2009 年 5 月 8 日 星期五 【晴】

我錯了...冇下次..



不知自己係唔係擔心某D事，我成日都失眠咁
，在床上滾下左滾下右，最無奈Irene要返工
，家中只係得我同情敵((肥貓是也))，好悶，一
向伯悶的我，自然就好想有人陪我，所以我會
找朋友陪我，男女不拘，但我有原則的，我係
唔會背著Irene做對唔住Irene的事，同女仔出街，
我都會事先或事後同女友講，有好多男人都講
我冇膽，怕女友，但我又覺得唔係吧，呢D只係
應有的交帶吧，反轉自己女友去約男仔又唔講我
知，我都會好唔開心....

同Irene講左我會同小伊唱k，女友很爽快地"哦"左
一聲，仲叫我睇住人家呀，又叫我唔好遲到要女仔
等....(但最後我都係遲到的...)仲有仲叫我帶夠錢去
呀，比佢激死我..!!!好多時我都覺得女友講說話講得
好可愛，可能呢D都係我喜歡她的其中原因，我同女
友咁耐以來，一次交都冇吵過，因為女友脾氣太好，
反而令我更加不好意思去怪責佢，有時我真係覺得愛
情、緣份都好奇妙，在我呢段愛情路上，我都覺得自
己真係好幸運，別人...都講得冇錯既..."你執到啦"，確
係，我真係比Irene執到，所以我打死都唔會放手......，

前幾天我為了一點好少的事情而唔開心，為了點點事
就........，其實我應該一早想到，如果真係事實的話，
妳就唔會比我睇啦，我女友咁可愛多人追係必然啦，但
我應該更加相信妳才對，我相信女友唔會變心....，總之
我冇下一次，唔會再犯呢D錯，仲有..我會比心機賺錢，
等妳可以披上嫁衣，一天比一天更加喜歡妳..

>>May 11, 2009 at 10:47:28 AM GMT+8

2009 年 5 月 6 日 星期三 【酷熱】

妳是我今生唯一傳奇



今日一個人冇野做，洗完傷口約左阿毛出來食飯，
毛哥果然有錢呀，估唔到以為妳講下吧，點知真係
走左佢買左部二手車，我當然去試下車啦，話哂係
部GTT，我咁大個仔都未試過..........今次一試真係嚇
親，一來自己好少開棍波車，二來真係太快，我實
在控不來，不過我真係一直好想試好想試.....就係飛
青嶼幹線，直路一條，我明知比人抄牌機會好大，
都試直路加速，180幾Km/h......真係感到係靜之外，
外界事...我咩都feel唔到，幸運地我冇比人抄牌，但
呢次會係最後一次，試過便夠，吖......由收費站到國
泰城10分鐘多D乍，我仲快過機鐵，但係明明係有相
機位.....點解捉唔到我既..??奇怪.......!!!!同阿毛去左港
龍大廈外吹水，一來可以睇到飛機起飛，二來我覺得
一望到佢起飛爬升果下，真係覺得好神奇，可知咁大
舊鐵.....可以違反地深吸力飛上半空，真係奇蹟，女友
就係裡面辛勤咁工作，其實我知道我的諗法既.....我識
妳時妳已經做緊架啦，還好深刻記得個利是封響碼頭站
拍我呢，冇妳呢一拍.........我們可能冇今日，所以我覺得
我要好好的守護我們努力建立的關係.......。回程都係我
駕車，因為毛哥飲左酒，但今次我真係開100Km/h最快
，原來慢慢駕都有樂趣呢...!!!!夜晚去左元朗食飯，打返
滿個油缸比毛哥，今日行情就完左，開初心情不太好的我，
我想通了許多，其實諗咁多仲咩丫，來日方長，Irene係
最好最好既..，想要女友開心，首先要令自己開心嘛，幾
張咭紙仔就影響我心情.....而家諗返真係苦了自己呢.....!!!!

