2004 年 2 月 25 日 星期三 【晴】

唔.........今日已經係26號喇.............

今朝十二點幾......阿心打黎喎~呵~俾佢抄醒左~
原來佢今日無多左日 day off ,想搵我出去~咁我見無野做咪出囉~
臨走前同青緊幾時返去~但係冇咩結論~~~

咁出到旺角~同心去左食車仔麵~傾左一陣啦~呵呵~
之後就諗住撘車返去喇~呵~都幾無聊~心要去銅鑼灣嘛,無計啦~
點知我入左地鐵時青打黎喎~~~結果我架車去左麻地又要去返旺角落車~~~
一路傾傾傾~~~最後決定買車飛喇~~~係 28 號 12:45 車~~~
好在今日帶左錢出去諗住拎星矢vcd 咋~如果唔係就冇錢買車飛喇~~~
不過套 vcd 可能要等我四月返黎至拎到喇~~~

同青傾緊買車飛果陣本來諗住入屯門同佢睇戲架~
不過一睇表.........都四點喇~入去睇完戲出返黎會好夜,要返屋企食飯嘛~
所以最後都係冇實行到呢個計劃丫~~~
之後就返左黎喇~~~

返到黎~tor tor 又搵我出去喎~咁我六點就落左去陪佢啦~
同佢行左一陣,食左糖水,傾左d野~咁就撘車返上黎喇~
下面呢首歌雖然舊,但係我覺得幾好喎~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
不妨一試 吳浩康

嫌我俗氣沒有內涵 擒高坐低也不起眼
我這麼平凡 其實好感已有限

若你天生心散 要幾倍多的空間 奇在怕仍然礙眼
連望真一點也困難 然後迎合你也會撞板

來埋身去欣賞我有最大決心 堅壯兩臂夠闊任你枕
遠觀不夠親切感 但肯可取這個我善良又忠心

拋不低過份戒心 都不緊要就算開始是零分
就慢慢的關心你 跟你貼近
我若然劣到低等 陪襯也不敢氣憤 ﹙仍會去天天發奮﹚

repeat once

來越行越近 我會大變身 沉悶自動會現身

來問心去欣賞我有最大決心 堅壯兩臂夠闊任你枕
遠觀不夠親切感 但肯可取這個我善良又忠心
拋不低過份戒心 都不緊要就算開始是零分
就慢慢的關心你 跟你貼近
我若然劣到低等 陪襯也不敢氣憤

>>February 26, 2004 at 11:37:19 AM GMT+8

2004 年 2 月 24 日 星期二 【晴】

小 wing ~~~ 生日快樂 ~~~

今日,離我返上去的日子應該仲有兩日..........要開始準備喇~
尋晚點幾兩點祺打電話黎,又傾左一陣.....佢知道左我一d野......哈~
傾左一陣啦~之後繼續上網~又係四點至訓~

今朝就十點幾醒左,冇幾耐就同媽出去剪頭髮~
剪完呢...就去左食粥~呢間野以前返part-time果陣成日去架~而家靚左好多呢~
食完就撘車出旺角.......上左洪葉、田園同榆林幫媽搵書,但都係搵唔到~
睇黎都係要返大陸幫佢搵架喇...........
之後上左小鐵,哈~睇中左幾本書呢.......最後買左一本~祐希--->求愛
仲有兩本張晉慊的書都好正......哈~

之後三點半就行去中電對面等細佬~~~四點就準時到花墟喇~
今日約左真光小妹妹打波啊~有立、我同細佬~呵呵呵~但佢地又遲到......
一路打打打~~~都真係幾好笑~~~但都幾累~~~隻大脾又痛喇~~~
期間青黎左........放低d野就走左喇~
我地打到七點至走........但我而家(時間係23:15)好悲哀地發現.........
我．將．青．俾．我．俾．佢．地．的．手．信．放．左．o係．更．衣．室．唔．記．得．拎．走
哈~~~唔好意思呀~~~最多我聽日去睇睇仲o係唔o係度丫~~~我錯,呢次真係我錯~~~

