2009 年 1 月 16 日 星期五 【颳風】

一千個不滿的理由

放工去接女友放工，還以為今日都會很凍，我仲走去
取左一件冷衫比女友打底，最後當然係多餘啦，但係
冇所謂啦，多餘都總好過妳冷親嘛....!!!

今日回程和女友坐東涌線列車，在車廂中有一對外籍
夫婦推住架BB車，講真..個BB真係好Cute...，女友坐的
位置，面對住BB車，整程車程，女友不斷逗個BB玩，
外籍夫婦亦都同女友傾計，唉...我D英文好爛呀....!!!!!!!
爛到好想立即跳車，不過......個BB女真係好可愛，好少
BB個輪廓會咁好，我諗大個左佢應該會幾靚女啊，列車
去到南昌站，我地去轉車，又見到一班著住Lotia既女仔
上車，問到女友敢唔敢咁著出街， 女友答....『我唔敢呀，
自暴其短嗎...想我..?咁多人望住又唔自然，最重要我著左
都唔靚啦...!!!身材又唔好，好彩公司套衫有收腰乍，如果
唔係連肚腩都見到呀......!!仲話要我著呢D...!!!』跟住氣餒
敗壞咁搖頭嘆氣...肥肥肥......。』哈.......D小動作真係受不
了呀，其實都好多人見過我女友，大家覺得Irene肥唔肥呀...??
其實我晨早講左女友係唔使減肥，我覺得而家既Irene已經
好好，我喜歡現在的妳呀。妳不要再聽妳D姊妹說話啦，在
妳姊妹眼中，身材永遠都係肥，仲嫌妳減肥未夠努力，喂...
呢D姊姊咪找你笨囉，傻瓜....，真的不用減肥呀，知道嘛....?

講下不經不覺就到屯門站了，每一次我都會咁講，列路簡直
係偉大的發明，以前點會諗過由東涌去屯門只係40幾分鐘左
右便可以呢。去到屯門和女友食飯，其實拖住個Suitcase食
飯真係好唔方便，但我地又懶....冇法子啦....我地兩個都係超
級大懶人呀.......是一對的....哈哈..!!!!

返到家，女友拿出在外地買的手信，我又係得一盒食物，最
可惡既係今次連隻貓咪都有，而且仲有兩份，即係多我一份
，我.........我...連隻貓都不如嘛...?我嚴重抗議呀、我極度呷醋
呀、我極之不滿呀、我極之想將隻貓咪流放、我.....有一千個
不滿的理由呀...!!!!

哈....講笑，但我真係冇諗過妳同隻貓咪相處得咁和諧吧...其實
是好事來的，開初我幾怕妳會討厭牠，但而家放十萬個心了...




>>January 17, 2009 at 3:24:47 PM GMT+8

2009 年 1 月 15 日 星期四 【乍雨乍晴】

返工...


返工途中知道女友要返工，唉.....其實都預左架喇，
個幾星期點會冇一日中丫，但估唔到係我返工時，
妳先走去走去返工...，不過....和妳一起...預左的...。
回到家打開門見到隻公仔貼住張字條，話我會有野
食，哈哈，還以為妳會怕我會餓親...，先會叫定野我
食，隔左陣，無端端隔離屋會比個外賣楊州炒飯比我..
..!!!!原來係有個傻瓜叫左外賣，等唔切要趕返工，攪到
個外賣要隔離屋收，哈哈....都好，可以益左我...哈哈..

放工自己搭車回家，坐雙人位，如果隔離果個冇咩
異味的話，是男是女..冇所謂啦，今日我坐車時就有
個煙剷坐左我隔離，唉......超級難聞，我仲隱隱聞到
一陣陣啤酒味，呢一程真係極度惡頂.....!!!!

回來睇新聞，外國飛機飛行中出事故，事件好好彩啦
冇人有事，唔知香港會唔會有咁有冷靜頭腦既機師呢..?
其實女友出去返工...我擔唔擔心..?話唔擔心一定騙妳啦
!!飛機係世界上最安全的交通工具，因為少意外，但同
事亦都係死亡率最高的交通工具，但大家都要賺錢過生
活，我們又可以如何呢...?

>>January 16, 2009 at 4:07:48 PM GMT+8

2009 年 1 月 15 日 星期四 【乍雨乍晴】

要返工喇....


