2004 年 5 月 10 日 星期一 【晴】

哈..........交功課喇.........

今朝又訓唔醒.........八點半醒第一次........
睇黎我都係堅持唔到呀下........
九點半再醒就返英文.......又做pass paper~
之後同家姐地出去食飯........食完返黎就上網..........

又錄歌啦....又搞機....呵呵~
今日同 Kitty 傾丫........唔開心喎佢~結果錄左隻"咕嚕咕嚕"送俾佢~呵呵~
之後個cool edit 神神地.........save唔到歌..........
一路上網.......七點問德哥借書做邏輯學.......鬼死咁難囉........

上到九點去五飯食飯.......同鈺姐一齊食~
之後返黎沖涼洗衫.......咁就落左 Cally 房一齊做功課......
從來未試過要同人一齊做呢.......可見份野幾難,又可見我俾左心機落去~哈~
十二點幾做到而家差唔多三點.....剛好做晒~~~
途中仲睇左 William Hung 的 MTV.........呃....呵呵呵~~~

今日英文堂俾 Fanny 幫我 'bun" 辮仔呢.....呵呵~條辮一直都唔散~
冇加象筋冇加繩......勁呀........去到我沖涼要洗頭果陣至記得未拆.....哈~



不要一錯再錯

>>May 11, 2004 at 6:52:46 PM GMT+8

2004 年 5 月 9 日 星期日 【晴】

嗯..............又開學喇~~~

一朝早上大姐明堂....竟然冇訓到........
之後上電覙廣告.....睇返我地拍果d片..........做下評論咁又兩堂~
放左就去食飯~~~之後就返房上網喇~~~
上到兩點幾......去返上實習.......

今日開始拍dv呢...哈~要諗拍咩好~
我諗住拍 mv.........但大家又冇共識用咩歌........
結果都係返去再諗.......下星期再決定喎........
放左就返房錄歌........Cally 上左黎啊~呵呵~
同佢講返個錄音點玩~佢又去左玩~呵呵~仲俾左幾段片我睇~哈~

之後........又走左堂麻醉......出左去食飯順便換咪.......
食完飯行返黎果陣仲o係經院出面見到螢火蟲喎~呵呵~
但我衰衰咁諗...螢火蟲其實都係蟲o者.....咁雖然係靚......
不過如果好多o係身邊飛黎飛去.....除左靚,都應該幾恐怖.....呵呵呵~又會嘈呢.....
一路行一路諗...諗諗下咩浪漫的氣氛都冇晒.......呵呵呵~淨係想笑~

返黎錄左首"目黑".......之後又上網丫........
沖完涼同Kitty傾左陣,就去打 祺 果份畢業論文...........
打完而家就去打自己社會學果份......呵呵~

努力做完佢...........嗯~

>>May 11, 2004 at 6:20:49 AM GMT+8

2004 年 5 月 8 日 星期六 【晴】

好在..........今日係晴天~~~母親節快樂~~~哈~~~

朝早十點幾起左身喇.....hea 到點幾~睇報紙上網咁~
到兩點十五分走人.....點知慈雲山塞車.......兩點半都仲o係慈雲山~
落到去車站剛好三點......咁媽黎左送我走~哈~
上左車又塞囉......獅子山隧道.......塞到四點半至過關........

六點半終於返到黎........哇散晒呀個人......
執好野就同鈺姐同嘉露蓮姐姐去食飯........
星期二約左家姐食飯呢~~~
返黎去左買日用品~之後諗住去幫家姐搬水,點知要聽日至有喎~哈~
跟住就返房喇........又上網啦......呵呵~

似乎今晚又係好多人唔太開心喎.........
唔.......希望各位都快d解決到自己的問題~包括我自己~

2004-05-10 02:00 am.......
悲慘的我仍然在趕功課中..........嗚............=_=

>>May 9, 2004 at 6:00:58 PM GMT+8

2004 年 5 月 7 日 星期五 【溫暖】

啊...........今朝好大雨啊...........