其實我對Irene真係還未夠好，我還多多要求，有誰可以頂
得我順呀??除左Irene.....外，真係冇，有左咁好的女友，我
要努力save money.....，呢一刻我諗起一首勁舊既歌.....


張學友的.............妳是我今生唯一傳奇

不信日落亦可這樣美
不信日落亦可飄溢香氣
原來是妳　靠向我手臂 無意地

不錯夢內儘管都是妳
不錯夢內儘管這樣希冀
仍然難信　妳眼裡的愛情意味

愛　原來是我
未想過　妳會這麼
妳天生這樣美
竟愛著我　難以負荷

愛人原來是我
贈給我　暖暖愛火
暖得心也在醉
情似落霞在飛﹡

我真幸運
愛妳愛妳愛妳夕陽也夢寐
我今生有妳唯一這個傳奇

我真幸運
有妳愛我每對眼睛也妒忌
要這一世裡唯一一個心愛的妳

這一刻伴妳　這一刻望妳
斜陽迷醉　和我這片心醉成一起


****今日要多謝阿毛....冇佢我而家仲可能...響度down緊****

>>May 7, 2009 at 6:44:53 PM GMT+8

2009 年 5 月 5 日 星期二 【晴】

一生不可不能沒有



實在返工辛苦，以為自己已經好辛苦，但係見到女友，
雖然CX到最後都係肯讓步，但係返工要搵命搏，女友
總有點微言，而我都好擔心，萬一有事，我點算好呢?
Irene呀.....妳要小心呀，冇左妳陪我..我情願死喇.....!!!!

雖然在此講左好多次，但我真係好想再大聲講多次，我
真係好鐘意鐘意妳呀..........我只懂在妳身邊轉，一生一世
圍著妳轉，其實在醫院裡面，有好幾個護士都話妳好靚，
雖然我比人話我"執到啦"咁，擺明話我同你唔襯......!!!妳
知嘛.....有其他男人話你靚..我一方面開心...另一方面又會
唔開心，內心好怕有其他人搶走妳，可知我係一個平平無
奇的男人，週街有好多好男人都.........唉，我.......我....講什
麼呀，之前我話過要對妳有信心嘛........，總之....我愛妳啦
，返工自己要小心呀.....妳我都唔可以有事啊...知嘛~

>>May 6, 2009 at 3:37:21 PM GMT+8

2009 年 5 月 2 日 星期六 【微雨】

打起精神來吧...!!!


原來冇女友在家，一個人在家係咁悶，昨晚我竟然可以
講電話講個半鐘，入左院咁耐，家中好多野都未整，仲
有我遲D又要考試，唉....難道我要打天才波嗎...??定係安
份守己咁做返個司機站站自己睇路呢...??其實我喜歡呢份
工既，一來同事好，二來可能係小時候我已經對呇酗B點
興趣，我從某其他同事口中的辛苦...我一點都不覺得...。但
無奈錢都係緊要的，所以我決定....考試拼了，最多惡補某
此英文吧，其實英文來來去去都係果D，我懶就懶啦..哈哈..!!

今日女友飛返回港，知道係Long Haul的，所以我都知我有
排等，但無所謂啦，有時間咪四圍遊下囉，幸運地今日有小
伊陪我，陪左我行左一陣、食左一陣、傾左一陣，已然仁至
義盡喇，陪到我七點幾，響沙田陪小伊搭車回家，小伊落車
之後，我又亂搭巴士去其他地方，一有巴士就上，一來係我
都常坐的269c，算吧......回到天水圍我又搭西鐵出南昌，響
錦上路見到個同事，傾左陣就到總站，搭東涌線去香港，再
搭機鐵去機埸，點知我又訓過龍去左機埸博覽館，頂..又要坐
返轉頭，去到機場，去左七仔買左支大橙汁一盒百力滋，一個
人坐響七樓等，其實我係想望飛機，但係夜晚玻璃窗反光，我
係完全睇唔到，唯有坐落五樓邊食邊飲又邊等，等到差不多十
一點，女友出來喇，嘻嘻......一來到就比尨x，話我點解唔回
家休息，咁......我好耐冇接過妳嘛........鬧啦鬧啦....哈哈...我都預
左比妳鬧架喇，但點樣都好，今次唔會係最後，得閒我都會接
妳的...........!!!!放心啦....我真係唔係好痛，唔郁我仲唔舒服，總
之和我正話說的一樣，我會量力而為，唔會整傷要妳擔心的...

