2008 年 6 月 7 日 星期六 【雨】

***號外***


我已找到當年校刊，而家已經聯絡上
Irene、philip、芷茵、樂賢、紫文、wymen
范寶、貝多分、阿葉、edddie、sara
山貓、阿元、debbie、annla、andy
victory、keats、宇穗、阿潔瑩、mark
子健、阿漢、咸濕成、至醒、天才
pui yee、家蕙、寶珊、venis、winnie
達成、家安、mandy、maggie、阿熹
慧玲、阿順、文仔、mrs chan

我已經send了email給你們，send左張
相片連名單...其餘的我用藍字的名，現
在還未找到，你們有冇人仲有同佢地聯絡呢?
老實說.我同philip、irene已經盡力找...其實我
已經冇方法找到佢地，希望你們有人可以找到
餘下的。

日子定了6月尾，時間地點未定，大家用email又好
電話又好、在此留言也好，最緊要報到....

感謝大家咁努力找舊同學....其實以而家人數，我已經
覺得很滿足，當然..能夠全班一起就最好啦，但有時D
野都好難盡如人意吧.....總之，有通知會在這裡發報的~~
大家要留意呀....

再一次多謝、感謝..大家支持今次聚會及幫助找我們的同學~

>>June 7, 2008 at 4:41:01 PM GMT+8

2008 年 6 月 6 日 星期五 【颱風】

返錯工.....險些


今日一早諗住開工，到出門口先知，原來之前
有同事同我調左今日off....頂!!一早起身....攪好哂
先記得....之前完全冇左回事......唉..正食塞米！
好彩今日唔使返工，我家前條小路水浸，間水出
去又係死...騎單車出去都會驚仆死.....
既然唔使返工..又換返衫再訓，下雨天...呯呯嘭嘭
好似秲別好訓咁，諗起師兄好調唔調..調中今日
落狗屎，睇你下次仲調唔調.......咁上次幫你開夜
都係值得既......這時擺出一個幸災樂禍的樣子...
我真係衰呢!!!

今早是黑色暴雨警告，本應該好多人都唔使返工
，我亦不放過今天，聯絡更加多的舊同學，成功比
我找到五個，五個其中一個原來還有同另一個聯絡
交往，咁即係總共聯絡到六人，今次聯絡的行動比
預期順利很多，也許是神的家眷顧吧....。現在只待
irene回來，等佢找埋另外的女同學，咁聯絡方面
就應該九九十十了。今日我亦上網到母校網睇睇，發覺
以前的班主任仲在學校教書，真係太好了，找她
一定會更容易同方便，另一方面，我們還要商量
舊生聚會的地方，現在有暫有三個選擇就係酒樓、
燒烤場、私人會所.....唔知大家想去邊呢?都係投
票決定。

如果你們看到這篇文章，又或者從其他渠道知道
此『投票活動』可以email、打電話、在此留言、
任何一個可以聯絡到我或者philip的方法，希望今
次聚會會攪得好好睇睇啦....

>>June 7, 2008 at 5:55:03 AM GMT+8

2008 年 6 月 5 日 星期四 【颱風】

籌備舊生會聚會


今日打左個電話比philip，同佢傾左一陣子.....
講起話不如攪返個『中學同學的聚會』，我
地兩個都贊成，今日用email問埋irene..佢都支持
今次活動。

萬事起頭真係好難，在家中找返一本當年的紀念
冊，內裡都有絶大部分的舊同學電話，今日打去
比佢地，有些可以聯絡得上，有些就改了電話，
有d直頭忘記左...已經唔知你係邊個，好不容易
我才聯絡到10幾個人，我諗應該唔止會咁少人，
因為有些返工未返，那邊廂，philip都聯絡到幾
個人，而家希望靠大家..一個找一個咁的方式，
希望盡量找回一班完整的同學...同時，我都想
找返當年的班主任一齊..

不知道這次聚會唔會攪得成功呢...話哂大家都相隔
左10幾年，或多或少都會有d生疏吧....但點都好，我
都好希望可以攪得成今次舊生會聚會啦.....

