2004 年 6 月 25 日 星期五 【晴】

2004-06-26

哇...今日勁勁喇~

尋晚玩電腦玩到三點先訓,今朝七點半醒到喎~呵呵~
冇計~今日要去打最最愛的羽毛球~呵呵~幾早都起身啦~
約左九點...八點出門口可惜塞車...都係九點十五分先到...
今日係三個人呀又~vet chan 啦、阿莉? 同埋我~
一去到熱身都冇就即落場...咁就出事喇~

我不停咁打...打打打...打足一個鐘~
去到後尾一下唔覺意...又整親右腳足踝個舊患...痛到呀...
兩隻手尋日打排球又拉親肌肉在先...今日再黎多鋪~
搞到連舉手都痛...膊頭位完全死左~

出完一身水...打完就返屋企沖涼換衫~
玩左陣電腦就出去溫書喇~但要戴護足踝果個野行路呢...
一路溫溫溫...去到四點幾覺好悶,又搵左細佬出黎...
竟然係兩條友去左行沙田新城市...哈~

之後 Kitty 黎埋...hea左一陣變左冇屋企飯食~
細佬去打波~咁我同 Kitty 走啦~
o係地鐵站傾左一陣...送左佢返去~途中同阿心傾左陣~
之後佢又送我去食野喎~呵呵

食飯時同心傾左都ok耐啦~哈~
食完就拿拿聲返屋企~

今晚見到d唔多開心的事囉...
終於感到原來呢個世界有好多人係好冇品的...
加埋周身都痛...唉~灰呀~

唔開心

>>June 26, 2004 at 5:49:38 PM GMT+8

2004 年 6 月 23 日 星期三 【晴】

終於開始我每日溫書的日子~
今日剪完頭髮又去溫啦~

但好似開始頂唔住d冷氣...哈~凍啊......
同埋忍唔住咁靜...溫左五個鐘又出左尖咀睇書呢.......哈~

>>June 24, 2004 at 1:04:41 PM GMT+8

2004 年 6 月 21 日 星期一 【清涼】

2004-06-22

哈~大日子...今日返香港啊~

尋晚都兩點幾訓.......今朝竟然七點半識醒~
返左我第二次都係最後一次的社會學~
上堂訓左陣啦...好在兆南兄拍醒我先至抄得到考試d野,唔係就白上一堂喇~
放左就梗係拿拿聲走啦~~~踏上回港之旅~~~

超多野拎返黎啊...一個超重袋滿野的旅行袋
一個袋晒我考試用書的背包
一部手提電腦、仲有一個羽毛球袋~
由出發到返到黎不停咁拎黎拎去...重到呀...唉~

好在~十點半出去,一點左右就返到香港喇~yeah~
o係屋企食左飯,上左陣網就出街喇~
約左細佬出黎呢......陪佢去買野俾人啊...呵呵~
之後行左去海傍坐啦~諗住等 Kitty,點知等唔到~哈~
因為我要七點返去食飯~

食完飯又玩左陣腦腦......九點左右再出去~
今次見到Kitty喇~俾左隻介子佢啦~
同佢同細佬o係紅磡遊蕩同埋坐....傾~@@
做左好多唔應該做的事啦~

玩到十二點去左 7-11 繼續...個天落左幾陣雨呢~
玩左陣之後就搵車返屋企喇~一點半左右返到啦~
返黎涼都未沖就即刻打日記喇~呵呵~

今日有一種呢牌都未出現過的感覺又再出現左......

唔係一件好事

>>June 22, 2004 at 6:20:50 PM GMT+8

2004 年 6 月 21 日 星期一 【清涼】

哈哈~~~終於返左黎香港喇~~~

終於呢度可以重生喇~~~yeah~~~
死人學校個網絡...玩死我個網~~~

再次感謝 kitty 同 tor tor 幫我hold 住呢度呀~
我返左黎~應該日日寫架喇~~~呵呵呵~~~
唔得呀~~~好開心呀真係........

