2004 年 2 月 6 日 星期五 【乍雨乍晴】

今日都係冇咩做.......
十一點幾起左身~~~

原本今日約左細佬去打波......點知一起身就見到落雨~
好喇~又冇得去喇......點半鐘打電話俾佢問佢出唔出街,又答唔到~
結果我咪又上網囉~三點再打俾佢,佢媽話佢已經出左去喇~
死仔又話打俾我......唉~第五次被佢放鴿子......
我係咪唔應該再信佢講野呢咁?唉~~~

一路坐到四點,老豆居然返黎喎~
我正準備出街架嘛~又俾佢問左我一大輪咁早出去做咩...
之後就出左旺角榆林睇書喇~~~
出到去果陣唔太大雨架,咁我o係榆林又睇完一本林詠琛--->戀如水
之後六點左右就走,諗住行過去食飯~
但諗諗o下好似太早,而且又凍又大雨,咁我就再上洪葉睇書喇~

o係洪葉睇左一陣,決定買本書去食春茗時睇~
最終買左本張愛玲--->傾城之戀
後來都證明我的決定係o岩架~!!!
因為...我六點九上到去,得幾個人......=_=
我o係度睇書,最後去到差唔多九點至開席...唉~
間野出菜都比較慢,我完全冇飽過o既感覺囉......
食完飯十一點幾,想搵人出黎食糖水,但又凍又落雨,都係咪喇~

拿拿臨就走去撘地鐵返屋企喇~~~

今日行去食飯果陣諗到d野架~
諗住打上隨想版,希望我會記得啦~~~呵呵~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
經典廣告歌時間~~~(通屋奇應丸) ~~~多謝細佬 K 俾首 midi 我啊~呵呵呵~

醫病兼保益通屋雙重療效
好駛好用三百幾年家家傳誦 (熊膽瀉香入藥)
B B 肚痾嘔奶消化不良
感冒傷風夜睡不寧
神經緊張
咁就要快食
通屋 通屋 通屋其應丸

>>February 7, 2004 at 4:21:42 PM GMT+8

2004 年 2 月 5 日 星期四 【乍雨乍晴】

今日,可以話有d無聊,又有d唔高興~

今朝十點幾俾自己個鬧鐘嘈醒左,都算喇,再訓返~
起身煮完野食就上上網,聽聽歌啦~
兩點幾就出門口拎野返勞校俾阿珊~

尋晚死仔楊露又叫我打俾佢,好~到我打俾佢佢媽話佢八點幾就訓左.......=_=
又叫我今日返勞校搵佢......好啦,訓左咩都唔駛理喇~
咁我橫掂都返勞校喇,佢話過今日無野做,放學即走丫嘛~咁諗住等埋佢一齊走啦~
咁就同 d 阿姨吹吹水咁..........等左一個鐘,鬼影都唔見隻~
跟住周杰倫o係度打波,一問至知死仔原來走左去開會~!!!
無晒野講啦........跟住即走喇~~~好慶呀~

出左學校,一路行一路同 tor tor 傾電話~
佢又煩緊阿珊掛住搵 "fd" 唔幫佢~唉~
之後冇晒mood.......諗住行旺角,行到出去又唔想行喇~
結果行左去油麻地地鐵站就撘車返屋企喇~~~

好在今晚有開心事......數利是啊~~~呵呵呵~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
經典廣告歌時間~~~(喇叭牌正露丸)

1)朱慧珊&鄧梓峰版
有肚痛 個肚嘰哩咕嚕
要信我o也幾粒個個讚 (真係妥播!)
成日食 食壞胃 要搵正 正露丸
腸胃曳 有肚痛 食佢先 (好野黎o個喎!)
細路哥 都o岩key 認真舒暢
不舒適 搵喇巴正露丸 do do do do do (旅行記得帶佢呀!)
你我讚 有幫手夠靈ken 要信我o也幾粒個個讚
do do do, do do do do, do do do do do

2)松松姐姐版
有肚痛食喇巴正露丸係權威
腸胃曳食幾粒即刻消滯
我試過佢使你腸胃舒暢
喇巴一響 do do do do精神晒
do do do, do do do do, do do do do do

>>February 6, 2004 at 2:16:00 PM GMT+8

2004 年 2 月 4 日 星期三 【乍雨乍晴】

勁喇今日.........

