2004 年 1 月 3 日 星期六 【微冷】

唔得喇............
聽日開始 4 日考 5 科.........
我忙到得閒死唔得閒病.........
唔寫日記住喇~~~
等我過左呢恐怖的4 天先啦~~~
到時我就返香港喇...........呵呵呵~~~

而家好掛住屋企.............唉~~~個幾月冇返去喇...........
個頭七到爆.........算,不嬲都係架喇~而家更衰o者.............

祝自己考試好運喇............
但我聽朝要交果篇論文而家仲有一半未寫.........呃..........
阿彌陀佛...........

>>January 4, 2004 at 4:34:51 PM GMT+8

2004 年 1 月 1 日 星期四 【颳風】

今晚,天氣好像轉涼了..........

下午結果也沒有去溫習,呆在電腦前不知要幹啥...........

至於晚上..........
果然是吃M記沒錯,哈~又中了~不過這天我並不是太瘋狂,只是意思意思一下~~~呵呵~~~
吃完,行了一會萬佳便回來丫........

腦子又不停的想東想西~
真是他X的 "大激想" ........呵呵呵~

為什麼會想東想西呢~~~我也不知道,可能又是近考試吧?
每次考試都不會有好事出現........哈~~~
幸好中西科技比較出了成績............85 分,算是有交待了~~~

近來心情都不太好,又在自己搞屎了~~~
多餘多餘多餘.........甚麼都多餘~~~
可能從小到大都一個人,別人在中學會孖公仔,我卻是"大眾的朋友"哈~
又沒有兄弟姐妹談心事.........其實我很不想這樣的~
我會很想有個人可以將我放在第一位~
無論發生何事都會陪著我~

大眾的朋友..........名字說來好聽,實際上即是沒定位,感覺上就是無家的人~
平時一大班朋友一起並沒問題,甚至可能大受歡迎~
但當要遇上二人分組時,每一個同學都有自己"孖公仔"的知心友~
你呢~卻是等大家分好了,那個剩下來便和你一組.....
反正你是大眾的朋友嘛,和誰都合得來,不是嗎?
那種感覺,對我來說其實很難受的,你們知道嗎?
我需要的,正是這一種"孖公仔"式的安全感.......我不想在我需要人時想不到那個人一定會幫我~!

正正因為這樣.....使我極易把感情和知心友情搞亂........
每當我遇到一個比較明白和關心我的朋友時,我常會把她錯放在一個錯誤的位置.....
前車可鑑.........我不只一次這樣了~~~
雖然現在未有這種情況發生,但我趁想到要快點記下,以免又再重蹈覆轍........
這樣只會嚇走所有想關心我的朋友而已..........

有時候,四兄弟同行時我也會有那種不安全感.......
不過......現在好多了吧?
打上日記後心情自然會轉好..........呵呵~
謝謝恆今晚的談話......受益不淺~~~

又肚餓了..............呃~~~

>>January 2, 2004 at 8:08:50 PM GMT+8

2004 年 1 月 1 日 星期四 【微冷】

哈哈哈~~~

今日...........考 新聞通訊寫作~~~
尋晚又溫到兩點幾,之後訓到今朝七點半起身又溫........考十點幾嘛........
今朝個人好醒喎.......係咁記野入腦~~~

但係...........唉.............
去到試場,睇到份卷,個心涼左半截..........
前面少分果d我識架.........mc中晒架.....詞解一個有溫一個冇溫~每個5分
社會觀察通訊 & 新聞眼 <---呢個唔知咩黎,冇溫~
兩條短答題目係"近幾年來新聞文體風格的轉變"同埋"詳述社會觀察通訊的主要功能" 每條15分
條LQ仲死......一條大題40分,下分兩小題......俾篇文我地睇,睇完講返係咩通訊同埋文體風格變化
成條題目我夾埋只係答左6行字..........完全諗唔到野.........
6 行字咋..........呢次仲唔大炒粉???杯大檸樂有咁大得咁大啦~~~

