2004 年 4 月 30 日 星期五 【晴】

返香港正正式式的第一日~~~

尋晚訓返自己張床...真係爽到......無法形容呀~呵呵~
今朝踢極都唔醒.....十一點幾先醒......之後食飯~
食完就出街去剪頭髮.......哈~洗剪吹...撘車諗起呢首歌...一路哼到入鋪頭~
又剪短返好多呢.......始終都唔想留長.......

剪完頭毛約左細佬出黎.....但佢要等佢爸返左工先~
咁最後我去左一個我估唔到我會去的地方....
竟然係........鈺姐屋企~~~呵呵呵~~~上左去打機同埋玩佢兩個侄女~~~
之後細佬.......竟然係上埋黎一齊打機......@@

七點左右就走喇~返屋企食飯........同細佬一齊去撘車~
路上傾左d問題啦........唉~你地.......唔識講喇~
之後返屋企又俾爸係咁哦.........呵呵~又聽到佢哦喇......
而家竟然係一邊話佢但自己又好享受俾佢哦.......哇哈哈~

返黎之後.......好似成日都唔幫手做野咁........
太對唔住屋企喇........唉~要多d陪下屋企人,多d做下家務至得.........

聽日去參觀軍艦喎.........媽拎左飛返黎,但竟然係我同老豆去喎~~~
到底..........我同老豆會唔會聽日又開火呢?

耐人尋味..........嗯~呵呵~

>>May 1, 2004 at 5:04:58 PM GMT+8

2004 年 4 月 29 日 星期四 【晴】

YO~~~第一件事~~~小四生日快樂~~~呵呵呵~~~

今日係我返香港的大日子.....呵, 今朝一早諗住返,點知一醒........9:30.......
咁咪走去返pe 囉.......點知原來今日唔駛考試....唉....蝕左一日tim~
尋晚錄左兩首楊千嬅..."舊地"同"小星星".......諗住帶埋部腦返黎,但結果太多野,冇帶~
咁同Fann,Sam,南一齊撘火車返黎~到羅湖都三點幾喇~
見時間咁o岩,就直接去沙田舅父個婚禮喇~~~

去到.....o係新城市快快手食左個麵.....四點半準時去到......
哈~舅父話一切從簡,真係好簡.....唔著禮服,唔著婚紗~~~係西裝同套裙.........
註冊完,佢地去影相~我就去返新城市大眾書局睇書......
五點幾睇到七點......陳慧的 "人間少年遊"......終於可以睇晒喇~真係幾好睇~

七點去酒樓食飯.......哈~大家都換返T-shirt牛仔褲.........真係"大家食餐飯"咁簡單囉~呵呵~
嗯~~~祝舅父舅母百年好合,永結同心~~~
呵呵~~~今晚有得飲紅酒呢~~~
食到十一點左右就完場返屋企了~

呢期愛上左錄歌.......香港部機冇喎.......
等我快d搵返個程式 dl 先.......呵呵呵~

>>April 30, 2004 at 5:13:03 PM GMT+8

2004 年 4 月 28 日 星期三 【晴】

呵呵呵~~~結果今日都係冇返英文............

朝早一醒已經九點到尾..........再訓~
十一點同房執晒野出門口喇......咁我就醒喇~
醒左又落去食飯~之後返黎冇野做喎~咁就又錄歌喇~~~
今日錄左首"流沙" 送俾小四~~~又錄左"心跳回憶"同"月半彎"~~~

兩點半青打黎話出去~咁我send完歌俾茶老大就出去喇~
哈........今日坐果架車超耐呢........差d又以為上錯車~
好在最後係o岩的~哈~三點幾四點去到~~~

今日青買左好多野呢~呵呵~終於睇o岩喇~
買完又拎左去改..........順便買野飲~
搞掂就返黎食飯~~~去左連升~~~之後就返房喇..........

到底我聽日會唔會返學呢?

