2004 年 1 月 17 日 星期六 【乍雨乍晴】

今日好好好凍啊..........

今朝一早七點幾起身~九點唔到就去左維園開工~~~
本來都幾好的......都幾多人行~星期日嘛~~~

點知兩點左右忽然間落大雨喎.........哇慘喇我~~~
我又冇有帽衫,又冇帶遮,焗住淋雨......
馬姬(我老細呀~)俾左佢件風褸我著(因為有帽),但話咁快就濕晒......
但冇衫喇~惟有著住先啦~凍到痴晒線呀~

去到七點幾八點,我凍到tee tee 震果陣~
阿嫻同馬姬出左去買野,順手買左件衫返黎俾我換喎~
哇開心到我呀.........要知道呢個時候我連底褲都濕晒喇,全身凍到一條雪條咁~
雖然下身冇得換,但有得換上身已經暖好多喇~~~
換完都係照要淋,但好好多......去到十點我就走喇今日~
因為聽朝我要負責去開檔呀......八點呀........搵左sa 陪我啊聽朝~~~

今日見到好多fd 呢~~~255 有大汗佢地一班暨南人~
116 有花姐~~~269 有呂祥波三兄妹~~~
但今日搵唔到 Hawa 啊~~~算,聽日再搵~~~

今日係咁落雨......好似話未來幾日都會係咁~
咁我地d生意咪大受影響???我份糧咪好危險???
唔得架喎咁樣~~~
記住得閒去幫襯啊~~~396 檔啊~~~

最緊要一樣野.........

我一定一定唔可以咁快病架~!!!!!!
我要硬淨~一定要頂到年初三~!!!!!!

>>January 18, 2004 at 4:07:52 PM GMT+8

2004 年 1 月 16 日 星期五 【微冷】

嗯........今日好懶啊........

原本約左 tor tor 今日返勞校打波~
點知佢打黎我都仲未醒,結果冇返到去.........
聽聞佢地今日好齊人啊.....個個都返晒去.....
但我十一點幾至醒~咁就都費事出喇~
就留左o係屋企幫老豆執屋~

其實話幫都係佢執晒,我都係落左去買外賣的~呵呵~
食完飯呢~佢地就話去買年貨,我就出左旺角拎眼鏡~
哇........旺角啊......今日勁多人~可能係因為星期六下午啦~
d 人多到好似買野唔駛錢咁.......唉~幾經辛苦我至迫到去間鋪樓下咋~
拎完眼鏡我就拿拿聲走喇~要趕去祖父母屋企啊~

咁我六點都未到就到左佢地度喇~今晚食團年飯呢~哈~
我地六點幾就人齊去食飯~我個細佬(真係細佬黎架呢個,男仔黎架,細我十二年,堂細佬~)超好玩~
咁食到咁上下呢收到sa電話~但我食緊就唔同佢講住~
到七點九果陣再打俾佢,問佢出唔出維園,佢又返左屋企......=_=
早知第一次打黎果陣同佢講啦......講埋開工d野~
結果我話俾我媽知我約左人入將軍澳走先.....但最後我都冇入囉~

同sa傾左一陣電話,之後都係約左tor tor出黎~佢想去荷里活呢~
咁我地就去左行喇~然後上埋佢屋企,拎返d相,再落街食糖水~
食食o下,唔記得傾開咩......佢又引誘我去做一樣野~~~
哈~~~我對唔住sa喇又~~~對唔住細佬~~~
好在o係佢手~~~

我都唔知點解,年年食完團年飯我都會借機早走的~
唔通我唔想見到我的親戚???冇理由丫~唔係呀~
但我真係唔想留o係度喎.......唔知有咩做,唔知講咩好,唔出聲又唔知點咁~
呵呵呵~~~睇黎我真係要同佢地多d溝通返至得喇~~~
其實佢地對我都唔差丫........點解會咁呢.......嗯..唔明~

>>January 17, 2004 at 4:11:06 PM GMT+8

2004 年 1 月 15 日 星期四 【綿綿細雨】

哈~~~幾經辛苦,我終於都搬左個新芒返黎喇~~~

今日都幾好彩架......
十一點幾俾細佬call左出去,唔知做咩..........
佢同佢兩個細妹(!?)一齊喎,咁四條友又去左旺中.....佢去穿耳喎........
穿完.......唉,佢又趕返屋企,我都唔知出黎做咩........
又俾佢call出黎唔知做咩喇~~~第三次喇~~~
真係俾佢激死........

