2003 年 12 月 5 日 星期五 【微冷】

嗯........今日都幾頹廢~

尋晚三點幾至訓,今朝九點居然自己醒左~~~
但唔想起身住,結果又訓過......十一點幾至醒~~~
落返去四樓洗面刷牙後又上返十樓......hea到一點,宜出去返團契,我就拎返腦腦落去喇~~~

o係樓下又玩o下,做o下野.......又到七點約人食飯~
今日又係四個.....我,立,恆,姨媽~
本來話去佰家樂的,點知講講o下變左去打邊爐...呵~草原羊肉~~~

嘩今日都ok勁喎..........十碟羊肉啊.........食到勁飽~
係咁食係咁食~~~呵呵呵~~~開心死~~~
食完呢~恆就同小明,jacky 佢地再去飲酒(佢地上左黎玩啊~)我就同姨媽,立返去喇~
今晚係凍左呢~~~

返到黎.......拿拿聲沖涼~~~好在仲有熱水~~~
之後出左露台.....點知俾小布見到我食煙......哈~
我個樣似好多野諗咩???不過我問左佢好多問題啊~呵呵呵~

之後上左宜房........哈~佢話我做咩成日同人玩msg~~~
哈~又話頭先打邊爐唔搵佢.......你病嘛,又唔知你係咪同d弟兄姊妹食飯,邊敢搵你喎~
但係.......嗚........俾佢搶左我部腦腦玩.........
搞到我冇得上網........

今晚睇怕都係o係佢度訓架喇.............

>>December 6, 2003 at 7:05:03 PM GMT+8

2003 年 12 月 5 日 星期五 【晴】

～不要當好人～

記得我在記事本中寫過一句句子～

～我不想做好人，我只想對我愛的人好，還有我愛的人對我好而已～

不記得寫下這句句子的時間，好像是為了我的第二篇小說而寫的。現在說我已沒了當初寫小說那份熱情了，不過細心想想這話卻忽然發現～原來要做到這樣也真的不容易啊～

做一個好人，對人人都好，自己辛苦之餘，人家也只當你是好好先生，不會對你有意思～
到真正談戀愛了，也會因為自己太好人，處處遷就對方，弄得自己苦惱不堪～
甚至連分手都會顧到對方，使自己承受加倍的痛苦．．．．．．
何苦呢．．．．．．值得嗎？

做好人沒用的，只要你愛的人對你好就夠了～

>>December 5, 2003 at 7:07:51 PM GMT+8

2003 年 12 月 4 日 星期四 【晴】

哈~天氣報告話聽日會轉涼呢......大家小心啊~~~

今日我狀態依然唔好........
尋晚病到九彩都仲要去飲酒,今日喉嚨痛死都好正常~
好在有食藥......個人都叫做好返少少,但係成日鼻塞囉.......
訓到九點幾......八點堂照舊唔返(死剛仔又話今日唔駛返.................)
十點就去上 PE 喇~~~今堂都仲係練習呢.........下星期考試喇~~~

上完堂呢就去食飯~~~呵呵~~~阿立今日唔知醒,得返我,恆同姨媽~
真係唔講得笑.....一講姨媽,姨媽就到喎~嘩今日痛到我呀......又病喎,雙重痛苦呀........
今日去左食牛丸呢~~~呵呵~~~姨媽真係好純.......
食完呢我就返左宿舍搵宜,姨媽就陪恆去剪頭髮~~~

一路無事.......上網上到五點幾就返房~
七點約左佢地出黎食飯呢~~~
今日有七個人啊......我,立,恆,青,姨媽,家豪,仲有一個00級師兄阿...淇?奇?騏?
咁我地去左豪景........哈~今日勁好笑.........成班又不停咁吹水~~~
家豪少有咁.....呵呵呵~姨媽唔聲唔聲.....原來~~~哈~~~
不過冇左sa o係度,真係會冇咁好玩架有時~~~呵~~~開始掛住佢喇~阿立都想佢快d返呢~

食完又一路打打鬧鬧返黎......呵~沖完涼就打日記喇~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
世界上有很多東西
都是在朦朦朧朧間是最美的
當一切都清楚了
真相卻可能不再美好
那麼,為甚麼我們還要事事追求真相呢
有時候,由他朦朦朧朧不是更好嗎

凡事太盡,緣份勢必早盡........

>>December 5, 2003 at 3:33:16 PM GMT+8

2003 年 12 月 3 日 星期三 【晴】

好慘呀今日..........病呀..........