一早起身，覺得頭重重咁，摸摸旁邊....女友不知
道去左邊.?不在家又不在洗手間，行哂成屋都冇
人，打電話比女友，家中就有鈴聲響起，原來佢
冇帶電話，一早起身咁去左邊呢??正當我諗緊估
緊女友在那，大門便有聲音，女友抽位兩小袋野
上來，原來落街買早餐，今天女友真係冇整早餐
喇，但都要凍冰冰落街買，下次不用喇，在家中
飲杯熱飲我都可以當早餐架，最多我早D出門口，
自己出 去食完返工，都得架，咁晨早落街，凍病
妳呀.....傻瓜....唉...!!!妳經常向我講，STAND BY呢
D日子係最變幻莫測的，一個小時前我仲在你面前
，可能一個鐘個後我就趕到機場返工喇，這些事..
我當然知道啦，和妳一起我便預計到會咁，所以
我先不想你太辛苦呢.....!!一陣我要返工了，不知返
來會不會再見到妳呢?據我知妳咁多次STAND BY都
無次可以幸免唔使飛，我估今次都會係一樣吧，怎
都好啦，自己出門口著多件衫喇，出面好凍呀...知
道嗎....?

我真的要出門口返工了........

>>January 16, 2009 at 12:19:35 AM GMT+8

2009 年 1 月 14 日 星期三 【乍雨乍晴】

淚眼殺星....


今日約左芯芯出街，本來女友都想出去，但係公司
Stand by大過天，唯有自己留在家中等等等.....，貓
咪唔知係唔係真係知道妳等電話好悶，特登響妳面
前跳下轉下咁，也許佢想妳陪下佢玩吧，但係，隻
貓真係冇試過對我可以咁好，唔係話冇既，在錦田
果陣佢都會陪我的，但而家好明顯係唔記得左我，
我諗過多一排佢會當我係陌生人咁添，會用貓抓抓
我吧.....大概會係咁啦....!!衰貓咪...好想抱你返錦田
自生自滅，不過如果我咁做，相信比人滅?一定係
我，呢隻貓咪有好大個後台撐腰，果個後台係我女
朋友....我竟然會輸比隻貓.....唉....『做隻貓做隻狗不
做情人，做隻寵物至少可愛迷人』，深深深深深體
會到了....我而家。勁無奈呀...

和女友家中看電影，我講點解D演員可以話喊就喊得
到，無論男女都係咁，真係入戲嗎?女友答....喊好容
易啊...，多口的我講左咁妳喊比我睇丫，唔使一分鐘
真係有眼淚出，雖然係冇聲只得眼淚，但都真係足夠
嚇死我啦，原來呢句都係禁語來的!!但係最奇妙係喊完
可以即刻笑返，嘩...我的天呀，妳是火星人黎架.........?
Irene妳都真係....下...!!!..我冇話可說了，我認輸了....。

呢排天氣好凍，我唔想妳煮飯，妳又要凍冰冰出去買材
料，返來又要開水喉掂凍冰冰的水喉水，我真係好怕會
凍親妳呀，求下妳煮少兩天啦，休息一下啦，其實被窩
真係好溫暖架，入去被窩轆下轆下啦，而家仲有部新既
暖風機添，好好利用佢啦好嘛?唔好成日入廚房啦，我見
到妳咁，我都覺得凍呀....妳可不是家中的工人呀..知嘛 ?

最後要多謝芯芯送比我的張學友隻最新CD...Thank You...

>>January 15, 2009 at 11:55:19 AM GMT+8

2009 年 1 月 13 日 星期二 【乍雨乍晴】

空服和車長....

女友呢個星期都係Stand by，所以呢個星期內
女友日日都將會好似神婆咁，坐響家中等電話
，喃喃自語咁話，唔好打電話來..唔好打電話來
呀...!!!!其實我和女友已經相處好一段時間，女友
的工作流程，我都好清楚，甚至咩地方咩國家有
咩特別，suitcase要放咩，我開始都清楚，所以而
家我都可以幫女友執行李，終於覺得自己有點貢獻
喇，只係未幫佢熨好套制服吧，因為我覺得自己真
係唔識用熨斗，總係覺得自己熨極都唔直，哈哈，
點解會咁既呢...?今日女友問我知唔知空服同埋地勤
係點分...?制服是一樣的，但點分呢...?我點會知喎，
女友向我講出分別後，今日去留意下，原來真係有
分別，和女友一起後，我對她們的工作熟悉左好多
，同樣地女友有時搭輕鐵亦都會問我，呢個制有咩
用果個制又有咩用..?點轉個路線牌、路軌、接卡又
會係點，車廂廣播又係如何一回事，好多好多，其實
我地兩人的工作也算是別人好奇的，以上女友問的問
題，我已經向好多人講左N咁多次了.....。而我地都有
互利互惠，我坐魚翅會平一點、第日女友亦都可以坐
免費車，哈哈...已經講左催促左我好耐了，"我唔想咁
趕搭巴士返工呀...!!!!!放工就搭巴士就冇所謂..可以訓覺嘛...!!!"

irene呀，如果妳想坐free railway的話，不如妳向我求
婚丫，我會應承的..哈哈.......