結果佢走左我就過去高登買芒喇~~~
快快手買左個芒,我就撘車返屋企啦~見到個天鬼咁黑喎~幾驚呀~
都不出我所料......我返去果陣真落大雨囉........
好在我落車果陣停左雨咋.......真係好彩~

返到黎~急不及待就換左個舊芒~
哇哈哈~~~開機見到畫面果下真係開心到叫左出黎呀~
一路上網就上到而家喇~~~

>>January 16, 2004 at 2:40:13 PM GMT+8

2004 年 1 月 15 日 星期四 【晴】

呵呵~~~
我終於都買返個芒返黎喇~~~開心呀~~~
終於都可以o係屋企上網喇~~~前幾日簡直係惡夢呀~~~

講返啦~~~
呢幾日.....唔~14號就比較無聊......出左去睇芒,點知俾細佬call左出旺角.....
出左去又話冇野做......唉~又俾佢昆左一次喇~
之後就出左尖咀睇書,再返屋企~

尋日就精彩喇~Juli 約左我地班中學同學去花姐新屋煮野食呢~~~
全女班啊.....我、沛沛、Yan、Hawa、Juli、肥巧、Betty、花姐、Gigi、明珠,Ling就出現過一陣~
哈~約兩點荃灣MTR又係兩點半至齊人...之後就撘小巴上花姐度,佢o係屋企等我地呢~
上到去先去百佳買 食送 ......呵~超正呀~~~買左三百幾蚊啊.......今日勁多野食呢~
蟹子沙律~
粟米什果沙律~
肉醬意粉~
鹵水雞翼~
什錦炒烏冬~
咖哩魚蛋腸仔~
仲有芒果布甸~哈~實在太正喇~~~
多謝 沛沛 大廚師,仲有 肥巧 二廚~~~真係好好食啊~~~不過食唔晒都幾可惜~
食完.....哈~我去左洗碗,佢地就係咁影相~Betty 俾人影到長髮飄飄......呵呵呵~經典呀~
玩到差唔多十一點我地先至走~哈~嘈嘈的一班女仔.......開心~

Gigi 三月就結婚喇~真係估唔到咁快會有同級的同學結婚啊~呵呵~
恭喜晒佢先~~~或者我返黎客串做攝影師丫~~~呵呵~~~

細佬~
你都昆左我好多次出黎喇下~都真係幾無聊~
我知你今日返上海,咁即係我未來生活都會好清閒喇?
唔駛搵你打波喇~呵呵~
一路順風啦~返黎再搵我啦~

死喇.....我開始同d低form小朋友有代溝喇~哇哈哈~

>>January 16, 2004 at 7:12:29 AM GMT+8

2004 年 1 月 14 日 星期三 【晴】

好慘啊................屋企個芒燒左,而家o係fd home 打日記咋~~~
等我買返個芒先打啦~~~

>>January 15, 2004 at 8:49:43 AM GMT+8

2004 年 1 月 12 日 星期一 【微冷】

哈~~~今日........訓到十一點幾至起身~

未醒已經聽到媽入左我房,唔知講左d咩,放低左五百.....
哈~咁我至知佢話借住五百俾我買鞋先....年宵後還喎~
之後拖到差唔多十二點至落床,一出房發現全屋得返我一個喎~
冇幾耐媽打返黎,原來佢去左吉之島....
咁佢就順手買埋飯返黎一齊食喇~

食完佢就返工,我就上左陣網,再打左俾細佬,約左佢出黎同我買波鞋~
咁我兩點打俾佢,但三點至出到黎~預左佢唔會冇節目嘛~
點知佢陣間又會唔會好似尋日咁,講都唔講聲就去左第二度架?
打俾佢....照舊係冇人聽,算喇,今日都唔想打咁多次,兩次唔聽就send sms 俾佢~
最後都係要打多次至搵到佢.....唉~

佢同埋佢個fd 一齊黎~咁我地就睇啦....基本上都係尋日睇果幾款o者~~~
咁睇左一陣我就決定買喇~~~係尋日立話果對.....黑藍 Nike 高筒~$449~
咁買完呢~我就陪左佢地去潮特睇禮物喇~
睇睇o下佢地就左份野喇.........跟住~

佢地落左底層,細佬帶左我去睇佢一直好想買果對電芯(!?)手 金厄 (死仔仲要話係情侶 金厄)..........
結果......佢提議我同佢一人一隻........反正我地都欠對方一份生日禮物,買左兩方都當送左~
但佢今日冇錢囉.......結果我俾住先~佢星期五至俾返我~唉.....冇錢~
之後我地就走喇~佢個 fd 走先~我就陪佢行返紅磡~

一路行......哈,都傾得幾開心架~
對住佢,都唔知好嬲定好笑.......要嬲又嬲佢唔落...哈~
都唔知係佢head住我定我head住佢喇....呵呵~我諗都係得佢一個可以令我咁架咋~
咁行到紅磡呢我就撘車返屋企喇~~~

返到屋企.......哈~試多次對鞋,都........都 ok丫~
不過老豆唔多欣賞囉好似.....佢都係想我買吉之島果d特價波鞋多d囉......我諗~
冇所謂啦~都買左喇~都係要還錢俾媽架o者~
仲有 sa 果d要還......啊~我份年宵人工已經冇晒喇..........唉~

>>January 16, 2004 at 7:13:38 AM GMT+8

2004 年 1 月 11 日 星期日 【颳風】

唔開心呀.........頭先打左一大篇日記,一下hang機同我洗鬼晒.........
搞到我冇心情打返tim.......

