2003 年 12 月 20 日 星期六 【乍雨乍晴】

今日........嗯~浪費左一日啦又~~~
起身諗住溫書,點知去左上網.......
上完網諗住溫書,好~溫啦~
溫左一陣又走左去睇vcd........哈~~~

之後宜落左黎搵我~~~呵呵~~~俾佢睇到我玩緊連環新接龍tim~~~
咁佢走左我又繼續玩........呵~都睇多左一次書囉......之後就出左去食飯喇~~~

今日飯局冇左阿sa.........佢屋企人上黎同佢做冬呢.......好幸福啊.......
我地同左青出去~~~
講左好多野........青成為第五個兄弟~~~
後尾sa返黎join返我地,又去五飯再傾~~~

其實,我覺得每個人都有每個人要面對的難題~
好似我地玩開呢班咁,其實個個都有自己要面對的,各方面的問題~
只要撐得過就一天都光晒喇~~~
同埋做返自己,唔好搞到自己咁辛苦.......何必呢~係咪?
雨過一定會天晴..........嗯嗯~

應該開始回暖喇掛.........就凍死喇我...............

>>December 21, 2003 at 4:32:38 PM GMT+8

2003 年 12 月 20 日 星期六 【乍雨乍晴】

尋日.......呀唔係,係今朝~
我地又出左去喇~~~

尋晚四兄弟又去左食麥當當,之後興起又話出去行百佳~~~
好在真係一早叫定我地沖晒涼咋~~~
十一點返到黎又再出去........肚餓喎有人........哈~
返黎諗住打俾細佬講生日快樂,佢又唔聽.....=_=
結果打左俾tor tor ,都傾左一陣架~~~跟住約左十二點出去~
出左去bbq........之後兩點幾過左石燒珈琲度坐..........仲撞到朋友,呵呵~
一路坐一路又傾傾傾..........呵呵
好耐冇試過呢種同交心朋友傾偈的滋味喇~~~
咁坐到五點幾六點左右我地就行返黎喇~~~

婷~
終於都收到你張聖誕卡喇我~~~好鬼死開心呀~~~呵呵呵~~~
你放心啦~~~我都好耐冇食過煙喇~~~睇黎應該唔會再食架喇~~~
真係對身體唔好,我都知架~!!!呵~~~

而家的首要任務............讀書~!!! ALL PASS~!!!
跟住..........減少食量~!!! 順便減返肥~!!!

tor tor~
我一定等你電話~~~呵~~~
好想你快d黎~~~哈哈~~~
見唔到都可以傾電話丫~~~

呢牌日日都好凍.....各位小心身體呀~~~

>>December 21, 2003 at 10:12:09 AM GMT+8

2003 年 12 月 19 日 星期五 【乍雨乍晴】

好楊露~好細佬~~~!!! 生日快樂~~~!!!~~~^+++^~~~

嘩嘩嘩.............凍到痴晒線呀而家...........
我宿舍呢邊得返五度左右咋撞鬼...........五度呀~~~
而我仲係好搞笑咁著緊短褲同埋短袖衫架.......
仲要上左十樓.....今晚如無意外都係訓地架喇........
好在帶多左件冷衫上黎........應該冇咁凍掛訓果時..........

仲有一個星期就考試喇......真係話都冇咁快.........
打返個時間表出黎先~

12.29 中西科技比較
12.31 英文
1.2 新聞通訊寫作
1.5 中外新聞作品評析
1.6 宣傳輿論學
1.7 新聞采訪(8:00~9:50) / 中國新聞事業史(14:30~16:20)
1.8 外國新聞事業史

慘唔慘丫你話~~~仲要係有一日要考兩科tim.........慘過去死呀..........

而家我手頭上仲有一篇總結未打......自己留低的蘇州屎........唉~~~
今晚一定要清晒佢......!!!

頭先首領打黎問我拎返張被.......唉~
佢地都唔夠用呢.........難為佢喇.........
我其實應該返落去o既......嗯........