尋晚玩到三點幾至訓........今朝七點幾俾雷聲嘈醒左....係真係響到嘈醒而唔係嚇醒囉.....
再訓......隱約聽到話掛咩.......紅雨....又黑雨........
十一點唔到醒左.......已然轉返黃雨.....過左一陣仲冇晒.........
咁醒左冇耐,睇完報紙就食飯喇~

食完飯~玩左陣腦......咁兩點幾就出左去買車飛......原來改左時間呢~
明天下午 15:10 車啊.........呵呵~遲左半個鐘~
之後去左俾返球拍 tor tor~跟住就返黎喇~~~

返又係上網咁......四點幾同學的媽(又即係老豆的同事)上黎俾野我帶返去俾同學~
冇耐 Kitty 又打黎話上黎喎~咁同學的媽五點走,佢跟手就上左黎喇~
呢個 Kitty ~哈~一上黎就係咁抄我 d 珍藏小說~~~
跟住又抄埋我 d 舊相出黎睇........呃,仲要一路睇一路陰陰咀笑???呵~
近七點時佢落左去....咁話左唔預佢飯~

但之後結果係佢始終都係o係我屋企食飯架~呵呵~八點~
係第幾個同我爸媽一齊食飯呢......唔.....倩,hawa,ling,tor tor......好似就到佢喇~
呵呵呵~~~食飯有d 似審犯咁.....哈~犯人 Kitty.......老豆的壞習慣~
Beaker 上黎食野都冇同我高堂一齊,唔算~
食完又玩我部腦囉.......呵呵~竟然係同 Beaker 傾......我o係隔離睇緊"笑傲江湖"~~~
一路到九點幾先走~~~送左佢落去見到小馬~~~嗯.....嘿嘿~~~

聽日就要走喇...又要離開呢個令我放心安心開心的香港喇.....
返到去又係對住四面牆.....一部腦相依為命.......哈~~~
我要清心寡欲專心讀書喇.........考試話到就到架喇........

祝自己一路順風........

>>May 8, 2004 at 5:57:08 PM GMT+8

2004 年 5 月 6 日 星期四 【晴】

Yeah Yeah Yo ~~~嘉僖生日快樂~~~
今日竟然冇出街~~~

朝早醒左就一直留o係屋企~~~睇報紙,上網,錄歌~
加埋睇小說~~~笑傲江湖啊~~~平凡的一天~~~

成日就係咁無所事事喇~~~

本來今朝係去打波架......唉~點知一起身就肚痛...
瀉左兩三次之後以為冇事啦......點知有樣野仲大檸樂.....
又有親戚黎探我喇.......唉.......痛到死......

一直係咁痛痛痛.......唉~
睇黎返去果陣又有排煩喇.......

>>May 8, 2004 at 4:38:31 AM GMT+8

2004 年 5 月 5 日 星期三 【晴】

嗯~~~家浩生日快樂~~~呵呵~~~

約左成班人今日出黎幫家浩慶祝啊~呵呵~
今朝因為朝早遲左起身,又要忙住搞屋企野~所以......遲左出到去~
十二點半左右先到......但佢地都係剛剛齊人~原來得六個~
家浩、我、剛仔、小明、周銘、祺~~~一齊去左 Pizza Hut...........但~
原來唔止要有會員咭~仲要有coupon至可以生日送大批囉......蝕左喇~
不過唔緊要~一樣食得好飽喎~哈~

班死仔......叫左一個四人餐加個二人餐再加海鮮闊條麵.......差少少食唔晒喎~
食剩兩件芝心批......我已經認頭左一件...點知佢地猜包剪捶.....我又輸埋...
結果一條友食左半個芝心批咁滯...(之前一人食左一件再加一件普通批.)
加埋d天使麵,焗飯,薯蓉,拼盤,闊條麵........勁飽囉.....呵呵~

食完.......周銘走左~但馬騮黎左喎~又係六個人走去唱k.........
14:00~20:00........超耐.....呵呵~差不多係全男班唱歌....我唱過兩隻歌係用女聲咋~
唱左一陣馬騮又走喇.....四點幾 祺 又走.....咁我叫左 Kitty 同 Joanne 上黎~
(忽然間發現 Kitty 呢期o係我日記的出現率都好高~呵呵~)
但黎左又係咁望住我囉作死.......@@ 坐定唔夠十五分鐘小馬又上黎~
跟住........四條友就咁走左.......哈~又得返我,家浩,小明同剛仔~

五點半剛仔要返廣州,咁就得返三條友....同隔離房鬥唱舊歌囉~作死~
証明 Neway 的隔音真係.....唔多得~呵呵~
唱到七點十五 左右就走喇.....諗住會再約返佢地食盤菜(家浩講架嘛....)
點知原來冇左囉呢個節目......搞到我又話左俾屋企知唔返去食飯.....
結果......又去左鈺姐屋企...佢聽日返去喇~
我係咪好唔應該呢?兩日補課都唔返......但我都走慣堂架啦....嗯~算啦~呵呵~

o係佢度......神奇地冇打機.....只係睇漫畫,玩電腦...仲吹左笛.......=_=
都去到十一點幾至走......返到黎十二點半.......沖完涼就打日記喇~

坐巴士時諗到 d 野的~應該......會打上 xanga 吧......?