今朝七點起身想返學,點知一醒左都未轉身就係咁勁咳.........咳到我想嘔咁~
好喇.......等到唔咳喇......個喉嚨又勁痛.......都仲唔止~
喉嚨痛之餘仲要肚子痛.....我入廁所諗住洗面.....點知變左肚瀉.......
瀉完一次我唔得喇.....send msg 叫人幫我請假......剛send完又黎過~~~
一共瀉左三次呀......撞鬼~
搞到我連小剛個唱K 大會都冇得去喇~~~

瀉完我又訓返........冇藥食......一路訓到十二點,宜打黎搵我~
順手買左野上黎俾我食...........
之後我又o係宿舍呆坐.........今日好唔得呢.........
下午落去宿管度拎報紙,順便拎埋sa留俾我的,她房的鎖匙~佢返左香港呢~
哈~佢仲留埋條頸巾俾我啊~~~估唔到咁快搞掂~~~只係用左一晚咋~~~
呢條係第一條朋友織俾我的頸巾啊~哇哈哈~好開心~~~終於有人織頸巾俾我喇~~~

之後上左去宜房上網,一直到五點幾,宜出去拎粥,我就返房~
佢拎埋煲粥上我度,咁我又一齊食喇......呵呵
食完呢~佢就去上堂,我就......洗煲囉~
洗果陣仲要塞埋水喉.....頂~搞左一大餐至搞得掂~~~
洗完又去食第二餐喇..哈~約左阿立佢地出去啊~~~

今日阿sa返左香港,所以得返我,恆,立同埋姨媽出去~~~
我地諗左好耐都諗唔到去邊食飯~最後係決定左去食蘭州拉面~
食完都八點幾喇~~~我就仲要趕第三場......哈~新聞學院校運會慶功喎~~~
咁佢地約九點.....點知都係等到成九點半至出發囉........
呢場去左老地方....我都冇點食野,因為都實在幾飽~~~
主要又係飲酒......今日都飲得唔多,六七杯左右啦~熱身完就走喇........呵~

返到黎......成身酒氣.....沖完涼又上宜房打總結~
但今日上佢房就聽野多過打野~~~後尾佢仲用埋我部腦腦,我就自己閃埋一邊做功課.......
做到三點幾呢......部腦終於都返黎我度喇~但我都因為太過眼訓,所以走左去訓喇......

>>December 5, 2003 at 3:08:20 PM GMT+8

2003 年 12 月 2 日 星期二 【晴】

唔.........又係星期三..........

朝早照舊係唔趕都唔起身......九點半仲訓緊,返十點喎.........
又係拿拿臨換衫走........再一次唔記得帶電話出街呀下.........
好在記得宜個電話咋.........send左msg俾佢叫阿sa等我~~~

放左學就搵埋sa一齊去食飯,順手去再睇過d冷~~~
去左連升食啊~好耐冇試過食飯咁平喇~哈~
之後去行左幾間鋪,但係都係睇唔o岩~最後都係去返第一次睇果間度買~~~
哈~sa買左卷粉紅色線,仲有卷黃綠色的係我俾錢買,佢負責織的~
之後行到兩點左右,我就返黎上堂喇~~~
返黎果陣見到宜出去睇醫生........嗯,保重保重~

曾智偉今堂講左考試時間喇~12月29日......14:30~16:20 1503室~
上完堂又上左sa房上網~~~嘩點知見到佢已經織左好長的一大截....呵,勁~
咁我由四點幾一路hea到六點幾,之後因為恆要出去睇醫生,立又有野做~
所以遲遲都未有得去食飯~~~最後約左七點九出去食飯......
我地去左食拌面呢~今次阿浩都有黎,係咁俾恆叫佢入港分~哈~
臨食完見到儀媽喎~咁梗係等埋佢啦~佢原來出黎印野,阿sa都係喎~

講起就勁喇~sa今日好燥呢~~~影印影到咁火我都好少見~
佢去第一間,叫老細影兩張單面轉一張雙面,個老細當佢冇到,全部影返單面~
第二間......我地放低走去食完雪條返黎都仲未開始印......
最後去第三間先至正常d,可以快快手影晒~睇住佢個樣變呢~恐怖~呵~
跟住幫宜買左野食就返去喇~~~

返到去...........hea到點幾......諗住打份總結,點知勁眼訓......
怕後梯又俾人鎖門......(尋晚返落去果陣四樓後梯門俾人鎖左囉,嚇得我丫~)
諗住o係十樓訓時又記得佢地冇被喇........
阿sa話俾我同佢孖鋪~但我都係覺得我會壓死佢,同埋唔多好意思,所以都係落返去訓~呵呵~
好在今日度門冇鎖o者............