明天要返工喇，唔知明天習慣嗎....???好想攞病假，但我得個講
字，做唔出，算啦...無端端放左兩星期，已經係恩賜，我明天會
打醒二十四分精神開工，仲有返工可以食到女友整的飯盒嘛，始
終都係妳的最好....!!



>>May 3, 2009 at 6:08:09 PM GMT+8

2009 年 5 月 1 日 星期五 【晴】

入院日誌
20-4-2009 ~ 1-5-2009



久久未打過日誌，差D連入日誌個密碼都唔記得，
真係諗一諗先記得，死喇，打得麻醉針同嗎啡針
多喇一定，好了，我失踪咁耐都要交代一下的，
其實有好多朋友們見我冇寫日誌咁耐，都撥個輪
咁問我死得未的(講笑吧).......托福啦......仲有乜排
捱，哈哈...

其實我都冇咩特別事的，只係去左醫院訓左個幾
星期，咩病呢....就大家私下問我吧，我只可以話
係D先天性疾病，連自己都一直唔知道，都好既，
岋捄h，至少我唔會因唔痛而忽略吽A入院果天，
我係返工的，在返工途中我真係感到痛，一直忍到
放工，最令我真係唔得...要入院係，我真係痛到行唔
到，開初自己以為係盲腸炎吧，誰知...要做緊急手術
，仲要簽埋同意書，同意書當然係恐嚇你啦，講到咩
嚴重可以死亡......，大家知啦...咩都冇驗清楚就的去
手術室做開刀，真係好危險，Irene都定格咁簽唔簽好
，左問右問個麻醉科醫生，最終....我當然要扮老定咁
安慰她......而家醫療手術好安全既...放心啦....，妳未至
於咁行乞人憎，其實唔講邊有得笑喎，眼見女友咁擔
心，我果一刻可以做D咩丫，係咪.......，唔知點解未做
手術...臨推入手術室都要用巾遮住我雙眼，可能怕我緊
張掛，沿路躺我床推入去時，我只聽見女友聲郤看不到
她，深刻的一句係"我響出面等你出來架...冇事架"..之後咩
都聽唔到，到我開眼時已經係在手術床上，邊問我咩名，
一邊已經幫我打麻醉針，我意識好快冇左，到我醒返已
經係5個鐘後的事，首先係在手術室內有人問我咩名，我
用我最後少少力氣答左後.....又有另一個人叫我，係女友
，我其實唔知自己講咩，但比較有印象一句係...唔好講野
喇...抖下先啦"....之後...我再醒已經係在病房，我Feel到自己
插住好多條喉，痛....不在話下，探病時間到左，我第二天係
見到女友、家人、朋友...都郁唔到，其實好想同大家傾計，
大家都知啦...我唔講野會死架嘛，哈哈，但兩天的時間我真
係元氣未復元，我似傻瓜咁打眼色便當打招呼，其實我真係
好痛，探病時間我又唔想打針，因為一打完針就好想訓，係
冇可抵擋既睡意，一定會訓到隻死豬咁，為的只係唔想大家
來到見到我訓，尤其係見自己喜歡的人嘛.......醫生講我復原比
想象快好多，我只係等到拆線日，訓多兩天便可以出院，我
都明白一件事，原來打嗎啡真係會上癮，我都辛苦左兩天，迫
自己唔好打，唉.........