>>April 29, 2004 at 4:20:02 PM GMT+8

2004 年 4 月 27 日 星期二 【晴】

唔............今日...........有點無聊~

朝早照樣返八點~我而家真係乖......呵呵~
但3 4 堂訓到死左咁.........對唔住miss喇~
放左就去一飯食飯~之後又返房啦..........簡單的生活~
又係上上網,睇睇報紙咁........今日俾我發現到有個程式可以cut左mp3d人聲架~正~

今日三點左右有人上黎整電線呢.........又鑽牆又搬晒d野走..........
仲搞到個地全部都係灰.........唉~認真灰啦........又要拖地~
結果搞左差唔多成個鐘佢地至走.......我就用左都成個鐘黎善後........
又掃地又抹野又拖地......呵呵~好在同房唔o係度~~~搞清潔果陣都係一個人好d~~~
鍾意點玩都得~~~總之最後乾淨就得喇~

搞掂所有野都五點幾喇~~~咁又上網喇.........諗住錄多隻歌但同房返左黎........=_= 呵呵~
八點又落去食飯.......又順便行左興安~而家每日的行程都幾固定~哈~
教學樓上堂--->一飯--->房上網--->三飯--->興安--->房
哈......日日如是.........都幾悶~呵呵~

買左d野返去俾屋企........仲要幫tor tor買 mic.........夠唔夠錢呢我???

好好過新生活..........

>>April 28, 2004 at 5:08:01 PM GMT+8

2004 年 4 月 26 日 星期一 【晴】

今日..........呵呵呵~~~

諗住尋晚落咁大雨,今日一定死梗啦......點知今日鬼咁好太陽喎~
七點罕有地返左社會學~~~哈~~~全世界都好驚訝會o係課室見到我囉~呵呵~
之後行去返英文~~~難得今日返足堂呢~~~
學期初果陣好似自己曾經以返足一星期學為榮........估唔到而家......
一返學大家都咁驚訝呀下.........果然我係變了~

落左堂諗住去食飯.......但一飯勁多人,結果返左房焗面食~~~
哈......跟住又o係度睇睇小說呀~研究個錄音程式點玩呀咁~
但同房仲訓緊........咁我就唔出聲,當然唔錄得音啦~
六點左右同房訓醒出去,我就開始......嘿嘿~~~

今日錄返尋晚錄左 save 唔到果隻 不妨一試 ~~~
之後搵到 愛很簡單的伴奏音樂喎~咁梗玩啦.......又錄埋~~~
仲錄左隻 洗剪吹 送俾人~~~睇黎我對吳浩康都幾偏愛~~~呵呵呵~~~

錄到咁上下........八點就出去食飯~~~
食完又過左興安........要買蚊香呢.......順手買左d乾糧........
返黎試點蚊香....但.....好騎呢囉.........呵呵~
跟住一直都係keep住嘗試send歌俾 Kitty ~~~但九點到十二點都係send到一首咁大把.......

講真,而家聽返.....都覺得自己唱得幾難聽.......呵呵呵~

我要keep住返足d d堂先得..........嗯~









........是已經到了無話可說的境地了嗎?

>>April 27, 2004 at 5:17:21 PM GMT+8

2004 年 4 月 25 日 星期日 【晴】

今日,全日都好乖~~~

準時上足每一堂~準時落堂去食飯~~~
又係上網睇書咁又一日~~~

夜晚為左要送禮俾小四........買左野~又dl 左野.......
現在熱中於玩錄音遊戲~~~係咁錄歌.........呵呵~
Kitty 成為第一個受害者~~~聽左我錄的歌........

但搞好耐都係唔掂.....呵呵~~~技術太差~~~

就返香港喇...........開心呢..........
原來我返香港果日.....4月30.....係我舅父結婚...........呃~我媽今日打上黎搵我至知咋~
呵呵~~~恭喜晒~~~

百年好合,永結同心~~~

好~訓喇~費事聽日又唔識醒呀~

>>April 26, 2004 at 6:37:13 PM GMT+8

2004 年 4 月 24 日 星期六 【晴】

慘喇............惡性循環呀.............