今日去左打邊邊........哈~原本已經冇錢喇~
陪sa 去換新幹線又廿幾,今晚又四十..........得返十蚊咋我..........
唔好再出去食飯喇.........都係做返泡麵王算喇~
不過又睇到一樣野喎.......呵呵~果然係仲有一段距離,咁睇怕果件事機會都幾微喇~~~

tor tor 話 25 號會上黎......會搵我?
但我又唔知你去邊食飯.....好想搵你長談啊~~~
好耐冇見你,又冇同你傾.......好掛住你架我~~~日日都衣架你架~~~
出黎玩都好丫~~~不過我又冇錢玩喎~呵呵~~~
你又唔過黎暨大...唔係俾你訓一晚宿舍又點話丫~~~juli 唔俾咪訓我張床囉~~~
發生太多事喇近牌.......好多野想同你講呀~~~

Beaker 都係~~~
我都有一排冇搵過你喇~
因為........近牌的確心情唔多好,搵你唔知可以講咩......
同埋........我同你講過的某種原因啦~
但其實我都有好多好多野想講俾你知架~~~
我知你間唔中都有黎呢度睇我日記~
哈~~~我有機會一定會同你慢慢傾架~~~呵呵呵~~~

努力溫書~!!!努力考試~!!!我要全科合格~!!!我要追返d GPA~!!!
我要做副會~!!! 加油呀一流仔~!!! 上呀~!!!

>>December 20, 2003 at 9:27:17 AM GMT+8

2003 年 12 月 18 日 星期四 【乍雨乍晴】

呢幾日凍左好多呢..........

寒冷,有時唔單只係肉體上,心靈上o既寒冷更令人可怕.......
呢幾日可謂身寒心寒都試過晒喇.........

近呢兩日都好懶.......溫書的時間少左好多~
因為最唔想面對的一個事實終於都面去面對.......
呢件事唔單只令我一個心寒,應該仲有人更無奈.........
加埋又要搞埋港分d手尾........都係我啦,早早唔做,係要拖到而家,抵死~

阿sa近排有不幸的事發生左.........唉~
希望唔會再有啦~
好兄弟,有咩事我實撐你架~
只要你記得,當你想搵人時永遠會有人o係你身邊支持你就得架喇~

唉..........仲未拎晒考試要溫的筆記tim..........死喇~呢次大檸樂喇.......
萬一又要retake就慘喇......真係要大五???唔得架~唔可以呀~~~
我下個學期仲有 15 學分係必修科.......點算???

呢期都冇乜心情打日記tim......哈~你地睇住我發神經寫d野先啦~~~呵呵呵~~~

>>December 19, 2003 at 6:39:10 AM GMT+8

2003 年 12 月 15 日 星期一 【陰晴不定】

今天........一切看來很平常

依然是遲了起床
依然是渾噩地上堂
依然是一副天真樣
依然是下午去溫習
依然的.......感到那麼一點置身事外
所以........心情依然是差

每一次都是考試才出事.......
算了,還是去玩自閉算了...........
那些煩人的史料已經夠討人厭,不想再有其他感覺來煩我了~
否則那天我會忍不住打人我也不知道.........

我一早說過,我其實是個心靈脆弱的小朋友而已........
最喜歡無事搞事......其實一切都是我自己的問題吧?

>>December 16, 2003 at 11:56:40 AM GMT+8

2003 年 12 月 13 日 星期六 【颳風】

慘喇...........又大洗喇今日~~~

又m記又打邊爐.........無錢喇........得返三十過呢個十二月.........
今日都係好乖咁去左溫書喎.........
都係爭少少就溫完一科喇.......開心~~~

打邊爐又見到阿然同阿miu~~~呵~~~拍拖打邊邊啊~~~
今日餐飯真係笑到合唔埋口........頂..........笑談旺角話........呵呵~

今晚有流星雨睇喎..........班女就出晒露台睇星,對面班仔就出晒門口睇女兼睇星
兩年前的我或者仲會好期待呢一d時刻,而家...........冇果種興趣lu.......
機會係靠自己爭取架,要黎的總會黎,唔係的話你對住幾多流星許願都冇用~
同埋.......唔知點解我好記得一句說話.......
流星係因為太多人向佢許願,佢承受唔住先至會跌落黎架咋~
其實流星本身都好痛苦.........點解仲要向佢許願呢?

