2004 年 4 月 20 日 星期二 【晴】

好熱啊............熱到爆啊...........
今日~~~嘉露蓮 姐姐 ~~~生日快樂~~~呵呵呵~~~
呢個衰網......唔過一點都唔俾我 login........好煩呀~

今朝果堂因為阿sir 要去開會唔駛返~一訓就訓到十二點半~~~
尋晚同房通頂睇 "歲月的童話" ~~~好吸引啊~呵呵呵~但我都係去左訓~因為果陣兩點幾三點喇~
起身上左一陣網啦~睇左報紙~諗住焗面食架喇~
一沖晒水沖埋奶茶........鈺姐打黎話出去喎~呆左囉......呵呵~

快快手食完諗住出去~部電腦又唔聽話.......肚仔又痛喎呢個時候~
結果 14:35 佢打黎,我差唔多 15:25 先出到去~~~
一行8個人出左吉之島呢........行左一陣佢地決定去中森名菜食飯~
慶祝嘉露蓮姐姐生日啊.........我都要多謝鈺姐~~~
食完就行返黎喇~~~好 full 啊今日食到~~~呵呵呵~~~

陌生人~

其實是不是偏見,我覺得...都是主觀的吧?
有也好,沒有也好,都只是個人的意見而已~

在我來說,世界上每個人的價值觀都不一樣,沒說誰一定對,誰一定錯~
我不要求別人一定要認同我的價值觀,只希望他們會明白我為何會有這個想法~
作為我朋友的,他們的價值觀也不一定與我一樣,甚至有時可能相反~
但~身為朋友,雖然有時未必認同,卻可以包容,或容許我與他們其中一些不同的價值觀並存~
能夠做得成朋友,相信這些人之間一定有一些價值觀或看法是相同的~
如果大家相異的價值觀不能包容並存,也就不能產生共鳴,這朋友也就很難做得成了~

有些時候,朋友亦會直斥我的不是~
我會去諗,如果真的是我做錯了,我會認,會改~
我的朋友亦說過,朋友之間是一個互相磨合的關係~
有人肯當面直斥自己的錯處,是難受,但是好事~

或許他們有時不理解我的想法,我會盡量去令他們明白~
如果最後大家始終不能接納對方的價值觀,那我盡了力,也只能聽天命了~
接受得到或明白我的想法的,可以讓我和他的想法並存的,自然會留下~
還是一句.......合則來,不合則去........現下價值觀不同,又未必日後都不同~
世事常變,我能做的,也只是不再逃避,努力的去做回自己而已~
曾經一班真心對我的朋友引導過我去面對這問題,我沒盡力~
現在~我得靠自己去面對問題~我相信我的改變一定會有人看得到~

Beaker~

一切盡在不言中......多謝你,呵~

仲有所有關心我的朋友們~

多謝你地,或icq或電話的關心~
其實大家都係說出自己的想法o者~
你地唔好再留d可能有人身攻擊成份的句子喇~我 del 左喇~
我唔希望見到呢度變成一個戰場~大家和平d得架喇~

>>April 21, 2004 at 6:17:18 PM GMT+8

2004 年 4 月 19 日 星期一 【晴】

自閉的一天~~~哈~~~ 差d 唔記得~~~月盈生日快樂~~~呵呵~~~

今朝一起身........頭重重咁.......望下個鐘.....九點......又走左堂~
直情就連英文都唔返.......一路訓到十二點半~~~
訓醒就上網啦.........睇報紙.........
今日同左小四傾呢~~~呵~~~金庸電台~終於又聽到喇~

之後搵到個金庸小說網~又可以睇返金老的小說,實在好開心~
睇到八點幾就出去食野~之後青俾野我啦~
返到樓下又陪左阿珊去買野~之後返房喇又~
點知返黎上唔到網.......又要56k.........fuxk
真係要去投訴下先得呀........