>>January 14, 2009 at 3:34:25 PM GMT+8

2009 年 1 月 12 日 星期一 【乍雨乍晴】

女友的急才

在我心目中乾燥既天氣係冬天的副作用，我好鬼討厭的
，因為個嘴唇會爆刷，咁我讀書時代的我，就最喜歡用
條脷係咁滋潤個嘴唇，所以我果陣成日比人話我，你睇
下你攪到個嘴唇紅哂喇，從小到大最憎用潤手霜和潤唇
膏，唔知點解係十分抗拒的，而家大個左都要接受現實
，唔用呢D防止爆刷的用品都唔得，因為真係好鬼痛，
痛都不要緊，週身都唔舒服果下先麻煩，所以而家我會
有一小支潤手霜和潤唇膏在身，其實自己已經開始接受
呢D用品架喇.....。今日，我發覺自己唔記得帶潤唇膏，
大概係昨晚拿了出來唔記得放返自己袋啦，今日返工冇
得用，整個早上像個變態的傢伙，不斷咁用條脷租個唇
，到食飯時間，女友陪我食飯，順手問女友借潤唇膏啦
，但原來女友用的係有色的，咁我還要更變態用有色唇膏
嗎...?當然唔會啦，但我已經好多次因為唔記得帶潤唇膏而
去特登買，家中大大話話有四五支用過的，所以我真係唔
想再買喇，但真係好痛好唔舒服喎....怎麼辦呀?難道要真係
又買第六七支..?突然女友想到方法，女友走去餅店買左個
忌廉椰絲飽比我食，當然主要唔係食啦，係用佢D忌廉充當
住潤唇膏先，的確用了這個方法，好左好多，而且仲有陣陣
的麵包香味外還可以食埋個包落肚，哈哈，所以今日在車上
，我駕駛室門內掛左兩個包...比我有需要時服，哈....女友係
有點急才呢...，我真係好喜歡佢呢D小聰明....，其實更開心
係我手拿著的包，不是包的味道，而係那一刻女友會幫我想
方法，一剎那感覺到的體貼，在寒冷天氣下內心都感覺到好
溫暖。

今日我的Email收到情人節的禮物簡介，不經不覺又快到呢個
節日，和女友第一次過的話，我都希望可以過得特別和深刻一
點，起碼，到老左大家都會記得呢一天係點過，還未想到怎做
，我曾經話過天天都是情人節.....，咁又是不是應該像平日咁過
算數呢??傻啦......點會喎，遲多幾年比妳秋後算帳點算...?讓我
諗諗吧...!!

>>January 13, 2009 at 1:48:43 PM GMT+8

2009 年 1 月 11 日 星期日 【乍雨乍晴】

今天載著姓"賴"的乘客

呀............................今日真係激死激死激死激死激死我呀...!!!

今日發生D令我我費解既事，自問自己駕駛技術都OK丫
，雖然未去到完全唔chok階段，但都可以接受，起碼我
覺得，如果你較為有去自己係扶實個扶手，一定唔會跌
親你，我唔知係呢排多巴士樓梯跌死人，D人就小題大做
，如果跌到你仲可以走出來罵我呢，我覺得呢一跌你仆
極有限.....!!!要投訴我.....隨便吧.....!!

香港人咩事都只係會"賴"，將責任推去人度，前幾日跌死
個阿伯，個巴士司機比人告，真係好無辜...講真，做司機
第一要點係留意路面情況，我顧得條路又要顧埋你有冇企
定定扶穩，我仲使開車?我使唔使每停一個車站都出一出去
，去問下每一位乘客扶穩未呀...?其實我冇所謂架，你地班
乘客唔嫌浪費時間的話，我人工又係照收.....!!!而家D人真係
咁架喎，唔單止坐車啦，正話新聞講D人投資輸錢，喊打喊
殺，我相信有D人真係比人厄的，但當中一定有好多人都知
何謂"風險"，嘩.....你地班人賺左錢時又唔見你派返D比人，
而家輸左錢就話人地厄錢，跟本係呢班人貪心啦，我自己都
有買股票啦，我都冇左三分二既錢，咁可以點呀??我又要去
討返我錢返來嗎..?買時就知有賺就有蝕，下下都輸打嬴要，
呢個世界邊會有D咁著數既野架....?

