2004 年 3 月 22 日 星期一 【颳風】

Seb 哥哥~~~生日快樂~~~

今日好抵死........自從知道社會學概論唔點名之後,我就成日走呢堂~
今朝又冇返呢堂八點堂喇~~~一醒就夠鐘返英文~~~
今日堂英文都......ok啦~miss又係咁緊迫性問人問題囉~~~

返完英文又無所事事咁啦.....但今日寒左好多,所以快快咁返左房~
中午約左家姐出黎食飯.......新豪記........
傾左一d問題.......但似乎.......到而家我都未實行到~~~~唉~~~
希望o係我返香港前會做得到.........

食完飯先上左家姐房~~~哈~~~佢送左條新手繩俾我啊~~~都係綠色呢~~~
之後返左房勁send歌俾佢啊~~~
跟住無聊地o係度上網~中途記起要通知阿頭今晚要開會~
仲有.........寫左張咭.........想寫信但唔夠時間~

玩到八點幾差唔多九點,阿頭忽然間打黎話要開會~
咁個會就變左我去開喇.....哈~
諗住唔駛開會,我咪遲d先食飯囉~點知要開喎~焗住肚餓咁開會~
傾左咩基本上我都唔太記得.......唉~係記得講過好多野囉~
十點九開完就同立、sa 出去食野.......食完就返黎喇~

聽日唔走得住呢..............要星期四走喇............
咁我係咪應該重新部署過個計劃呢?

雖然計劃一開始唔太成功,但我會繼續努力的.......
我,一定會做得到架~

>>March 23, 2004 at 4:53:54 PM GMT+8

2004 年 3 月 21 日 星期日 【颳風】

今日..............勁啦完全.............

尋晚同人玩icq玩到三點,今朝七點間房得我一個都仲識起身返學~~~
仲要早過平時到課室~終於唔駛坐前排上當代中國喇~
上完堂又係勁眼訓咁去上電視廣告~
好在都仲力保到我呢科唔訓覺的記錄~呵呵~

中午同左Fanny佢地出去食牛丸,之後返黎上左陣網就又上實習堂喇~
今日係拍自己的功課呢~~~仲蛇王走埋出M記拍片兼買野食~哈~
返黎睇返d片.........好搞笑~呵呵~錄晒音~

拍到過晒時間~落堂返房都五點喇~
上左陣網~聽到對面楝樓有女仔吹笛,先記得我返黎仲未掂過d笛~
咁就手痕拎出黎吹.....哈~就咁吹吹下吹到七點~堂都走埋~
同左家浩、恆、祺出去食拌面,途中撞到sa返黎,就叫埋佢出去~
一路行又撞到青食完返黎喎~呵呵~

食完飯行左陣,就陪sa去買電話卡~
哈~格左好耐價呢~~~
買完就返黎沖涼上網喇~~~

容許我,任性一次可以嗎?
無論結果如何,我只是想你知道,僅此而已
我對自己所做的,不會後悔

>>March 22, 2004 at 2:48:15 PM GMT+8

2004 年 3 月 20 日 星期六 【晴】

經過尋晚的大作戰~我最終係今朝六點半先上床訓架~~~

咁再訓醒呢~已經係下午兩點幾喇~~~
食埋尋日買個飽,咁又開始上網喇~~~
今日打多左兩篇呢~~~

打打下祺打黎喎,約我地出去食飯~有祺,妹,我,家浩,剛仔同小玉~
咁我六點半就同家浩撘車出中華廣場喇~今日食大汗介紹果間卡多夫呢~~~
依然係有水準呀~呵呵呵~~~
食完行左一陣吉之島就返黎喇~~~

