2004 年 3 月 31 日 星期三 【乍寒還暖】

今日依然係不停咁落雨........係大雨

今朝又唔知醒啦.....第一次醒係七點,好唔想返學,繼續訓~
第二次醒已經係十二點半.......記得今日有補課,就醒左搵野食~~~
一路上網打文睇日記.........途中幫家姐搬水,兩點半就返學~~~

今日返學睇孫中山啊.......又係訓~
一上堂.......個個見到我都潤我.....呵~咁我都知自己真係走堂走得太勁.....
今個星期只係星期三有上過堂......哈~
上完堂又返房喇~上網等食飯丫........七點三就同sa立青出去食飯......華師啊~呵呵~
恆要後join呢~~~佢黎埋就剛好可以叫野食喇~呵呵~
食完就返房喇..........

夜晚開始個天好返d喇~冇落雨喇~希望之後會好天啦~
我d衫仲未乾啊..........真是作死~呵呵~

今日........感覺不錯~覺得自己可以再放開點~
依然感到自己有點想走回舊路~~~我要俾自己力量~~~
我要記住我在香港的說話,問題發現了,不會再去逃開~
今次要成功~嗯~

唔好理人點睇住,最緊要諗清自己點睇先~~~
好驚自己會不自覺入返舊路........如果我係咁,自己又唔發現,一定要話我知啊~
學會接受自己都有錯,不要再找藉口~~~

今晚行去華師時有一種感覺,諗到d野~
新聞台或者會寫返篇文啊~呵呵~
樣樣都寫呢度我其他版會冇野睇架~哈~各位得閒去睇睇啦~

>>April 1, 2004 at 6:04:25 PM GMT+8

2004 年 3 月 30 日 星期二 【溫暖】

今日全日都落雨呢...........

話說尋晚拎左腦腦上sa房,諗住鈺姐會上埋黎吹水食野~點知最後得我同sa兩個.......=_=
咁結果一路傾一路食............再一路傾............竟然又傾通頂~
一直傾到今朝七點三十五分我落返四樓換衫返學為止~
哇認真勁........好耐冇試過喇~

今朝就準時八點返學啦.........但一路上堂都係忍唔住訓~多謝cally俾早餐我~恩人啊~呵呵~
上完八點又要上十點堂.....呢兩堂真係係咁訓喇.......完全唔知做緊咩.......
落堂又要開班會.......選左新幹事呢~德哥係班長~恭喜~
之後一點放就搵家姐出去食飯喇~夢娜啊........

同佢食完飯,又上返sa房拎腦......點知跟住出左去同佢同立食tea喎~呵呵呵~
三點出去......五點阿智打黎話有波打喎~梗打啦係咪先~
咁就拿拿聲行返房執野換衫~~~約左五點半啊~~~

搞掂晒出門口剛剛好~咁撘車去左 軍體院 打波呢今日~~~
哈~d人都ok勁丫~~~但都係自己友三個打多~~~
打到差唔多八點,哇勁大雨喎.....個屋頂俾雨打到勁大聲.........
最後八點幾就走喇......好在果陣冇雨咋~
返到學校附近,三條友走去食牛丸~~~食完就返黎喇~~~

成日都係咁落雨.....d衫洗左又唔乾........唉,無奈~~~
而家仲要用風扇吹乾d衫..............@_@

有自己的生活,做自己想做的,其實感覺真的很不錯~~~呵呵呵~~~

>>March 31, 2004 at 4:45:13 PM GMT+8

2004 年 3 月 29 日 星期一 【雨】

今日.......心情回復平靜,但下晝落大雨呢~~~

尋晚玩電腦玩到三點至訓,點知勁多蚊,搞到四點幾都仲未有得訓
個鼻又係咁塞住透唔到氣.........今朝七點醒過,但訓返~
九點半再醒....想返英文~諗諗下又唔想返,結果又再訓~十二點半至醒~
又走左四堂喇......哈~最多堂果兩日d堂俾我走晒~

訓o係度果陣不停咁諗其實我自己諗緊咩,想要咩,想做咩~
又同自己講....其實講真心話唔係咁難架o者~
起左身就上網.....同beaker 傾左一陣,三點就出街食飯入錢同晒相~
我都勁喇~今日次次出街都撞正冇雨落果陣~
我食完野返黎,見個天黑得好唔尋常,心諗大檸樂喇~
跟住feel到有雨粉粉咁~~~一返到上房就聽到雷聲,跟住就落大雨喇~

家姐慘d,遲我少少~哈~淋到濕晒~
見咁大雨,我拖左一次地就唔再拖喇~橫掂都係會濕然後又會污糟返~
今晚仲要洗衫...洗完又唔乾喇....點算?