>>May 6, 2004 at 5:28:31 PM GMT+8

2004 年 5 月 4 日 星期二 【晴】

呵呵呵~~~開心心~~~打波喇~~~

今日係出去打波的大日子~尋晚較左今朝七點十五分鬧鐘,點知.......
今朝一醒.......8:51~~~我部手機竟然冇響到..........
阿媽見我咁悠閒,仲以為我約十點......其實係約左九點.........
食完早餐就拿拿聲走喇~選左撘地鐵...因為巴士塞車....

去到......十點未到.....好在~
今日有七個人打......佢地話算多架喇~星期五又會再打呢~呵呵~
真係好開心~太耐冇打波喇~~~仲要搵球會~~~嗯~~~
但我怕自己會唔記得佢地d名呢~
vet chan ,阿恩(定係欣?茵?) , jess , 一個法國朋友,仲有兩位唔記得問名...呵呵~
打到十一點就一齊去食野....呵呵~法國朋友好搞笑~

食完就各自散喇~我就返鑽石山搵 tor tor,陪佢食野,順便行陣~
之後去左佢屋企幫佢搞部電腦~順手再試埋錄音~~~
今日終於都錄到喇佢~~~仲迫我一齊錄.....@@

期間鈺姐打黎喎......佢媽公司有人對中樂有興趣?
但點解要搵我?我又點解會答應佢呢.......?真奇妙......
咁就約左星期五見喇......星期五打完波又有節目~yeah~

三點幾返黎.終於錄左同小四合唱的兩首歌~~~
哇..唱完張學友超低音男聲,跟住即唱楊千嬅高音女聲........唱到死咁滯....呵呵~
一錄好媽就返黎喇......好在錄得快o者.........
哈~趁有時間就幫青搵下資料咁~~~

聽日係家浩生日啊.......大家約左成班人出黎玩.......
希望唔駛洗咁多錢.......希望 $100 內搞得掂.......哈~
最希望大家玩得超級開心~~~^+++^~~~

>>May 5, 2004 at 10:28:44 AM GMT+8

2004 年 5 月 3 日 星期一 【晴】

哈~~~開心~~~今日買左好多野~唔駛自己出錢~~~

今朝一早十點幾,都未訓醒阿媽就打返黎~叫我即刻換衫出門口~
咁我搞掂就十一點半出到旺角~原來佢同我去買衫呢~
去左一間樓上鋪.....全間都賣褲架囉.......d 碼仲勁大...開心~
係咁揀係咁試......最後買左 5 條褲 3 件衫.....洗左 700 幾左右......
難得咁多野夾埋都唔駛過千........非常好~

買完野,返屋企換左衫......浸左褲~咁食左d 野又出去喇~
要去 tor tor 度幫佢裝錄音程式呢~~~呵呵~~~但好似唔多成功~~~
之後佢要去考中文 oral,我就返勞校搵細佬~~~

今日返去見唔到老師,但見到好多熟的師弟妹啊~
上左 5 樓球場等細佬........四點幾返到去,等到五點至走~
跟住佢換衫時我就去左自修室,見到step、吉仔、雯、肥 sue~
落去雨操場見到龍嘉敏佢地~仲有細佬個細佬小馬~呵呵~之後等埋細佬就走喇~

行行下......我地竟然去左真光搵 Kitty.......跟住去吉野家溫書......=_=
我同細佬諗住走...但行到去巴士站又返轉頭......
結果o係油麻地行到去豉油街間吉野家囉.....咁就行到六點幾喇~
坐左一陣.....媽打黎話煮飯~咁我就返去喇~~~