全個腦d ram 都用左黎寫文~~~唔識打日記喇~呵呵~

今日仲同細佬傾過電話~~~又同好多人 icq 過..........嗯~
又知多左一d野~~~呵~~~

我答應你地,我以後會少食d架喇~~~俾d時間我~~~

>>March 21, 2004 at 4:26:46 PM GMT+8

2004 年 3 月 20 日 星期六 【晴】

呵呵呵~~~而家係3月21日清晨 5:50 ~~~

經過我全晚不眠不休,我o既 "好朋友系列" 己經寫左十個喇~
一晚十個呀~~~幾勁呀~~~
而家我全隻眼都係字.......睇黎要快d訓至得喇~

手指開始唔受控制~呵呵呵~~~

各位得閒就上我個新聞台度睇睇啦~話唔埋會有你份架~~~呵呵呵~~~

我個新聞台~~~

http://mypaper.pchome.com.tw/news/yakult910/

>>March 20, 2004 at 9:53:16 PM GMT+8

2004 年 3 月 19 日 星期五 【晴】

是日.....作文日~

因為尋晚悲哀地發現我痛苦的一周又開始,搞到我呢三日單人房生活都冇得好好享受~
不過咁,有得訓到遲遲都唔起身我都好難得架喇~算喇~

今朝呢~訓到差唔多一點至起身~一起身呢就多野做喇~
首先呢我就抹左書桌,然後就掃地........哇個地勁黑囉,仲勁多塵........
之後就拖地喇~一次漂白水加一次威露士,夠喇掛~?
再之後呢就洗地毯.......d水洗到黑色的......呃~
不過洗完晒d野間房乾淨晒~好有滿足感呢~呵呵~
但要搬的野都唔少~所以呢~單人房生活時間做就o岩架喇~

搞完一大輪,洗好晒d野都三點幾喇~咁又唔想出去食喎,就落街買左包包返上房食~
下午茶當午餐......哈哈~
之後又係上上網咁啦~開左個新系列諗住放上新聞台~
叫"好朋友系列"........係將我果一刻記得的好朋友寫低~呵呵~
大家得閒可以去睇睇~呵呵呵~

一路寫下寫下咁又到六點~青問去唔去食飯喎~咁梗係出啦~
約左佢七點,因為佢隻腳整親,要去睇師傅仔呢~~~
陪佢出去睇師傅仔,順便睇電視......台灣大選~
他x的........居然係呢個結果......唉~
咁佢睇完呢,就搵埋立同恆一齊出老地方食飯喇~

原來,過左足足一年,我都仲係犯緊同一樣o既錯
仲係煩緊同一樣o既問題,咁~其實係咪即係我根本冇長大過?

我相信愛情,但係我唔夠膽相信我自己呀..........

>>March 20, 2004 at 3:17:58 PM GMT+8

2004 年 3 月 18 日 星期四 【微冷】

今日啊.......真係單身的一日喇..........

今朝一起身.....唉~又九點半喇........到而家我都仲未返過堂報紙編輯呀.........
咁換左衫就去田徑場喇~今日我地去練體能呢~~~
未上堂前仲借剛仔佢地足球班d波踼左一陣~哈~
上堂先玩左一陣遊戲..當練50米喎~呵呵~勁跑呀~
之後練左一陣實心球~都ok啦~希望考果陣會再好d~~~
玩完就跑圈.....之後就走得喇~

跟住返房上網諗住搵人出黎食飯~點知冇人覆我........打俾sa又cut我線...
結果我同Beaker一路傾傾傾~傾到點半左右我就出去食飯順便買電話卡~
食果陣少有咁覺得好飽唔想食........因為冇心情???
買左卡同兩本雜誌就返房繼續傾~~~
一路又到七點幾......中間訓左一陣~
結果今晚又係冇人出~咁我沖左涼就費事出去喇,仲同天行傾緊~呵~
咁o係房焗左個出前丁丁就算喇~~~

後尾恆至話俾我知sa原來返左香港......早知唔send咁多個msg俾你啦~

我對個個女仔都好好咩?我唔覺o既?
但諗真d~好似又有d係喎~近得我多果d我都對佢地唔錯架~
但......都唔係多丫~呵呵~咁即係點呢我?

今日,係我同天行第一次正式見面o既一周年紀念~呵呵~開心~
唔覺唔覺,原來我地都識左成年喇~呵呵~

>>March 20, 2004 at 2:24:35 PM GMT+8

2004 年 3 月 18 日 星期四 【晴】

呢一篇,係我專誠開俾一個人的~
係呀,係你呀~ Beaker Sxx Kxx Yxx ~呵呵呵~唔好打我~

識左你唔係話太耐,計埋今日都係一年十個月二十四日~
但係呢,你已經係少數o係我心入面有位置的人喇~

起初識你係因為我考完 AL 冇野做狂上網的後果~
估唔到....哈,你係第一個 icq 主動add我而冇俾我 del 的人~
亦估唔到今時今日你o係我心入面o既位置會去到咁高~哈~

要講多謝,你唔應該多謝我~
因為我真係冇咩幫過你,好多時我亦唔知點可以幫到你~
所以只好以我自己的方法逗你笑,希望你可以開心d~
唔開心的時間每個人都會有,過左就ok晒喇~呵呵~