我俾左成個鐘自己答呢條題,但係個腦好似便秘咁,硬係谷唔到野出黎~
為左分散自己d注意力,等個腦可以忽然彈返d野出黎,我咪四周圍望囉~
哈,俾我望到sa原來坐我隔幾行前少少咋喎~~~佢個樣都唔好得我好多丫,只不過冇兩頭望囉~
咁我就一路係咁望周圍,一路望返份卷......
結果都係6 行..........個人灰晒.......哈,又等重修喇~~~

不過我發現呢~原來隔離個位冇人坐係開心好多架~
原本坐我隔離果個早走,哇佢一走我忽然間覺得輕鬆左唔少呀~~~
希望跟住果五科唔好有人坐隔離,就算有都會早走啦~~~

仲未溫晒書........四日五科.......我而家至溫完一科,有兩科直情未開始溫.....死唔死丫你話?
仲有篇三千字論文........唉.........
今晚去食m記呀應該......o岩啦,搵野平伏o下我d情緒呀~呵呵~

>>January 2, 2004 at 7:01:37 AM GMT+8

2003 年 12 月 31 日 星期三 【微冷】

YEAH YEAH YO~~~HAPPY NEW YEAR~~~

終於............終於又過左一年喇~呵呵呵~~~
尋日除夕........哈~我地四兄弟仲溫書溫到夜晚十點,之後至出去玩~~~
鬼叫撞正考試咩..........唉~

跟住約埋阿南出左去遼北餃子館食飯啊........順便睇電視倒數.........
一路去到三點幾四點至走.......轉場去食燒烤.....點解呢?
哈~~~因為我地見到隻老鼠啊..........sa佢地嚇到彈左出房.........

咁再去食完燒烤都成五點,咁我地就返黎喇~~~
開心的一晚..........呵~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
很奇怪,近來總有一種感覺..........
一種自己心態回到孩提時代的感覺
最明顯的,是會和別人爭玩具的心態
一種不甘心每一次都要和別人分享自己喜歡的東西的感覺
是很孩子氣,但我不能自己.......

>>January 1, 2004 at 6:40:14 AM GMT+8

2003 年 12 月 29 日 星期一 【微冷】

今日.......花姐生日快樂~~~呵呵呵~~~

尋晚好慘呀............通頂~~~
因為阿sa考8點.......我負責叫醒佢半夜起身溫書..........
結果我就成晚都o係度睇尋秦記小說........呃~呵呵~

尋日鈺姐上左黎我度........講左好多野啊~~~
之後佢又同我一齊上左sa度~~~
o係佢房講左好多我地應該做但冇做的事~~~
例如話.........早d訓啦、飲多d水啦、唔好訓地啦等等~~~
哈............講到我唔知點好.............
我知,但我..........唔係想特登唔做架~~~

仲有~尋日中午終於食得返佰家樂魚腸焗蛋飯喇~~~好開心呀~呵呵呵~~~
夜晚去左好耐冇去的蘭州拉面~~~哈,好耐冇食大佬面喇......呵呵~

>>December 30, 2003 at 9:24:33 AM GMT+8

2003 年 12 月 27 日 星期六 【微冷】

今日啊...........又係溫書day~~~
聽日就考試喇.........今日勁多人去溫書呢~~~

今朝十二點唔到就醒左,約左四兄弟一點出去食飯~~~
以為有人會黎,但結果都係四個人出~~~
去左食牛丸呢............食完就返去溫書喇~~~

今日..........完全明白到有野聽住黎溫係幾咁好~~~
可以聽少好多雜聲.........哈~我都係果d人地一有野講就忍唔住要去聽果d人黎~~~
俾我聽到我又專心唔到~~~
咁好在都睇完左一次中西科技比較.......仲做左少少中新史,不過又做到個人燥晒~~~

之後返去沖涼.......跟住又返去溫~~~我第一個到啊~哈哈~
今次我帶左野去聽喇~~~開到大大聲,乜都聽唔到~~~幾爽呀~~~
溫左宣傳輿論學~~~哈~~~九點半就去左食飯~~~老地方啊~~~

一路食一路傾........哈~恆又俾阿立.............呵呵呵~~~
跟住返黎就打日記喇~~~

聽日就考試..........唉~~~點解好似冇溫過書咁o既?
好似.........仲有d科我連考咩都未知喎..........
大檸樂喇........