打完波,同立同細佬去7仔飲飲食食~之後就返去喇~~~
撘地車果陣同立講左一件事.......呵~水瓶人..........唉~
之後陪左佢去食 m 記~~~再行返屋企~~~又食飯~~~
哈~俾爸媽折穿左我講大話喎~呵呵呵~算喇~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我是個愛胡思亂想的人~
有些事,試過一次失敗了,便很怕再次受傷~
打算默默的當你的守護神便算,現在卻猶豫不決~

人無法決定會為誰動心
但至少可以決定放不放棄

忽然不想讓你知道 在我心中 你多重要

>>February 25, 2004 at 3:35:28 PM GMT+8

2004 年 2 月 23 日 星期一 【晴】

今日勁喇~~~完全係勁好玩的一日呀~~~

尋日又係四點先訓.....極唔好的生活習慣呀~呵~
今朝十一點起身.....以極速換衫,仲上左一陣網~ 11:45 就出門口喇~
諗住咁早一定唔會遲啦,點知屯門公路都係塞左......都係遲左~
不過o係車遇到恆.......哈~真係咁o岩架咋~~~

今日都唔太齊人呢~15個~
我、恆、妹、家浩、周總理、青、小明、祺、馬騮、嘉、海怡、cherry、Jason、鐘sir、鐘sir女友~
等齊人就入去~去到都兩點喇~~~之後搞掂晒就開始bbq喇~~~
一路燒一路吹水........馬騮燒到四點幾就走喇~好似唔多舒服呀佢~保重~
佢走 青 就剛黎到~~~呵呵呵~~~跟住見到某d微妙的轉變~~~
哈哈哈~~~實在都幾有趣~~~旁觀者清?
恆同嘉嘉、海怡都早走左呢~~~我同家浩就依然戰鬥力強勁呀~
一路燒到七點幾差唔多八點,我地就走喇~

行左一陣海灘,我地仲搵到d 生o既蜆喎~仲搵報紙燒佢,等佢開篕.......
之後就撘車出返屯門市中心喇~~~
陪青行左一陣,買左佢想買的東西之後呢~
佢地就再去元朗食 b 仔涼粉,我就要返黎喇~因為老豆打黎呢........
我就拿拿臨返出黎喇~架 61x 勁快.....半個鐘就出返黃大仙,我等車仲耐過撘車......

返到上慈雲山.......食左今日想食好耐都未食到o既思樂冰.......
呵呵呵~~~實在太正喇~~~
返黎沖完涼,立打黎話聽日約左真光妹妹仔打波喎~yeah~~~好野~~~

>>February 24, 2004 at 5:44:04 PM GMT+8

2004 年 2 月 22 日 星期日 【微冷】

今日.........哈~係港島探險之旅~~~

話說尋晚返到黎,同人icq 傾緊一d感情問題,十二點幾 祺 打黎喎~
又同佢傾左好耐......而同時我係繼續o係 icq 同人分析緊問題架~
講真,兩個人都係感情問題,而果四個主角都分別同我講過佢地的感覺~
而家發現,其實知得咁全面對我未必有好處.....呵~因為我鍾意知幾多就分析幾多~
會搞到自己好多野諗.......有點煩~呵呵~
最後傾完都兩點幾三點,搞埋d相都四點先去訓.......

咁今朝呢......我依然係要 10:00 起身架......因為 青 尋晚約左我今日出黎陪佢玩 "港島大探險"~
本來係今日下午去睇波的,而家早左幾粒鐘過去~
起身上網,同佢傾左陣,plan左條路線就出門口喇~條線都幾......~哈~
我地約左o係上環 MTR 等.我到果陣奇怪緊點解唔見佢,跟住有個人拍我膊頭.....
哈~原來係 青 囉.....佢剪短左d頭髮呀.....哇差d認唔到佢囉.....呵呵~
俾我笑左佢一陣....之後我就慘喇,因為佢全程都覺得我串緊佢~呵~

