2004 年 2 月 15 日 星期日 【晴】

今日,係我o既韶關之旅第1日,但不幸地~我今朝係連續四架小巴都上唔到車~
結果我要撘 $50 的士落火車站~先趕到準時同佢地會合~9:00準時到深圳,齊人就坐車出發喇~

途中我地o係一間所謂酒樓食飯......嘩勁臭囉....難頂到嘔~
撘左四個幾鐘車,我地第一站唔係酒店,係第一個景點---南華寺
都幾靚丫~我係咁影相.....哈~話咁快就冇左一筒菲林喇~

夜晚去到酒店,食完飯就留左o係度聽青果組d人開會(其實係因為去食佢果圍d野,哈~)
其他人去左開房唱 k 啊~~~哈~鍾sir唱歌勁似羅文啊~~~
我同青佢地後join~唱左一陣就又過第二場喇~佢地去左打保齡球呢~呵呵呵~
馬騮同鍾sir輸左餐飯俾我同剛仔啊~呵呵呵~玩到十一點幾十二點先返房~
聽朝七點 morning call ,我陣間仲要開會.......哈~

辛苦,但開心~

掛念某兩人...........^^

>>February 20, 2004 at 5:07:36 PM GMT+8

2004 年 2 月 14 日 星期六 【炎熱】

終於.........又過左一日喇~~~

今日返到屋企.....沖完涼,上網打日記等頭乾~順手執o下聽日旅行d野~~~
點知老豆一返黎,就話唔俾訓住,要食埋飯先......食完又話唔好即刻訓~
阿媽打返黎又叫我唔好訓,話今晚會訓唔到,當然冇理啦我.....
結果我拖到兩點幾先至有得訓..........訓到七點起身又食飯喇~~~

都係一日無所事事咁囉............哈~但個人其實幾累的~~~
聽日開始又要返上去旅行喇......五日.........真係唔係好捨得離開香港~
今日開返部相機出黎.......同小龜龜影左相呢~呵呵呵~
希望會有一個開心的旅行啦.........

>>February 15, 2004 at 3:40:31 PM GMT+8

2004 年 2 月 14 日 星期六 【炎熱】

而家係2004年2月15 日早上 9:30 分~~~
我係剛剛返到屋企沖完涼架~~~尋晚玩左成晚啊~~~
仲有~~~林x宜小姐生日快樂~~~呵呵呵~~~

話說尋日下午四點幾約左 立 一齊過荃灣,架車有個靚女啊~呵呵~
過到去剛剛準時五點+齊人~係阿sa要遲到~
咁我地就分頭去買野喇~我、立、南去買野食,祺同姨媽去百佳買炭果d野~
都買左好耐啊,因為好多野食~呵呵~條褲仲因此中招~未出發先食汁.........
六點左右返到地鐵站,sa 剛好到,咁就一齊去搵姨媽佢地,之後就撘車入今日的目的地--->咖啡灣

其實果度o係黃金海岸隔離~小巴一陣就到喇~不過去到勁多人呢......
搵晒全場都冇位,最後只好租爐燒喇.........當時係 19:30 ,大家記住呀o下~
我地一路燒一路吹吹水咁,冇幾耐就因為唔夠野而出去買~
咁呢個時候我、立、sa、南出晒黎........有陰謀啊???
立帶錯路~哈~我地行左好耐至去到惠康呢~又o係入面玩左好耐~呵呵呵~
之後就行沙灘返去喇~~~見到超勁多情侶啊......有d仲......呵呵呵~

返到去又係繼續bbq+吹水~~~十點幾我地又出過去買炭~~~哈哈~~~
之後 青 都黎埋~大家就繼續係咁燒,同埋聽隔離爐個 "咖啡灣朱咪咪" 唱歌猜枚......哇真係勁到丫~
佢都黎左好耐呢......我地到之前就成班人o係度隊緊酒架喇~~~超爆笑~~~
到佢地走左,都已經兩點幾三點,開始多返d空位喇~
我地依然繼續燒~~~隔離轉左兩輪人我地都仲未走~~~

玩到四五點,仲有隻好cute的大狗過黎係咁圍住我地搵野食~嚇到立同南啊~呵呵呵~
之後一路係咁吹吹水燒燒雞翼,我地做左尾二走果一班人~
最後係玩到朝早六點幾差唔多七點至走架~~~個爐足足租左十二個鐘,乜都抵返晒,哈~
撘車去左屯門再轉車返出黎,拿拿聲就返黎沖涼打日記訓喇~
今年的情人節過得都幾開心丫~呵呵呵~

打埋今晚果篇就五日都冇得打喇~要去旅行呢.......聽朝九點要到深圳,但我而家仲未執野.....=_=
呵呵呵~~~唔理喇~訓醒至算喇~~~

>>February 15, 2004 at 1:59:18 AM GMT+8

2004 年 2 月 13 日 星期五 【晴】

各位~~~情人節快樂~~~

呢牌唔知做咩......對思樂冰好有興趣~
次次行過7仔都想睇睇有冇得賣~哈~又係情意結?
今日朝早返左勞校,俾左份禮嘉僖,佢請左我食佢整果d朱古力~多謝晒,哈~
之後返左黃大仙搵細佬佢地~食飯喎~

