2008 年 6 月 26 日 星期四 【微雨】

真的悶翻了..... 《早上》 【陰晴不定】


哈哈....真係令人期待，兩天後的舊生會聚會...
如無意外都應該有30幾人，當年我班共42個
學生，始終有D係找唔到，但都有30幾人，我
已經覺得滿足，覺得成功...畢竟大家分開了10
幾年....。在此要多謝各位為聯絡而努力找同學
據我所知，有幾個同學已經結左婚，真係快手..
不過而家我反而想知大家會變成咩樣子呢...?

今日一早起左身，即使係DAYOFF，大概自己
已經習慣了早起的動作，無論如何，3點半都
會醒一醒的，就算再訓，7點已經係極限，想
訓都難，除非自己真係好倦啦......有時真係好
佩服果D可以..日訓夜訓的人，像她一樣.......!
其實今日放假真係唔知做咩好，閒日放假，
其他朋友就要開工，冇一個可以陪下我，對於
怕悶的我..簡直係折磨...。唉..到底今日有邊個可
以陪下我呀?就算陪我食餐晏仔都好丫....!!我請客
又點話丫唉~~~~!

過了今天假期，明天又要返早，天未光就要開工
，由家出去搭車的那段路，真係漆黑一片，如果
唔係踩單車的車頭燈照著，我諗出去都不是容易
的事啊~~!而家我向窗口望望出面，陽光普照，難
得今日是假期，唔出去行下、遊蕩下，真係對個
假期唔住呀，不過我而家仲未諗到去邊，怎麼辦
才好呢...?放假放到我咁，真係折墮呀!!.....
真係可惡!!!

-------------------------------------------------------------------------------
自由行 《晚上》 【綿綿細雨】


終於都跑了出去，漫無目的既行程，所以我都係同
以往一樣，見車就上，坐下訓下望下風景，不過呢
今日『遇車不熟』，上了架勁勁勁勁貴既巴士，因
為我見車就上的關係吧，40幾蚊一程巴士...!!我的天呀.....
唔怪得架車咁吉啦.....價錢貴係因為佢係特快.....一陣間
到左目的地...我想講..我係唔趕時間架!!!果一刻真係有一
種想撞自己個頭埋牆的感覺.....但，我可以點，錢都比
左喇...唉....下次..我會醒水D架喇....原來城巴A線係特別貴......
遊完花園自己返去元朗食糖水，之後就返屋企，唉...又要
服待個大姐.....水都唔願自己斟來飲，又話倦..又乜又物...
返工真係大哂嘛.....?唉......頂妳唔順喇......

>>June 27, 2008 at 1:17:39 PM GMT+8

2008 年 6 月 25 日 星期三 【雨】

消遣...


今日都係落雨，唔單止地下濕濕，響上上落落的車
廂都係一樣，時間緊迫，為左爭取休息時間，自己
竟然比自己車個地下"跣"左一野.....差D整個人撻低
咁滯....好彩當時已經在總站，唔係咁多人睇到，但
呢個差D趴街既動作，已經足夠瘀爆.......

放工，約左C FOUR 唱K，之後去左食PIZZA HUT，話
時話丫，冇咩幾可可 以閒日集集C FOUR四個人，難
得今日湊夠數，當然要盡興啦....玩完都成7點幾，各
有各散....今次之後，又唔知等幾多個月先有下一次喇......

>>June 26, 2008 at 12:28:10 PM GMT+8

2008 年 6 月 24 日 星期二 【驟雨】

打風日返工....


凌晨出門口返工，天色黑就梗架啦，仲有下著大雨，
掛著三號風球，無奈既係點都要返工，取車冇耐，發覺
雨越大風更急勁，冇幾耐收到OCC話掛八號風球，返緊工
先打八號風球，真係唔好彩.....因為呢D時候，更程一定有
變，果然，因為交通提供有限度服務關係，我首次派上西
鐵度工作，雖然只係短短半天時間，但終於試到想試的了
。第一次切切實實一個人做，比想像中輕鬆，可能真係完
全唔受路面其他交通影響吧，除了那幾個站因為有景睇，而
覺得冇咁悶外，基本上...真係幾無聊下，每次都係做差不多
重覆的動作.....很死板...!!!!!
在架空行駛時，都可感覺到天氣真係好差，D雨大到，D風
勁到，車的速度再上拍向窗的雨水，拍拍聲，而且雨水大到
水撥都刮唔切D雨水，可想到天氣真係好差，昨天我還懷疑
天文台的消息呢...!!!!