>>June 6, 2008 at 11:02:19 AM GMT+8

2008 年 6 月 4 日 星期三 【綿綿細雨】

急救續牌


又到三年一度的續牌日了.....，今日去st john報名上番
兩課當補課...去準備考試，記得第一年考果陣，同埋
班中學同學仔都係手騰腳振，最後..我竟然放留敷料，
就咁包紮.....考完阿sir先同我講，你漏左......真係十分
無奈..都諗住肥緊......點知....得出結果又合格....真係好
幸運呢....但今次..我覺得已經冇左緊張的感覺....因為
本身自己有個底，而且已經考過幾次.....所以一D都唔
擔心....好有信心會好順利.....

放工約左Philip...飲野，順便同佢講irene的事，大家相
約時間來個飯局，無見philip一排，今日先知佢轉左工
，可能大家冇見一段時間關係，大家都好多野傾，不經不
覺已經傾左成個幾鐘，霸左人地張枱咁耐真係有d唔好意思...
因為我地只係叫左兩杯飲品....認真混吉...

>>June 5, 2008 at 12:43:14 PM GMT+8

2008 年 6 月 3 日 星期二 【微雨】

睇牙醫‧陪佢


今日放工，陪佢出去睇牙醫，嘩....我去到聽到d
吱吱聲...真係聽到毛管動埋.....超高頻率..超難聽.....
好在唔係我睇.......如果唔係，我真係唔知點算...說開
由細到大都唔會話刻意去保養下d牙，都係例早晚刷
一次就算，佢又係同我做同一樣野...真係唔明點解佢
會蛀牙.....但反轉頭暈身熱..我就多佢好多，諗下諗下
佢上一次病係幾時我都唔記得..但我就肯定上星期痾到
九彩。不經不覺咁快整完d牙....盛惠1500蚊..粗略同牙醫
計過..佢由入到出只係30分鐘..除返開時間..你每秒收我
8毫幾子...你好好賺啊......我可慘了.....!!!

小休陣....收到..irene電話，佢又要飛喇，問到我要咩手信
喎...我話是但啦，什麼都可以吧。這時心想..你份跟車都
唔錯吧..週遊歷國，我走極都係天水圍..元朗...遠極都係屯門...
真係悶到嘔茄..!唔知遲d有冇機會衝出九龍呢....這個後備可
有點兒發霉喇...



>>June 24, 2008 at 12:15:41 PM GMT+8

2008 年 6 月 2 日 星期一 【颱風】

小師妹..


又係咁.....往往都係我差不多收工先，『沙』一陣勁雨，
在駕駛室內見到好多唔帶遮的學生、藍領、白領等等.....
在雨中跑呀..跑.....追呀..追，見到佢地咁又覺得自己在
室內好似好幸福咁，望到佢地咁..有種幸災樂禍心態咁...

咁我都冇咁衰吧，約我眼見到你追我車門上，我都會等
埋你，就係咁...我就延誤左分零鐘...到站又害我冇得去..
解決，途中occ有提示係『黃雨』，再望望個天，放工真
係有遮都死啦...!!!

丫...畸形得佢，放工走陣又冇雨喎.....真係神奇..!!!返休息室
時見到個師妹...很生面口啊...她竟然主動向我打招呼，講
左兩句...果然如我所料...係新人....比我感覺很有禮貌架....
呢D真係識做人呀.....另一方面..心中暗喜...他日如果有需要
調假，可能會有著落喇...

>>June 3, 2008 at 12:50:30 PM GMT+8

2008 年 6 月 1 日 星期日 【酷熱】

阿Sir跟我車....『751 』(至屯門站)


是日....咁巧合被抽中，比阿Sir跟車....其實都
知係時候，應該會差不多落黎睇我一轉，今日
諗住自己真係好幸運，因為唔係駕『循環線』
，感覺上冇咁死咕咕，點知...就係今日長途車
先中招，不過阿Sir都算係咁，冇跟全程，但自
己真係有點緊張，因為要樣樣做足比佢睇...