>>December 28, 2003 at 4:03:30 PM GMT+8

2003 年 12 月 26 日 星期五 【颳風】

很好的一天~~~

今日又遲左起身............十二點幾~~~
起左身又上網~~~
之後大約兩點半左右,諗住返落四樓食野就去溫書~
點知收到青佢地打黎問我去唔去剪頭髮喎~~~呵~~~
仲話有野同我講~~~咁我就諗住出喇~~~恆佢地就去溫書~~~
我冇錢嘛,實唔剪啦~而且睇完咁多個人的成果之後..........呃~呵呵~~~

咁我就三點半左右行出去搵佢地~
一入到去.......原來青仲未剪喎~~~
咁就問佢傾咩..........原來係一件都幾唔知點好的事~~~哈~~~
咁傾左一陣我就行返去溫書喇~~~

今日主打係要 K.O 中西科技比較~~~
我成功咁睇完兩次架,希望記得多d啦~~~
之後六點幾就返去沖涼,順便去左飲奶~

沖完涼呢~我地四兄弟又返返去再溫書喇~
今次我主打係宣傳輿論學~哈~讀左咁耐今日第一次掂本書咋~~~
一路溫到十點 47 棟關門就出去食野~~~
食完就返黎喇~~~

今日過呢d先叫做似返個學生的生活嘛........呵呵~~~
之前真係玩得太太太多喇~~~
不過仲有好多問題仲未真正搞掂~~~睇黎都有排煩~~~哈哈~~~

>>December 27, 2003 at 5:22:20 PM GMT+8

2003 年 12 月 25 日 星期四 【微冷】

哈~~~咁又一日喇~~~

今朝勁丫..........七點幾起左身.......要聽講座嘛,唔係都要上堂~~~
咁八點幾去左經院........我係冇上堂囉~~~
有一團香港學生交流團黎左啊~~~又話做接待~呵~
但原來係聽兩個.........都ok悶o既講座丫.......呵呵~
諗住會陪班交流團團友食飯,點知又唔駛喎~
咁我地就去左食m記喇~~~

食完.........咁諗住去溫書........但sa話想返去訓.........
本來諗住俾佢訓一陣就出去的,點知佢叫極都唔醒~
連落去拎返d宿費都唔肯........哈哈~
咁我惟有o係佢房溫囉........順便上上網......但都上唔到~
係而家恆俾左個proxy我至得咋~~~
咁佢一直訓到六點半左右先醒,之後就去開七點的港分會喇~

個會.........比較亂.........同埋明顯準備不足~我記到的唔係太多~~~
但就拖左好耐.......原本半粒鐘可以搞掂的會開左差唔多一個鐘........
八點左右至散......跟住我地約左出去食巴西燒烤
中途撞到阿lui 佢地~~~結果一齊出左去~~~
但間野咩搞衛生囉..........結果我地要返返去屋台喇~~~

哈~~~屋台我就梗唔客氣喇~~~係咁食係咁食~~~
人出錢我出胃呀~~~呵呵呵~~~
今餐食到超飽........哈~~~好開心~~~
返黎沖完涼又上左去十樓.........但唔知做咩個人又忽然間down左囉~~~
炸左一陣機就打日記喇~~~

tor tor~
哈~o係廣州見到你真係好開心~~~
可惜要溫書,如果唔係今日我都會出架~~~
遲d返黎再搵你丫~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
朋友~
好多謝你地~係你地o係我覺得最失落時扶我一把架~!!!
尤其要多謝sa.........係你教識我一樣野架~~~
我希望我會因此改變..........嗯~
總之多謝你地~~~四兄弟永遠都係兄弟呀~~~!!!

