2008 年 9 月 14 日 星期日 【酷熱】

追月夜


放工....個頭腦已經暈眩眩咁，唔得喇，
一定要食個豐富既早餐慰勞下自己，所
以去左一間比較好D既餐廳，在昏暗的氣
氛下食，我感到越食越眼訓，唉...返工可
真係折磨呀，食完後帶住死下死下既身軀
回天水圍，沖左個涼就立即訓，但突然有
一下扎醒，想起有件事未做，就係打電話
同Send Message比佢，不知佢返工定係唔聽
，但心中總覺得Send左比佢，心才會舒服點
，不知佢心情平伏了未呢..?做哂所有事，可
以安心訓了，一訓就訓到下午三點幾，一起
身個妹就捉我去玩電視遊戲機，一玩就玩到
六點幾，同個妹食完飯就返回天水圍家，返
到去就接到女友電話，話佢到家打邊爐，會
遲返我們家，心諗，仲好啦，可以各有各節
目，如果唔係攪成咁，我諗我找的第一個對
象一定是她...但望手電咩回覆都冇，唉.......
其實我都唔知妳有冇響度睇到，在無任何可
以肯定聯絡到妳的方法前，在這裡我諗係最
後可接觸到妳的橋樑....如果妳睇到就告知我
妳的存在吧....

響呢個追月夜，真係冇咩可以玩，唯有自己
用二十蚊買來的螢光棒應節吧，原本昨晚村
子應該熱鬧到不得之了，但自己又要開工，
未能感受到熱鬧的氣氛，有點可惜呢....!!!響呢
個中秋節我一塊傳統既月餅都未食過，女友只
係買左一盒二盒三盒.....總共前後加埋應該有六
盒冰皮月餅，其實我自己都幾鐘意食舊時既蛋黃
蓮蓉月餅架，叫佢買...反叫我自己比錢買，妳食
我要比錢買...我食既都係自己比錢買...咩世界呀??

>>September 15, 2008 at 6:18:17 PM GMT+8

2008 年 9 月 13 日 星期六 【酷熱】

糧? 賠償?


人地個個去賞月，我就要返工，唉~~~~慘不忍睹
既事簡直，比公司調左去west rail返通宵，我就一
路開工，見人地拖男帶女去玩，個個手取螢光棒
，在列車衝入月台一刻，見到D螢光棒好快好快
咁閃過，夾雜色彩，感覺有點奇妙，哈~~~
說起來，駕W.R.真係好鬼死悶，好彩都唔係長
做，在一望無際既漆黑隧道內，我諗除左可以
見到鬼外...都無咩可以比我見，真係佩服地鐵
的事們佢地點捱D咁既生活....看來，我真係唔
適合開重鐵呢....~

就係咁2008年既中秋，就係響漆黑隧道內渡過
，真係可以話望住人玩得個恨....唉，慣了，上
次聖誕又係咁，但慶幸有額外既糧...講真，我
為左公司而喪失左假期同玩既時間，所以正確
D講，公司比我既唔係糧...係賠償先係....哼~~~

>>September 15, 2008 at 6:22:25 PM GMT+8

2008 年 9 月 12 日 星期五 【酷熱】

野蠻女友



真係令人好氣憤，難道有些事情，明知是妳自己
的事，也要我去安排嗎....?若果件事件妳是很緊張
的話，那是不是應該自己自行處理呢..?如果個課程
係對妳咁重要，妳為什麼要我幫妳經常留意時間，
睇下幾時會有課程開辦，妳明知佢唔係成日有課程
開，咁為什麼自己不肯去自己親自上網Check呢..??
現在課程趕不上報名，就把責任推在我身上，那算
什麼...?妳板著臉對我...還好意思叫我去逗返妳...??
我無端端就成日咁比妳嘈，講真..我做錯咩事..??
我真係有時頂妳唔順，成日少少事就化大佢來難為
我，我自問自己已經遷就得妳很盡，我今次點都唔
會去逗返妳，妳要嬲就嬲過夠吧，成日有咩唔開心
就向我發脾氣，咁我唔開心向誰發呢...?