在途中，阿Sir留意我副『黑超』....佢話..咁淡色
..真係可以擋太陽光線嗎?其實..我都知係副黑超
唔夠黑，但當時配左成千蚊呀.....開初諗住咁黑
既黑超會睇唔到路.....點知...做落先知好黑既超
都會睇得好清楚....睇路、睇女仔、睇水、甚至
黃昏時段都好清楚......。而家我都諗係時候要
配多一副黑D既超開工喇，唉..又要用D無謂錢了.........!!!!

>>June 2, 2008 at 10:17:55 AM GMT+8

2008 年 5 月 31 日 星期六 【清涼】

另一個的相遇


今日放lunch..去左食牛什河，食食下比我撞返
『咸濕成』...，如以往一樣，中間分界的髮型，
所以我一眼望得出佢....，大家打了個招呼之餘
，還坐在一起食lunch....

其實佢並唔係『咸濕』...，係因為當年佢戴眼
鏡帶同好低，望落成個『咸濕伯父』咁...，所
以先會有咁既綽號....哈!!!!!講返起...當年佢讀書
真係好勁，D功課有返咁上下，所以佢係我地
抄襲功課的對象...呢件事..佢都記得，我們又講
到果陣時我地做美術分組時，做的『膠樽潛水艇』
還留在佢家中...!!!真係長情啊...!!!我又問到佢住那兒，記
得果陣佢係住新元朗中心旁的村屋，而家佢話因為
當年要建西鐵而被迫遷，家下住元朗某大厡.....

而家佢在某中學裡做教師，都啱數吧，佢咁好成績
唔做呢行又可以做咩丫，計計下...計埋佢在內，我已經
知道第二個同學仔做教師了....唉....人地真係厲害呀...
自己真係望塵莫及...心想...自己真係咁不濟嘛?講真丫...
我真係好羨慕呢......

食完Lunch，各有各散，臨散時，大家交換聯絡方
法，我亦講起..我還有同『姜豬』聯絡呀，佢當堂
呆了一呆，說道﹕畢業咁耐都有聯絡嗎﹖佢也想見見他
吧..我估，我們大家都約定好，在短期內再聚。

近呢個月真係成日都撞返D舊同學，先係Irene，今日又撞
到佢，其實心中我真係好開心..上天真係對我不薄喇.....

>>June 1, 2008 at 6:29:04 AM GMT+8

2008 年 5 月 30 日 星期五 【炎熱】

遊車河~


今日一放工....就同C Four去遊車河，
C Four中有三個已經有車牌，我地輪住
開車，遊完整個香港咁滯........果然..手
車最屎果個係我，當然啦.我都唔知有幾
耐冇駕過私家車喇.....路面的確係難睇一點
....冇固定路線，有點老鼠拉龜.....冇一句鐘
自己叫投降..安安份份做埋個乘客.........

行程中的確係響受，好耐都冇同佢地一齊
，今日大家聚集一起，真係難得，我地食
完飯又去食糖水.....真係開心到不得了.....
回程時..一個個咁送大家回家，最尾...始終
都要我駕返架車還比人...!!!!

你地欠我油錢呀，回程真係各有各走，
用完人車要打爆返個缸..是例牌啦，你地
唔係諗住幾草野都『側側博』嘛......

>>May 31, 2008 at 2:49:42 PM GMT+8

2008 年 5 月 29 日 星期四 【溫暖】

我的心情=今日天氣


一個人....稍為有d知識、觸覺.....都會知呢個星期
天氣係唔好....時好時壞.....。妳自己連遮都唔帶....
淋濕哂.....與人無尤，現在比面色我看....咁是不是
又係我錯嗎?

一把縮骨遮..不是很重吧，又要唔想淋雨..但又唔
想帶遮...想點呢...?比妳吹漲....算吧..我又忍妳......

不過..今日真係雨落唔停，返工時..D雨大到路都睇唔
到，用盡個『水撥』都撥唔切D雨水，真係想快都難...
講真丫...我最憎響呢D天氣開工呀....唉..真係撞鬼佢呀....

>>May 30, 2008 at 12:24:21 PM GMT+8