第一站呢,我地就先行上去摩囉街睇古玩.....都真係未慣佢呢個樣呀~
睇完呢,就撞o下撞o下咁搵路去高街.....青 想睇鬼屋嘛.......去到都幾失望架......
之後兩點左右,我地去左食飯,食完就行上 HKU ~
HKU 真係好大,我地差d迷路,好在最後都搵到車出返灣仔~

會合左足球隊班人之後呢~就撘車去黃竹坑睇比賽喇~港分vs警察銀樂隊~
場比賽都真係幾精彩,我仲借左個波黎踢幾腳....呵呵~
最後港分勝 10 : 5 呢...... 呵呵~踢完就去食飯......
但我叫左屋企留飯.......所以..冇錯,我又俾老豆鬧喇....鬧我遲返去.......

遲d仲要係日日都出去食.....又冇晒錢喇........唉~
究竟 27 號走好定 29 號走好呢?
我一定會好唔捨得你地..........尤其係細佬~
你絕對有令人擔心的本事........哈~
我對 K 放心過對你好多.......
仲會掛住tor tor ....仲有beaker~~~返黎都冇搵你傾過偈,哈~

最掛果個......我唔會俾你知o既~
而且你都唔會黎呢度架啦..呵~

>>February 23, 2004 at 6:01:30 PM GMT+8

2004 年 2 月 21 日 星期六 【晴】

今日似乎幾得閒咁~~~

十一點起身......結果都係冇睇到真光的妹妺仔打波~~~
之後食飯,食完就陪阿媽出去旺角買褸~順便買左件衫~
再去新蒲崗拎相~哈~好開心,終於有相睇喇~

三點左右就返屋企喇~一返到去第一時間梗係執相喇~
但今次出黎效果似乎都唔多好~~~好多垃圾相~~~定一話係我要求高呢???呵呵呵~
執完相就上左一陣網,細佬打左幾次電話黎~睇黎佢真係好悶~呵呵~
六點打俾立,諗住約佢出黎~
但出左門口,上左車出旺角時,發現今日得三條友,sa 仲要係後 join~結果取消左今晚的活動~

跟住打俾細佬,佢o係旺角喎,咁就叫佢出尖咀啦~
出到去我又話去紅磡食飯~哈~玩死佢呀~
冇計,我呢牌勁飄忽,自己都唔知做緊乜~sorry呀~
同佢傾左d佢面對的問題~希望我的意見對你有幫助啦~
處女座的人雖然鍾意亂諗野,但分析問題都幾得架~~~呵呵~~~

九點幾就返去喇~細佬未食飯呢~話請佢都唔食,真係.........唉~
知你點諗喇~唔迫你丫嘛係咪?呵呵~多謝你幫我慳錢喇~~~

聽晚要返黎食飯.......最後一星期喇,要留多d o係屋企~~~

>>February 22, 2004 at 4:19:14 PM GMT+8

2004 年 2 月 20 日 星期五 【炎熱】

今日都可以話有d..........唔知點咁~
可能係因為剛返黎啦~個人好累~

尋晚又四點幾五點至訓.......今朝十二點起身~~~
剛刷完牙祺就打黎喇~~~
原來係同我傾佢同青的問題~~~
講講o下........佢約左我今晚出黎食飯囉~~~

咁我同佢傾完呢,就打電話搵細佬~出黎去教育展啊~~~
約左o係灣仔碼頭等~我已經慢慢咁行過去架啦,點知去到...佢仲o係紅磡囉.......
結果15:00左右,我自己入去先,行左一陣,去左暨大個檔度hea~之後佢就黎喇~
陪佢行左一陣,又係去返暨大度囉.......呵~陪左青落去買野飲~
順便傾左d關於祺的事......之後差唔多17:00我就走喇~同細佬去m記食tea啊~

19:00 左右就同細佬返旺角....哈~佢俾人放鴿子啊~
之後搵到祺......去左新世紀食野~
順便傾返佢的問題.........期間細佬去左接kitty~跟住佢兩位就走左喇~
我同祺就一路o係度傾........講返佢的問題......傾到22:30至走~~~
其實佢都有改善架喇我覺得~~~不過就仲未到我地個 lv 囉~~~