食飯後，已經係三號風球，交通已回復正常，我也退出，去
做返自己的原本工作，真係替那些打公仔辛苦，一轉三號風
就要返番工，頓時看到月台水洩不通，不知到今次天文台會
唔會比人插上天花版呢...?

>>June 25, 2008 at 8:14:03 AM GMT+8

2008 年 6 月 23 日 星期一 【陰】

後天的約會


今日話掛三號風球...但見到呢個天氣，一D都
唔似係打風。但無論天氣點都好，服務性行業
同個天氣係無關係吧，因為我點都要返工的。

今日駕天水圍去屯門的路線，少有啊~~但繁忙
時間都唔係講笑，一樣咁多人，早上6點幾，碰
到以前中學的師姐阿梅，其實都唔係我碰到吧，
應該話佢碰我，但佢比較斯文點，唔係拍玻璃窗
，而係招手叫我。其實我們久唔久都會食餐飯，
對上一次食飯都應該係嘉賢結婚擺酒當日，數下
日子，都差不多一年了，佢在屯門醫院站下車，
我諗佢應該係準備返工吧....。佢下車.....大家揮手
拜拜便走了，看她急急腳行，是職業病定係趕時間呢...?

放工，很早就回到家，約了同事去食飯，去左間
餐廳坐左差不多一個鐘就走，因為到佢要開工了...
跟住自己行左一陣，女友打比我話今日會約人出
去陪人睇新屋，話會遲返。到左3點半左右我又約
了光少食下午茶，飲飲下收到阿梅電話，話約不如
後天去食飯好唔好，我當然二話不說就應承左佢啦。
哈哈..知道又將會有飯局...真係開心......。

我果然係個會怕悶的人......!!!!!

>>June 24, 2008 at 11:12:33 AM GMT+8

2008 年 6 月 22 日 星期日 【清涼】

天氣咁熱，曬到人都溶，呢D日子真係唔想返工，
由擋風玻璃折射入駕駛室的強光線，簡直係眼睛
既折磨，前陣子落大雨就同人講，我情願天氣熱
喇.....而家，天氣熱成咁，又覺得下雨都不錯丫...
.真係要問問自己...究竟想點...!!!!!

舊生會聚餐已經安排好了，可以找回咁多舊同學，
真係幸運，大家果然緣份未盡，真的很期待那一 天
的來臨，我亦相信大家一定會盡興..


女友今日返下午，夜晚先返，呢段時間可以嚮受幾
小時的清靜，真係好。但而家望望個鐘，仲有一個
鐘左右便回到家，唔知一陣佢會唔會話呢度倦果度
倦，嘈嚷著要按摩呢..?又要作壞打算了..!!真係慘....!!



>>June 24, 2008 at 12:17:59 PM GMT+8

2008 年 6 月 21 日 星期六 【清涼】

可愛的手信~


星期日都要返工確係份外悽涼，不過算啦...要搵食，
唯有硬著頭皮上吧....!到左11點幾左右，心中在想..快
放工了，頂多一陣就得喇.....，只要無驚無險到放工
，就要謝天謝地了......。但往往都唔會比我咁順利渡
過的，唉........果然係倒楣呢...!!其實都係果句吧，不是
第一次發生了，今次又係D大姐將買"食送"車個轆卡住月台
同車廂之間，唉...又要出去幫手，阿大姐!!!我可是很趕
時間啊..!!大姐你架車仲要放滿哂日用品，奇重無比...卡得
鬼死咁實，但阿大姐你似乎冇幫我手的打算，似睇我表演
多D，架車好似係阿大姐..你喎...!!!!!好彩後來有多兩個壯男
幫手拉，如果唔係就真係麻煩了....呢位阿姐足足阻礙我
兩分鐘，幸好，沿途燈位都很順暢，唔使點等....。見到
你落車..我幾驚你又卡多一次...!!!那時可真的多得你唔少喇.....