返房又上網啦....睇左篇網上小說--->上海往事
睇完只有深深的無奈......係咪呢種人生註定要冇結果?
八點出左去食飯順手拎相.....俾我預期中影得差啊~
跟住就返黎喇~~~陣間要洗衫~~~呵呵呵~~~快d乾~~~

快d冇雨啦.....好唔鍾意春天呀~~~濕立立.........

>>March 30, 2004 at 1:38:56 PM GMT+8

2004 年 3 月 28 日 星期日 【雨】

今日係 GiGi 結婚的大好日子呢~~~先祝呢對新人百年好合,永結同心~~~

十一點醒左,上網啦,又同小妖傾左一陣,兩點半執好晒野就出門口喇~
放左d行李去tor tor 度~之後過金鐘啦~過到去三點半~
今日大家都著得好隆重啊.......早知我就著恤衫打呔啦......
影左好多相,見左好多好耐冇見的同學~
四點半GiGi就入去註冊~呵呵~場面溫馨到爆~
五點左右就走喇~返黃大仙拎返行李就拿拿臨撘火車返廣州喇..........

今日其實個人心情係輕鬆左.........真係要好多謝好多謝小妖..........
唔係佢.......我唔會知我自己咁多野~
除左今朝的十幾分鐘~~~尋晚同佢傾左三個鐘電話........全程得佢不停咁啟發我去諗........
終於發現我自己最大的問題.........
我的問題原來就係我根本就迷失左自己,我唔知自己想點,我唔知自己應該去做d咩
我唔知自己個心其實諗緊咩............

原來我自十幾年前懂性以黎就以經唔聽自己個心講咩......原來我冇講真心話已經十幾年喇......
時間長到連我自己的潛意識都o係度幫我講緊假話.......
唔怪得個個問我想點我都只係一片空白..原來我潛意識已經幫我逃避左~
我知道你地果日做的,同小妖係同一樣野......
當佢俾左一個同你地果日一樣的反應我,我就知自己出左咩問題喇~

但我真係要多謝佢,佢好有耐性......唔怪我依依哦哦咁耐..........
o係佢同我傾的時間,佢其實不停咁啟發我去諗一d事......佢一句意見都唔俾,只係俾個方向我諗~
我發現原來我一直都唔敢俾個心出黎........好耐喇~因為驚再受傷......
自從中六之後我最多只係俾到一半心出黎........可能冇咁多tim~
你地同佢都好成功咁o係我個心果幅牆度打開左一角~
但係我對打開自己個心呢樣野唔太適應......畢竟封閉左十幾年的心,要打開係需要一d時間的~
但可能你地唔知我封閉左個心咁耐,唔適應~所以見我咁樣就覺得我唔合作~

我好感激你地,當你地付出十成真心,而我只係付出三成真心時
你地仲肯過黎打開我個心......幫我去面對自己~
但我希望你地會俾d時間我......我會努力咁去叫自己面對自己,接受自己~
我會多d去諗我到底想要d咩,想點做........我已經嘗試緊喇~
希望我o既改變有點成效之後,我可以用我自己十成的真心,去做返你地的朋友~

>>March 29, 2004 at 6:00:18 PM GMT+8

2004 年 3 月 27 日 星期六 【微冷】

今日.....又係十二點起身喇~
起身之後又唔想落床......結果係坐左o係床睇返倩以前寫俾我的信~
哈.......原來佢一早都講過我某d問題~~~

食完飯,三點細佬打黎,本來諗住唔出街,結果佢一句想搵人陪~
咁我又出左去搵佢.....算係互相陪伴啊?
同佢o係紅磡某僻靜地方傾左一陣,去左零食物語買野~
大家都唔開心....但有人陪總好過一個人的~
七點佢陪我撘車返黎(但唔知點解兩程車錢係我俾架囉...無奈~),之後返去喇~

終於,聽日要返去喇~
返黎呢幾日,發生的呢件事,我諗到的,做到的都嘗試過~
當日我冇珍惜機會,所以搞到而家咁樣~
或者我日記的態度會令你地覺得我只係想你地講一句原諒,覺得我仲係冇變~

但我覺得,問題的產生,永遠唔會只係一方面有問題
錯,我一定有,如果我冇錯根本唔會發生問題
所以我真心同你地講一聲 對唔住

我覺得,責任有時候是雙方面的
或者,你地o係日常生活中曾經俾左好多次機會我改,但我 get 唔到
到你地果日同我講,其實你地覺得已經去到一個好嚴重的地步
但我係第一次聽你地講我有問題,我自己仲未係好清楚成件事究竟係點

我相信,問題的積累唔係一朝一夕的事,你地覺得我有問題可能已經好耐
我相信,如果問題剛出現時大家有交流,或者唔會有問題發生
但現時問題已經出現左,我所能做的就係要努力去解決它

一直,我都好重視呢段友誼,以前係,而家係,將來....
如果我現時所做的事,你地只覺得我係為左迎合你地而做..........................我無話可說

一段成熟的友誼,真的會因為一次的問題就消散嗎?