本來今日係我期待好耐的唱k日~但係......
今朝啊........起身冇耐就收到恆個電話,話 sa 有野做唔出黎~
佢自己都有野做,唔知出唔出到.....搞到我冇晒mood,索性開機上網~
但後尾立打黎話,咁就約左出喇~
去搵姑姐拎返我張電話卡之後呢,立同我就出左家樂綠盒子~
恆話過緊黎,咁我地兩條友就唱住先喇~~~
期間仲同我班師弟妹撞到正~一齊o係度唱~~~呵呵~~~

咁結果我地三個係咁唱......唱到四點幾至走~
出返黎陪左立去買褲~之後行左陣旺角,打左幾鋪機~
tor tor 打左幾次黎呢~呵~撞正我打機我都冇計架~
六點左右佢地就走喇,我就上左書局睇書等七點驗眼~

唔上由自可,一上弊家伙~
我一上就見到本絕版書又再出現o係書架~
老細話得返兩本咋,咁梗要買啦~又買左另外一本.....
我發現我樣樣都可以控制,係買書呢樣我完全控制唔到自己......呵~完全忍唔到~

買完書就去驗眼.......隻左眼又深左呢.......散光同遠視都深左~
約左下個星期六拎眼鏡......哈~用返舊框咋~有錢至配副新啦~
搞掂都成八點,拿拿聲返去食飯~約左tor tor 地十點食糖水啊~

返到屋企九點....食完飯,洗埋碗又夠鐘落去喇~
去到時阿念已經到左呢~咁我坐左一陣tor tor 都黎埋喇~
三個人係咁傾傾傾......哈~傾 AL 中化口試題喎~ tor tor 聽日要做啊~~~
又傾返細個果陣.........呵呵~三個都係幼稚園識到而家,係唔同d架~
唔覺唔覺又傾到十二點.......

阿念搞到冇車返屋企呢......最後行左幾次都搵唔到巴士~
收 23:40 ..........而家d尾班車咁早開o既?
咁佢只好撘的士返去喇~
我就等佢走左再去追巴士返屋企..........
返到黎都十二點幾嚕........呵呵~~~

死細佬......又話考完搵我,自己考完去左青衣打波都算喇~
電話都唔打個黎通知聲,打俾你又長期冇人聽~
打過黎又係一副"唔關我事"咁o既語氣~
我完全唔知你出部電話用黎做咩囉.......好失望呀~
你又再次令我激動到要o係日記版鬧你喇~好嬲呀~

>>January 12, 2004 at 5:55:24 PM GMT+8

2004 年 1 月 10 日 星期六 【颳風】

今日涼左啊~~~

哈~~~返黎之後成日都痾......又頭痛~~~唔通係沙士???呵呵呵~~~
今日又係咁喇......痾左兩次,個頭....一埋電腦度就痛~~~

今日.......十二點俾老豆打醒左.......我唔係講笑架~
老豆真係一野野咁打落被度打醒我架,我真係痛架~~~
之後就開始執房........哈~因為間房唔夠位放野喇~
同埋.......我自己都覺得間房好亂呀~~~

結果一執就執左成日~~~將我d AL 筆記執晒出黎....一次過掉晒~呵呵~爽呀~
仲清左好多位出黎......我d相終於有位放喇~~~哈哈~~~
原來.......我好多學界獎牌都俾我隨手放左入櫃冇理到囉......而家仲搵緊盒裝呀~~~
到而家仲未執完啊.....不過我一定會今晚搞掂佢架~
因為搞唔掂我冇床訓啊.........呵呵呵~~~

今日冇出街~哈~乖~
聽日.....唱 k 啦.........夜晚要配眼鏡啊~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
返左黎......生活模識好似變左好多咁~
o係宿舍可以晚晚三四點至訓、可以不停咁上網、可以同朋友傾天光~
但係返屋企就要乖乖地十一點半收電腦(多年家規,冇得改喎......)
好在我而家十二點收到冇人話我~

