2008 年 10 月 2 日 星期四 【暴雨】

一呎定生死~


今日返工....差D真係真係炒車..........，仲要唔係
我既錯喎，我係好肯定自己冇衝紅燈，而係架
死人七人車撞埋黎......嚇到我拉左E-Break....頂~
事原係我在樂湖交匯處，我係亮行車信號先行，
但其實我遠處已經見到架車，好似蠢蠢欲動咁，
我就以為佢係想衡紅黃燈(準備行車燈)，咁呢D
情況時常都有，尤其係D小巴、的士，好似執
輸行頭，慘個敗家咁，但我真係以為佢係準備開
車，咁我就加速照行啦，點知佢特然轉個彎衡過
來，一瞬間我真係唔相信自己對眼，眼見佢衡過
來，自己心急下拉左 E-Break....，我聽到，成車都
"嘩"左一大聲，我估都有人跌底，還以為自己死梗，
一定炒硬，兩車停下，下車睇一睇，還有約一呎距
離就撞埋去，七人車司機..我還以為佢一定賴我撞佢
，但估唔到佢會向我講對唔住，話自己唔熟路睇錯燈，
唉......但都死啦我，又要報上去，又要寫Log，成車下
一站落車，改返Depot，好在唔係繁忙時間，只係延誤
遲左7mins，雖然唔係自己錯，亦都知我唔會有事，更
好彩係咁巧合條路有交通既CCTV，而又冇人跌傷，也
算萬幸呢......!!!但我發現一件事，原來真係有事發生出
來，自己真係會手忙腳亂、手足無措，自己真係會驚，
心係會離一離，我自己都呆左三秒先識郁.....手口都振呢....

全因平事無咩要快、要趕既心態，自己情願冇得去廁所
，都唔會開快車，我諗如果我真係果刻明知見佢蠢蠢欲
動咁，留意一下，先滑行再之後加速，而唔係一路咁加速
咁去.........，若果我真係一直加速唔理，見燈可以行就咩都
唔理，我諗我唔會有一呎位走盞，我諗我一定炒埋去.....，
今次真係算是一個很好的經驗....，自己都滿意自己今次的表現~~

>>October 3, 2008 at 1:52:58 PM GMT+8

2008 年 10 月 1 日 星期三 【晴】

還書.....


返工前，如平時一樣，一拿起手袋就出門口
，點知一抽個手袋上手，第一個感覺，點解
會咁重既個袋﹖打開一睇，有三本唔係我既
小說放左響我袋，已經唔使估啦，一定係佢
睇完書，要我還啦，但妳又唔早單聲，等我
趕唔切去還，其實我真係唔明，問親妳點解
唔自己還書，妳答我..唔順路、冇時間...!!!但
點解妳又有時間去借書既﹖有時間借..唔順路
還，咁都叫答案..﹖講真....難到我又順路去還
嗎﹖我咪又係要特登去還，聲都唔聲就放響我
袋叫我還...就得...，平時我叫妳幫我買少少野，
就話倦..十次有八次都話唔得，世上邊有咁自私
既人架，唉........我今日真係一見到佢幾本書，真
係火都黎，無端端叫我去還...問都唔問，真係過份.....

今日返工一早就有同事講昨天既事，個個都話心
中有數啦邊個有問題，永遠鐘意早一兩分鐘到，
出名扮車手，開得快停得急，仲有..邊有人咁白
痴架，明知知道over左就開bypass啦，邊有人咁
低能開哂門架..?比人影到相真係只有一句...抵你
死啦，唉.......自此我地又多左個笑話喇....

我部電話又壞壞地喇，又係時候要換，諗緊買咩
機好，用返Sony Ericsson好丫定係Nokia好丫定係買
Sharp好呢...而家LG有個款又幾好喎，但係如果唔
用返Sony Ericsson...咁我既藍牙mp3免提咪冇用..!!
成700幾蚊喎...唔用返咪好浪費....!!而家買電話都唔
係一件容易既事呀真係~~~左諗右度...腦爆.!!