之後佢地繼續做裁判,我就返屋企喇~
今晚仲有"情人節單身人士玩樂團"嘛~~~
一陣就出去玩喇~

anyway,祝各位有伴的白頭到老,冇伴的快d搵到啦~

>>February 14, 2004 at 8:06:03 AM GMT+8

2004 年 2 月 12 日 星期四 【炎熱】

唔.........痛苦第二天.........但幾充實~

今日十一點幾醒左~俾媽哦左我一輪,之後就開電腦聽歌睇報紙~
而家要對少d部腦腦呀........因為隻眼唔單止未好,仲有越來越嚴重的趨勢.......死喇~
兩點左右,見天氣咁好,就做左我一樣想做好耐都未做的事~
就係落街打波喇~~~籃球喎~~~

兩點半落左去屋企隔離個場打........冇人喎~太好喇~
但我發現我真係差左好多.......又冇氣,技術又生疏晒......跑球場三圈就喘喇......唉~
打左一個鐘左右啦,就返屋企換衫喇........

之後出左去尖咀買野俾倩........雖然你可能已經唔當果時係一回事~
但我依然會每年送野俾你架~呵呵呵~今次買埋俾嘉僖.........
但我買的東西海港城冇貨,我要行去利時度拎囉.......希望佢鍾意啦~
又俾老豆話啦.....七點都唔返去....拎完我就飛去撘巴士喇~

原來我從來都沒strong過........哈...哈哈......哈哈哈哈哈...........
唉~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
經典廣告歌時間~~~(文理泳會)

有歡樂 有趣味
學泳到文理
有專池 包學曉
一齊到文理
文理泳~會
與你一起 成~長~

>>February 13, 2004 at 1:39:47 PM GMT+8

2004 年 2 月 11 日 星期三 【微冷】

今日..............係痛苦的一周的開始...............

尋晚兩點幾就去訓..都有 d 驚架喇,點知真係中左~~~
今朝一起身已經係咁痛......痛痛痛........唉~
人生真係痛苦呀..........
十點幾就痛醒左........之後訓唔返喇~~~

一路捱到兩點幾,食左飯就好d.........好在咋,如果唔係就死喇~
之後冇耐就出去工聯開會喇~~~差 d 搞到我唔想去開呀.......
個會都幾長.......四點半開始,開到差唔多七點至散~~~
我同 青 同埋 恆 都分開左組啊~~~但同 祺 一組啊~~~綠ｘ 組,佢係組長呢~
今次又去農場又去教小朋友......應該會幾好玩掛~

開完會我地就即刻落樓下買定俾小朋友同農家d禮物~
之後就返屋企喇........因為又開始痛呢.........唉~
希望快 d 冇事啦.......星期六仲要出黎玩架嘛~~~

聽日........仲駛唔駛幫人呢?呵呵呵~
唉.......痛苦的日子快d走啦........

點解我 d 路人留言少左咁多o既???
之前果 d 去左邊呀???
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
經典廣告歌時間~~~(位元堂養陰丸 鄭少秋)

位元堂 養陰丸 好似太陽咁溫暖
(驅寒理咳除頑痰 強壯機能保氣血)
虛弱病患不要驚 寒痰咳嗽 好似雪人溶化了
安心服用養陰丸 太陽出來了 太陽出來了

>>February 12, 2004 at 12:53:42 PM GMT+8

2004 年 2 月 11 日 星期三 【微冷】

今日..........o係家全日.........
冇野做........

心情唔知做咩差左.............

諗唔明...............

>>February 11, 2004 at 4:12:15 PM GMT+8

2004 年 2 月 9 日 星期一 【颳風】

是日.......唔知點解好似好忙咁喎~~~

尋晚玩icq玩到四點至訓~今日八點半醒左打俾青,但冇人聽~慘喇~
之後又訓到十一點幾十二點至起身~一醒左望o下個電話.....
哇........8 個 missed call 喎~一打返去至知係細佬今朝搵我~~~
咁就問佢想點啦......佢話想出黎食飯~
我起左身都未夠兩分鐘,就要係咁打電話搵人喇~~~
開腦腦見到 ar K ,順手就約埋出黎一齊食飯~

佢地約我十二點九,但我十二點九至剛上到車....因為我要搞掂埋今晚果單....唉~
今朝醒左打俾細佬外,仲要搵阿立~阿恆又打過黎~
之後唔知點解又會係我做左中間聯絡果個囉~~~鬼死咁唔得閒果個反而仲要不停咁打電話~
打左俾南、又要打埋俾姨媽~但都係唔出黎喎~

之後出到旺角,搞左一大輪,一點幾先食到飯~錯在我,我遲到,我唔好~
食完飯, ar K 話想去勞校喎~咁我地行左返去......
哈~阿姨居然唔問我返黎做咩就放我入去~我幾時變到咁大面架?
參觀左一陣就走喇~因為約左恆同立三點o係鑽石山呀~