>>December 26, 2003 at 6:53:13 PM GMT+8

2003 年 12 月 24 日 星期三 【微冷】

聖誕節~~~yeah~~~聖誕快樂~~~

今日好開心~~~因為tor tor 今日上黎呀~~~
我今日訓到兩點幾至醒........實係啦~八點至訓..........
咁三點左右tor tor打黎........問我去唔去佢度........
咁傾左一陣都係決定去丫~~~sa都約左佢個fd o係天河城~就一齊坐的士出去喇~~~

出到去,我再去轉地鐵丫.........第一次自己o係廣州出街咋~~~呵呵~~~
同佢地去左仙踪林飲野,跟住就行返去佢表姐屋企喇~~~
去到.......哈~~~有兩隻好可愛的狗狗玩啊~~~
咁之後就join埋佢d親戚家長們一齊食飯........嘩,跟住仲叫埋我去夜遊珠江~呵~

其實都幾唔好意思架.......無端端要佢地請埋我~
但我又只得呢個機會可以同tor tor傾密偈喎~咁厚住面皮都去喇~~~
之後都傾返呢牌發生左d咩.......哈~~~
傾傾o下小妖打長途上黎同我講聖誕快樂喎~~~呵~好鬼開心呀~~~
之後同左tor tor 姑姐一家返天河再轉車返暨大~~~

返到黎,哈~陪左恆去食拌面,之後返房~~~
juli 終於見到我喇~~~哈~~~我呢個同房真係一日見我唔超過兩個鐘呀~真係對佢唔住呀~~~
但我跟住又係上左sa 房架..........上網嘛........但又係上唔到.......唉~
tor tor 都有再打黎呀~~~傾左一陣~~~約左聽日再打~~~
哈~開心開心好開心~~~
呢個聖誕都幾好丫~~~

>>December 26, 2003 at 7:17:56 PM GMT+8

2003 年 12 月 24 日 星期三 【微冷】

哈~~~聖誕快樂呀各位~~~

呢幾日都去左溫書........同埋玩~
呵呵呵~~~話過唔通頂,點知又係通左兩日~~~
尋晚都好夜返啊~~~

前兩日22號呢~~~我地一班fd約左出去做冬呀~~~
決定衝出天河~~~出左花園酒店果頭食飯~越南菜啊~呵呵呵~~~
之後去左仙踪林飲野~哈......跟住立佢地又興起,又去左唱通宵K............
咁又唱唱唱........唱到六點又返去~
咁我,sa同恆呢驚記夜歸,就諗住傾陣先上去~
點知傾傾o下就七點.....最後我地又出左去食埋早餐至返房訓~~~

咁果日下午就去左溫書啦~~~sa就有fd上左黎搵佢,佢出左去玩丫~~~
咁溫到夜晚就出左麥當當食野~~~sa就返黎join我地丫~~~
之後返房........上左去同佢傾........一路傾到兩點幾三點至訓~~~
傾左d野.........嗯,希望對大家都有啟發~

尋日就勁喇......平安夜,真係好鬼平安呀我地~~~
sa又係出左去陪fd......我地三兄弟照舊去溫書丫~
今日加碼tim~~~原本諗住溫到差唔多就出去玩,點知收到通知九點要開會.....蒲公英計劃
咁我地就返去沖完涼,七點又去47 棟再溫書.......哈~平安夜走去溫書.....
咁到九點就去開會啦......但勁少人到囉,冇計啦........呢日比較特殊嘛~~~
開完會,我地就約返fd出去食飯......諗住去屋台但冇位,結果去左豪景~
中途撞到sa返黎......咁佢返去沖涼之後就join返我地喇~

o係豪景玩,我地又轉場過左去bbq~~~玩到三點幾就返去喇~~~

>>December 25, 2003 at 7:35:40 AM GMT+8