最搞笑係細佬.......
今日一見到 sa 就話佢靚左.......哈~
見到青又話青好正~
咁呢兩樣又係真o既~呵呵呵~
之後見到祺.....佢話 祺 同 青 真係唔襯,但同 sa 好襯喎.......呵呵呵~
佢話 sa 上次去深水 土步 買芒個 look 同祺好夾喎~哇哈哈~~~

>>February 21, 2004 at 5:24:28 PM GMT+8

2004 年 2 月 19 日 星期四 【晴】

今日係行程最後一日,都係最辛苦的一日呢~~~

今朝一早大家都好似冇乜精神咁......鬼咩......個個都夜訓,有d直情冇訓~~~
食完早餐大家又去行山.......今次係勁野呀.......丹霞山呀~中國名山呀~
先去睇左個陽元石.......哈,係一舊似男性性器官的大石~~~
成班o係度做埋d勁搞笑的動作黎影相..........

之後就要行上丹霞山........之前兩日拉傷條筋,仲要日日行~
而家仲要行果條斜到差唔多 90 度的樓梯...我仲要畏高.......
真係完全地死直左俾佢睇.......好在祺幫我拎相機咋,如果唔係丫.......嘿~
行到上去又真係靚o既.......但落黎又係死囉......仲驚~哈~

幾經艱苦,行完個山,終於有得去食飯~
食完飯就去左睇韶關鋼鐵廠~~~又影左好多相~~~
睇完就四點幾,我地就開始回程返深圳喇~
車程四個幾鐘啊.......途中阿妹喊喎.......都係因為果個人.........唉~
件事睇黎都係冇得私下解決架喇~~~

出到深圳都九點喇........去羅湖城食左d野就返黎喇.........不過都十二點幾至返到~

旅行呢幾日,真係諗少左好多煩惱野.......
返到黎.......又有新煩惱~自找的嗎?
看到一句文字,心情忽然有點低落~
文字對我的影響真的很大,我果然是靠筆桿子混飯吃的~呵~
越想了解你,越覺難明白你~
我亦不想問......橫豎你一定不會答我的~

我開始後悔自己錯失機會了嗎?

>>February 20, 2004 at 8:21:38 PM GMT+8

2004 年 2 月 18 日 星期三 【晴】

今日啊.........又係累........日日都行山........唉~兩隻腳d筋都拉傷晒喇~

今朝先去左客家圍,睇左好多舊時農家人的生活~
之後去食飯...跟住就勁喇,去左珠璣古巷度"尋根"啊~
不過去到有唔係咁開心囉........大家記住玩炮仗煙花要小心d呀~~~
o係度hea左好耐......之後再撘車上梅關........呢度同江西省只係一步之隔咋~~~
但又係要行上山咁囉.........勁無奈......日日行山..........仲要勁熱.......
睇完呢個,我地就撘車去丹霞山的酒店~

車程都好耐呀,我地趁機訓左一陣~仲同導遊小鄭傾左陣~
原來佢都係82 年架咋~~~好細呀~~~
食完飯我地就開左個分享會~~~
今次我地分左三個組黎探討工業、農業同教育問題呢~
成效似乎都唔錯喎~~~個氣氛好似好過上次去大連果陣~

夜晚我地成班又去"沐足",仲食埋宵夜~
玩到點幾,小鄭黎埋阿妹房傾偈.......我同青就o係自己房傾左一陣至過去~
佢地教小鄭好多性知識啊~~~呵呵呵~~~哇哈哈~~~
三點幾青眼訓,咁我就返左去訓喇~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
了解一個人,真的很難.......
是我太傻?不自量力想進入你的世界,分享彼此生命......
不,你開心幸福就夠了......是我自作多情吧?
我想了解你...
但越了解越發覺事實的悲哀..........

