫.............好開心~

今朝一早,居然起到身上八點堂........嘩完全係一個奇蹟呀~
我尋晚仲要成三點至o係十樓返落黎沖涼~今朝仲識醒......
上堂仲要係第二個到囉........勁早呀~

上完八點就走過第二度返英文........
今堂又係冇訓囉.....嘩都唔知做咩鬼打咁精神.....呵~
之後上完堂,返房放低d書就又出去喇~~~

跟住就正喇~~~又係我地四兄弟(我、sa、立、恆)約左出去唱k~~~
嘩今年返上黎咁耐都未唱過(包括香港都冇唱過呀~),今日終於有得唱喇~~~
咁我地十二點半左右就去到加x紅果度......一唱就五粒鐘~~~
係咁唱係咁唱......歌都唔係太舊,但好搞笑囉有d........
佢地........阿立把聲好似陳曉東~~~sa 要唱兒歌,呵呵~~~恆又少唱~~~係咁俾晒我唱......
後尾我拎埋包金嗓子出黎,四條友一路食一路唱.......呵呵~

一直唱到六點交房.......我地就行返黎........點知行到附小門口又決定出去食飯~
呵~~~佢地三個都走左堂呢.........阿恆仲要係返左去再俾我地call 出黎~~~
咁最後就去左潮汕牛丸度食飯~~~因為阿恆九點幾仲有籃球慶功,咁佢就冇點食野~
我地都坐左好耐.......由七點坐到八點八.............
後尾就去左黃振龍~~~之後諗住返去......但又去左行島內價.........呵~
行到九點三,陪左阿恆過老地方,咁我地又返學校喇~~~

返到學校........一路行一路傾以前的事.......原來我o係用錢上係好乖架喎~佢地話~
跟住阿立帶左我地去睇溫書勝地~~~之後sa收到個電話........
個樣即時無奈左........
咁佢黎我房借左廁所之後就走左喇~~~

甘我就o係房繼續上網喇......十一點左右阿sa返黎,上左我房~
又發生左d我估唔到的事~~~
一場兄弟,我實撐你架喎~呵呵,係咪咁講先~
之後同左佢上首領房......我又隊左半盒奶(1 L 果d喎~),傾左一陣就去左宜房~

一去佢房就慘喇.......明顯我唔會咁快返落去囉........
hea o下 又兩點幾.......之後成三點至返落去沖涼........
唔想煩,結果今日沖左凍水.......一硌上網一路等頭乾~
訓得果陣都四點喇.........哈~死喇............


>>November 19, 2003 at 10:15:26 AM GMT+8

2003 年 11 月 16 日 星期日 【暴雨】

今日...........一朝無事~
十點鐘自己醒左~~~見到出面落雨喎...........
十二點落左樓下拎野,之後上左宜房~順便食野~
今日又凍返喇喎........一落雨就係咁~~~煩~~~

兩點半就走去上堂.......
今日極之好訓.........訓足三堂咁滯~~~
途中收到msg 若干條........咪咁啦,開心d啦~
之後仲發現我副眼鏡開始唔o岩度數........睇唔到黑板寫咩喇..........
放左就走左去買條.......個人呆呆滯滯咁........唉~

諗住搵人出去食飯.......點知個個都話唔出........
唉.........諗住去sit人堂順便做功課........又俾人請我撘飛機.........
唔開心呀..............哼~

今晚會唔會出去呢?好似好耐冇試過咁早打日記喇.........
結果今晚九點出去食野.....之前就去左交野俾宜~
唔多開心......所以今日係無底的一天.........去左食蘭州拉麵,一大一細,仲加多半碗幼辦大鹵麵~
之後仲去左條條......勁呀............食完開心返~~~

我都應該調整o下我的生理時鐘喇.......
係時候黎返d改變喇~

今日仲係同阿立相識一個月記念日~~~開心~~~
唔好話我冇寫呀~呵呵呵~

>>November 17, 2003 at 5:09:26 PM GMT+8