2008 年 7 月 26 日 星期六 【綿綿細雨】

自己顧自己...各有各節目~


收工...下午諗住回家，響回程之際，cynthia打來，
原來佢約左幾個friend去食韓式燒烤，問我有冇興
趣..其實之前已經知佢地有幾個總會有一日...約埋
一齊食飯，只係時間未定，不過..卒之今日都一齊
食左喇~~。響呢班人裡頭，得佢兩個我較為熟絡，
所以去到..我都好少出聲，只係食野，間中同佢兩
個傾下計，不過..佢地都有主動同我講野，講既.又
係例牌說話....最近點呀...做緊咩呀咁....其實都幾"岸
居"...不過總好過自己在家丫，女友今日又約左人食
buffet...佢自己有節目，自己顧自己，都好既，日日都見...
唔見半天都唔使死啦....所以總括來說，今日都算係開
心的。

今日收到st john通知，Pass左...哈哈..冇咩驚喜..意料中
事，等佢遲D再比返個新証書比我，又可以捱兩年喇~~~
臨回家去超級市場買野，諗住去行下...點知又用左百
幾蚊....點解會咁?...其實我真係冇野要買的...!!!!回到家
後..再等埋女友回家.....前後腳~~差不多11點喇，仲有
一箕衫未洗，等洗要哂好先有得訓，明天仲要開早，
唉......就瓜柴喇~

>>July 27, 2008 at 3:39:44 PM GMT+8

2008 年 7 月 25 日 星期五 【清涼】

Irene...給妳看的....
*可知道舊同學朋友們都關心的呀*


返工撞到馬sir...，大家都有半年冇見了，雖然在同一公司
，但屯門人..始終屯門人.....碰面真係有難度。阿sir問我返
工返成點，習慣未...?我話.....唔係掛，呢個問題..你有冇遲
左好多來問我呢..?原來佢先知唔覺唔覺我....已經做左一段時
間....笑住同佢講..!!!你快樂不知時日過喇~~~。這時..望望時間，
夠鐘開車了，原來阿sir要出去都要，坐我車....今次係自己
獨立駕駛喇~~如無記錯上次你坐我車..應該係我考車果陣喇...
今日開"一期車"....有信心開得好呀~~~最後阿sir落車比左個
"無得頂"既手勢比我...哈哈....掂呀~~~

放工收到message，其實係返工時已經收到，是Irene~原來佢
想人陪出去返工，是但啦....反正放工都得閒，女友又同朋友
shopping緊，便約了她在屯門市中心巴士站等，上了巴士見到
佢個樣..唉.....化了妝都遮唔到妳既殘樣...而且感覺上比人覺
得好唔知點咁....咁返工...點得架!?已經盡量同佢傾計，但問到
佢昨日訓成點...答案係訓了兩個鐘..仲要訓下醒下，唉..唯有勸
妳上車訓啦，都還好..車上妳都小睡片刻，陪佢到國泰城落車，
飲左杯野便各有各走了，見到妳咁樣..勸極妳都好似冇用咁，
唔通女仔真係先天性就將感情、愛情..放在好重要的位置嗎..?
三天後下午兩點妳先返，我要返到13:30先有得收工，如果要陪
妳..妳要呆等吧......irene..我知你會睇我的日誌，如果妳真係想
人陪妳的話，妳要等....唔想等就自己回去喇，其實呢D係心病
來...，唔會每次都咁好彩碰到他們，就算見到，掂行掂過咪得囉，
看開一點啦~~同妳講過我不可能次次都有時間，拿點勇氣出來
面對他吧.....但如果都係真係真係唔得的話便找我吧..好嗎?放心
啦..我從來冇覺得你麻煩的。其實有同學都關心你呀，他們都
私底下問我你的發生咩事，阿Emily班人仲話唔相信你會咁話...
話一向愛笑的妳會變成咁...所以快D做埋那個開朗愛笑的妳啦.....

陪完佢...接著就回家，唉~~~女友又買了兩對鞋、三件衫、一條
裙，你可知道個鞋櫃已經冇位比你放喇，明知自己唔可以長時
間著高跟鞋，妳都要買....幫自己幫我倒米嗎...?成日話要儲錢，
妳咁....點可以儲到呀?雖然今日都冇咩好事發生，唯一一件令
我開心的事係，隻兒歌CD將會收到，很期待呀......直頭係望穿
秋水喇.....