開一開個diary先知妳返左來，還以為妳會打比我呢，
今次日本即日來回，咁有冇買野返來呀?真係羨慕妳
可以返工返15日左右就得，如果我都可以就好喇.....!!
辛苦點.受氣點都抵啦，係咪先，不過..我知妳一定唔
會認同我講架喇，所以唔使解釋，我了解妳的....哈~~。

>>October 2, 2008 at 11:36:02 AM GMT+8

2008 年 9 月 30 日 星期二 【酷熱】

貨不對辦......
『拍拖時認識妳的.那個叫"辦"』
『同居後認識妳的.那個叫"貨"』



如果買一件貨物，你會去睇下係唔係適合自己
先會去選擇，我地香港有消費者委員會，如果
件貨係買完回家用先發覺有問題，我地會有門路
去投訴...。但我五年前發覺冇咩問題既野，今日
先發覺越來越有問題出現，咁即係貨不對辦啦，
咁....我要點做好呢....?近來我發覺自己好似對佢
好多不滿，我自己諗..係唔係對佢有點想法偏激
，先會咁，但我諗真D..似乎唔係，我之所以而家
先咁多投訴，係因為我之前遇到咩事，我都當冇
野，因為我咩都忍，所以先有而家咁多投訴既感
覺，咁即係証明妳平時係幾有問題呢....!!!!

好似今日咁..又要迫我做D好唔鐘意做既事，唔幫
妳做，你又會比臉色我睇，唉...我覺得自己真係開
始漸漸咁討厭妳，有時諗..如果唔係同妳一齊住..都
唔會知妳有咁多問題，如果結左婚先發現..我真係
唔敢諗將來.....

>>October 1, 2008 at 3:01:29 PM GMT+8

2008 年 9 月 29 日 星期一 【晴】

『宣言』??..都大概吧


唉......我有時真係頂唔順女友大人....我唔幫妳
按摩o者，使唔使又閙又唔睬我呢...?跟手走入
張床想喊想喊咁.....!!妳真係名副其實一哭二閙
係爭在妳未上吊乍...，我有時真係覺得妳既所
為...唔係妳想死比我睇，而係想我死比妳睇，妳究竟
幾時先可以正常一點..!!我都唔望妳對我好喇，只
要妳唔好經常閙著喊，已經係幫我好多喇.....!!!

唔知點解..我開始有唔想再"乙水"妳既感覺，比著
以前..我會諗都唔諗就去認低威...無論件事是誰錯
都好，永遠都係我認衰，但而家開始真係唔想去
再做呢D事，妳知嘛...而家要"乙水"返妳..我係要考
慮架...雖然次次都仲係妳贏，但如果我有一天同
妳講...我唔玩喇....!!!妳會點...?看來我都要找天向
妳講清楚，如果再咁下去...我會同你講分手.....。
我覺得我無理由為左妳快樂...而令我要唔開心，一
個萬分需要倚賴別人既女友，我真係再吃不消....
。有時諗...佢年齡同妳一樣...只係大妳少少，分別
可以差咁遠，我完全感覺到一個獨立的性格同倚賴
的性格係差別幾大，坦白說....有更好的當然想選擇
更好的，現在有更好的出現，我覺得自己已經好有
定力了，比著另一個..可能已經搭上她諗都唔諗就甩
左妳，為了妳...我真的考慮了很久，如果在約定期限
都係如此.....我們就這樣算吧....，我辛苦咁多年，都
受夠了，受都唔係問題...問題係得唔到妳的應同和尊
重..，我覺得自己為了她..又為了妳...亦都為了我自己
，開始有咁既方向同決定，我都算對大家有交代吧，餘
下的時間，我應該點走...就很睇妳是怎麼做，如果妳
都係咁下去...，『緣了..就是完...。』




>>September 30, 2008 at 8:35:42 PM GMT+8

2008 年 9 月 28 日 星期日 【酷熱】

錢來自有方? 錢來自那方先真..!!!


女友終於都放完大假，一切都回歸平靜，
佢有佢返工..我有我返....妳返晏..我放早..
放工自己返去天水圍，家中一個人都冇，
入到房見到個妹借左一大疊書返來，嘩....
我響度諗緊.....點睇得哂呀..?原來..我個妹
讀緊社會服務學......我而家先知...比左咁多
錢比佢..連個妹讀咩我今日先清楚...!!!!哈......