朝早十一點起身.....都未知發生咩事就俾媽催我換衫出門口~~~
原來佢趕住拎湯返去俾婆婆.......咁我就拿拿聲換衫山去喇~
點知今日鬼死咁凍....我又冇食野,但都行到個人熱晒,係好肚餓o者~呵~

去到婆婆度......都未交低d湯,媽就俾人call 去返工~~~
咁我就只好做拎野返屋企果個喇~
拎左d野返去,因為實在太餓,所以懶得煮,過左隔離巴士站飯堂搞掂~
食完野又想出去,結果決定行好耐都冇去過的又一城~~~

落車果陣見到街邊有兩個人影好熟.......係阿桃同佢男朋友?好似係~
但冇特別留意~行左一陣page one...正~
過左一陣 tor tor 打黎,陪佢行左陣佢就返 BU 返學,我就繼續行~
四點幾就走喇.......街真係好凍呢~~~

返到屋企又繼續 d/l 歌...六點落去 tor tor 屋企拎羽毛球拍~
行返上去果陣見到d小朋友扮馬仔o係度跑...忽然覺得好窩心......哈~
不禁笑左出黎~~~
晚飯三個人食呢......哈~太好喇~好鍾意一家人齊人開飯的感覺.......
一年都唔知有冇一個月可以係咁.......要好好珍惜喇~

聽日.........要返勞校~~~嗯..........
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
經典廣告歌時間~~~

金龜嘜萬里望花生
少少咸 多多脆
飲番杯一定要食佢

金龜嘜萬里望花生
Very Good 卜卜脆
任何場合都要佢

金龜嘜萬里望花生
夠甘香 卜卜脆
試一包包你鍾意佢

(金龜嘜萬里望花生)

>>February 5, 2004 at 4:37:36 PM GMT+8

2004 年 2 月 3 日 星期二 【乍雨乍晴】

今日好凍啊~~~得 9度咋.........

今朝九點半醒左,諗唔起做咩校鬧鐘,所以又訓過......到十點半至醒~
醒左至記得........我好似約左 tor tor 十點半o係地鐵站.....=_=
咁我拿拿聲打俾佢啦....點知佢都唔知醒,但佢要返十一點堂囉......
咁我搞掂晒d野,十一點半就出去搵佢喇~
佢話今日去銅鑼灣拎野喎......
呵~結果唔走得,我去到都坐到成點鐘至走,仲睇埋本薔薇之戀寫真集~正呀~

咁佢一點鐘點完名,我地就走去銅鑼灣.....拎完野仲俾我迫佢去食雞~呵呵呵~
戒雞、戒汽水、戒辣、戒煎炸熱氣、要平.......我全部一次過幫你破晒戒......呵呵呵~
食完野行左陣 Time square.....上左去睇米奇,但冇錢~呵~
之後就陪佢趕返去 BU 打羽毛球比賽喇~

返到去.......剛剛好開波,同佢搓左幾球就比賽喇~
咁我就o係度做司線........又唔好意思走,加埋落雨......咁就等佢到六點~~~
之後去左又一城撘小巴返黎喇~~~

今晚返到黎好正呢~~~打邊爐啊.......
食完就拜太歲喇.......今年係方查大將軍~~~
希望一家平平安安,身體健康啦~

其實今朝都有諗過出唔出街架.......因為阿媽今日難得有假.......
好應該o係屋企陪o下佢架嘛.......但我最後都係選擇左出去丫~
下次一定會留o係度架我~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
有些人,希望交女朋友就像放風箏~
拿在手上就想把它放出去炫耀,讓別人讚嘆~
放上天的同時,它還受你影響,你能左右它的行動~
還希望它能收放自如,說近就近,要遠就遠~
最重要是...當你想把它收回身邊時,它一定會如你所願~

但切記別要看見別的風箏好像很漂亮時,就想把它也拿過來呀~
這只會令自己左右不能兼顧~
要小心兩隻風箏會相撞,兩隻手各控制一隻也很累吧?
縱使你的技巧多麼高明,只要老天大風一吹,你那兩隻風箏啊.......
也還是可能撞左一起啊.....那時你就糗大了......呵呵呵~

所以說......乖小朋友還是每次只玩一隻風箏就好了~~~

>>February 4, 2004 at 4:12:33 PM GMT+8

2004 年 2 月 2 日 星期一 【颳風】

今日完全冇野做.......但凍到震........