>>July 26, 2008 at 2:23:33 PM GMT+8

2008 年 7 月 24 日 星期四 【清涼】

兩個女人一個墟~~


唔知咩日子!!!!!一日碰到兩次親戚...第一次係我阿媽
同我阿姨，第二次係細表弟表妹同舅父舅母...究竟
今日發生咩事呀...!!!!!!!!!!!!最麻煩係我表弟表妹...響我
駕駛室後面指指點點..阻鬼住哂...唉..開工時最怕呢D
，諗返起以前仲係細個果陣，都係響人地個駕駛室
外面...用塊面貼實個玻璃窗門..睇呀..睇呀....而家先知
原來係好黑人憎....是報應嗎.?

過兩天Irene便出trip喇，約佢回我家同女友一齊食飯，
開頭仲擔心個氣氛會點，好在，兩個女仔都可以傾到
計，有講有笑，好似幾friend咁，反而無視我存在了，
算吧.....見佢可以開心過之前就好了。兩個女仔各自講
自己的工作...她又對空姐的工作感到好奇，佢又想對返
佢醫院工作的事感興趣，哈.......真係有趣哩..都好既..大
家有話題，坐到11點幾，女友要我送佢回家..唉....我剛
剛先洗完碗，拾好個廚房，張椅都未坐暖呀..又要我做
野....攪錯呀!!!!好好彩，對面屋葉生響度，問到佢借架車
，先唔使又出去熱辣辣咁等車，呢個時候，錦田D巴士
成半個鐘先一班呀...唔熱死都要餵蚊呀~~~......。

一上車~~佢話第一次坐你車，問我掂唔掂..???唔係掛...私家車
乍喎...有幾難呀!!!!不過..我知佢講笑吧~，送佢回家途中，佢話我
女友幾好人幾好傾...仲生得好靚...!!!!我話唔係嘛...咩女仔會讚女仔
靚架咩，哈~~~，我話咁妳都唔差o者....很難想像到以前妳個男人頭
髮型同男人格囉....................。在車內大家都冇停過說話，直到到
佢家樓下先識停口，自己心諗..真係咁多野講咩?!!諗住目送佢便算
，但都唔係好放心，都係送佢上屋企吧，上到佢家看了一眼..很整齊、
乾淨....，一個人住都可以咁企理，真係難得，心諗...比著我女友...
唉~~~~~~唔想講了.....

獨自回程，自己想著，雖然見到她有說有笑好似好開心，但唔知
佢一個人在家會點諗呢..?又會唔會打回原形呢..?!希望妳唔會啦....

返到家，女友竟然向我說：『如果佢想人陪的話...會由得我去』...
呆了一呆~~~~點解呀?原來佢地響我做家務果陣傾了許多事，包括
佢那件不開心的事，我說...妳知道喇??....她都說對佢那個遭遇而替
她不值同氣憤....還說世上會有這樣的人嗎?我說笑話...可能我都會係
呢...她就話..你試下..一定殺了你....唉....女人很歹毒哩....。不過真係估
唔到原來女友已經知道佢咁多事，女人同女人之間的溝通真係厲害哩....
最後..我講笑說..話妳咁快同人咁friend.....!!!!係唔係想人借套制服比妳著
來影相呀?妳知啦...妳成日都話國泰套衫紅扑扑咁..好sharp，好靚嘛...!!
而妳又咁屎忽痕..係咁先...好難唔段定妳有咁既企圖嘛.....話未說完...
中頭獎了!!!!

明天返天水圍..又要拾好呢度...妳好似佢咁.咁企理我就唔使咁辛苦啦..唉...
攪到我凌晨2點先做完...唉唉唉.......!!!!!!!!同埋正話我先發覺從19號的日記係
mark遲一天日期..攪到日子錯哂，幾經辛苦先set返好，時差問題啦..日記
detect到下一天..但我係寫昨日的事...所以亂成一團....幸運地發覺得早，
如果繼續錯下去...到咁遲先發現就有排改喇..!!!

>>July 25, 2008 at 6:50:30 PM GMT+8

2008 年 7 月 23 日 星期三 【晴】

陪伴與聆聽~


今日既夜晚，Irene約左我出去飲野，睇得出好唔開心
吧!!聽了先知妳之前原來發生咁多咁多事!難道世上如妳
所說大多男人都是『衰人』嗎?開頭還以為妳說笑呢..。
原來件事係咁既，怪不妳會這個樣子的，妳知道嘛...我
身上所有紙巾都給妳用盡了，識妳咁耐都冇見過妳好似
而家咁，只不過唔好再傷心同埋再諗佢喇，但如果他再
響妳面前做出令你難堪既事的話，講我知，等我幫妳來
應付這傢伙..好嗎..?我講過話會企在妳那邊，現在妳最重
要係重新投入工作，妳的工作唔容許妳苦口苦面的..妳自
己都知道吧...，雖然我地有一段長日子冇見面聯絡，但我
們在學校認識左5年架，做朋友有些事係不會計較既..唔使
覺得唔好意思啊，妳有事即管找我啦....知道嘛~!!