人地話住院會瘦，我就覺得我好似肥左咁，鬼咩，每一次離港
前，傻瓜都怕我痛唔識落下邊便利店醫肚，每次就會買定一大
袋小食，最頂既係.....我估係時間要遷就返工吧，著住套制服來，
唉.........妳知嘛，妳走左D八掛姑娘會問我呢樣果樣嘛，但係重
點係呇a話妳好靚女呀，我可以點講...??化左妝嘛，響呢幾天
日子，女友買左支黃色鴨仔既朱古力比我，唉......比幾個學護又
問邊度買，多得女友響我後幾天好轉的日子攞左好多親手整既
食物啦.....如果要寫出來女友對我點....真係寫三千字都未能寫完，
在入院日子中，好多朋友黎探我，大家都怕我悶吧，每次來都會
比一本雜誌比我，連老夫子、最新火影漫畫、讀者文摘、選擇、
溫暖人間、天使心等等都有....真係要多謝大家，我諗係大家對我
咁好..我先好得咁快乍......感激大家，令我活我當下覺得我人緣都
不錯.....比起病房中某D病人好好好好多喇.....

家人啦........每天都來睇我.....對我都算係咁喇，我還可以求咩喎...
女友啦........頭幾天要詐病陪我，可知魚翅最憎人請病假，女友都
肯不顧一切打電話請假，到我好返點，都要返工前..放工後來睇我
，永遠都忘不了妳著到個利是封咁仲要拖住個行李入來，最特出係
妳，姑娘一見到妳來便知係睇我.....哈哈.....唉.....!!!

病房內D姑娘好好，可能大家都八掛我女友吧，連男護士都係咁，
我點識女友.....女友幾錢人工、識左幾耐等等，問到我都唔知點答
，而夜晚......有時真訓唔著的我，如果唔係有姑娘陪吹水，我睇都
幾難捱，其實在醫院除左頭幾天痛到PK外，其餘日子我都覺得不
難過，而D阿姐阿叔都好好人，宵夜比我既麵包、餅乾一定會比到
我叫夠先停，總之呢個病房所有人都好好，我相信我有都要同時有
呇a照顧.....我先會好得咁快.....Thank you...

而家我每日都要出chilic洗傷口，可能仲會碰到雪兒姑娘添，呢幾天
都係公眾假期，我仲未有機會返天水圍碰見她，大家放心啦，醫生都
話我好得好快，只要keep住覆診就ok，我要多謝我女友Irene啦，我知
妳好辛苦，又要返工，又要探我，我會記住響我心度架，好喇，其實
我而家夠鐘食藥，話唔痛就騙大家吧，其實我仲有少少痛，好喇食完
止痛藥我就訓喇.....Irene，你而家做緊咩呀...?

>>May 1, 2009 at 8:43:38 PM GMT+8

2009 年 4 月 18 日 星期六 【晴】

禍不單行


今日去左睇電視機，原來LCD係咁貴，走左
幾間舖都係差唔多呢個價錢，結果最後都係
買左LCD果部，每人出6000蚊，就係咁大家
都冇左6000蚊，去完旅行已經去左D金錢，
結果福無將至，禍不單行....，我係唔係真係
咁黑呀﹐掂親D野都會壞....好有陰影呀，我
以後都唔敢開電視睇喇......!!唉..但係屋企黑都
冇咩所謂，如果返工都係咁黑的話，我真係
死比忨誧r...!!講返轉頭，其實我黑到見底未
呀...?有誰可以筨我呀....?


星期六的日誌，我會後補，因為星期六我唔得閒呀....!

>>April 19, 2009 at 3:19:51 PM GMT+8

2009 年 4 月 16 日 星期四 【陰】

好黑呀....!!!!


今日黑過咩咁，返工前又肚痛......差D攪到我遲到
，食晚飯又唔記得去ATM攞錢，好彩個老板信我
比我出去攞錢，如果唔係實行比人的上差館，告
我食霸王野，好喇....回到家諗住睇電視啦，睇睇
下電視突然有聲冇畫，係突然間冇左畫面......!!!!!
天呀....我真係冇打過郁過部電視架，點算好呀，
上次洗衣機已經死響我手，而家又到電視機....!!!!!
個天係唔係想我比Irene殺死嘛.......?嘩...點算好呀?
都係有聲冇畫呀.....!!!