放工約Irene食tea.....其實食tea係掩飾，真正目的係等收
你的手信.......哈哈!!!!真係多謝妳，三個多啦A夢托盤，
一隻多啦A夢的公仔連隨意門的擺設....可愛得無話可說，
太感動了....多謝妳啊~~~



>>June 23, 2008 at 3:23:01 PM GMT+8

2008 年 6 月 20 日 星期五 【清涼】

招喚術 ─ "柴可『呼司機』 凌晨 悶熱悶焗


今個晚上...毛毛...多得你唔少..!!!!第不知多少次了.....
我係司機..但不是你的私人司機，你似將我私人化了!!!
同你講過N咁多次，遇左飲酒就唔好駕車出去，你次
次都叫我幫你開車駕回去....可知你駕你是『手波』車，
雖然未至於叫跑車...但佢確係一部辣車....好難駕..炒
車大家都唔好啦....我可不會賠錢呀...特此聲明呀!!!!!!!

發生以上事件前，我在上網睇她的日記，估不到原來佢
寫Xanga都有一段時間，話長唔長,話短唔短....但起碼
是她未認識佢男友前已經開始寫了......雖然，好想完整
地看哂佢..但似乎冇可能了暫時，只係走馬看花咁睇....
只見當時他確係許下了不少承諾，難怪女孩子會認定了
他地位，從她的日記追索其他人留給她的留言，確定了
有一個是她男友的Xanga....但荒廢了，和我一樣....，憑
網主的指示，找到佢現在用的日記....又係和我一樣的
註冊地方，真係好巧合。都係已走馬看花的形式去看...
憑日記估計他的內心.....也許大家是男性，的確有點共鳴...
但亦同時令我感到..不知怎說好...大概是無奈、嘆氣的吧。
內裡有句....從手機向下按查電話找朋友，百幾個...竟然冇
人可以同佢傾訴.....是人緣差還是她向我提過....是性格問題呢...?

原來多數男人的而且確有共同缺點....就係對著自己那個的一段時間
係會悶的、厭倦的.....男友要求對方最好保持『新鮮』....女友卻要
要求對方『保鮮』.......避免佢個心變壞而離自己而去.....。真係
好有難度......!!自問自己是個稱職的男友嗎...?其實..真係不敢答..
叫比上不足比下有餘吧......。話唔定..我都會有機會遇到呢D事....
到時真的可以冷靜處理嗎....?真係..天曉得!!!!
不經不覺都5年幾喇，人地話7年之癢....咁我係唔係即係仲有2年
呢...?

此刻又收到電話MESSAGE...本來約了他下午食Lunch，佢又話同
同事飲完酒，會遲D起身...!!!今天咩日子呀....咁多人飲酒架!!!現在
考慮緊一件事，我試用左呢個日誌都一個月左右....，正諗緊應唔
應該比錢做VIP會員呢...?欠缺上載圖片功能....的確有點失去網上日
誌的意義......大家點睇呢...?比定唔比錢好??

------------------------------------------------------------------------------------------
午飯局...


放假約左philip去食飯，一心諗住去飲茶，貪佢可以坐得耐，點知去
到間酒樓裝潢中....咁唯有去另一間啦，點知等條人龍長到丫...!!!!!!!
放棄了，算吧。大家都投降不想再行了，如果唔係人都會曬溶，便
是但找了間....果間係元氣，食壽司....好喎，我鐘意呀...!!但大家知道
呢D地方一定坐唔得耐的，於是..大家食得有咁慢得咁慢，水都飲左
好多杯，大家一齊傾計，講開原來他轉行做金融買賣，講起股票，
我真係喊咁口，無他的，D錢擲死哂吧，而家先知買賣黃金交易仲
容易過炒股票，心當然想玩下啦...但霎時間邊有幾皮野咁多喎.....!!
唉......人窮係咁喇....想入你第一個倉都唔得，下次啦，下次幫你買....
10幾年兄弟信得過你o既。

不覺已經坐左成兩個鐘差不多，侍應都想趕走我倆條混吉吧，望望
檯上D碟....黃色碟得兩隻，其他18幾隻碟都係14蚊以上....!!!!我地幾時
食左咁貴唔知架..?我頓時呆了一呆，都係唔好了，雖則佢話請我，
但咁貴真係唔係幾好意思，都係AA制啦....很老土呀....又要塞錢比佢
唔要，成390幾蚊呀....最後佢好唔願意咁收左100蚊，咁咪好囉...兩個
傻佬將D錢你推我讓...幾難睇呢...!!!! 390蚊咁平想請我!!!!下次3900蚊果
張我就唔同你爭喇......知道嗎?

>>June 21, 2008 at 11:02:09 AM GMT+8

2008 年 6 月 19 日 星期四 【清涼】

阿媽玩我!!!!