我反而想多謝你~
因為好多野都係同你傾傾下果陣諗到或諗通的~
或者你唔會知,呵呵~但係都要多謝先~
返黎請我食飯就得喇~呵呵~唔駛咁客氣~

既然請唔到你入睡房,咁你肯留o係廚房我都好開心架喇~
記住~想食飯的話廚房有飯廳架,唔駛出客廳架~呵呵~

>>March 19, 2004 at 7:26:24 AM GMT+8

2004 年 3 月 17 日 星期三 【晴】

是日.........唔知點形容~

尋晚唔知玩咩....呀係~我為左作首改詞"任天堂流淚"搞到四點至訓~
今朝七點又醒喇~居然冇走到英文堂.........同房就繼續訓........
上完返房都未夠十點~同房仲一路訓,走埋三四堂~
上網同花姐傾左陣,之後就出去夢娜食飯喇~今日係同sa同埋珊~

不過今日我似乎係靜左好多呢.....哈~可能因為話題唔太夾啦~
好在後尾南黎左,咁我至出返少少聲~
食完我同南去銀行,佢地就返去上堂喇~
之後我地行南門果邊返黎.......撞到南的舊朋友?

返到房又上網~玩左陣就去左睇 "男女字典"~~~
又幾好睇喎~一路睇到七點就又出去食飯喇~
今次有我、sa、立、恆四兄弟喇~~~去左食蘭州拉面~
食的途中撞到祺同妹又黎食喎~呵~跟住南都黎埋~
食完就返黎喇~~~

我覺得,很快很快我就會忍不住對你說了~
見到他的事,對我真是一個不少的衝擊~
開始思考自己究竟有沒有做錯了............
其實我最後會不會也和他一樣?

>>March 18, 2004 at 3:12:35 PM GMT+8

2004 年 3 月 16 日 星期二 【晴】

哈.............小妖~~~生日快樂~~~

莫名其妙的一天~

今朝七點醒~對~係七點~尋晚睇戲睇到兩點幾三點~居然識醒~
不過返邏輯學果陣都係頂唔住~捱到一堂,第二堂都係訓左~~~
之後去返英文報紙閱讀,成為左我全力創作歌詞的時間~
而家改緊 "朋友二號" 同 "任天堂流淚" ~就有得睇架喇~

之後諗住約佢地出黎食飯~但祺叫左我同家浩果班食呢~
咁我放學就去左專家樓喇~
原來係宣布一個消息~哈~恭喜晒~但成圍我係最後一個知~唔制呀~
雖然開頭有少少唔信,但後尾都覺得........其實一早有跡可尋,哈~我觀察力差左啊~
食完就返左房同我部腦腦談心喇~
順便修一修我作d歌詞~準備放上網呢~~~

一路玩到九點......就同立、青、恆、南出去食飯~~~
傾傾講講到十一點幾就返黎喇~仲o係舊建一撞到 sa 佢地~呵呵~

青~努力做功課啊~呵呵呵~

Beaker~

唔想咁快收線架我~我諗住用晒我張電話咭d錢同你傾架~
但果度實在太嘈~~~我諗冇咩幫到你~~~sorry呀~~~
唔好咁唔開心啦~收埋收埋會爆架真係~
最多我返黎搵你丫~~~如果你仲需要我的話~呵呵呵~
我永遠支持你架喎~你都記得我同你講過咩架係咪?
總之有咩事記得有我~嗯?呵呵~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
近來靈感不斷出現~
表示我心情又轉壞了嗎?
又或是...........我又在自欺欺人了?

其實我是在找一個寄託的地方嗎?

>>March 17, 2004 at 5:41:46 PM GMT+8

2004 年 3 月 15 日 星期一 【晴】

哈~今日啊~~~都係咁過.........

尋晚上左sa 房~三點至返黎訓,腦腦都冇拎落黎..........七點原本醒左諗住返學架~
點知醒得滯以為自己較左七點半鬧鐘,咁就訓返,再醒已經............9:30 喇~
無端端走左社會學果堂........拿拿臨換衫就去返英文喇~

今日英文堂Miss唔知做咩........勁好人喎~
不過全班都俾佢問晒啊~係咁問人問題~
上完堂就出去食飯喇~今日同家浩佢地去食拌面呢~~~

食完返黎,同佢地去左買野~之後無端端上左十樓~
呵~上左陣網就拎埋腦腦返落黎繼續玩喇~
d/l 左好多野呢~~~呵呵呵~~~好爆笑~~~

一路到夜晚~八點左右就出去食飯喇~
今晚係我、sa、恆、家浩~去左駿輝食好耐冇食的煲仔飯~
食完返黎呢~sa 就黎左我房睇片喇~~~哈~~~睇左豪情,仲有一集吳宗憲的節目~
一直睇到兩點幾至訓.......哈~
聽日睇怕上邏輯學又會訓喇.............扣分啊...慘喇~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
近來寫文章的心淡了
反是有興趣寫起歌詞來~

每一首歌詞都有我的心聲
但,你是不會知道的了
我,不會讓你知道的..........

>>March 17, 2004 at 5:50:00 AM GMT+8