>>March 28, 2004 at 2:48:15 PM GMT+8

2004 年 3 月 26 日 星期五 【颳風】

今日依然係十二點起身......自己醒的,唔想再訓~
醒左又係icq......食飯同阿媽傾過一d野~
三點幾落左街搵tor tor~陪佢買野之後上左佢屋企~
去到六點就返屋企喇~~~

或者係我前兩篇日記語氣上有問題,可能令你地誤會~
覺得我仲係唔信你地,覺得我認為自己冇錯,覺得我怪你地唔一早講問題俾我知,覺得我質疑你地

我知道~
你地已經一次又一次咁俾機會我,係我自己唔識珍惜~
返黎香港,同人傾過,點醒左......建立返d自信喇,我鼓勵自己去面對你地,講返我的諗法
希望你地可以俾多次機會我,俾d時間我去改變~
因為當初我唔知自己有咩問題,而家我知,亦都有信心去面對,去改喇~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

有一首歌,一直都想送給你們~

一起開始的旅程 S.H.E

作詞：施人誠　作曲：Neo Ivy(喜歡音樂)　編曲：Martin

忽然想到一起開始的旅程　這幾個字有種溫暖的氣氛
如果用來形容我們　是不是很巧妙傳神

從沒想過事情會這樣發生　原本陌生的人闖進了人生
從此生命中多出你們　也多出無限可能

一起作伴　一起遊玩　一起分享青春的寶藏
一起前進　一起轉彎　一起想下一個夢想

My baby　You baby　什麼都不想錯過
用心感動　這旅程中　因你而加倍的感動
My baby　You baby　讓我多記下一些沿路感受
那將會是我　最美最好的收穫

這是一段我們秘密的旅程　別人很難了解其中的興奮
可惜沒空理會他們　我在意的只有你們

未來還有很多事情要發生　豐富我這有人相伴的人生
只要我轉身看見你們　每天都精采萬分

感謝你願意陪伴我　不然我將會多麼寂寞
不然如何能把淚水　變成回憶的彩虹

>>March 27, 2004 at 3:38:23 PM GMT+8

2004 年 3 月 25 日 星期四 【颳風】

多謝細佬....真心多謝你,即使你唔會睇到~
尋晚的兩個鐘電話係返黎咁耐我唯一識笑的時間~
你俾左好多我一早應該要明的意見我,打醒我~
但記住~~~錢~~~一樣係要還的~~~

2004-03-26 14:00

呢一刻,我唔知可以講咩........
當我覺得會改,我以後有咩唔明會問o既時候
你地放棄我......係,我自找的,係我衰我唔好...
果日你地俾咁大壓力我,我真係唔知應該點做~
係我問題,我一直都驚講錯野,會失去你地,對唔住......我錯喇.......

而家
諗,我諗過~
傾,我傾過~
喊,我喊過.....
每次打"放棄"呢兩個字,就忍唔住d眼淚~

我好重視呢段關係,但有陣時我覺得,或者你地以為我知自己有咩問題
原來其實我唔知......但你地又係咁要我講,會好辛苦~
我唔係果一種可以隨時交個心出黎的人,我性格就係唔鍾意講太多自己的感覺~
就算我變,我都希望你俾d時間我變,而唔係一下子迫我~
我咁o既性格生活都20年...唔係一朝一夕時間可以改變到~
好似今日咁,我同人傾完,諗通左d,識講喇~
你地已經嫌我太慢,放棄我......我應該點做?

或者我會覺得自己係有問題,但我諗到自己的問題又未必係你地覺得我有o既問題......
到我講左出黎,你地又會覺得我諗到但唔肯講~
........我唔係你地,我唔知你地會覺得我有咩問題~
好似d人有臭狐咁,其他人覺,但佢自己未必覺~
果日我自己講果d,o係我心目中真係好 大問題架!!!
你地又係咁叫我自己講,你地又唔講,淨係話我會接受唔到~
我......唔知應該點做好......

當我想補救,我已經搵唔到出路~
如果一切真係只得返"隨緣"兩個字,咁係咪即係我再做幾多野都冇用?
我唔希望最後會變成咁.....