尋晚同兆南兄傾啦~呵呵~受益非淺~
付出與回報.........嗯~

陌生人~

我想你是有點誤會我的意思了吧?
我並不是說"我係為左要用他人的肯定而肯定自己"
而是連著第一句來說......意思是
"可能我的說話令你覺得我係為左要用他人的肯定而肯定自己先至講"
要連埋下面果幾句睇~~~"我唔否認有一刻我真係咁諗過,但~而家呢個唔再係主因喇~"
可不能斷章取義啊~~~

我覺得,尋求他人認同並無不妥~
人生在世,難到要事事都和別人不同,那才叫有自我嗎?
有些事,當然可以自得其樂,我也並不是每一事都需要他人肯定~
我覺得是對的,應該做的,我喜歡而又不影響他人的,我會做~
只是,當自己所做的事受到他人肯定,會更令人開心而已,沒人認同不代表我錯~

而且,我也不想爭取所有人的認同感,我只希望我的朋友能明白我的想法~
能夠成為朋友,我想最主要的是在這群體中產生了共鳴
能夠有共鳴,大家的思想能互相認同,才有動力去成為朋友~
難道這又有不妥嗎?

你覺得我的生活悲哀,我卻不這麼覺得~
只是大家的生活方式和所追求的不同罷了~
每個人對同一件事的看法都不同,是每個人價值觀的差異~

看你的文字,感覺上是一個想法頗偏激的人吧?
每看一句都有一種咄咄逼人的感覺.......
接受得了叫很直,接受不了可能討人厭~

很像我在珠海讀書時的一個朋友~也像我另一個朋友~
一矢中的,直插要害~
但~我感覺是你對我有了偏見了........
好像又說太多了.......陌生人~恕我多言了

>>April 20, 2004 at 5:32:14 PM GMT+8

2004 年 4 月 18 日 星期日 【晴】

今日好熱呢............

尋晚同 Kitty 傾到兩點幾三點至訓~呵呵~
臨訓前諗到d野~哈~我觀察力忽然間高左???
今朝好在仲識醒,仲識返當代中國~
我而家真係唔敢走呢堂~miss 對我地新聞學院兩班印象已經特別差,再走就麻煩喇~
佢仲講明話考試要特別出份卷俾我地呢兩班......shit,唔駛下話?
anyway,我都係有半堂訓左架......唉~連續幾日唔夠訓的後果~

放左諗住行過文學院返電視廣告,行到去時 Fanny 話miss病左唔駛返喎~
呵呵呵~爽啦~~~即時返房訓呀~~~
訓到一點左右,同房終於返黎喇~呵呵~
但都係去兩點幾我至食野....呵呵~之後上上網啦~
今晚都係冇去返學.........21:30 就幫手洗樓~~~
如果今日miss冇病,我就真係死喇~

七點幾果陣全棟宿舍大停電喎~呵呵~全棟黑晒.........
好多人玩緊電腦都熄左機....呢次認真傷呀..........好在我部機有電池~
八點落去食飯加 print 野.......終於我真係一蚊都冇得剩喇.......
青再唔俾返 $50 我,我下個星期唔駛開飯喇~呵呵~
十點幾洗完樓就拎左d計劃書出去交俾阿頭~之後返黎~
沖左今個學期正正式式的第一次凍水涼~哇真係超正~呵呵~

聽日一定要記得返八點堂.......嗯~記得~

分秒交錯~

我覺得,每個人都有自己追求的事物
只要清楚自己想要甚麼,那並沒有問題
幫手不是只為了証明我o既存在,我知道就算我咩都唔做,依然會有人記得我~
只係我覺得對唔住自己~自己有時間有能力都幫唔到人時會覺得唔應該~覺得有d浪費~
我認為自己的能力在團體中能更好的發揮,也可幫到團體~
既然我有咁o既能力同機會,點解唔去做?
入得一個團體,自然的就希望自己可以幫到呢個團體,唔係咁入黎做咩呢?

可能我的說話令你覺得我係為左要俾人知我存在而做野~
我係為左要用他人的肯定而肯定自己先至講呢d說話~
我唔否認有一刻我真係咁諗過,但~而家呢個唔再係主因喇~
我會諗,我終於有機會將我本來擁有的能力好好發揮,咁已經值得開心喇~
他人覺得我做得好唔好,我會留意,但唔會為左要人讚好至做~
每個人的價值觀都不一樣,我不能滿足所有人的要求,只是照自己的意思去做,就夠了~

哈哈~sorry~你那句話激起了我一時感觸~唔好意思~

曾經都有人同我講過差唔多的說話,當時我唔識諗~哈~錯失左好重要的東西~
凡事曾經得到過的,在失去了以後,縱然想通放開了,也難免會有一點遺憾吧?

