2008 年 12 月 29 日 星期一 【暴雨】

騙社會錢的粉人


今日返工時，唔知第幾轉車了，有個約四十五至五十
年歲既男人，響度大大聲話，死人地鐵取消兩蚊優惠
，我買左張長者八達通諗住坐平車，而家冇用啦，星
期三先比優惠，正一乜乜....賺咁多錢都咁乜孤寒.....，
講左好多好多不滿....!!呢D人間直係社會寄生蟲，都唔
夠六十五歲就厄優惠，鬼唔望有一日比人職員截到罰
佢錢，真係一路開車..我就一路聽條粉腸講佢自己所謂
道理.....，果刻真係好想出去將佢連人帶椅咁踢佢落路
軌...!!!

放工坐巴士去機場，巴士去到中途站時有一位國泰空服
員上車，其實留意佢係好自然既事，成個會識郁既利是
封，點會留意唔到...!!!她上巴士坐左我前面，所有空姐都
係一樣....好鍾意上車訓覺，我前面個都唔例外，一上車就
訓，當左巴士去到空郵中心時，佢仲冇意識起身，下一站
就惡哂城...!!!佢仍然係訓覺唔打鐘落車，當然我知佢應該
係要落車啦，但我又唔識佢，難道要我拍佢起身嗎...??三
唔識七..我又唔敢拍佢，但知道如果佢唔落車，遲到就好麻
煩，突然...我諗到一個方法，我假扮講電話，大聲講.『我下
一個站到國泰城喇，就到機場...等多陣啦.....』如我所料，佢
即刻彈起身去按鐘，衝落去取行李落車，哈哈.....。都算係幫
到她一把吧....希望佢果程機會順利啦....!!!

到左機埸，見到女友出來，今次我見到佢喇，在人海中見到
她，我今次太厲害喇...!!!陪女友搭巴士返屋企，女友比左D相
我睇，有幾張仲手持攻擊性武器添，所謂攻擊性武器就係佢
相片中她手裡的雪球，果邊下雪，佢地真係砌雪人，好羨慕
女友可以咁樣週遊歷國咁玩，相中的畫面從前只會在卡通片中
看到，厚厚的白色積雪，擲雪球、砌雪人.、伏在雪到上..!!!女
友真係可以過一個白色的聖誕，而我就留在家中，再唔係就係
返工...!!我真係好想可以有一天和女友去旅行，見到佢的相片，
我又想和她擲雪球和躺在厚厚雪地上呀...!!

>>December 30, 2008 at 12:35:32 PM GMT+8

2008 年 12 月 28 日 星期日 【暴雨】

師姐的E-mail


有人問我元旦有咩做?其實我自己都未諗到，只
因為果日女友係要返工，有D朋友又係返工，得
我一個都唔知可以去邊，可能最終同隻貓咪倒數
，然後向隻貓咪大叫，你又大多歲喇.....!!!

今日打開電腦，開Email一睇，以前中學學科活動
個師姐生左個仔，mix黎架，師姐問我同女友點呀
?幾時到我喎...?我諗佢連我之前個分左手都不知，
應從何講起呢...?始終..我都打了成千幾二千字既
Email比佢，打到手軟..?又唔覺...可能真係一路打
一路回憶，不覺不覺就打左封email出來，send左
出去喇，不知師姐有咩說話向我講呢....?

我諗而家溫哥華應該係幾凍......冰天雪地..受得了嗎?
定係已經凍到.....傻左.!!!回程PassengerDuty希望妳訓
得舒舒服服啦....唔好冷病返來便好了....!!!


今次係 HKG → YVR → HKG

>>December 29, 2008 at 4:20:24 PM GMT+8

2008 年 12 月 27 日 星期六 【暴雨】

還有看不見的...手尾


今日舊女友個二妹打電話比我，雖然.....未與她家姐
分手時，我承諾過話會供佢讀書，但今天咁我的諾
言還應該生效嗎?真的不知道，但今日她打來問我可
唔可以寫支票比佢，交下一期學費，但我心想，妳家
姐冇錢嗎...?無理由吧，和我一起時佢戶口都有五位數
字的儲蓄，但點解還去問我呢......?但最後我都答應她
，知道舊女友阿媽重男輕女，個女讀書..做阿媽唔會比
錢，要個女自己攪掂，而個仔呢就正一打靶仔，冇心向
學，但阿媽又錫到佢燶....，以前真係看不過眼的，如果
唔係....我都不會肯出錢比佢個妹讀書......唉...!!!