>>December 4, 2003 at 6:10:46 AM GMT+8

2003 年 12 月 1 日 星期一 【晴】

唔..........今日又走左八點堂~~~
返英文又不知所謂........跟住就去左食飯~~~拌面~~~
食完去左行勝佳.....咁都hea到兩點幾.......結果連堂都冇上.......

跟住去左佢房上網..........五點幾就諗住出去食飯~~~
今日特別d~係同首領,粟米,Florence,sa出去食喎~
食完去左睇冷線..........sa話幫首領織喎.............
睇左一陣sa就返去上堂,我就繼續陪首領佢地行超市~~~

行完返黎,諗住幫首領個雪櫃鏟雪啦.....阿立又打黎問係米出去食野......
呃........係我錯,語意不清...........
結果又走左出去食m記.......阿立未食飯啊~~~

食完返黎拿拿聲沖涼......頂.........我淋濕個頭之後佢冇熱水囉..........
搞到我同房要幫我出去拎熱水返黎........
沖完又上左1016........想去首領度但佢又話訓..........
結果玩到兩點左右就落去訓喇..........
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
近來很愛發夢,也很愛幻想
無時無刻都可好像入定般進入發夢狀態
夢中的情節雖不一樣,但~都有一個你
我無法解釋~
是太想念?抑或是不甘心?又或者是太無聊?

日有所思,夜有所夢.......
又唔見我發夢中六合彩o既?

>>December 3, 2003 at 10:33:39 AM GMT+8

2003 年 11 月 30 日 星期日 【晴】

嗯嗯..........今日係難得的星期一呀~~~
終於都可以名正言順咁訓到十二點至起身喇~~~

本來今朝十二點要落去拎阿青俾我的假紙架~
但十一點幾佢send msg黎話唔駛~咁我又即時再大覺訓喇~~~
去到十二點三左右啦~收到宜的msg問我食唔食飯喎~
哈~我先至拿拿臨起身換衫gel頭出門口~今日去左街口間新豪記~
仲見到個好可愛的小b~

食完返黎,上左宜房.....離奇地係我催佢地去返學囉~
結果我都係遲到......要坐第二排.......而且仲都係訓著左~
訓醒都差唔多落堂喇......落左堂就搵埋阿sa,跟住出暨花搵埋宜就出去食飯~牛丸~
嘩真係撞鬼,今日我居然食唔晒.....飽喎~!!! 無底人叫飽呀!!!幾恐怖呀~
明顯係我一路食佢地引我笑,頂住左...食唔落啦~

食完呢就佢地去上堂,我就返房~
嘩我又做左件平時冇人會見我做的事喇...........做功課...........
唔知發咩神經,我做做o下功課又走去抹東西........
諗住佢兩個放學我就上去上網......點知佢地要練劍....聽日考試~
之後sa叫我去拎野......我落去就見到一大班人,先記得原來今日評文明宿舍囉~!!!
sa同宜拿拿聲返左上去執野,我都上左房執野~
哈~難得一日會有女仔去到男仔房,同埋男仔入到女仔房呢~

搞完晒又十點幾喇~沖埋涼就上左去佢地房.........
今日部機又上唔到網囉.......呢幾日都神神地咁.........唉~
o係佢地房又食野........肥死喇.........
唔敢hea太夜..........兩點左右就返落去喇~
又是平靜的一天............
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
走在每次上課必經的那條路上,總會令我想起很多事情
想起一年前的自己,想起那個快忘掉的諾言
想到學業,想到感情
環境不同了,人卻依然幼稚
凋零的落葉更增添這種傷感的氣氛

今天的你還好嗎?
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一直一直,我都是個長不大的小孩子
需要人注意,需要人呵護
會扭計,會撒嬌,會不負責任
我不想長大嗎?不是~但現階段我找不到使自己成熟的方法...............悲哀

>>December 2, 2003 at 9:45:36 AM GMT+8

2003 年 11 月 29 日 星期六 【晴】

今日慘喇.............