>>June 22, 2004 at 6:19:00 PM GMT+8

2004 年 6 月 13 日 星期日 【晴】

"呵呵呵~再唔返黎留返d野我個acct又死架喇~
唔該晒 tor tor 同 Kitty
幫我手呀~~~
我返黎香港之後呢度會復活架~
等我呀~"

>>June 14, 2004 at 3:33:51 PM GMT+8

2004 年 6 月 7 日 星期一 【晴】

"他x的學校封左showhappy~我而家宣佈呢度正式死亡喇~

我過左檔去xanga喇~大家得閒就過去睇睇啦~
http://www.xanga.com/home.aspx?user=yakult_sky

仲有一個MCQ日記~
http://mcq.com.hk/diary.php?id=skywonderful
記得多d去喇~呵呵呵~"

>>June 8, 2004 at 11:24:56 AM GMT+8

2004 年 5 月 24 日 星期一 【晴】

哈~今日有兩個人生日啊~~~

二拎、JJ 生日快樂~~~呵呵呵~~~

唔.........今朝你打黎叫醒我.....哈~但我都係走左八點堂架~
九點半醒左返十點堂........英文終於派準考證丫.........
星期四考 oral~星期六筆試~
放左返房放低野又出去喇~今日約左家姐啊~~~

同佢同潔儀出左去食中森名菜.........哈~多謝家姐~
但跟住原來係我請佢去打機囉......自己又打埋一份囉~哈~
打機前打過俾你啦.......哈~sorry呀~
其實今日心情一直都down down地.......借打機分散注意力都好~

打完去左行吉之島~買左包返黎當飯~~~
之後四點幾返房.......又上網喇~~~好悶呢今日..........
嗯...之後今日同細佬 K 同Beaker傾啦~呵呵~
食完飯冇耐你就online喇~~~

一路keep住同三個以上的人傾.....好耐未試過喇~呵~
仲要係全部都唔同話題.............哈~有趣有趣~
途中出左露台.........嗯.................
有點胃痛,有點頭痛,有點頭暈~哈...竟然~

又再聽返李克勤喇..........仲有梁靜茹~



值得

>>May 25, 2004 at 5:01:41 PM GMT+8

2004 年 5 月 23 日 星期日 【晴】

嗯...........今日好忙呢............

今朝你打黎morning call我呢......哈~
尋晚做功課做到四點幾.....差d唔識醒喇......好在~
拿拿臨換衫出門口喇~去到課室o岩o岩好開波~
今日........狀態不佳呢.........好鬼眼訓......大姐明真係........@@

上完想返房訓架喇~~~但俾兆南兄捉左我去返學.......哈~
結果今日點名喎.........又一次好在.......多謝兆南兄~哈~
兩堂有一堂時間都係訓......兆南兄同Cally 係咁叫我儲錢返香港......
哈~我都想呀........但儲到先得架~~~
放左就幫鈺姐打埋飯去我房食,佢要打劇本呢~~~

食完飯打左俾你啦~~~呵呵呵~~~
細佬竟然咁對你啊.......打佢啦~俾我就唔忍佢喇~呵呵呵~
之後訓左半個鐘左右,又要去返實習喇~~~

今日實習又去返足球場拍野~~~好熱呢.......好大個太陽~~~
哈~超搞笑.......拍晒基本的分鏡先.........
再拍個波轉.......但呢個鏡頭好似唔多成功~~~
Sam 不愧係第一男主角~~~哈~~~好戲呀下~~~"一粒都不能漏"~~~

拍完晒就返房喇.......鈺姐又黎左打野.....
我頂唔順喇~返黎冇耐就去訓........但鈺姐竟然唔知我同房返左黎仲訓緊.......哈~
訓左一陣竟然停電.........唉~熱到嘔.......
之後有人黎搵同房......哈~傾左一陣,我其實仲訓緊~

去到七點......冇心情,結果同鈺姐一齊走堂~
出左去print野......順便食飯~今日係燒鵝仔呢~
食完返黎........上網啦........睇報紙咁囉...........
同你都傾左陣icq.......但今晚似乎大家都..........唔...........

出左露台幾次........好有衝動........