Irene呀....我.....真.....係.....冇.....攪.....過.....部.....電.....
視.....機.....架.....!!!嗚嗚..........我.....冇.....錢.....架.....喇.....!!!

>>April 17, 2009 at 5:13:57 PM GMT+8

2009 年 4 月 15 日 星期三 【晴】

體量體量我吧....


終於都整好個伺服器喇，終於都上到來喇，
不過都唔見左我幾日既日誌，但都算係咁，
呢個係唔使錢既日誌，肯backup大家既日
誌都算唔錯，總好過我之前果過，不負責任
，比錢用坁A務都唔幫我回復所有日誌，諗
起都嬲.......。好喇...;正正式式返到來先知原
來要追返幾日既日誌係咁辛苦，講真打到手
痛之餘，我個腦都記唔到咁多每日細節，好
多野打完先知..欠打左，但真係冇心機係咁補
鑊，算啦...........我諗要追返幾天日誌都唔係一
時三刻可以做到，畢竟我都要返工，我的工作
欠一點精神都不可以，如果要我從補日誌同工
作取出平衡，我只有放棄打，放棄意思係不會
一日內打完我咁多日的事，雖然我都好想比大
家知我的近況，但大家比點時間我，我會盡量
盡快盡我力打完全部，而我最完美的想像係把
幾天的行程的相片都放出來，希望我會做到.....
幾天都上不到來，好多好朋友都比我email，OK
啦.....旅行真係玩得開心的，雖然走左好多冤枉
路，但同Irene一起係開心的.....好了....今日打住
咁多先..，如果我完成所有，我會通知大家，大
家不用再email催我喇.....連George都催我..仲話
唔使急，最緊要快!!!你都算有講野嗎...?你下次要
頂更我唔理你丫嗱，我真係頂你個肺丫...哈哈(講笑)
我點會唔幫你呢...話哂同期同學仔...一齊推車嘛.....
好喇好喇...真係訓喇.....

>>April 16, 2009 at 4:40:14 PM GMT+8

2009 年 4 月 12 日 星期日 【暴雨】

四天行程簡約記述



四日行程終於都完滿結束，今次亦都係我同Irene
第一次出去旅行，我比呢個旅程八十分啦，因為
Irene係唔識路，帶我行左好多冤枉路，尤其兩間
酒店，我地行左半個鐘都係找唔到，最後要搭的士
，由於我D普通話真係好普通關係，我比人笑呀，
我搭的士去西門町捷運站落車，咁我見到個站就叫
的士停啦，點知比個的士佬友善咁講，果邊先係西
門町，呢度未到....!!!!!好吧...我連忙用好普通既普通
話答....『噢...真的嗎..??對不起...我知錯喇....!!!』，
我真係咁答架...!!!不過....好彩有Irene在，我先不愁
因言語不通而餓Q死，冇可否認...Irene講D國語，真
係勁流利，仲可以用女人本色....講價..!!!女人不可小
觀呢...!!!呢幾天我每天都飲一大杯珍珠奶茶，大大粒
珍珠，香港真係冇咁既味道，呢個係千真萬確的，當
然我同Irene都有比人騙啦，係騙食，兩人食一嚏A食
左950蚊台幣， 唉..........開頭諗住有個crew既人帶路，
冇死啦，點知....原來坅Y未試過留台北過夜，次次都
係Trunaround，所以近地反而唔熟路，但整個行程我
係開心的，有Irene在嘛......，台北人比我感覺係好友善
，有問一定答，係交通D機車就亂一點，但我喜歡呇a
D的士車款，竟然比我響陽明山上見到一架三菱Lancer
Evolution 七代尊用來跑Rally既的士，我呆傻左，第一個
想法，我勁想坐，第二想法，妧𡛕o起油錢嗎...??呢D
車，勁食電油呢.......!!!真係耐人尋味呀..!!!而尾一天回程
真係唔捨得，上到機回香港途中，遇上勁大氣流，講真
我真係好怕好驚，因為真係好搖晃，諗下....在雲上搖晃
唔驚有鬼喇，但世上偏偏有人係唔怕，Irene又講，都未
搖跌個人，呢D小兒科啦，我真係服左吽A全程都好震定
，回到家.....慘喇.....一大?衫要洗.分三機洗...我真係好眼
訓，打埋呢篇日誌仲有大把手尾跟，我幾時先有得訓呀...??