唉...很想找人訴苦呢...平時妳一定會不厭其煩聽我電
話又或者出去聽我說的....，現在，找極妳都不回，要
避到何時才現身呢???不現身...現聲音也好丫，最多以
後叫到我接妳都不再托你手"爭"啦，很念妳每次回來的
手信呀，亦都好想像以往咁向著妳訴苦水。成個幾星期
了，給妳咁多短訊息、電話、email......妳都不回呢..!!!
難到我們要為了那個人說的廢話，便要斷絕來往嗎...?
對我來說，那番說話只是一堆廢話，盲眼都知那傢伙
是向妳玩野吧，知道我怎都找妳不到，但短訊息、電話、
email.....我都會照給妳，為的只時等妳個回覆，做返那個
開開心心的妳吧....

明天中秋節喇...如果妳不用返工的話..大家一起過都不錯啊..



>>September 13, 2008 at 2:40:05 PM GMT+8

2008 年 9 月 11 日 星期四 【酷熱】

病完後...


呢D天氣，唔開大個冷氣都好似對唔住自
己，就係咁，經常係咁..一冷一熱終於都
病，不過都係意料中事，咁攪法..有咩可能
會唔病，睇多次醫生打針加食藥..睇怕冇走
雞喇....。

今日走返去上水以前間中心，事隔10年多
咩都變左，諗住去返以前成日朝早都幫襯
既茶餐廳，諗住見到個招牌冇拆，就諗住
仲會響度，點知.....招牌就留響度，間野已
經唔知幾時摺左，冇得懷念以前同光記鬥快
去餐廳霸位既畫面....沿途行去巴士站，以前
我同光記各自搭既巴士都取消埋........真係..
咩都唔同哂....唔知同光記講返，佢會有咩感
覺呢..?

今日女友唔知發咩神經...買左兩大袋泡芙返來
，估計都有200粒.....咁多....點食呀...?

其中一部份既泡芙



>>September 12, 2008 at 3:55:36 PM GMT+8

2008 年 9 月 10 日 星期三 【酷熱】

病魔附身


呢日..病到死下死下....印象中只同過周公
捉棋.....同埋滾出家睇大夫之外，咩都想唔
起，所以後補Diary.....仲有想講係個大夫開
返上次D藥比我，雖然病係一樣...但轉下口
味都唔怕死啦....

大夫話....比藥你食都仲咁多野講...找死呀!!!
小弟話....轉下藥換下口味都得啦...使死呀!!!


竟然比返上次一模一樣既藥比我


>>September 12, 2008 at 3:29:58 PM GMT+8

2008 年 9 月 9 日 星期二 【酷熱】

完成了


回到家不斷諗點扭個扭計骰，幾經辛苦終於
都扭好，開始有點點記憶返來，但都係好依
稀的記憶，我諗我扭多十幾廿次應該會好一
點吧....
終於都扭好個扭計骰!!!


今日陪女友出街，今次到佢找生日禮物比
佢個妹，佢預算係700-800蚊之間，咁想買
咩呀問佢，原來想買既係一個銀包，行左
幾間，終於找到間有合適既款，但要成
1200蚊，跟住又唔知點解攪下攪下又會有折
頭，一平就平到可以800幾蚊，真係丫.!!!!不知
是否推銷的手段呢...?怎麼也好，始終都買左
，但係要我比錢...!!!話遲D比返我....，唉...
我為左妳個妹..真係出錢又出力，上次就同
佢撲學校仲要嘔5000蚊比佢交學費，今次
又嘔千二，上次我話買個袋比我個妹，妳
就哦我話使唔使買咁貴既野，今次妳咪又係
一樣.....!!


今次Over night 既Long haul....希望佢可以順順利
利，不要受前事影響就好了....