收到之前的收費日記網主回覆，當然係我不想
要的答案啦，但其實心中都一早打定輸數，退
一半錢比我?得果百零蚊...有意義嗎...?不如我比
多倍錢你，你寫返咁多年的日誌比我啦...!!!!
呢件事上.『.錢』.係冇意義的，但我只好看開點吧!!!
我永遠都係咁倒楣的，倒楣多次都無所謂吧.....

放食飯，難得今日調上屯門，變左有接近兩小時
的食飯時間，便約了阿媽同我妹飲茶，這餐都食
得頗為無奈呢!!!我同細妹劃咭叫點心，點心來到，
你呢樣又唔比我食，果樣又唔比我食，呢樣又話
毒，果樣又話會發......等等等....多多意見，攪到
我只係可以食包類的點心，同鳳爪、叉燒腸粉...
可以數得出啊，如果要食包，我不如同你去老麥
食喇...!!!果度仲多選擇啊...!!!!最後賣單走人，唉....
你知唔知我未飽呀..阿媽?!下次應不應該再一齊
食飯飲茶呢....?簡直係折磨啊...!!!睇住你有得食..
我望住你食....勁無奈啊..!!!!!!!

加上今日天氣超熱....心情很不爽呀..冷氣都開到盡，
因為要蓋著我的心火呀!!!!上我車的人都應該感到舒服
吧....咁涼爽...!!!發現有趣的事係...落我車而戴眼鏡
的客，下車都會睇唔到路似的，從倒後鏡見到個個站
的客都要忙著除眼鏡抹眼鏡.....我也是受害者之一架..!!

好消息...下午時間，見到有『B』牌車，咁又即係有新
同事啦....咁又有機會多一個同事可以陪我食飯喇....

>>June 20, 2008 at 12:32:01 PM GMT+8

2008 年 6 月 18 日 星期三 【酷熱】

返工的約會


今日返早，天未光已經要開工，好辛苦.....
返早的確不好受，但讀得書少..冇計，得
個捱字.....經常安慰自己，這樣的學歷能
夠找到呢份工，已經係好幸運....被小伊問
到會否轉工，當然想啦，但咁容易嗎...?!

今天真係好倦，如果冇約會...我一定回家
抱頭訓個飽，但心中一直很擔心一個人，
無論如何都要見一見她，因為怕她唔知會
點諗、做咩.......!!!心知感情創傷一定會很痛，
尤其對一個女孩子說....。見到她...比心中預計
的好，雖然看得出佢心中不好受....但比人感覺
都樂觀....!!知道她下一星期會有咩行動，講真...
我真的不讚成佢再行多一星期，但她要堅持..
無法啦.....只希望她有困難時可以告知我，心
中很擔心她會亂黎....真的做出那樣的事就不得了....

我只希望她能夠正面一點去面對...如果辛苦想別人
分擔，我一定會幫她.....我不想佢變左第二個...靜瑜。

和她分開各界回家，原本想送她回家的，但時間唔夾
只好和她在地鐵站分開.....到了九龍塘去了又一城找女友
...又去睇袋...頂丫!!!!!!...死心吧...我唔會再買的......

不過...我上次都係咁講.....由又一城回家的路感到好辛苦
...因為真係好倦....我真的要好好地坐下休息嘆下冷氣了....
點都好....今天怎麼倦都好，都係值得的，因為見到她我才會
放心..安樂.....

>>June 19, 2008 at 11:19:00 AM GMT+8

2008 年 6 月 17 日 星期二 【微雨】

又黑又煩


今日真係好鬼麻煩，我個袋既拉鏈同個袋
既布一齊"卡"住左，整左好鬼耐都唔得，最
後放棄了，自己用盡力都修不到，諗住比人
整啦，點知，娟姨 一睇..再攪兩攪..竟然解開左
，真係神奇，原來用蠻力係唔得，解拉鏈都有
秘訣喎.....而家先知.....，點都好..個袋得救了...
謝天謝地啊~~~

原來自己真係冇買禮物的天份，選中的物件
是別人最討厭的..哈哈..好彩問一問，如果唔
係收左，佢都唔知點算....得物無所用....!!下次
買野都係主動問人要咩好了...!!

明天又要返早，如果又係下大雨，我真係可不
好受喇，最憎就係落雨駕車.....好多麼的討厭呀...

*明天跟她的約會...希望可以令佢心情好一點啦*

>>June 18, 2008 at 1:41:59 PM GMT+8