>>April 19, 2004 at 3:36:21 PM GMT+8

2004 年 4 月 17 日 星期六 【晴】

哈~哈哈哈~勁喇今日~又係充實的一天~~~

尋晚一路寫計劃書.........寫到今朝五點先寫完~差唔多六點至有得訓~
十二點就約左家浩.......又係五分鐘搞掂落樓.....哈~而家快左好多啊~
同佢出完去食飯,之後返黎坐左一陣,一點就落去一飯幫校宣傳部手喇~

原來係幫手貼海報呢.......好多野做~先係分大海報,再黎有一班就專貼飯堂桌面~
我就無端端幫手整彩帶......之後去左宿舍貼電梯門.....但俾人趕囉......
死人丹田物業.......有批文都唔俾貼啊........浪費心機......等我地貼左兩棟先講
之後仲要撕晒d海報落黎........唔理喇~跟住出左附小個門口幫手~
果四塊就真係大海報喇.......成個門遮晒.........但勁晒啊整果陣~

整完就返一飯......再貼左d小圖...四點半就上房拎floppy出去print野順手諗食飯~
點知俾鈺姐捉左我同佢去打機........@@
佢打機時一個電話打黎,話今晚九點要再返去幫手.......呃.......呆左囉........
到七點就去左明湖樓食飯.........再行左陣興安,就返去建陽幫手喇......

返到去,原來係本身掛果兩條banner唔得,要拆左再掛過.......
搞左一大輪......隻手舉到好累啊...........都仲係搞得一條~
有個高佬.......我覺得.........佢.......唉~比我更show off............
工作其間收到阿頭的msg~佢可能返唔到黎呢.....我幫佢收住d計劃書先喎~但都冇人交.......
搞掂一條banner都成十一點喇.....咁就拿拿聲返房沖涼喇....
結果今日都係交唔到計劃書俾阿頭.....咁我尋晚咁辛苦寫晒佢為咩???

哈~今日俾人叫我入校學生會......見到佢地好忙呢~~~都有d想喎~~~
忙d.....又可以學多d野,都好丫~~~但我到時又會唔會想懶呢?呵呵~真矛盾~~~
連通兩晚頂.....頂唔順喇,個人又開始作病喇~人老左,唔夠訓唔得喇~呵呵~

陌生人~
我覺得,一個人覺得自己有冇貢獻,係好主觀的~
或者你會覺得我怪,但我覺得有野做,為團體服務可以體現到我的價值,係我的價值觀~
就係平時我冇咁多呢d機會,所以我覺得開心~
唔係想特別針對你,只係想你明白我的諗法~希望你唔好介意~

>>April 18, 2004 at 4:20:03 PM GMT+8

2004 年 4 月 16 日 星期五 【乍寒還暖】

無端端今日變左好充實............

今朝收機之後去左訓覺......發左個夢.....哇~嚇親我囉.....
個主角竟然係果一個人.....仲要係咁o既內容.........乜我呢牌真係咁缺少咩?
一直訓到三點......俾個電話嘈醒左.....原來青打黎~

哇佢一打黎就要我換衫落樓去做接待.......果陣我仲訓o係張床度~
之後換衫洗臉刷牙出門口總共只係五分鐘......又破記錄喇~呵呵~
一落去就上車過華文......原來有兩個香港家長上左黎但冇人接啊~
係網絡錯誤喎........中旅話send過e-mail 黎但我地一個都收唔到~
佢地今朝一早就上左黎....等左六個幾鐘喇.......
而且青要開會,得我一個去......好在青話返本部阿lui 會黎咋~

我心諗........仆街喇呢次,仲唔俾人 x 到阿媽都唔認得?
去到.....哈~佢地勁好人喎,仲好諒解我地.......
咁我就同佢地返黎本部......呢個時候仲要落大雨啊....好在有帶遮~
過到黎,會合左阿lui,我地就去參觀學校喇~有得坐私家車遊學校啊~呵呵~
帶左佢地去睇教學樓,科學館,上左建陽宿舍同金四宿舍,睇過真如,運動場,學活........
都差唔多遊晒全間學校架~但冇去到飯堂真係有d可惜~~~

參觀時全程都落大雨......因為怕趕唔切班車,佢地五點九左右就走喇~
我地兩個陪左佢地出去.....中國大酒店.....但......唉~
阿司機大佬玩野囉....又話果度廣交會唔入得,o係中山紀念堂放低我地,叫我地自己撘的士去~
但果度d的士俾廣交會包起晒......截唔到~結果要行返出去先有車撘~
去到....哇....身邊人全部變晒外國人......咩國家都有呀真係~勁好玩~
打算搵野食但好貴.....最後去左附近的 m 記.........