一個人由天水圍返去自己家，自己左手抽
住個手提電腦，右手抽住袋電線、數據機
、files、幾本流行散文，個身就揹住個袋，
好似走難咁，已經等到夜晚10幾先走去搭
車，點知都仲係成車坐滿，一心諗住舒服
D搭小巴可以，攪到咁迫...搭輕鐵仲好，仲
要比九蚊搭小巴，唉..乜都蝕哂比佢......

上網見到有自己一直都好想讀既哲學讀.....
讀兩年....仲要唔平..諗緊如果返工放工都
就到去讀........咁讀唔讀好呢.....?問題都唔
止呢個...，另一問題佢都幾貴下...要皮幾野...
錢從那方來...?

>>September 29, 2008 at 3:26:54 PM GMT+8

2008 年 9 月 27 日 星期六 【晴】

十分愉快的一天


女友最後一天大假，碰正我都係放假，就同佢
出去行街，買衫....問到我邊件好睇....!!其實在
我眼中件件都係一樣咁上下，但我都是但點左
一件比佢，不過佢又要另外一件...咁之前問我
係唔係多餘丫......!!行到兩點幾，女友又同佢D姊
妹行街，我就約返好耐都冇見既傑仔出來，真係
如果唔係咁巧合見到，我諗我同佢都唔會有機會
聯絡到，而家做廚房既佢，真係睇唔出，以前見
佢拿任何野都冇氣冇力，而家竟然可以開鑊做廚
，真係估佢唔到呀。同佢食完飯佢又話北上，咁
就各有各行，下次先見啦~~~

夜晚...去左接佢，去左扒王之王果度食，講真，
如果叫我食魚生..我可以接受，但眼見佢果塊扒得
五成熟...好似仲有血出咁...我真係食唔落，我雖然
要左八成熟...但內面都好似唔係好熟咁，當我還思
疑緊塊扒係唔係有問題，就比佢一句"得"過來...『係
咁架喇呢D....食啦..食你唔死架.....』比佢好似講到大
鄉里出省咁...暗示話我連呢D都接受唔到..未見過咁，
唉...睇黎..我都係適合食焗豬扒飯多D....，呢餐仲要食
左成600幾蚊.......哈哈...多謝妳喇..所以我請左妳食甜
品喇....妳碗燕窩燉蛋同埋芒果糯米滋.....算係打和數架
喇~

如妳所說，同妳一起真的很開心，呢個的確係事實，往
後的事...我們遲點看出情形再說啦.....彼此都需要時間..是嗎?

>>September 28, 2008 at 3:15:40 PM GMT+8

2008 年 9 月 26 日 星期五 【綿綿細雨】

心魔與天使


放工約左C4佢地去食飯，好耐冇無見過大家喇
，自從拍拖果日開始，同佢地既聚會機會直線
下降，好難得C4其中一員生日，我先有得聚一
聚食一頓飯，朋友通常見到我都會問..同阿嫂
點呀，幾時結婚呀?我地C4無一個可以拍拖拍得
長，得你可以，睇好你呀，唉.....心諗，我諗
我有機會令你地失望喇...。但點都好..未下定
論前我都唔會亂講，可能佢會突然對我會好好呢..!

原來人真係心裡會有魔鬼同天使，我既魔鬼不斷咁
要我想起我唔應該想既事，而另一個就壓制著我心
中既魔鬼，自己往往都想向另一方向走，其實心中好
擔心一件事，如果呢件事發生左就會好麻煩,甚至補救
唔到，我一定要在我們約定前忍耐，我而家先知...原
來忍耐呢D事係咁困難，我也為我自己好擔心..

因為我不知道我未來的日子應該會係..向左走定係向右走，
所以有時我真係想擲銀仔..聽天由命..教我未來應該點行...
究竟是誰說..『忍一時風平浪靜;退一步海闊天空..?』

忍一世就會風平浪靜..!!!如果真係可以退一步海闊天空的
話.....海嘯就唔會死咁多人..!!!我開始明白這個意思了..