今朝一起身......十點幾啦~見到出面灰濛濛咁~
原來落雨喎.....咁原本諗住出去的念頭就取消左喇~
一掀開張被......哇凍到僵左呀個人~
洗左面咁又一路上網一路食早餐喇~~~

今日上網終於 download 左個 winMX......咁見唔出街,就全日o係度搵歌喇~~~
三點幾落去kfc食左個tea~好想食雞啊~~~
但落去好大風......仲要落雨.....又凍~真是他媽的~
一路無事..........又到今晚喇~

浪費左一日呢........不過相信未來都唔會點浪費架喇~
因為某人返左黎......呵呵呵~~~等你好耐喇~

>>February 3, 2004 at 4:03:42 PM GMT+8

2004 年 2 月 1 日 星期日 【微雨】

無搞作的一天

朝早十點幾俾電話嘈醒,一直都悶悶的.........
食完飯,兩點幾又出去.....留o係屋企真係會令我覺得好無聊..........
但係落左街又唔知去邊好,而家真係 "為出街而出街" 喇.........
咁我就決定撘第一架出現o係面前的公共交通工具喇~
最後係撘 5c 出尖咀.......

撘果陣心情其實都唔太好(其實多數一個人出黎果陣都唔會係好好心情~)
點知架車有條友o係度大大聲咁傾電話.....嘈到爆,心情煩上加煩
一路傾左半程車.....我頂~

出到尖咀,習慣性地都係上商務.....原本想行o下街架,唔知點解隻腳就上左去喇~
今日又睇一本書......林詠琛--->陽台上的瑪格烈特
呢本唔太好睇呢.......睇完見五點未到,時間尚早,想行o下~
點知落到街我忽然有種茫茫然不知身在何處,好無助,唔知自己做緊咩的感覺~
結果去7-11買左杯雪糕就撘車返去喇~

返到慈雲山.......都係唔想太早返去,又去m記買野食~
不過今日都係早左呢......六點半唔到就返左屋企喇~~~

或許,我是了逃避寂寞,所以才把自己安排得好像有滿滿的節目吧?
也因此,我不想留在家裡.......留在家即是沒節目,一定很悶吧?
自欺欺人........哈~

>>February 2, 2004 at 2:20:29 PM GMT+8

2004 年 1 月 31 日 星期六 【微冷】

唔.........冇乜節目喎今日~~~

尋晚早早地咁返左黎,但都係三點至訓......但今朝十一點幾就自己醒左喇~
唔知做咩......但係訓唔返~咁我咪起身囉~
食完飯.....tor tor 問我出唔出街,佢想行街~咁我就陪左佢去行荷里活喇(唔行咁遠喎~~~)

行左一陣.....俾我迫佢陪我o係三聯睇書~哈~終於睇完本 空之鏡 喇~佢就睇 戀之奇蹟~
睇完又行左陣...之後行左去龍翔中心...發現冇野睇,就再行去黃大仙中心...
再行埋就去左皇朝食糖水.......仲食埋.....嘿嘿......
傾傾o下先知勞校而家d細真係勁.....form 1 2 就夠膽o係課室搞野.....
唉.......真係......而家d所謂年青人道德教育真係差成咁?

之後返左屋企食飯.......夜晚又出左去...哈~
十點又落皇朝食糖水......今次係 立 同 恆~
一路傾傾傾.......傾到十一點半左右就返黎喇~

tor tor~
你都講得好o岩,我的確係一個悶人黎~
成日只係識去睇書,唔識去搵野玩架~呵呵呵~
你問我邊度有好野食好野玩,我真係會答唔出架~呵呵呵~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
經典廣告時間~~~

由朝坐到晚 運動少
周身骨痛精神壞
無佢o黎保養
快蒼老 易捱壞
我o地o甘辛苦
擒高擒低靠腰力 靠腳力
調補身體最緊要
病君咁樣點搵食
鋤得多 傷氣力
消耗一定要補充
唔駛失威悲到極
你o地諗o下啦
咦噫 咪講少 快D食
余仁生金牌鹿尾巴培元湯 係男仕至~~佳的補品

(余仁生固本培元湯)

>>February 1, 2004 at 5:18:24 PM GMT+8

2004 年 1 月 30 日 星期五 【微冷】

話咁快........今日就係一月最後一日喇~

尋日吹左咁多個鐘水,成點至返去,三點至訓......諗住今日會抖抖喇,唔駛出街喇~
結果完全唔係......尋晚鈺姐約出黎唱k......鬼叫自己一早應承左咩~
今朝就九點幾醒左......十點半出門口.......
今日去尖咀唱k........係同鈺姐,仲有小明~