入到去好似飢荒咁.....呵呵~勁多人......而且佢地食野速度勁快,又多人行黎行去........
因為對面就係廣交會場,見到個個條頸都掛住個pass....呵呵~
咁我地好不容易搶到個位,食埋野......都七點半喇~
送左佢地去車站...諗唔到佢地會同隔離d人讚暨大囉......因為我地兩個?
為免尷尬,我地都係快快閃走~撘地鐵返黎........

返到黎再陪青出左去食牛丸...哈~之後終於返到房喇~
但招待緊人時鈺姐打過黎問聽日幫手的人.......都係要搵......
仲諗住返房會得閒搞返房d野tim.......搞掂埋就去洗我尋晚冇機會洗的衫.........
加埋個計劃書諗住今日寫但冇機會寫....即係今晚又要通頂啦?
唉........仲諗住可以早少少訓.......聽日十二點又約左家浩,一點去學生會幫手.....
不過都好......而家........呵呵~

係忙,但我開心~
終於有野做~終於覺得自己有d貢獻喇~唔再係無所事事喇~
都終於有返d價值喇........

>>April 17, 2004 at 5:52:35 PM GMT+8

2004 年 4 月 16 日 星期五 【晴】

好勁呀我.........而家至訓呀...........尋晚又通左頂喇~~~

講返尋日啦~尋日我又走左堂啦.....兩個七點鬧鐘都係唔醒~
我估同前晚四點先訓有好大關係~晚晚都夜訓......失敗~
醒左去返 PE ~之後去一飯打左飯返房~

返左房就一路上網聽歌同打計劃書~
一直去到五點半左右......打完羽毛球果份就去左睇聖鬥士星矢.....哈~
青搵左我夜晚出去食呢~~~咁七點半就出去喇~~~
一直傾到十點左右陪佢去學活,之後再同鈺姐去食野~~~
食完返房又係吹吹水,駁駁嘴的時間~兩點左右又睇星矢~一直到而家......
4月17日早上 7:00............終於大結局喇~哈~

今個星期好多人返左香港呢........一係就去左羅定........睇怕都係一個人過喇~呵呵~

好啦~去訓喇~~~訓醒今晚再打啦~呵呵呵~

>>April 16, 2004 at 11:02:02 PM GMT+8

2004 年 4 月 14 日 星期三 【綿綿細雨】

每日都落雨...........唉~

尋晚又再同同房鬥夜啦.......兩個都係趕功課~
都係一路趕功課一路玩icq......呃~去到四點至搞掂~同房又遲過我~
今朝佢又去左返學喎.......呵~真係好勁~~~

十點聽到佢返黎訓~仲收到個電話~警告?我都怕我會收到,哈~
之後訓返~十二點醒,搞掂晒就同左鈺姐出去食飯~
終於佢都去左中森名菜喇~多謝佢每次都體諒我~呵呵~
講返........原來由舊年開始一路都好多人唔妥我......唔妥我亂咁洗錢.......呵呵~
我都知架喇~唔只係亂洗,仲係唔識洗tim~~~而家改緊架喇~~~

食完飯就一齊去左行吉之島.......哈~
我口多多話不如全程講英文當練習......結果係自討苦吃,呵呵~真係救命~
好在最後鈺姐都講返中文....一額汗呀作死~~~
行完吉吉島上左上面,去打左一鋪機~睇左鈺姐打一鋪機~
之後去左睇樂器.........睇完買左個大飽飽當晚餐就返黎喇.......$3.5 ~幾好味喎又~

返黎七點半...嘈醒左同房?哈~次次我一返房佢就出去~
個校網.....交左錢連線都連唔到....唉~cheap呀~
食完個飽就打日記喇~用56k 咋~
上唔到網.....一陣打完日記應該會寫果兩份計劃書啦~費事拖咁耐喇~
早d搞掂早安心呀~阿頭都話可以早交o既~~~

哈~下次邊個出街想冇雨落可以搵我~
我一出去就冇雨....一入室內就落大雨~呵呵~返到房唔夠十分鐘即落,邪呀~

好~努力寫計劃書去......