>>September 27, 2008 at 5:46:54 PM GMT+8

2008 年 9 月 26 日 星期五 【晴】

又發生咩事?? 凌晨01:30 炎熱


我睇電影打爛左隻碗吧，使唔使黑住臉呀?我無要叫妳收拾
殘局喎，妳就爭住拿掃把去掃，但掃地妳又要有怨言，咁妳
放低比返我做啦，我心諗..我只係唔小心打爛左我自己個碗..
又唔係打爛妳飯碗...更加唔係打爛妳支神仙水丫，妳咁大反
應仲咩野..?如果妳唔係霸住部電視..我使咩要響咁細張的電腦
檯上面食野?我電腦檯咁細...只係唔小心打爛....我好有理由相
信呢件事只係一件好少好少既事，我唔明白好點解要黑臉....?

如果你肯每次整完野拾好檯上所有雜物先訓，我要響電腦檯食
飯嗎...?我不明白她又係女仔你又係女仔..我識果D都係女仔..都
冇咩人會好似妳咁...執野洗碗好似去行刑咁，有時我唔能夠相信
別的女仔一個人住...間屋會咁整齊乾淨，而妳每次只係製造垃圾..
，好啦....而家妳又唔出聲....我都唔出聲喇，我唔出聲係因為我要
諗下今次又係唔係我錯...!!不過...最衰都係我啦，一早食完洗左個
碗咪唔會打爛啦....係啦......最衰都係我啦...點解要同妳一齊住啦...
唔一齊住我就唔會打爛碗啦...係啦亦都係最衰都係我啦...一早不識
得妳..就唔會同妳一齊住..今日我就唔會打爛碗啦....哦.....!!
原來又係我既錯......

我今天還在她前向妳講好說話，點知返到來妳又係咁，我係唔係要
為我自己要去彌補自己既過失...去同妳分手...跟她一起呀?
唉..都係果句啦....可以對我好少少嘛...大家都係諗住開心一齊吧..
點解要攪到咁，妳何苦要迫到我去出手講...果兩個字呢....

為了我與她的約定..我還會忍受妳的....

>>September 26, 2008 at 5:32:59 PM GMT+8

2008 年 9 月 25 日 星期四 【酷熱】

攪清楚....弄明白~


熱到傻既天氣，如果唔係返工......真係唔想出去!!
我女友真係好野，竟然可以訓足個上午，真係服
左佢，唔知點先做到，連野都要唔願起身食，世
上真係有咁唔願郁既人，妳真係咁倦嗎...??我諗如
果唔係佢阿媽要佢幫手買D野，我諗佢真係門都唔
想搭出半步。下午放食飯...約埋女友阿媽去飲茶，
食左差唔多一個鐘我就走先，放下三百蚊走去開工
，女友就同佢阿媽買...好似買手提電話，之後又同
佢個妹出行街，夜晚佢地一家人食飯，我費時去啦
，人地一家人家庭樂，女友打來話佢地食完飯先同
我食糖水....，今日叫我食多日自己，昨日妳又係咁
講.....唉~~!

之前收到她短訊，話買左一D手信返來，打電話約出
來請佢食飯...當作買給我手信的回報啦，去左食我同
佢都食既日本野，呢頓晚餐，大家都講左好多自己想
講的說話，亦都明白對方想的是什麼....其實也不用向
我道歉吧...人會講呢D話都係人之常情，比著我係好可
能仲會講得更過份呀.....。不過而家我們都知道應該怎
樣去對對方，就像今天咁吧.....我會應承我會向妳做的
事，我一定會做到的，我也知道妳都會做到應承我做
的事...我知你都可以的.....

最後多謝妳送既手信呀.....雖然我唔係點會用呢D.....但
我聞過了.....真係好清...令人好舒服既香味....多謝妳.......

多謝妳支香水呀~


>>September 26, 2008 at 12:55:26 PM GMT+8

2008 年 9 月 24 日 星期三 【綿綿細雨】

內心的話



戀愛係一檔生意
而愛情就係利潤
但似乎..我愛情已變了負資產了....