唉.....你話我架車整跌你，又唔見其他人跌既....?我覺得我當時
跟本冇所謂的"急停"，如果我真係急停，跌的一定不會得你一個
人，你個無賴八婆，你姓賴既......你賴得就賴啦.....!!最好跌到妳
唔傷又唔痛既，而又可以討賠償，嘩....咁就理想喇..!!!係唔係呀..?!!!
咁又係呀...有咩野係因意外而又冇受傷又大樂趣得過又有錢賠埋
比你喎....夠盞鬼呀...!!!!!!我都去仆下街喇咁...!!所以我知道呢個世
界有D人仲會咁，見到人仆街有錢賠喎，自己明明唔仆，都要去
仆一仆街，博賠錢呢D人，簡直係喪心病狂呀....!!

慶幸回到家有個人肯聽我呻......我知道全世界最少一個人會對我
好的明白我的，呢個人係我女朋友....!!

>>January 12, 2009 at 5:29:05 PM GMT+8

2009 年 1 月 10 日 星期六 【乍雨乍晴】

有對手同我搶女朋友...!!!!

放工陪女友買返部暖風機，又無端端唔見成千蚊
，不過...電器買貴少少同埋有牌子既，心先會覺得
安心一點，所以個售貨員係咁推銷果部700幾蚊既
，我地最後都冇買到，但要自己抽返屋企，真係唔
講得笑，好重下......抽到我死下死下.....!!!!!

今日我返工前，女友響咁凍天氣仍然會做早餐比我
，我覺得我怎樣講都好，女友都唔會改變，我只有
向女友講，假若有一天妳真係不想整早餐就唔好勉
強喇，我無咩所謂呀，天氣咁凍...我真係好怕妳冷病
呀，妳一病就會有排先會好，為左做早餐而病到，我
食都食得唔安樂呀.....!!

夜晚同女友出街食飯，女孩子始終愛靚唔要命，咁凍
天氣還要著裙，服左妳，一路行就一路叫好凍好凍，
無可否認...妳真係怕凍到不得之了，臉珠、耳仔鼻尖、
雙手都係冰冷的，買比妳的暖蛋包，妳一日同我用哂
，究竟...幾多先會夠妳用呢...?不過天氣凍都有好處既...
無論係送妳返工等車時，或者出街一起時，我可以大
條道理當街攬實妳，因為週街都係咁做D人，比著平時..
妳叫我當街咁做...我真係唔係幾好意思架.....，而家呢D
天氣，簡直係可以奉旨咁做啦..，所以我覺得冬天都不
錯丫.....可能係給男仔可以親密女仔的好機會啊....!!

回到家....有個瘋狂的女仔，立即拆盒取機開暖風，唔
知係唔係貓咪都係怕凍，一返來開左機，隻貓咪自動
波跳過來一齊和女友吹暖風，我覺得隻衰貓越來越識
嘆，食又食好..住又住好...而家仲識選擇跟住女友.....，
隻衰野完全唔記得係我抱你返來架，我覺得隻貓搶緊
我個女朋友...!!!哼.....我唔會比你得逞架，再係咁，我親
自押你返錦田....問你怕未....!!!

>>January 11, 2009 at 3:42:55 PM GMT+8

2009 年 1 月 9 日 星期五 【乍雨乍晴】

我真的冇人性嗎?


很凍呀，今日我竟然要帶頸巾呀，我今日好努力
找呢條多年先會一用既頸巾，哈哈...終於比我找
到了，講真丫，屯門市中心真係唔係幾凍，但屯
門近碼頭那邊吹來的凍海風，係凍到刺手的，去
到東涌都係凍到要死，我後悔只穿了一件長衫加
風衣，開初諗住只要我加多條頸巾就殺哂啦，仲
會凍咩....?點知......我今日感覺到凍喇.....

或許生存在香港真的好幸福，今日咁凍，見到個
阿婆只係穿住件薄衣就出街，在我等巴士時見到
阿婆左顧右盼咁望，原來她目標係個衣服回收箱
，而家大家都知，呢D箱係有入冇出，如果要拿出
來不是冇可能，但一定是很難做到的事，我只見到
身子十分矮小的她用一支唔知咩"枝"定"竹"...不斷咁
找，好似釣魚咁，直到我等到巴士來了，她都係不
放棄....但我所見，佢係冇咩可能釣到D衫出來，唉
...香港還有多麼可悲的事呢，為什麼同一個社會有
人可以好食好住，有人就冇啖好食.....，世界的確係
冇公平呢.....