>>April 15, 2004 at 12:51:11 PM GMT+8

2004 年 4 月 13 日 星期二 【綿綿細雨】

唔.......今日又開始落雨喇~~~

朝早 7:48 醒.......換完衫搞掂晒~ 7:55 就出到門口~
只係用左 7 分鐘~哈~破記錄呀~~~
返到去上邏輯學好彩趕到冇遲到~
落堂同兆南兄一路行去第二個課室一路爭包食....
其實我都唔知點解今日會咁架~
我完全唔知自己做緊咩........個腦好空白~

上完堂十二點,返房食左野,想上網~結果又要 56k~
之後去幫家姐搬水~返黎上唔到喎......咁過左一陣我就出去交錢包月順便寄信~
但呢個時候落大雨呢........好在我又係細雨時出,大雨時o係室內~冇事~

返房再上56k......今日整左個網上相薄喇終於~網址o係度~

http://www.pbase.com/yakult_sky

得閒上去睇睇啦~呵呵~整左好耐呀我~~~
七點半落去五飯食野,食完八點去建三等齊人過華文幫手派傳單~
但.......唉~去到原來唔俾上去囉......徒勞無功......有點浪費時間~
返黎果陣又落雨~~~咁同青去左m記買包,就返黎喇~

發現自己原來心情低落時寫的文章往往會被人讚好~
是會特別讓人有共鳴嗎???
可我覺得自己寫的東西很絕望~看不到將來,是太濫情?
尤其是 xanga 中寫的.....跟這裡完全是兩碼子的事........
到底我是怎麼了......?

>>April 14, 2004 at 5:15:26 PM GMT+8

2004 年 4 月 12 日 星期一 【晴】

今日上唔到網呢.......而家用緊56k上.......好麻煩啊~~~

尋晚又同同房鬥夜訓喇.......我又輸喇~呵呵~
今朝佢又有返學喎~我起左身都唔返,好衰仔呀~
訓到九點半起身返英文~~~

返完學呢就同阿妹阿祺出去食飯~
食完就返黎繼續諗個計劃書~原本想上網,但上到三點斷左線.....之後一直上唔返~
咁我見冇網上,就去左訓覺.......發左個夢....十指緊扣?居然係馬小玲?
訓到七點醒左,就搬開左部腦腦,開始寫信俾人~

寫左一封俾細佬,寫到一半出左去食飯~跟住去左校友樓影部相~
返黎又寫.....沖完涼就寫俾Beaker,再跟住寫左俾小四~
哈~都好耐冇試過一次過寫咁多字了~
寫完就而家上黎打日記喇~~~

近來生活都好像很呆滯的樣子.......一副活該被打劫的模樣~
很多事都失去了行動的動力.......不知道為什麼要做~
找不到讀書的意義......找不到人生的意義~
找不到存在的意義........
一片茫然..........

>>April 13, 2004 at 6:41:31 PM GMT+8

2004 年 4 月 11 日 星期日 【晴】

不知怎地......心情悶悶的~

今朝好乖....七點半起身返學........上足咁多堂呀~
四堂都冇走~~~之後叫左外賣返房食~
食完又上上網咁啦........
同Beaker 傾.........我又係咁喇~
我唔想架......但不自覺咁又去左咁諗~~~

之後下午又去上實習~哈~臨出門口肚痛喎~
嚇得我.....好在唔係最遲果個~~~
跟住又去四圍拍拍拍咁啦........哈哈~
之後返課室剪片~~~好似好好玩咁~但原來上堂教左我冇返~咁只好坐o係隔離睇喇~
玩到四點半左右就落堂返房喇~~~
執左d野.......寫左記數薄~咁就打日記喇~

夜晚去左返好耐冇返過的麻醉學.......又睇左段好核突的片~
上完堂就拿拿聲趕去開會喇~~~大家都遲到啊......阿頭似乎唔多高興呢~
開完會~終於有野做喇~兩份計劃書,會議記錄~
食埋野就返黎沖涼喇~~~

睇黎~我始終都係好執著~
relax........要放鬆d~~~嗯~~~
自然..........一切都應該來得自然,不要強求~~~
有d野,唔係我的始終都唔會係我的~
係我的自然會俾我得到手~~~隨緣啦~~~

>>April 12, 2004 at 4:08:35 PM GMT+8