今日返工..唉....其中一轉車，載正一班南亞裔人，仲要坐正響
駕駛室後面最前兩排座位，共8個人其中3個係o靚仔。其真實無
問題的，問題係佢地好鬼嘈...連駕駛室都聽到，講野鬼死咁大聲
..又唔知講咩先煩...嘰嘰喳喳大大聲，我估好多乘客都暗地『媽』
緊佢吧，好不容易先響天富站落車，唉....嘈足總共8個車站，但
總算『得求了』。放工陪穎芯..(今次冇打錯個【芯】字啦....)食飯
，本來諗住食日本野，但間間都咁多人，妳我都唔想響悶熱悶焗
的天氣下等位吧，最後去左另一間餐廳食意大利野，原來比想像
中好食，唔錯唔錯~，只不過...睇唔出妳咁細食喎，好彩叫得唔多
，如果唔係都唔知點好...!!打包回家定係夾硬食落肚?哈哈~~~~。
呢餐飯對我來說，給我認識妳更加深，原來份人都幾細心呢，我
冇話過妳知我鐘意食酸既野，但妳可以從同我對話中找到分析出
答案，買左兩包糖比我仲有包朱古力添~~話妳知啦，我M&M系列
中最鐘意係呢隻味道架，妳真係厲害，買兩種零食兩種都係我鐘
意，仲有個優點係咁細細包，我就可以開工時食嘛...。飯後送穎芯
返屋企...之後又發生左D事，唉~~我諗住用提款咭提錢，佢竟然食
我咭，佢話我錯密碼...攪錯??我一粒粒制咁按...按足四次，你都話
我錯...我頂丫，錯係你部傻機..一定唔係我..!!!你可知道我果刻真係
冇錢響身呀!!好彩我散紙包有錢o者，如果唔係我叫邊救我好呀?!!渣
打銀行你好野呀!

正話又煮糖水喇，知道佢話熱氣，買了綠豆返來煲綠豆糖水比佢食，
呢排好似出得去太多，陪得佢太少了，煮好個糖水當係賠罪吧.......
不過佢都知我朋友有事先會暫時冷落左佢，佢都明白，其實對女性
來說佢都算是大方了，知道我同女仔出街都由得我去，彼此信任吧~
明天妳返晏，響妳返工前陪妳出去食飯啦~~就咁決定啦~

今日的晚餐~



多謝阿芯啊~~
m&m之中，我係最鐘意食呢一款，Thank You~


>>July 25, 2008 at 6:36:48 PM GMT+8

2008 年 7 月 22 日 星期二 【清涼】

辛勞一天的工作~~


今日真係好唔得閒，放左工仲要出去陪個friend
..但呢D情況...的確係要有人陪吧，唉...呢個時代
失戀分手幾咁唔閒丫，如果為左呢D事要生要死
，實屬不智啦~而家仲咁後生喎~~慢慢先選擇個好
啦......，呢一排心情唔好就梗架喇，最多有時間就
陪下妳啦~~

講開..今日話公司個廣告好PK.....個個服務性行業都
最憎劉華呢個廣告，公司竟然用呢個做藍本，拍個
有九成九似既仿劉華版呢個廣告，收到風已經有同事
中左招...比D客用呢個新廣告插到冇聲出...唉~~~唔知
會唔會有一天有我份呢...!!!

今日雖然夜晚8點已經返到來，但係未停過手，洗衫、
收衫、褶衫、熨衫、洗雪櫃、冷氣機隔塵網、洗碗、
煲糖水、洗埋個廚房..做到一身汗..最後沖埋涼洗埋
個頭...睇埋套『衝上雲霄』....而家先叫做得手打呢篇野~
講開呢套劇，Irene話裡面D內容係與實際工作不符...哈哈...。
有點倦意了，返工做到而家..真係取我命...佢就爽呀，放工
就訓覺，真係服左佢...點解可以訓咁多，仲要話訓極都話
唔夠果句先黑人憎喎.....話實喇，要訓幾多先夠皮..?

>>July 25, 2008 at 6:36:32 PM GMT+8

2008 年 7 月 21 日 星期一 【清涼】

大熱........