>>February 20, 2004 at 7:52:11 PM GMT+8

2004 年 2 月 17 日 星期二 【陰】

今日天氣唔太好呢...........依舊係7:00 起身,不過早餐正左~

8:00就撘車去南嶺國家森林公園,去到至知原來係要不停咁行山架囉.......
行左勁多級樓梯,睇左好多瀑布啊~
但有幾條長命梯勁斜,嚇死我.......究竟我係咪真係有畏高呢?
行完再原路落返黎.....行到腳軟啊.....但之後因為時間趕唔到,我地取消左一個景點,直接去食飯喇~

食完飯就到今日重頭戲~~~去一間小學度教書啊~~~
我地先聽一堂課,再教書~阿妹教英文~我就教摺紙~~~
d 小朋友都好熱情,加上我地用禮物利誘.....哈~完全得到預計的效果呀~
本來諗住教佢地摺紙鶴架,但唔夠時間,只係教左摺星星同埋青鞋,不過都好開心喎~
我仲識左個好可愛的小朋友,佢叫陳有寶啊~超好玩呀呢個o靚仔~

上完堂落左樓下,係咁俾一大班小朋友追住黎影相,真係勁好 feel ~
當然我同小寶一齊影左好多相啦~呵呵~
最後大約 17:00 就走喇,我地勁唔捨得呢~~~

今日食飯有酒飲啊~~~食完飯我地又出左去行街街,但都唔覺有野買~
行完條步行街就走去行江邊.....青飲多左少少,呆呆地咁,呵呵呵~
22:45 就返酒店喇........要開小組會呢~希望聽日總結會有好表現啦~~~

夜晚佢地去左"沐足"......我要等青返房,冇得訓~
結果佢點幾返黎.......我地傾到三點幾至訓...........
對某d事了解多左,係好事黎o既~~~


真係勁累........要練多d行山至得喇~開心~

某人行為越黎越過火.....有人頂唔順喇~




掛念著的,從不知我心意..............
不過算啦,我知就得喇
miss you two.......

>>February 20, 2004 at 7:49:17 PM GMT+8

2004 年 2 月 16 日 星期一 【晴】

今日辛苦喇........6:30 鬧鐘,唔醒......7:00至識滾落床.....呵~拿拿臨換衫就去集合喇~

上車又訓......同青一齊坐啊~呵呵~開心~~~
跟住去到第一個目的地---鴻運菜田
影左一筒相喇呢度又...哈~因為真係靚~
之後就做左好辛苦的事,就係自己種菜~!!! 條腰勁累,但真係有好深體會~
臨走阿浩仲跌左落水,對鞋陷左落d軟泥度,差d搵唔返啊~

之後去左另一個地方犁田同埋去農家度食飯~我同恆同嘉嘉一組~
佢地間屋勁靚,完全唔似農民的屋,而且佢地原來好多都轉左行去水泥廠工人~
唔太似農民呢~~~間屋係老闆俾錢的,三層高,但一層都有我香港間屋兩倍咁滯呀~
食完飯,佢地仲俾左好多野食俾我地拎走~2:00 就去參觀工廠喇~

由於我所屬的大組係做關於工業的報告,所以我都份外留意架~
佢地間間廠都勁大,但係......地方勁大背後的土地問題又有冇人留意呢?
睇完一間又去左第二間,係紡織廠呢~我地仲可以試o下手織布俾自己啊~~~呵呵~~~勁好玩~
6 點左右仲同工人一齊去飯堂食飯tim~完全有返去五飯o既感覺呀~

食完諗住咁累,會返酒店啦~點知臨時加多左個景點喎~
參觀乳源高級中學........7000幾萬架呢間野~~~個feel就好似暨大珠海學院咁~

睇完就返酒店,開左一次小組會,之後班友又話去打保齡球...哈~
周總理同 祺 輸左,俾人罰o係酒店大堂扮靜心廣告唱歌,笑到我地死咁滯呀~呵呵呵~

但今日其實真係幾累......都係早d訓喇~~~

miss you two..............

想寫故事

發現呢團原來好多人都鍾意玩攝影.....哈~

>>February 20, 2004 at 5:53:41 PM GMT+8