第一樣係可以見返爸爸媽媽啦~呵呵~
好耐冇見佢地呢~
雖然都係一見面講唔夠兩句就又大大聲咁.......哈~但好鍾意呢~
好耐冇當面同老豆咁樣"玩"喇~~~

哈~不過返黎又有野會令到我好開心囉~
返到黎,我有一種俾人重視的感覺~
我會知道有人會將我放o係第一位...哈~好多謝佢~

返黎仲可以見返多d自己的朋友.....哈~
好耐冇見過佢地啊.........
不過慣左晚晚上人地房,而家都有少少唔慣架~呵呵~

仲要準備開工.....哈~好似好忙咁,其實我冇咩做架~
希望會搵到野做啦...........
屋企真係冇錢架喇......靠自己架喇.........

>>January 11, 2004 at 2:36:51 PM GMT+8

2004 年 1 月 9 日 星期五 【微冷】

今日啊~~~

一朝早九點半起身...都係未訓醒咁......
阿媽叫我幫佢拎年貨返去俾婆婆,咁好喇~邊度都唔駛去喇~
細佬唔打黎,唔搵佢喇~約左 tor tor 返學校打波又打唔成喇~
結果搞到十點幾先至出門口........去深水土步........

都好耐冇見過婆婆佢地喇.....呵呵......過完去又出返旺角~
搵 tor tor 佢老公食飯~~~佢同阿念返左去打波呢~~~阿念o係澳洲返左黎啊~~~
算,下個星期一定打到架~!!!
我地去左大家都好耐冇去過的浩記食栥飯.....哈~貴左啊~

食完飯呢~念就走先~ 我就同 tor tor 佢地去左行奧海城........
諗住今日個視光師會打黎.....但係都冇,我諗要星期一至配到眼鏡喇~
之前出黎果陣同 tor tor 行左陣女人街.....哈,諗起同細佬一齊穿耳喎~
不過今日打左十幾廿次電話都搵佢唔到....令我太失望喇,死仔~~~
行完之就走啦......我自己一個返左鑽石山行荷里活.......睇波鞋同埋衫啊~~~
行左一陣就返屋企喇.......真係乖~呵呵~

聽日應該會得閒d喇.....唔駛出街啦我估~~~
哈~~~勁期待星期一四兄弟唱 K 之約.......記住係十一點油麻地地鐵站 A 出口呀~~~

>>January 10, 2004 at 3:29:17 PM GMT+8

2004 年 1 月 8 日 星期四 【晴】

哈哈哈~~~終於都返左黎喇~~~
終於都過左呢個難過的考試期喇~~~
返到我日思夜想的香港啊~~~好開心~~~

講返先~呢次考試都幾慘..........應該如無意外會炒四科............
分別係 新聞通訊寫作、新聞評析、宣傳輿論學同埋外國新聞事業史~~~
因為呢幾科我都答得唔好...........有幾科直情好似我考 AL 果陣咁....考考o下o係試場訓著左.....
不過唔緊要~~~都考左喇,等死啦~~~

尋日我、sa、恆三個都考完,因為等埋立今日考完至走,所以就有時間出去食野~
中午去左屋台,但三個都冇態....食得唔多啊~~~
夜晚去左仁信.......之後恆話唔想返去住,咁就過左石燒珈琲......
一路傾到三點幾至走~~~仲發現左呢間野個名幾特別~~~
係用 " 珈琲 " 而唔係用 " 咖啡 " 架.........呵呵呵~~~
返到宿舍就繼續執執執........呵~
我未考完已經執好晒喇~等今日執埋d手尾就ok喇~~~

四點幾就訓喇~今日八點半電話鬧鐘嘈喎.......我咪醒囉......隻手係咁按.........
居然打左俾sa.........如果唔係佢部機一聽就嘈到爆我都唔知呀~~~
咁之後我又再訓.....九點半至醒,十點半就落去走人喇~~~

哈~跟住返黎.......四兄弟都好興奮啊~~~
一過左關我就約左tor tor........呵呵呵~~~
返到屋企拿拿聲又出左去剪頭髮喇.......
好開心.........剪短左啊~~~條尾仲染左色啊...........紫色啊~呵呵呵~~~
不過d色唔太明顯囉..........呵~有緣大家一定會見到架~~~

哈~~~今次個頭剪短左多啊~~~條小辮子染左紫色呀今次~~~好開心啊~~~
剪完頭髮就陪細佬行返屋企........佢黎左搵我啊~呵~
傾左一陣啦.......希望佢唔好咁唔開心喇~~~

好累啊而家...........今日肚子係咁痛......瀉左六次啊~~~
所以.........勁累......呵呵~~~沖涼訓覺去也~~~

>>January 9, 2004 at 3:32:11 PM GMT+8