>>September 10, 2008 at 2:55:06 PM GMT+8

2008 年 9 月 8 日 星期一 【酷熱】

蠻有趣的街景~~


回家途中見到一個幾得意既畫面，我從來
都冇試過一次過見到咁多熨斗集合一堆，
大大話話都有成300隻...仲要係款式一樣，
如果唔係日光日白見到，仲以為佢響度走
私，見到咁得意..所以立即影底佢...。返到
天水圍先知自己唔記得帶天水圍抽鎖匙，
害我要走返去屯門問個妹求救.....天氣已經
夠熱啦....仲要向左走向右走...死得人喇......

D熨斗真係多到載滿架貨車..勁!!!



仲有..有冇朋友仔可以教下我點解決最後一步..?
據我記憶..只係欠一個步驟，就可以扭得成...，
而我響呢個位..停滯不前，扭亂又怕自己又有排
扭過，講到呢句，我今日已經比佢窒..話你買返
來都係諗住扭..你怕再重新扭過買黎仲咩...擺呀??
唉~~我何嘗不知道呢..，但對而家的我來講真係
好難扭嘛，當然唔想玩返轉頭啦，我已經扭到手
都痛，可想而知我係玩左扭左諗左幾耐呢.....!!!看
開點吧.....


有誰可以教我還原個扭計骰?


>>September 9, 2008 at 3:00:12 PM GMT+8

2008 年 9 月 7 日 星期日 【晴】

柏金遜先兆

記憶衰退，以前識玩扭計骰既我..而家竟然扭
極都扭唔到，以前背開的公式...完全唔記得，
而家買左返來，還原唔到，唉....點算好....!!!其實
點解會咁，點解我會冇哂記憶咁..連點點都記不
起，我不會是已經得到柏金遜吧???我竟然用左
半個鐘扭面同T字..唉...比細個的自己還要更失敗....

多謝Philip哥你張"楝篤笑"飛....我會準時到，我會準
時一睹黃子華風彩，黃子華都算係我一個十分佩服
的人，如果能有佢十分一.的急才、機智、完美的哲
學頭腦....就好了，不知今次係400蚊飛..會唔會近距離
望到佢同埋輕微接觸到佢呢?上次睇"越大鑊越快樂"坐
山頂咁滯....今次我誓要睇返上次人地睇到..我睇唔到既
野...!!!!

>>September 8, 2008 at 3:46:59 PM GMT+8

2008 年 9 月 6 日 星期六 【綿綿細雨】

只有你我他知的事..


世上真的有這種..趙完唱..既男人，其實佢
為左表達D咩呢...?被中傷的那個主角，心情
會如何...?突然知道這麼多，既然要避，怎
找也不會聯絡上，反轉想想...其實只有我一
個知....算是慶幸吧.!!

總之...預事要求救..

>>September 7, 2008 at 2:42:52 PM GMT+8

2008 年 9 月 5 日 星期五 【炎熱】

探BB


恭喜嘉賢生左個mix bb...，可愛到極點，
呢次可以話我第一次親手接觸混血bb..
，Mr David...果然強呀....今快有貨交..哈
Anyway...真係開心見到佢有第一個自己
既仔......希望佢快d諗到叫咩名啦。

講起佢住間醫院，話就話私家，但格局
真係同政府分別唔大，某程度上仲差過
公立醫院，浸會醫院舊果座真係唔多掂
，仲要400幾蚊一日..只係床位，不過聽聞
佢都生都好順利..還說唔係好痛....心想...
不是吧..講笑咩，生仔被公認十級痛苦喎
，真係咁舒服???真係...哈哈...奇怪....

見佢生完都臉色咁好，估計住多兩日就出
院，老公做專業既設計工作..老婆又做心理
醫生，經濟有返咁上下，個仔我諗一定可以
好快樂好健康咁成長，從師姐到朋友..現在
做人媽媽....看到了過程，便覺得自己都應該
為自己打算了....

唉....我有咁能耐嗎..???

>>September 6, 2008 at 3:24:35 PM GMT+8