尋晚又四點至訓.......今日好離譜........差唔多兩點至醒....好累呢,成身軟晒~
出面又鬼咁嘈......今日係動漫社搞的 Cosplay 大賽啊........
一早就好嘈喇~~~我要關晒露台門至訓到........
同房尋晚出左去玩通頂~~~據說係今朝七點返~~~呵呵~~~

醒左就上網睇報紙.......之後鈺姐問我落唔落去睇野~我又冇落~
跟住就出左去食拌面.......同埋幫鈺姐買蜜煉川貝枇杷膏.........原來佢今日去比賽呢
去左五飯搵佢,順手幫學生會d人清理返宣傳果d貼紙
之後返房........又上網啦........同埋睇小說~~~

七點左右同左家姐出去食飯........同埋拎 Chobits 的碟~~~
傾下傾下......哈~原來佢都........哈哈........都係咁~
食完野就行返黎..........本來想去睇歌唱比賽的,但時間唔湯唔水咁......結果都係返左房~
返黎就開始睇 Chobits..........終於睇到結局喇..........

今日.....發現自己冇左寫 "在地獄仰望天堂" 的心情和靈感.........
只好先寫住同期諗的第二個故事........但呢個未定名........
希望可以快d完成啦......嗯~

子非魚,安知魚之樂?
子非我,安知我不知魚之樂?......<莊子．逍遙遊．知魚之樂>

>>April 25, 2004 at 5:23:55 PM GMT+8

2004 年 4 月 23 日 星期五 【晴】

哈..........忙碌 + 累 +有點混亂 的一天~

今朝五點至訓........十點又要起身....但我最後係 10:40 先識醒架~
11:00 去左阿頭的舊屋拎今日要用的食物~之後就行返去一飯喇~
個個人都拎住好重野啊~~~份量十足啦我地~~~呵呵呵~~~
幫手o係廚房搞左一陣,咁就出返去籃球場幫手喇~~~

今日係"國際文化聚暨南"舉行的大日子啊~~~
尋晚搞果d版呀,攤位果d物資呀都準備好喇~
咁去到又係幫手搬搬搬......set攤位喇~仲有一個大任務...........

因為我唔係負責攤位的,我的職務係"機動人員"~即係邊度唔夠人我就去邊~
結果我係好多時都要行出去買野or去借野的~呵呵~
之後定返少少呢我就去左美食攤位度幫手喇~~~
哈~我地有牛油粟米粒、咖哩魚蛋同埋碗仔翅啊......
隔離馬拉、澳門、朝先、緬甸都好正,但都唔夠台灣正.........哈~

一路幫手....粟米好快就冇晒喇....呵呵~
之後........佢地一路煮魚蛋,一路派碗仔翅.......正~
去到五點半.......仲有野剩喎~但又要收檔喎
結果我地整左煲加料勁咖哩魚蛋......呵呵呵~最後都派晒呢~~~
咁收檔又要搬野啦..........搬完要去體育館幫手........

但所謂的幫手係去撐場囉原來........咁阿頭就叫我地返去沖涼先~
再返去.....人多到爆囉........咁我地決定走喇~
返房搞返掂個拖板........八點又再落去......慶功宴呢~~~老地方~~~
有位師兄黎左啊.....仲請左我地食飯......哈~多謝晒~
食到十點左右就返黎喇...........

兩隻手臂又開始痛喇~呵呵呵~又係太耐冇運動去搬野的後果~
哈~其實我都唔知點解~男仔話我勁,可能佢地覺得我係逞強~
但我覺得,如果一個人已經可以做得到的事,點解要浪費多個人去幫手?
多個人出黎拎多d~快d做完咪仲好?係咪先~?呵呵呵~

慶功宴果陣又出現左d唔想見的場面,唔想聽到的說話.......
有個人........唉~~~我做咩我係咩關你咩事呢.......
唔好想 show off 自己就借埋我黎過橋丫唔該.......真係 7仔 老闆.........7到爆囉d人......
點解我仲要同呢個人一齊做野........唉~唔黎幫手仲要阿支阿左多多野講.......
得喇.........成圍最威係你喇......唔坐你果圍都覺得你煩呀大佬......阿頭真無奈~呵~
唔講咁多喇~~~

很多事,都是時候告一段落了

>>April 24, 2004 at 6:06:50 PM GMT+8

2004 年 4 月 23 日 星期五 【晴】

好累啊.......呵呵~現在是 4月24 日零晨 4:30........我回到房還不夠兩個鐘呢.....