返工前...女友仲訓到死豬咁...唉~~都唔想叫醒佢，
拍一拍同佢講返工喇....就走。放工約左佢出去行
下街買下野，點知一個電話有朋友問佢join唔join
埋佢地D朋友一齊行，心諗..我仲有得剩..?一定行
死我，點知佢話..你都唔會同我地班姊姊行啦..!!!
我話係既，妳地女人堆自己行個飽啦，我不行喇~
跟住送到佢去搭車去找佢D朋友..就係咁..我地就兵
分兩路，我亦都諗住返屋企便算，回到家，椅都未
坐暖，女友打比我話今日會去朋友家打邊爐，我諗
住佢會叫埋我去，點知..佢話全女班..!!!你會來嗎..?
咁問我...??想我到...定係唔到??呢一刻覺得好似要
答中佢心中的答案似的，我諗左陣...因為我要小心答
..因為一陣可能佢想我去..但我話唔去咁就死得人喇，
諗諗下..我話好啦..冇所謂啦....一齊食都無妨吧，食之
嘛..又唔係做D咩其他事，點知佢話..妳諗住真係來呀..?
全女班喎...有D你仲係唔識唔熟喎，咁.......即係叫我食
自己嗎...?唉...佢帶著點稚氣講一日吧...唔怕啦...!!!

我心諗...最緊要妳表明妳想點...咁唔去就唔去啦，食自己
又唔係第一次..返工都習慣了啦，聽完佢講，我訓上床諗
，諗左好多問題.....!!!我諗左好多我唔想諗既問題，其實
我同佢係唔係真係開心呢..?好似今次咁，出出下街都可以
甩我去其他朋友度，如果換了我咁對佢，佢會點呢...??
我看到她的樣子感覺到佢，好像控制住我一切咁，即係
我想點都得，你冇得Say no，而佢就有，我自己就咩都要
問準她要佢同意先做，有時問佢我出街，同女仔出，佢
雖然話冇問題，但看得出唔係太鐘意，咁即係出唔出好呢...
口講話冇所謂相信你，但暗裡想什麼..我發覺比以前更難
觸摸，有時真係覺得越同佢相處得耐就越唔知佢想點，以
前好容易觸摸到的性格....而家我反而要估估下，其實大家
究竟發生咩事..?有時我在想...難道佢又有新對象又唔知點開
口講..??有好多事...我越來越唔清楚，五年的比較，妳性格
轉變得好大，我相信係我做成，我由開始到現在實在太遷就
佢，很多感情上的事..佢都好容易得到，或者佢未領教過其他
男仔的拍拖態度，我自問自己真係一個好遷就女仔既人，好
多人都有向我講過，你對你女友真係好好..好到不得了....。
其實我聽到係開心的，因為我可以比人知道我有幾愛錫她，
誇點說...係有點自豪感......其他男仔做不到的..我做到，感覺
係女友果邊D朋友會羨慕..我會覺得有種唔知怎麼的感覺，我
會覺得我女友有面子時我都會開心，我覺得呢一件事都係愛的
一種"禮物"...我覺得唔會人人都會有機會有....但....我女友..有...
就是那份開心......所以..我覺得妳開心時我開心，我對妳好..係
冇所謂.....

但.....事情不能盡如人意....人有慾望..貪心...想一得二，我覺得
自己再不能滿足佢，因為有時我覺得自己要做的事都做盡了，
我自問很努力....做到做到最好..，但女人始終覺得唔夠，因為
佢唔知其他大部份男人拍拖的態度.....就係我一開始給妳最好的
我下次就要做更好的..下下次又要做更更好的....無止境下去....

如果..我把呢件事同佢講，佢會覺得..我唔係對佢好似以前咁，
我真係不能再做得更好，我自問做盡了，如果想大家都好的話
..可唔可以由而家開始...對我好少少呢??我都係男人..我都會心淡
我都可以會變心的.....如果再下去的話....妳是迫我做的..

>>September 25, 2008 at 5:52:48 PM GMT+8