多謝 青 .....多謝你仲肯同講我野,俾最後一個同你地溝通的機會我~
唔係你,就算我同細佬傾左幾耐,諗通左d咩,我都講唔到上面果段說話~
就算講得出,都唔肯定你地會唔會肯聽.....

>>March 27, 2004 at 3:25:26 PM GMT+8

2004 年 3 月 25 日 星期四 【暴雨】

今日..........唔開心~

今朝十二點醒......尋晚諗到d野喇,今朝諗住講~
但睇到一句說話,信心完全崩潰...d眼淚完全唔受我控制咁湧晒出黎........
真係咁差?真係冇彎轉?我相信仲有機會,我唔會放棄~

上網上到四點幾就撘車出尖咀......去左睇書~
細佬放學六點幾出左去搵我....多謝你~
咁七點見到天行,但因為原本約果度太貴,轉左場食飯~
去到冇耐細佬就走返去搵Kitty喇~我就同天行一路食一路傾~
都係好似上次咁~我講野o既時間佔左八成~~~佢都係一直靜靜咁聽~~~

一路傾到十點左右~佢約左第二個,咁我地就走喇~
諗住搵細佬~但夜晚佢唔出得街~再諗住搵 tor tor ~後尾又覺得唔好~
最後十一點唔夠就返左屋企喇~

雖然今日係一路傾一路喊,但我相信係有得著的~
我會再努力去嘗試令你地明白我諗咩......
我會嘗試再開始真實咁表達返自己~

有錯,我會認,會改,但我需要時間
我亦都想知你地其實覺得會好hurt我的問題係咩~
我知我做左祺當初個位,變左冇晒格去迎合你地~
因為我覺得你地唔多理我,我要搵野去表現自己爭取注意~
呢個惡性循環...我越想咁做你地反而離我越遠

我成日表現到好似全世界都欠左我咁,係我心態上錯左~
我知道呢個世界有好多人慘過我,但我有時都會唔自覺咁諗~
我唔知道我幾時又會入左果d位~
因為我成日都會亂諗野,希望你地會提醒我......

我知道而家咁,冇可能一時間返去以前的位~
我只係想,你地會俾時間我,肯去睇,去留意我的轉變~
我都知道有d野係無得勉強,但最起碼我想你地知...我都會努力
因為,我真係好重視呢一段朋友關係

>>March 27, 2004 at 3:19:46 PM GMT+8

2004 年 3 月 24 日 星期三 【暴雨】

今日......返香港第一日~

尋晚......兩點幾訓,一路都仲不停咁諗~
今朝十二點起身.....上網
同青一路傾.......

四點出左街....尖咀

七返屋企食飯,食完又傾....

重新審視朋友關係..嗯...

聽日約左天行...

>>March 25, 2004 at 3:38:49 PM GMT+8

2004 年 3 月 23 日 星期二 【暴雨】

嗯.....今日唔係一個好天氣呢~~~又濕又凍~~~返香港仲不停咁落雨~~~

今朝遲遲唔願起身返果堂他媽的邏輯學......返去又係訓~
訓完呢堂就再去訓第二堂~~~英文報紙閱讀~~~
訓完仲要留低開班會.......要重選呢~~~
選完就出去食飯喇~~~

今日出左去蘭州拉面隔離果間野食呢~~~五兄弟
差唔多食完果陣,終於係恆開口先~講左一d問題~
我get到dget唔到d.......o係果度傾左好耐~其實係俾我o依o依哦哦左好耐~
但我果陣d思緒其實好混亂......我知道你地想我好,但....
你地想我做的,o係果一刻確實係有難度~

或者係我唔慣o係咁多人面前咁樣講野~
我諗用文字黎表達對我黎講會易好多.........又或者係單對單時我會自然好多........
俾d時間我........我會好好地諗下.......我諗我再返黎會好d架喇~
我諗我o係新聞台都會就呢次寫返d野~

一路就傾傾傾......傾到四點~~~之後佢地返黎睇到租樓果d~
咁佢地就去睇樓,我就返去執野返香港喇~
但返到房都係要執返d野俾恆,又執好部腦腦俾sa~
都係搞到成五點至走得.....臨行出建陽見到家姐又傾左陣~
最後撘 17:50 班火車返香港~~~返到去屋企都 20:35 喇~~~

拿拿聲食完飯就去沖涼~~~原來今晚 23:30 後冇水囉......冇食水喎~
沖完涼又落左街......約左 tor tor 22:30 食糖水~
都係傾左d野啦......想搵人認同?
或者你講得o岩o既~~~我的確係唔開心~~~

今日仲好無聊咁將行動不了了之.......

>>March 24, 2004 at 4:57:16 PM GMT+8