去到機場告知女友呢件事，女友問我有冇幫佢釣D衫
出來...?又問我有冇幫下佢...?...冇呀...我只係遠望呀，
跟住就比人話我冇人性喇.....，其實我有諗過幫佢鈎
D衫出來，但佢個籠有個牌寫住嚴禁偷衫，違者送官
，我可以點做呢...?算啦，可能我走左後有個好心人幫
左佢呢....，下次我再遇到先幫下佢囉.....唯有...!!.

今日女友回程係做乘客，所以落機鬼咁精神，上到巴
士又係咁食野，係D日本草餅，我話食肥妳呀，女友
話好好食架....仲有三盒未開，你食下先啦，我一食落
又真係幾好食喎，之後我們一齊研究有咩味道，本來
我係叫佢唔好食咁多，但係比佢講返轉頭，我地一齊
係咁食，由上車食到落車，唉......我唔可以再肥下佢架
，女友係魔鬼呀，成日引誘我食野......下次唔准再買食
物返來呀，但係我上一次都係咁講...唉....事情沒完沒了...!!
永無止境的食下去..........

>>January 10, 2009 at 4:04:20 PM GMT+8

2009 年 1 月 8 日 星期四 【乍雨乍晴】

天寒地凍要返工...辛苦妳了


天氣咁鬼凍，而家中最怕凍既女友，因此亦都擁有
佢自己既恩物『暖風機』，而呢部機在未碰返我之
前已經買下，機齡約三年多，今日終於瓜柴，對於
女友來講，響而家的天氣先壞，簡直係惡耗，而壞的
時候亦都嚇到我地死下死下咁，如果係唔郁自然死亡
，咁都冇咩所謂，掉左佢死得眼閉，只不過佢，今日
壞果陣係"砰"一聲，閃左一閃白火光，似要爆炸咁，
最奇怪佢又可以若無其事咁啟動，女友眼見可以出暖
風時但又唔敢用，真係可憐呀...哈哈。

故事未完喎，暖風機壞左，自然要找東西取暖啦，家中
所有暖蛋、暖貼、暖袋，都比女友一野用哂，就連諗住
出Trip日子，在其他國家天氣凍時用的保暖用品都用哂，
最後我都不得好死，成日比個衰人請食超凍金，寒冰既
手經常忽然之間響我頸項出現，雖然我聲言不怕凍，但
成日比人偷襲，真係好慘，臨訓前仲要我去訓暖張床先，
咁都不要緊，明天女友要返工，礙於保暖用品用哂，女友
苦苦哀求下要我在天寒地凍既長街，走盡三間便利店，買
暖蛋比女友明天早上返工等車出街用，我真係好慘呀.......
Irene...妳有冇覺得好殘忍呢....??不過天氣真係好凍，我都
唔介意既，今次係我第一次親自為女友執suitcase，為她
準備明天她返工的制服、大黑褸、黑頸巾，妳公司對黑色
情有獨鐘呀......，但真係好鬼死型呀件大黑褸，明天我放假
，等我server返妳轉頭啦...，等妳可以在暖暖的被窩中轆轆
轆轆轆轆啦，因為我真係唔想妳天寒地凍起身呀....!!哈哈......

唉...明天還要返差館比口供....唉，為什麼又係我，好鬼死煩
呀，如果當日是但一個人坐下一班車便冇事啦，出事又找我
來攪，多得你地唔少呀，不過，呢D人唔篤佢出來都係為害人
間，但佢一定唔會係最後一個，希望下次唔好響我身上發生啦
，我還要寫報告呢，寫報告不要緊，但要用英文寫，對我呢個
英文超級大白痴來講係件越級難事，但係我唔驚....家中有部人
肉英文文法大字典.....我好放心........有Irene在!!萬歲..哈哈........

明天是你第136次出走，亦係Trun around的Short haul，有時真
係好想坐上去睇妳工作，好想妳比汽水我飲、派餐我食、整杯麵
比我、問我睇咩報紙.....等等既服務，無奈魚翅票真係貴到離哂譜，
唉....我從未見過工作的那個妳呢......好想見下....真的呀....

今次係 香港 HKG→CTS→HKG.....不是爛班..是嗎?啦.....我真係有
背架....，我知咩地方架.....，希望妳順順利利...唔會遇到麥嘜同麥
兜啦.....，妳放工的時候會見到我架喇...我在老地方等妳呀....!! 最
緊要小心身體呀，凍親自己就麻煩喇，妳知啦...妳唔病得架，一
病就有排先好.....總之要保護自己之餘，仲要保重身子呀.....!!

>>January 9, 2009 at 6:46:51 PM GMT+8