我諗我俾太大壓力你喇.......嗯~

>>May 24, 2004 at 4:52:35 PM GMT+8

2004 年 5 月 22 日 星期六 【晴】

嗯........今日終於要走喇.........

今朝你十點幾打黎......估唔到咁早呢~哈~
究竟果個係咩原因.......我真係好想知喎~~~
哈......食左早餐又上網啦~睇睇報紙咁~~~
同你又傾左一陣電話.....哈~o係香港傾電話唔駛錢真係一件好幸福的事啊~~~

十二點幾食飯.......食完老豆就返工喇........
諗住今日你會出黎~~~但你唔想,咁就唔好喇~累要抖多d~嗯~
你三點去學琴呢........我就繼續o係屋企hea~
六點終於出門口喇........開始返去喇~~~

先去左又一城.....買左鈺姐要的薯蓉~
然後上左去食麥叔叔~~~之後就撘火車去上水搵家姐喇~~~
哈~一路上都同你傾電話呢~~~點知到左上水,家姐遲到囉........
覆左個sms 俾你~呵呵~約七點半最後都係八點至過關......

返到學校,第一時間唔係上房.....竟然係去左家姐房幫手搬水...哈~
一返到入房第一時間梗係打俾你啦~~~
傾左一陣就去沖涼洗衫.......之後又傾到一d問題~嗯~
我地要努力克服佢~~~我相信我地可以架~~~

今日見唔到你呢...最快都要六月中至再見喇......

我不想做好人,我只想對我愛的人好而已~

Beaker~
一餐半餐~
你上黎我請你~yeah~~~

>>May 23, 2004 at 5:30:23 PM GMT+8

2004 年 5 月 21 日 星期五 【晴】

哈~~~開心第二天~~~

朝早九點半唔到俾老豆抄醒左.........呃........
食左母親大人自製的乳酪囉.......勁飽喎~
諗到你未起身架喇,唔打俾你住~
上網同 青 傾左陣,自己又諗左d問題........嗯......可能我真係去得太快喇~哈~

跟住十一點幾打俾你啦~~~未訓醒喎~又同Beaker傾左陣icq~
原本我應該出旺角買車飛返去的......但後尾都係決定撘火車~
咁就o係屋企hea到一點......高堂們返晒黎......煮飯喇~
你終於醒喇......呵呵~食完飯又傾左陣~之後約出黎做功課丫~

咁我兩點半就出尖咀啦~你話沖完涼就出架嘛.....
哈~但你竟然係訓返.....三點半先沖~
我就去左商務睇書......林詠琛出左新書啊......夢中消失~又俾我睇完丫~勁~
中途打過俾你,但....哈~sorry呀~~~之後你就出黎喇~
五點幾六點~剛睇完起身你就打黎喇.....一眼就見到你喇~呵呵~

之後我地就去搵地方做功課丫.....哈~竟然o係馬路口見到 青 ~
佢係我果邊第一個見過你的朋友呢.......哈~
跟住我地落左 HMV 隔離麥記做功課丫.....我做做下竟然去左寫故事......
你專心過我好多呢.......哈~
去到八點左右我地就轉場去食飯.......呵~食完竟然係去左黃大仙搵 tor tor 啊~~~

哈~食完一場又一場~~~竟然最後係請左tor tor 食糖水~
之後送你返去喇~d 時間同尋日一樣喎~
又係送完你落到地鐵站剛好走左架車.......哈~
跟住拿拿聲返打日記喇~~~呵呵~~~

其實我也擔心過~內心也都尚有不安,疑惑~
但既然我選擇了你,我便會努力的去解決我們要面對的問題~
或許我有時會太急進,請你一定要提醒我~
要發生一段愛情不難,但我希望我們能更了解彼此的需要,努力去維繫這段感情~
畢竟,經營一段長久的愛情是一個終生的課題,我希望我們可以~
是我的,終究也會是我的,對嗎?

衰野Beaker~
哈~~~咩便宜左我呀~佢為我荷包著想呀~~~
等我都請你地去麥記一人一杯奶昔算喇~~~
有剩果d留返黎俾我同佢傾長途算啦~呵呵呵~

>>May 22, 2004 at 5:24:42 PM GMT+8