呢牌又再發現自己心靈其實好脆弱......
我咩都唔驚,最驚係得自己一個~
好驚一大班人果陣得自己一個入唔到........俾人隔左o係出面......
果種感覺.......好無助.......好驚.......
我諗如果有人玩杯葛,我一定會死.........實在太怕冇人理我喇~~~
係我自信心唔夠?定係我天生怕寂寞?

唉........又覺得人生好虛偽.........

>>December 14, 2003 at 6:01:06 PM GMT+8

2003 年 12 月 12 日 星期五 【乍雨乍晴】

呢幾日都好凍呀............
慘在我人在廣州...仲凍過過香港幾度架.........嗚嗚

原本諗住呢個星期會返香港架.......不過後尾計計o下,返左去我就無錢過十二月~
而且俾老豆話左左我一餐.......呵~算喇~唔返喇.........
不過對唔住阿浩.......答應左佢返去比賽又唔返,sorry呀.......

呢幾日呢........我一反常態,走去溫書喎~呵呵~
冇人信我會溫書囉...........咁都就考啦,唔溫真係等重修咩........
有一科我仲差d冇得考......而家有得考都應該係等重修喇......考完扣十幾分喎最少.....唔駛考啦......

尋日就勁癲........走左去唱通宵K.........哈~考試前最後一癲,玩埋就唔再玩喇~
係咁唱係咁唱........哈~儀媽加入左我地玩樂團啊而家~~~
超開心........四兄弟又一齊去 47 棟溫書.........good~!!!

不過我手頭仲有一份計劃書,一份總結報告要寫~
仲有一科份考試論文要做......3000 字喇又~~~
悲............

今日又有第二d事發生左.........唉........又煩~
雖然唔係我自己的事,但我聽到都唔知點反應好~~~
點解要係咁?好玩咩?
唔好再咁樣喇.........玩夠喇~

>>December 13, 2003 at 5:15:19 PM GMT+8

2003 年 12 月 8 日 星期一 【乍雨乍晴】

嗯...........星期二~凍左呀又~~~

尋晚喇............又o係十樓訓喇.........結果喇.........今朝七點我醒過架~~~
不過........訓返之嘛.............再起身已經十一點幾差唔多十二點喇~
咁好明顯........我又走左四堂喇...........再hea左一陣咪同sa去食飯囉~

食完飯之後呢,就去左上堂喇~今日有點名呢............
上完堂就又上左去十樓,鬼叫我俾左條鎖匙sa咩.....
結果又o係佢度hea左幾粒鐘.......七點幾陪左佢去sit堂~
哈~~~又去教學樓喇~今日去三樓喎~~~坐低冇耐就收到立個電話~
呵呵~我地就o係阿sir點完名果陣走喇.....臨走仲見到d野囉~呵呵~

跟住約左阿恆同姨媽,咁就出左駿輝食飯.......
食完就返黎喇~~~

死喇......已經hea左足足一個星期喇........
乜都冇做過.....咁唔得架,要醒喇一流仔...........
考試喇........快d撻著啦.....冇時間喇.........好溫書喇,唔可以再衰架喇~~~

>>December 9, 2003 at 5:49:01 PM GMT+8

2003 年 12 月 7 日 星期日 【颳風】

今日係星期一..........哈,半day off 啦~~~

今朝十二點幾先起身,仲要係宜打黎我先至醒........呵呵~~~
之後因為sa訓死豬咁......呵~唔駛叫佢啦,咁我就同宜出去食飯~~~
今日食拌面居然feel到飽喎.......奇~~~