原本都想出街，去超級市場買野，
但咁既天氣，真係冇可能要我留
響室外多一秒鐘。返工咁耐都冇試過
，除左食飯之外，小休都響架車度過
，無他的吧，我開到架車冷氣最大，
梗係留響部車度好啦，咩環保人士話
25.5度恒溫喎，講真..我肯D客都唔肯啦，
都唔知邊D人講架..呢D要保理論.....對香港
大o既人來說，係唔係有點兒多餘呢..?

食飯陣，巧合地有電話來SALE我保險，
聽了一大輪廢話，都唔知佢講咩，我真
係頂唔順，算吧..問幾錢個月..?88蚊...保
D咩...?會保意外住院加每天300生活費，
如果死左有唔知幾多十萬賠，唉~~~是但
喇，當儲錢吧，同佢再拉鋸戰下去，工都
唔使旨意返....到陣時真係多得佢唔少喇就...!!!!

唉...雖然話討厭下雨天..但熱成咁又真係好難受.....
唔知幾時先會涼返一點呢....?明天約左穎心出去
，我記得的..放心啦......應承妳話陪妳嘛~~~妳諗
定去咩地方食野啦，下午2點見吧~~~




>>July 25, 2008 at 6:36:17 PM GMT+8

2008 年 7 月 20 日 星期日 【清涼】

當送貨「義工」 = 一個字『倦』


熱屎辣辣既天氣，真係取我命咁滯，但都總好過落大雨既...
今日又做了瘀事，又係遲左三分鐘而比人調車...唉~雖然冇
咩問題對大家，但比全部人都知道..真係一朝英明又盡喪呀。
不過...雖然係咁，但可以走下屯門真係人都精神D同爽手D，
感覺真係正。走了兩轉就轉返車，調車調左架三期車比我，
仲要係孖仔..唉..出名難駕呀...仲要係705...shit!!!!!..臨尾都不得
好放工!!!

放左工走左走機場，應承接Irene放工...其實係幫佢取我托佢
買的貨，的確果車野真係好鬼重，鬼咩，個個都要買野，也
難怪佢要寄倉既。同佢一齊搭車，仲要追巴士，唉...熱辣辣
真係唔想等下一班呀，唔使講啦...要坐樓下D位...坐正個車轆
上面，仲要係對頭位，大家迫到死，其實我都有比錢搭車丫
，仲咩要坐得咁辛苦喎...真係唔明..如果肯等下一班..大家都
舒服丫，趕呢班車真係多餘。坐上了車，司機真識做，開盡
部冷氣....對我來講真係無得頂啦，但見到佢...唉~~我真係好
唔願關細佢呀....。在途中見妳都倦到訓著左，我自己眼光光
望住出面諗，我同妳都係碰見不久吧，點解好似會同妳咁熟咁?
起碼..計埋今次已經係第三次接妳了，妳話以前我整估過妳，
照計有仇才對啊...!妳都令我諗起件事，我同我女友相識都係從
有仇開始的.....哈哈。好似命中注定了要同仇人做朋友咁...。到
站終於....諗住食D野，但拉住兩車野真係...唉..最後去左老麥..貪
佢夠大地方可以安置好D野嘛，然後上到佢家分好D物件...之後先
返屋企，果箱野真係多野到丫，你地班野好呀....講就識講話要，
到最後又要我一個人收.....唉~~~你們對得我住呀!!!!!!!

到左屋企食左個叮叮飯，清埋昨晚D糖水，沖埋個涼，響呢段等
頭髮乾的時間，開Diary打埋今日發生的事上來...覆埋個email，今
日總算完結左勞累勞苦辛勞的一天，成個人散哂，天呀，點解我
要咁辛苦，昨天已經係咁，今日又係咁，D手腳都似唔係自己咁
，明天我仲要返工，而家我手都軟埋，我聽日仲點可以控到果支
Deadman Switch...??但只不過我而家只係知道，如果我再唔休息下
，明天我就真係Dead喇。

>>July 25, 2008 at 6:35:58 PM GMT+8

2008 年 7 月 19 日 星期六 【酷熱】

讀書夢~


等到隻CD喇，而家只係欠入數，好期待快D聽
到D歌...哈哈~~~唔知有咩感覺呢...?