雖然八千機蚊唔係話太多，但我已經比左兩期，佢總共
要比三期學費，睇來我下一期都走唔甩，我將事實如實
講比女友知，女友都冇意見，覺得我想做就去做，畢竟
她都係去讀書，唔係去玩，只係女友問我點解舊女友唔
幫佢比錢呢﹖我無言、我唔知、我唔想知點解.....!!!心有
點唔安樂，舊女友是不是發生左D問題呢...?據我知..舊女
友同兩個妹感情係十分要好的，照道理冇理由唔會幫手比
錢，我不敢想太多，但我承認有點擔心舊女友的事，其實
我不想女友擔心呢D事，我不想女友亂想。Irene呀...我只是
出於朋友擔心她，若果她有事我可能會幫手的，但我絕對的
向妳保證，我不會與她再有機會的，由她離開我的一天，我
已經肯定自己一定要留在妳身邊，我只會站在妳那方，無論
怎樣我都不會和她有那種關係，Irene.....妳可以體諒我嗎...?

我向妳保證...無論怎樣...我都不會離開妳，點都唔會離開妳....

>>December 28, 2008 at 4:51:31 PM GMT+8

2008 年 12 月 26 日 星期五 【微冷】

迫我要老翻


女友今日陪朋友去工展會，唉....要迫既..我唔去喇
，有咩食得既就買D返來啦，之後自己出左去旺角
、Sham Shui Po，去Sham Shui Po都係諗住買隻
新WII既Game"火影忍者疾風傳Ex3"，點鬼知Sham
Shui Po又冇旺角又冇，一個二個都話買哂、斷貨，
唔知幾時先返貨，頂....有心已經去買正版啦都冇貨
，想點?迫我download老翻嗎...?好....我睇你入貨快
定我download得快.!!!不過去到旺角買到D得意野，
就係"親熱系列"中兩本，"親熱天堂"、"親熱暴力"、
"親熱戰術"就冇貨，但有本好似錯左顏色，不過算
啦，見幾得意，買唔到碟就買住兩本書先啦.....!!

回家見到唱片店，張學友又出演唱會碟，以前我仲
細個果陣，佢全部CD我都有齊，不過大下大下就
開始冇儲存佢所有CD，一來冇咩新歌，二來D歌冇
以前咁好聽，唔係話個歌手，係D歌詞都唔知寫咩...
我真係聽唔明，但當我想買時，去到售貨員姐姐話
唔收EPS.....!!頂.....又係唔係要我download老翻先安
樂呀....???!!!

呢個時候女友打比我，我同朋友出去食飯呀，你去唔
去呀??要同班女人坐埋一堆，都唔知講咩好，都係妳
自己去啦，我家中妳之前整左D野食，我叮熱佢就得，
我自己顧自己喇....，妳玩得開心D啦....!!!哦...咁好啦..
食完找比你啦...拜拜..!!!

而家我在家中，洗衫、掃地、抹地、執屋，唉.....住左咁
耐，我都知D野點執點放吧，我唔會再整壞部洗衣機掛，
如果壞左都唔會比妳知，即刻去找部陳列品買返來頂檔呀...

哼.......我冇可能再整壞既..!!!

自來也...親熱系列其中兩本


>>December 27, 2008 at 11:00:46 AM GMT+8

2008 年 12 月 25 日 星期四 【微冷】

每月一次

女仔生理結構比男仔複雜，而且比較文明，有人
話如果全世界都係女人的話，呢個世界係唔使打
仗架，因為女人係文明好多，最緊要大家唔好一
齊M到呢，就冇事兼和平架喇.....。月經....的確係
每一個女仔面對的問題，我永遠無法知道佢係點
樣痛苦，所以..我同樣永遠都唔會明白自己另一伴
經來時會點解咁痛苦....!!

今日見到女友面色有點不妥，細問下原來每月一次
的來到了，但見到女友上痛到要蹲下去地上，又痛
又暈，我都唔知做咩好，但今次似乎有點不同，痛
得好嚴重，卒之帶左女友睇急症，不知是否女醫生
，有身同感受的關係，一來到便話..打支止痛針啦...
，又逗又呵先乖乖的打針，去取藥時見到隻止痛藥
係有嗎啡成份的，嘩........好似好嚴重咁，女友原來
好怕食膠囊形狀的藥，又要再逗再呵先肯食....!!!其
實真係怕食丫，定還是喜歡扭下計呢....?哈哈..無所
謂啦，最緊要妳肯食，果然食完就冇叫痛，唉...如果
個個月都係咁，咪要一個月一次急症...???女友講笑
話不如生個仔啦......(講真架???)，我養不起呀.....，不
過還好，女友識講笑，証明她真係唔痛喇..放心..去食飯....!!