之後就去上堂啦.......阿sir痴線架.......今堂係咁抄抄抄....摩打手呀~~~
上完堂諗住搵佢地食飯.....但恆同立又要上堂~
sa同宜就去打邊邊....咁我咪諗住返房囉~
跟住至記得我d野留晒o係sa房.....咁咪打俾佢叫佢拎key俾我囉~

一拎就出事喇.......呵~傾傾o下我直情出埋去同佢地打邊邊........順手出去買野~
打完邊邊呢........去左黃振龍.......又睇到飲管喎......某人要2150粒丫嘛......嗯.....
hea到九點,我又同立,恆出去食第二場~行行下仲見到阿南tim~~~
佢個款.......哈~本地化中呀......佢諗住去五飯睇沖上雲霄,但俾我地拉左出去囉~

我地出去食左拌面~~~食完阿恆話想去買拖鞋,我地就出去睇,南就返去先喇~
出左石牌........又去返條巷度........又俾我見到d飲管.......究竟點摺架呢?有冇人可以教我?
咁恆買左拖鞋之後呢我地就返去喇~~~我仲順手配左條鎖匙tim~

返左黎之後呢~~~哈,十一點十分仲有熱水喎~梗係拿拿聲沖涼啦~
沖完睇左陣報紙就上去喇~~~
上到去.......點知部機今日虧左囉.......上唔到網囉...........
咁結果sa又o係度hea,我就打總結,但都係打得幾隻字囉........
後尾打打o下我地走左去睇相.......一睇就睇到四點.......嘩~
咁o既時間.......我梗係唔會返落去訓啦,咁結果就o係佢地度訓喇今晚......訓地啊.....嗚~

>>December 9, 2003 at 10:42:47 AM GMT+8

2003 年 12 月 6 日 星期六 【晴】

臨到考試前又再次頹廢............

尋晚玩到三點幾四點至訓,今朝十二點至醒.........
醒左諗住開腦做野打報告計劃書會議記錄果d啦.......點知又走去上網~
全日都未返過落房........又冇食過野冇飲過水..........嘩勁呀.......
一直去到下午六點幾至返房換衫出去食飯~~~

咁出去果時遇到小布.......哈,一 條友喎~
咁佢又話唔同我地食喇,咁由佢啦~我地諗住食拌面~
點知中途見到阿青佢地,好搞笑咁玩左一陣,佢話小布o係轉彎位喎~即係印尼炒飯啦~
咁我地又點會放過呢個機會呢~所以決定過去喇~~~

去到........哈哈~~~宜同小布一齊坐~~~yeah yeah yo~~~
食完小布又俾我地叫住一齊去黃振龍.......之後就返去喇~~~
跟住到左樓下,我就自己上去先,宜去拎唔知咩.......
咁上到去.......我今日衰仔喇......忽然間唔開心,咁就.......一次過食左四支煙......

之後sa打黎,話就返到,咁我就約佢出黎食野......m記呢~~~
約埋立同宜o係附小等.......之前去左買野~
為左俾到個盒阿sa同埋唔俾自己再食煙,我將盒煙倒鬼晒........
出到m記.......呵~係咁笑笑笑..........幾日未試過喇~~~
返黎仲差d夜歸.........好在,o岩o岩好~~~

返左房......試左樣新野至沖涼.......嘩勁唔得~結果我將樣野又倒晒........
大家都估到係咩啦下話........呵~成包煙俾我完完整整咁倒晒......好難食~
搞掂晒就洗衫.........今日又痴左線......又叫自己做 朕 喇........俾阿橙同化左,呵呵~

再掂埋就上左宜房.......俾家姐鬧啊今日.......sorry呀~~~
但拎左d相,開心呢.........

>>December 7, 2003 at 6:26:45 PM GMT+8