尋晚sa冇返黎訓,咁我咪訓佢張床囉.......
點知今朝七點佢就返黎,第一件事就係踼醒我~
我諗住訓到八點就返落去架嘛......而家迫我早左一個鐘起身.........嗚~
佢一訓落床就訓到死左.......算,連通兩晚頂係咁架喇~
咁我只好一路上網一路等時間過,八點三左右就落返去換衫喇~~~

九點二十分,我準時去到體育館~
今日要幫校學生會做野喎.......尋晚又夜訓,又跌過落水作病緊,今朝又要咁早起身~
個人去到果陣都完全不在狀態囉.........
學生會又唔知搞咩.....唔駛咁多人就唔好叫咁多人黎啦........浪費時間~
o係度行行企企三粒鐘,十二點就放左......約左恆同立去食飯~哈~今日係"三劍俠"~
去左食多滿分呢~~~終於試到喇~~~

返黎上左宜房.......哈~阿sa仲係一隻死豬...........
o係佢度上網上到五點幾六點,阿sa終於醒喇~仲好鬼醒tim~~~
之後就約左立出黎,去左駿輝食飯~
跟住做過咩呢......唔記得左喇~
呢日都幾平靜...呵~冇野做~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
越來越覺得自己很敏感
很少很少的事也可以讓我的大腦發揮無盡的想像力
很多的言語,很多的對話,很多的動作
是無心的一句,還是另有暗示?
我已無法分辨........

人在異地,我又能怎樣?
這麼近,那麼遠.............

>>December 2, 2003 at 9:09:27 AM GMT+8

2003 年 11 月 28 日 星期五 【颳風】

今日係港分的旅行日呢........
尋晚我終於返左自己房訓......今朝七點三醒左...........
跟住換好晒衫就落去集合喇~~~

我同阿恆一組呢.......呵~組長係家豪~~~仲有組員菊明、淇淇、阿ming
我地好勁架.......F 組~~~
今日我仲到落埋水.......唉~
玩果個唔知咩........過水上那個浮橋,去到中間一失平衡就仆街喇~~~
跌左o係個浮橋一次,之後跌落水......副眼鏡就咁又玩殘左.......
超勁凍囉.....十幾度玩.......d水又污糟.......我套衫拎出黎d水係黃色架.........

之後玩煮飯仔.........我走左去劈柴起爐囉......呵呵~
煮出黎........都食得架.......都ok架~~~
但我勁凍囉........同埋d煙好攻鼻........我眼水鼻水係咁流.......哈~
食完就影相.........之後又去玩遊戲..........
最後去返草地影相............仲掟左Simon 落水......呵呵呵~

回程之後返房沖涼.......順便想整眼鏡但唔成功~
七點就出去豪景食飯..........
今餐食到好飽.......之後仲係咁隊酒~~~
本來話做阿文.......點知差d俾佢做返轉頭~~~好在我仲頂得住~~~
臨走果陣就真係有少少wing喇.......不過冇人信我.......唉~

返左房.......超急.......如左個靚廁之後就順便沖涼~
嘩個人一路沖一路不自覺咁震囉........飲左酒係差d架...........
沖完都仲係勁大陣酒味..........又眼訓,但要等宜返,上去上網,唔訓得~
而且我一訓低就想嘔.......so冇得訓~~~
佢返黎呢,我就上左佢房洗衫兼上網喇~~~
sa 今晚又通頂呢.......勁~

今日心情起伏都幾大........主要係又見到d唔想見到o既野..........
唔講喇...........

>>November 29, 2003 at 5:16:28 PM GMT+8

2003 年 11 月 27 日 星期四 【晴】

尋日又o係樓上訓..........今朝本來話返八點堂的~
點知七點醒左,拍息個鐘又訓過........
又走左林如鵬堂喇........五堂喇~~~
之後 pe 唔駛返........咁我同fanny就走左去足球場踼波喇~~~

踼完波呢~我就約返四兄弟出去食飯~~~
我地又係諗住去多滿分的~點知今次仲離譜........去左屋台~
又係無底的一周表現的大好機會~
我地又係咁食食食........哈~又肥喇~

食完都兩點幾喇~~~咁我就返房啦........
一路去到七點..........就同宜出去食飯~去左金城~~~
之後就返體育館睇土風舞..........呵~跳得好好呢~~~
睇完就陪左宜去搵法學院班人一齊返房~~~
o係宜房上左陣網就返左落去訓喇........聽朝要去旅行呢~呵呵~

回味體育館的那一個小時.................

>>November 29, 2003 at 5:37:54 PM GMT+8