呢天行程.....仔細會響遲D補回大家，其實還有點有趣事，但
原諒我真係好倦，我今日真係人都散....人都癲....四肢不是自
己咁，唔得...我要訓喇...!!!

>>April 16, 2009 at 3:18:00 AM GMT+8

2009 年 4 月 9 日 星期四 【晴】

第二天，陽明山之行


講老實，果晚訓得四個鐘都冇，仲要訓下醒下咁，而
Irene就一覺可以訓天光，難怪既，坁薴u下榻酒店都
係咁訓，除非有鬼啦，如果唔係一定訓得著，Anyway
大家都磨到10點幾11點先起身出發，一落酒店就食左
個唔知咩既早孺w係午嚏A再搭捷運去台北車站，我
覺得捷運冇香港地鐵咁清楚指示，落車都唔知行邊先
係，但最終我地都去左一個出口係有公車答既，一搭
就搭左成個鐘，去到陽明山仲要駁另一架公車上山，
去到山腰左右見好多人落車，我地都跟住一齊落，跟人
行呀行....，D人真係名副其實飛毛腿，轉頭連人影都唔
見，唯有望本旅遊書帶路，突然有個女人出來問一大輪
野，由於係好Q快的國語，我一句都聽唔明，但Irene同
吤炊@陣就跟吨J去，原來係囥圊𧘇J去食野，咁是但
啦..諗住有幾貴丫，台北食既....貴極有限，點知叫左5大
個?，全部都油淋淋，煲湯仲要我避開D油飲，D炒貝
又炒唔開個殼，都唔知食好定唔食好，個荷葉芋頭絲又
係一等古怪，好似食完一定會肚痾咁，碟菜又係勁油，
我食左冇一半已經停手又停口，Irene問我點解唔食，我
話好似好唔乾淨咁，一陣肚痛食到，點知Irene又話唔會
既..囥OD係住家經營，呇菑v都係食呢D，應該會OK既
..食啦...我一個食唔哂架，最後我唯有夾硬食，亦都係台
北中最難食最貴的一嚏A要950蚊NTD，對HKD300有找
，食完仲要比個阿婆叫落田摘海芋，100NTD7支，我地
摘完過完癮之後，比左7支海芋比一個途人，就咁就完成
呢一部份旅程，之後又等公車，又等返之前果架，等左
鬼打咁耐，用左差不多45分鐘又上到山頂，去睇個死火山
，死火山噴出既煙帶好重既硫磺味，好難聞，但係我都
覺係值得一看，其實只要再留意下會留意到個地下會有水
出來，D水好似煲滾水咁..係咁浮D泡泡出來，幾有特色.....
，但山頂真係好凍，連我都覺得凍，而Irene就凍到震......，
唉......唯有忍凍咁比件風衣妗菕A而我就捱凍囉......!!!終於
等到有公車來，可以下山去台北車站，點鬼知中途又塞車
，攪到我地遲哂到，去唔到下一個景點，焁有返酒店休息
下，到夜晚去左食麻辣火鍋，話係麻辣..實際上好辣，但係
呢嶸u係好低，食完我地行西門町，又食左好多街頭小食
，食食下...呇a突然走鬼........原來呇a係有警察趕走既.....
但走鬼不如香港咁急，呇a係慢慢走，走完又唔使十分鐘
出返哂來再繒L，我地又可以再食過喇.....食完我地返酒店
休息，準備明天淡水之行....。

>>April 16, 2009 at 3:14:06 AM GMT+8