>>December 26, 2008 at 3:26:47 PM GMT+8

2008 年 12 月 25 日 星期四 【颳風】

完滿

睡不著不知做什麼好，連碗我都洗完了，打開雪櫃見
到我好鍾意飲女友焗既菊花蜜糖水，雪凍左好飲之餘
，就冇人會同我爭，因為女友唔飲凍野，但係唔知係
唔係飲得太多，個肚嘰嘰咕咕咁，是報應我自私咁飲
左咁多定係女友一早落左降頭!!哈哈.....那日病左一整
天，訓在牀上不懂起身，一整天冇食過任何野，除
左女友用盡全力塞藥入我口之外，印象中好似有三
碗粥，後經女友證實，的確係三碗粥，但每一碗只
係食左一啖，即係果日食左三啖粥和水送藥外，咩都
冇食過，多麼的厲害啊.....，當然...我害人不淺啦，
發燒的我，搶左女友的指定訓覺動作，就係搶綿被
，仲要蓋緊自己，終於焗到全被袋、牀單、枕頭袋
、自己衫、自己件睡袍，全部焗到濕哂，但焗完我
好似清醒左一點，曉講....好熱呀汗焗濕哂喇，可憐的
她要換掉所有床單被鋪...，今日夾埋其他所有衫，開
了三次洗衣機洗衫，現在間屋好似個掛衫陣咁，每個
地方角落都飄著柔順劑的香味，隻貓咪都幾乎焗暈左
，軟攤在地上.....看來誤殺罪名成立，罰每天多一次貓
糧作補償。呀..!!講開有一天，諗緊買咩貓糧時，女友
話應該帶牠出來超級市場一齊選擇，唉.....搬了去住，
多左一個咁愛錫牠既媽咪...幸福死喇.....!!我和牠無分別
，在超級市場大家都係選擇罐頭，佢選的是貓糧罐頭，
我選擇的是人食既罐頭，但大細超的分別係，佢D罐頭
仲貴過我D罐頭有時候......可惡的肥貓.....!!!!欠揍吧!!!

其實...講咁多野，都係想講我女友真係好架喇...咁罷.，
第一個難忘的平安夜，就係照顧我呢個病君，不過
冇妳睇住我...我諗我連上前拿杯水飲都無力呀，我覺
得和妳一起，生活才會有美滿的感覺，找到真正的另
一伴...我似乎今次真的找到了，是什麼要注定碰到妳?
若那天妳不叫我，妳不提起學校整估妳的事，我真係
未必記得妳，是緣分一早已經注定以呢一件事作我們
相遇的開始嗎?很奇妙.....有人話，人生是一個輪迴，生
命中找到自己的另一伴，生命才會更加完滿，那天我們
在學校相遇，一齊著住校服一齊玩一齊相識相見，那日
，你我都是著住不同的制服，又再這樣相見相遇，也許
一切一切都是巧合，原諒我份人比較迷信一點點，我將
這一切一切都當做全部是緣份...，有時我會諗，我會一
起，是不是在童年時已經注定的呢...?我無想過可以拖到
妳的手，很多事都冇諗過可以和妳一起去做的。很奇妙....

既然已經定了妳是一切，就算妳飛去地球另一邊，我都
會等待妳的，別擔心我會像妳架飛機般飛走呀，機票我
一個人買很昂貴啊，只有和妳一起才會飛得起呀，妳的
機票比較平嘛，哈哈.....總之，我人生原來是找妳才會完
滿，咁現在已經找到我的完滿了.....，妳返工放心的飛啦
.....，我應承過妳有時間一定會在機場等妳機接妳走......。




>>December 25, 2008 at 8:27:02 PM GMT+8

2008 年 12 月 24 日 星期三 【颳風】

不折不扣的承諾

《聖誕節》


今早收到舊女友的電話Message，大概係說『聖誕快樂』等
等的說話啦，收到後雖然有點愕然，還記得我的存在嗎........﹖
但禮貌上都應該禮上往來吧，回覆她『聖誕快樂，最近好嗎﹖
天氣寒冷，保重身子啊...』畢竟我都知她都係一個極怕凍既女
仔，良久....她回覆我『有時間出來食個飯啦』，想左好耐，我
應該回覆她丫，定係唔理佢，當咩都唔知呢..?最後...我都話左
比女友知道，她找過我，而Irene都比我同佢找天食餐飯，其實
..我究竟應唔應該出去呢..?現在思想好混亂，我點做好呢...?如
果我唔去，唔會唔比人講我小器呢，去又會唔會比人話我食回
頭草呢...?Irene妳是真係放心我出去，定係想借今次來試探我呢?
假若我去左返來時..一打開門會唔會見了一個淚流滿面的她呢...?
好多好多的幻想..好多好多的假設..亦都好多好多的估計...，但我
之前已經誓神劈願咁應承Irene點都會留在她身邊，咁我這樣出去
都係叫做同一個女性朋友食飯吧，算不上什麼問題吧，我覺得餘
情未了的問題是不存在的，Irene妳會相信我嗎...?