夜晚食完飯,沖左涼又落 tor tor 度~搞掂至收手~順便拎羽毛球拍~
哈~終於俾我搞掂左~~~仲錄埋d搞笑野........呵呵~
十二點準時返到屋企~嗯~

返黎香港......好似係有功課要做的.....但.....題目係咩呢?
社會學啊.........論文啊.......點算?
仲要再send 邀請函俾球會打友誼賽......嗯~
最好可以搵埋贊助.....羽毛球真係應該搵贊助....要用好多錢....呵~

假期咁就過左一半喇.........真係快.......
要加油呀~

>>May 4, 2004 at 5:04:58 PM GMT+8

2004 年 5 月 2 日 星期日 【晴】

唔.......今日啊........聚舊的一天~

朝早原本約左人打波~但佢地改左期,星期三打~
加上有野要幫手,咁唔去得~
十一點約左姐同心去唱k...荃灣喎~
咁我十點半撘車去喇~點知就出事喇~~~

我落左小巴...照住記憶中的路行(即係我唔記得左條路@@)
點知唔知行左去邊度.......去左街市.........
跟住又行左唔知去邊...行左好耐至行得返去地鐵站...
好在鈺姐都要搵路o者~~~呵呵呵~~~

兩條友又行去英皇娛樂中心~~~中途買左一大堆野食...呵呵~
唱到一點,阿心放左學就黎 join 返我地~
三點走喇~之後去左打機~再之後去左鈺姐屋企打機...呵呵呵~
食左好多"立雜"野.......仲飲左碗面豉湯tim~~~
打 Dead or Alive.......我居然輸左俾小心心...........竟然會輸~呵呵呵~失敗呀~

打到七點就返屋企喇~又俾媽哦喇今日.......
今日唔記得左......拎headphone俾tor tor~
打俾細佬想傾佢又訓左...尋晚佢掛住同佢老爸講野,我最後收左線~
希望佢冇咩事啦........身體又唔係好~因住又胃痛~嗯......

哈~何苦要搞到自己咁多野煩呢~~~簡簡單單,直接 d 咪好囉~~~
以前我都好多野煩架~而家都覺直接 d ~唔好太多野放上心係好事來的~
放輕鬆 d 啦各位.....

>>May 3, 2004 at 2:45:42 PM GMT+8

2004 年 5 月 1 日 星期六 【晴】

2004-05-02 軍艦+樂富行

showhappy真係唔係好得~~~9點幾已經login唔到~
唔係真係咁多人下話......

講返先~尋晚本來諗住早d訓~
點知打左俾Kitty......一傾就由一點傾到三點幾......
訓左唔夠四個鐘又起身喇~~~今朝要去參觀軍艦呢~~~
七點俾老豆抄醒左~~~佢已經換好晒衫喇......

八點半落到集合地點...由開車到入到軍營只係半個鐘~
哈~真係好耐冇同老豆出過街喇...兩個人...
難得佢日心情好好喎~~~成程係咁講笑喎~~~
又難得我今日都勁好喎~完全冇想開火的意思~
難得的開心......難得~~~

今日好晒呢~同老豆一齊上左軍艦睇~
我個人就興趣不大~但見老豆咁有興致~就不停咁同佢影相~呵呵~
好耐未見過佢咁o既樣呢...咁開心~我都開心埋~
對上果次見佢咁好似都係我會考放榜果陣喇......

十一點睇完就返黎~~~食完飯同老豆去街市買菜~
之後返黎...上網囉~三點左右落去樂富搵家浩佢地~
無端端食左個開心樂園餐~哈~換左隻狗俾人~
之後去到個場...竟然見到Hydon佢地囉~呵呵~
青動的活動暨南都有檔口啊~

之後四點幾又走喇~見無咩做又唔想咁快返去~
就打左俾倩~終於俾到份禮佢喇~呵呵~
之後o係7-11買左最愛的思樂冰行去巴士站~
跟住就返屋企喇~

返黎......又係上上網咁~~~
拎返d小說出黎睇~
夜晚又有野發生啦...
細佬十二點幾打黎同我傾~但佢同佢老豆似又有爭執...
o係話筒聽到的我都覺唔好受,我覺得...佢會幾難受囉~

唉~講返你兩個......
點解成日都係靠中間人?明知會有問題仲要咁?
唔好再逃避啦......(Both of you two)

>>May 3, 2004 at 2:16:48 PM GMT+8