尋日又走左堂喇.....成個星期得星期一上左一堂...其他全部走晒....真係作死......
十二點半去左樓下同阿頭開會,傾返夜晚搬野果度d事~
之後返房睇卡通同上上網咁啦....五點幾就過去學活,跟住戲玉黎喇~~~

六點鐘,我地先幫手搬晒幾十箱水上貨車........再上去四樓搬桌椅...........
哇個個幫手的都做到身水身汗......冇人件衫有乾的位置啊........
恆果d直情睇佢滴水..........呵呵~總共搬左兩次.......
一車係水 + 一部分桌椅,一車全部係桌椅........
之後佢地建陽幫手我就留低再幫校宣傳部搬柱過建陽~~~

幫手搬到去呢,又要再去返籃球場度幫手set場.........
開攤位啦~擺桌椅啦~分水啦......成場四圍走,係咁搬搬搬........
見到阿青一次....大家都好忙呢......
一直set到九點幾十點,總算大致上搞掂,咁等埋鈺姐,就同佢出去影印份場刋,順便食飯~

點知出到去影印果度又煩囉......冇果隻紙喎.....搞左一大輪先得~
跟埋出黎果位同學又........唉..........結果十一點幾先有飯食~
食完返黎又再去幫港分手........一路去到三點~~~不停咁做足 9 個鐘呢~~~
但我知好多人今日同我都差唔多.......大家都辛苦晒喇~~~
返黎即刻沖涼....個身勁臭,呵呵~希望聽日識醒...........

期待明天的活動~~~希望會辦得好好的~~~

tor tor~

都是一句,盡在不言中~
.........^^

我想說的,大概都早說過了~
我也說過不想這裡成為戰場..........

每個人有自己不同的說話風格,有時有的意思也未必是自己所想的那樣~
我覺得......不必太過在意
你們的留言都是當我是朋友才會留在這裡吧?我知道你們是想我好的~
不過太率直有時確易令人誤會~
各位......適可而止了

>>April 23, 2004 at 8:43:12 PM GMT+8

2004 年 4 月 21 日 星期三 【晴】

繼續晝伏夜出的一周........呵呵~

朝早本來好有雄心壯志咁想起身返英文架........
結果又係訓o係床度目送同房返學......呵呵~懶到出汁..............
十一點幾起左身.......訓o係度諗下自己究竟做緊咩......shit~
十二點幾落床上網睇報紙......又去左睇小說~~~

三點幾先食野.......期間simon 有 msg 黎叫我地聽日去幫手......
諗住全個部都出到架嘛.......點知........唉~
海燕同阿招聽日都唔得.....阿招還好,聽日搬野原本就冇預佢~佢星期六都會返黎~
海燕........唉........星期日下午至返黎囉作死........一早又唔講.........
出極都係四個,最多五個人......我都冇計喇~呵呵~

之後家姐send左套卡通俾我.......Chobits......先前唔知咩黎,睇落又幾好笑喎~
一路睇一路要 del.......部機冇位呢.........
睇到八點咁上下就去食飯~之後返黎去左幫家姐搬水~~~
返黎又睇喇........呵呵~不過未 dl 晒........同 Kitty 講,佢竟然睇過漫畫.....哈~
咁又上上網咁.....又一日喇........生理時鐘倒轉晒呢而家~呵呵~晝伏夜出啊~
早早唔願醒,晚晚唔願訓..........唔得咁呀~要改呀~嗯~

Beaker~

一字記之曰 謝 ~~~
返黎搵你~(不過有邊一次我返黎係真係搵到你架呢下?呵呵呵~)



這幾天來,我諗........我想說的,我想讓朋友知道的,也應該說得出個大概了~
幾位朋友的說話令我對原本正在思考的問題有另一種體會~
我,有我自己的一套行事方式和做人處世的原則,我所缺少的自信亦努力再建立中~
這裡,是我的一個小天地,寫的只是我個人的感覺~

朋友們價值觀和我不同,儘可留言告知~
有我icq的亦可在icq告訴我你們認為有問題的地方~最緊要讓我知道~
若最後真的是我做錯了,我會改~我覺得沒錯的,也希望你們明白~
總之希望大家在互相鞭策下一起成長就是了.......(幹嘛好像有點虐待的意味......呃~)

無論給我的意見是婉轉的還是直接的,我都會注意~
畢竟都是朋友對我的好意~

最後要謝謝你............最熟悉的陌生人

>>April 22, 2004 at 6:53:07 PM GMT+8