今日返回天水圍，最主要係我冇野做今日，所以
先返去同個八婆打機，真係一D都唔好玩，次次都
係佢羸，明明係我玩得熟過佢架嘛...借左比佢一個
星期操練，勁到好似另一個人咁，有幾舖仲要比佢
食我"完勝"真係有冇攪錯.....攪到冇哂鬥心....我認輸了~~

其實趁今日得閒..佢又要返工，我上網睇下IVE有咩可以
讀，見到有D科目都幾有興趣，但又諗公司肯唔肯比我
返梗一個時間呢?就算得..我又應該點開口呢?話哂讀書
都係為左轉工，公司之前先tran完EMU1900，會唔會咁
易放過我呢..?其實公司點會對你咁著數丫，況且自己
仲係咁jun....而家咁多要求..真係搏炒咩..!!所以都係得個
諗字....算啦..我都係諗下吧，曾幾何時已經好清楚知道
如無意外..呢份工都係我終身職業...我既學歷可以有咁
既待遇...真係已經係好好....唉~~~

明天又要返早，放工去買新電腦..哈哈，天水圍部牛廢
都係時候退役喇~~。新機比較誇張，有兩個250GB既HD
2GB RAM.......冇計啦..我要Download BT嘛~~~唔夠大點得呢~~~

>>July 25, 2008 at 6:35:35 PM GMT+8

2008 年 7 月 18 日 星期五 【酷熱】

聚舊


放工去左同C4、成、火麒、阿毛、劉生劉太加埋佢
個仔食飯，唔覺唔覺，佢仔都差不多三歲，今年要
入幼稚園註冊讀書了，見佢地咁幸福咁，當年奉子
成婚都未嘗唔係一件壞事丫.....
講起黎..今次算係最人齊既一次，個個埋堆都談過不
亦樂乎，全間"打令"舖....睇怕最嘈最嘈都係我地呢張
喇，個個都飲到high哂，連我而家唔多飲酒的我，都
忍不住環境氣氛，飲左幾杯....，夾夾埋埋咁多人飲左
5個『正』多4劃...即係29支啤酒...個個都飲到啤啤呼...
突然諗起有冇人一陣要駕車...?????如果有..我就麻煩
喇，好在....果幾個都識做，今日冇駕車來，算你醒目
啦.....。望下張單除左5個『正』多4劃...之外..仲有幾罐
汽水...當然係劉太同個仔..仲有我飲啦~~~單上仲寫左17
碟小菜加5個飯，點解我會咁清楚....?因為我賣單嘛....
飲左玩左傾左咁耐都係時候走，1800蚊.....我向每人收錢
銀包當堂吐現左幾千蚊現金，哈~~......但遲D又係要還..唉~~

大家一走出門口，好明顯有幾個係腳步浮浮..就死就死咁，
仲夠膽死話去食糖水.....唉...都咁夜喇..反正都冇車搭，同佢
地癲埋下半埸啦，叫左個芒果西米露，其實真係好飽....基本
上都係買黎做樣...又同佢地吹左1個鐘....食左大半碗..真係唔
得喇....深知再食..一定會嘔..!!!呢餐多謝劉生啦，臨走先見到
佢又換新電話....噢~~~最新SE 500萬像...呀....即刻攞上手玩下
先，自己又心郁郁了.....，又想整部，但成4000蚊又好似唔係
好值，唔知..自己部機幾時會壞呢..?買機都要比藉口比自己呀....

終於都要散埸....搭的士返去又用左30幾蚊.....仲要摸黑入村，返
到去仲要沖涼，仲要打埋呢篇野...其實真係想唔打，但唔打又
總係覺得有樣野未做，好唔自在咁...攪到而家先有得訓，好在
..明天係OFF乍~~~

>>July 19, 2008 at 6:33:59 PM GMT+8

2008 年 7 月 17 日 星期四 【酷熱】

覆診日


終於都覆完診喇，一身鬆哂，同以往一麼...等下個月
再覆多次，唔知等到幾時先會唔使覆得咁密呢...?睇完
醫生去取藥....我永遠都係等好耐果個，籌號碼係1092
叫到1192都未到我，原因我知的...係隻藥要兩個醫生簽
名先取得，唔似其他藥咁....唉..足足等左我成粒鐘......。
呢段漫長等待時間裡面，我走左去canteen食野，叫左
個飯食，訪客32蚊..職員24蚊....，差咁遠?!..是但啦..一餐
半餐，之後去買飛...果個人唔知係新來定未訓醒，佢竟然
收我24蚊...哈~~我似職員咩..???...順水推舟啦當冇事發生
...呢餐仲平過出面食呀......

取完藥去取埋之前新配既眼鏡，帶上去舒服好多好多好多
喇，起碼我打呢版野..我望住佢咁耐眼都冇痛冇倦丫，一分
錢一分貨..果然係不變既事實...永恆既道理....。明天佢又放假
..我放工又唔知要去邊了....正話又收到光記電話，明天有人生
日..又要去食飯....即係又要用錢....已窮到見鬼喇~~~~

>>July 18, 2008 at 1:35:40 PM GMT+8