呢次又係唱到兩點就準時俾人cut.........頂~
之後我想去睇書,但佢地又話想一齊行.....
結果係話去鈺姐屋企打麻雀架.......但之前去買野先,我就趁機o係大眾書局睇書~
林詠琛--->空之鏡...........睇到一半俾人扯走左呀今次~
咁之後o係佢屋企食野(我有份煮囉居然~)同埋打牌~到五點半就撘車出旺角搵返阿心佢地~

出到去.....其實好快就食完飯....咁大家又係七點幾果d位.....唔知做乜好~
咁最後係我、心、Seb 哥哥、樂哥哥、小明、鈺姐一齊返返去鈺姐屋企再打牌.....=_=
上去樂哥哥去左打機,心睇我地打~~~打到十點左右呢就走喇~

今日好乖呢........早返左~
但下個星期唔再出街喇........真係出左太多街喇...最多去打打波咁就算喇~

>>January 31, 2004 at 4:37:32 PM GMT+8

2004 年 1 月 29 日 星期四 【微冷】

哈哈哈~~~今日到你喇~~~
葉家立先生生日快樂~ 呵呵呵~~~

尋日勁丫......打波打到周身骨痛,夜晚三個波友(青、立、我)仲傾港分d野搞到十二點幾至訓....
仲要係咁發惡夢.....唉~夢見自己不斷重覆某一日,果日會見到一個人死,但我冇能力救佢~
睇住佢死好多次.......好恐怖...........成晚訓唔到........
今朝又要早起........哈~出黎陪壽星仔唱k呀今日.....

約左佢十點半等........遲左囉又.....壽星真係大晒架~
咁佢叫我出左旺角先......因為青等緊呢~~~佢........少出市區,哈~唔識路?
咁最後十一點左右就去左家樂唱........今日好早散啊.....一點九就要人走.....他媽的......
之後行左一陣........sa 就出埋黎,咁我地就諗住搵地方坐陣食個tea喇~~~
(哈~~~打波後遺症,三個都勁腳痛~)
最後去左女人街的一間 "永恆之鑽" 度坐啊.......呵呵~

傾傾o下.........原來唔覺唔覺就傾左三個幾鐘......三點半傾到七點啊~勁~
跟住大家決定離開間野丫.......再搵第二間hea~但個肚又唔餓喎,變左唔湯唔水喇~
最後決定邊行邊諗......行去尖咀........一路行一路行........
行左兩個幾鐘....都諗唔到食咩,一係就多人......最後決定食椰林餐廳(多得阿青唔少喇,呵呵~)
咁樣又傾傾傾.......一直傾到十二點幾至走.......

送左青去撘巴士之後呢~我地三兄弟(恆成日都唔出現......=_=)就行返旺角撘小巴喇~~~
返到屋企.......對腳超痛.....尤其係膝部對上少少個大脾位....郁親都痛呀......
哈.....聽日仲約左阿心佢地出黎食飯,朝早仲要有鈺姐之約.......點算???
冇晒錢喇又.........兩日用左二百......太多喇~~~
要做返一個星期乖仔至得喇..........

>>January 30, 2004 at 6:23:51 PM GMT+8

2004 年 1 月 28 日 星期三 【微冷】

哈哈哈~~~
葉聖Sa生日快樂~ 呵呵呵~~~

尋晚訓唔著......幾難得老豆見到我玩電腦冇強迫我收機~~~
咁我梗係一直在線啦.......呵呵呵~
十二點打左電話俾壽星女~~~之後就o係度睇網上小說,順便等歌~
等到點幾兩點至見到壽星女online,咁實叫佢send歌俾我啦~~~
最後傾o下傾o下又收o下歌咁.....一路又去到四點幾~~~

我都差唔多睇晒個網d小說喇~呵呵呵~
今日如果唔係驚老豆起身返工見到我仲未收機實鬧死,我係唔會收架~
都遲過尋日訓丫........今日拖拖o下都五點至收到.......
我返左房一陣老豆就起身喇........我覺得佢知架....唉~

今朝十點醒過,唔想落床所以又訓~十二點至起身~
一起身青問我幾點打波,咁就拿拿聲打俾立~
傾左一陣.....約左三點,但我覺得會遲囉.....呵呵呵~~~青喎.....係咪先~?

去到.......青居然早到喎~~~
一路打打打......打左三個幾鐘~之後就同左 立 去食飯~~~
好痛呢全身都.......呵呵呵~~~
食完飯行左一陣信和就俾老豆催返屋企喇~
返黎沖完涼......痛.........

聽日去唱k.........?

>>January 29, 2004 at 3:44:49 PM GMT+8