憑著妳緊抱著我的感覺，我相信妳對我有信心的，就憑妳剛才對
我講的話，我知道我是屬於那一個，﹝我不能夠嘔心瀝血地捉緊
你，我真的不想你去，但這相信呢兩個字會變得無意義..........﹞，
放心吧，我去到那裡都會不折不扣咁記得承諾過妳什麼的。但今
個聖誕節..我一定要和妳一起過，陪著妳過我們第一個聖誕......。

>>December 25, 2008 at 6:01:09 AM GMT+8

2008 年 12 月 23 日 星期二 【晴】

有妳在...點輸都開心...


病完左足足二十四小時，頭都暈埋，睇完醫生食
左次藥，拮多支針，即刻上陣返工，對於發窮狂
的我，當然唔會放過呢D節日返工既機會啦，打死
咩線都返，洗廁所都制呀!!錢果然會令人失去理智。
放左工同女友同埋佢班同學仔打邊爐，全女班，有
點唔自然，第一年同Irene咁過聖誕，上去比班女厄
錢，打麻雀咁鬼高章，人地摸左牌先打出，佢地就
打出左先摸，出千架??難道知下一隻摸乜..?攪到我
打到一額汗，八圈打到我死下死下咁，真係病好都
比佢地嚇病，個個都摩打手，唔使諗，我落左場先
知佢地原來有時間就打，今日先知連自己女友都咁
強，自問自己已經好小心，唔會打出比人食啦，點
知都輸我六百幾蚊，好地地咁比人打劫左半日人工
，頂佢地個肺丫，我頓時變左佢地條大水魚，比佢
地係咁宰割，整個過程比死更難受，唔怪得之要打
一二五啦，下次我唔會咁白痴架喇，最慘連自己女友
都J宰埋我一份，呀.....Irene...妳都對得我住喇.....!!!!

不知不覺，玩到凌晨三點先散埸，不知女友是不是將
全部精力放哂女響麻將處，回程時倦得睡著，仲訓到
留口水，咁凍天時，妳唔會留汗丫、嬴我錢更加唔會
喊丫，我肩膀的一定係口水....妳冇得抵賴呀..哈哈..!!!
不過..我女友係小朋友嘛..我原諒妳，從對面車窗倒影
睇到妳訓覺樣，真係好得意..好可愛，妳今日仲著得好
靚呢，哈哈，明天放假妳好好的訓啦，我會自己顧自己
架喇，天氣咁凍我想妳唔好咁辛苦，想妳訓耐D，知道
嗎...?明天再陪妳好好地過二人聖誕節，今日雖然輸錢，
但同妳一齊我覺得好開心，如果每年聖誕節都好似今次
咁，咁就好喇，希望我地可以好好咁相處下去，天天都
是情人節......!!

>>December 24, 2008 at 8:43:25 PM GMT+8

2008 年 12 月 22 日 星期一 【乍雨乍晴】

病....

發病、發冷、發熱、發燒、
無食過野(自己唔肯食)、無沖過涼(行唔郁)
無開過電腦(野都望唔清)、無返過工(無咁既能耐)
有妳照顧我、有妳扶我睇醫生、有妳煮粥我食
有妳我會好快好返

矇矇矓矓中知道妳整晚在旁照顧我...thank you

>>December 24, 2008 at 4:28:56 AM GMT+8

2008 年 12 月 21 日 星期日 【乍雨乍晴】

凍.....


天氣凍左好多呀，怕熱既我今日響架車內冇開
冷氣，因為二期車獨立冷氣系統關係嘛，唔開
冷氣只係開車窗已經凍到傻，D風吹到我遮光
布飄下飄下咁，外面D客唔知我發生咩事..哈哈...

女友要返工喇，今日佢要自己一個返，因為我就
唔到時間，聽佢臨上機最尾個電話，佢口振振話
好凍好大風呀東涌，想像得到怕凍既佢會發生咩
事，今日雖然Trun around。但放工見到著件大黑
褸都叫凍，對手唔願意拉行李，手全部縮入口袋
，唉.....還要用我個身去擋風...，但係......妳個頭D
洗頭水留下既味好香呀....哈哈，好似有點變態咁...
，回到屯門妳急不及待開暖烘烘既風機，對住佢
係咁比佢吹，係唔係真係咁凍呀..?

明天唔好咁早整早點喇，訓下暖下休息下啦，聽到
未呀?唔好再咁早起身為我做早餐喇，妳知唔知妳病
左....係唔可以比妳同我一齊去行街架.....問妳怕未....?

>>December 22, 2008 at 3:18:57 PM GMT+8