去到,我地陪恆睇左若干間首飾店,都係睇唔o岩~
最後佢買左副 puzzle ~哈~高難度啊~加油加油~期間青打黎,原來佢o係附近呢~
見時間尚早,我地就上左恆屋企,過左一陣青都上埋黎~仲約埋 sa 出黎打邊邊~
我地主要都係上去提供某些協助丫~呵呵呵~
七點幾就行過去新蒲崗食飯喇~約左 sa 20:00 呢~

五兄弟終於都齊人食飯喇~呵呵呵~
大家又係咁傾傾傾~一路食食食~咁又去到十二點幾~
當然我又俾老豆鬧啦....唉~又係我錯,我唔o岩~跟住幾日我會乖仔架喇~
仲要留返d 限額 2月14 果日用架~~~哈~情人節單身人士玩樂團真係搞得成?

蠢材~
唔著緊你我果晚唔會咁講野啦~
你而家明未呀?

>>February 11, 2004 at 4:34:16 AM GMT+8

2004 年 2 月 8 日 星期日 【乍雨乍晴】

雖然都係凍,但今日終於出太陽喇~開心呀~

今朝約左家姐佢地唱 k ,但我都係十點至起身~
十一點都準時到旺角喎~阿狗早過我呢~但家姐又遲........=_=
而家都幾唔鐘意人遲到,偏偏我識的全部都鍾意遲....唉~尤其叫楊露果個~
今日有狗,家姐,我同阿lee唱,有一個人冇到囉,搞到開左五個人位...俾多份錢...
唱到兩點就冇喇今日,咁之後就行左陣新之城同旺中山~
四點左右啦~tor tor 打黎,咁我就陪左佢出尖咀喇~

行左陣海港城,tor tor 幫田兄揀禮,我就四圍睇~
諗住楊露又話今日冇野做,會早d打黎啦~~~都係去到五點至打俾我~~~
咁我叫佢出黎啦,去到尖咀打俾我~~~

條死仔.........我o係尖咀等佢兩個幾鐘,完全唔見人囉......電話都冇個.....妖~
我 d 時間都唔係拎黎俾你浪費架~~~我唔係為左等你就一早返左屋企食飯啦~~~
我都有我自己野要做架,唔好以為咩都係你大晒,人地奉旨等你先得架......
你估我真係好得閒,得閒到可以隨時特登叫屋企遲d食飯就係為左等你呀?
最後我決定走......七點走,佢七點半至打黎~

第一句唔係say sorry ,係好串咁問 "喂,你o係邊呀?"
我回左句 "你唔好再遲d打黎~?" 就cut左佢線喇~死仔又唔打返黎講sorry~死蠢~~~
最後又係我打返俾佢,佢唔得閒喎.......我食飯時佢打黎,我入左房係咁鬧~~~不停咁鬧左十分鐘~~~
但其實佢尋日係有野搵我的,所以我今晚係又出去搵佢囉........=_=
仲要同老豆講係落街食糖水.........

出去見到佢,又嬲唔出喇.......唉,蠢材......
俾佢帶住o係黃埔行黎行去,又去左碼頭......佢問左個問題...搞到我唔想答佢~
蠢材,我點解唔答你你仲唔明?你個問題.....算喇~
十一點就去皇朝同立、恆食糖水,同埋傾野~
哈~~~情人節單身人士玩樂團???
十二點半左右就行返屋企喇~~~

>>February 9, 2004 at 6:22:06 PM GMT+8

2004 年 2 月 7 日 星期六 【乍雨乍晴】

今天很早便被吵醒~
但我不想下床,結果到十二時許才慢慢的起床~
爸又為此變得黑口黑面~~~

吃完飯,不想開電腦,現在覺得開腦根本沒事幹,甚至有點討厭~
坐下來看看報紙,聽聽電台,這樣子不經不覺又到三時~
打了電話給細佬,他說要陪友人去買書~那就不煩他了~
最後還是開了電腦,上上網,看看日記~
五時許 tor tor icq 問我還去不去街,那便陪她逛了一會荷廣~

接著她媽到,只逛了一會就走了,我和她便到皇朝吃糖水~
我也買了我要的眼藥水(因為左眼又痕又痛,紅了一個星期也不退啊~)
七時左右便回家了~

今天心情一直都很持平......
洗澡時很有衝動計劃再寫故事~~~
一個全新的故事~
希望會如願吧~要支持我喔~呵呵呵~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
經典廣告歌時間~~~(漢寶酒樓 葛民輝)

(黎啦 黎啦 黎啦)
全香港打響名堂 漢寶出品o既龍蝦大王
澳洲入口既大龍蝦 隻隻都係零舍生猛
手勢味道ichi ban 有成十幾款任得你揀
上湯蒜茸芝士刺身 簡直抵到你話無得彈
分店遍佈港九新界 (噓~) 去開邊度都梗有間
不愧為龍蝦大王 漢寶既滋味我最o岩
識飲識食好味道 當然識揀~漢寶

>>February 8, 2004 at 2:05:11 PM GMT+8