2009 年 5 月 19 日 星期二 【乍寒還暖】

叮早餐的時間....


原來Irene妳上過來，我再過多一陣就要返工喇，
現在的妳應該係Check左 In上機準備回港嗎?但總
之我放工便可見到妳，現在的我叮緊妳預先整的
早餐呀，你咪係一樣當我係小孩子，如果唔係點
會連早餐都貼上字條寫上"叮四分鐘"呢?其實被喜
歡的人照顧，就算比人話我係"像細路、冇男子氣"
，我都不介意.....。由今天起，我會試著再做好一
點，妳待我好，我怎能待妳馬馬虎虎呢.?早晨叮好
喇，剛好4mins打好呢段說話..。

-----------------------------------------------------------------------
機埸呆打中...



而家身處機場的我，等妳期間無所事事，好彩有部
NOTEBOOK在身，因為我都遇左等妳，所以帶定去，
而家我坐響PACIFIC COFFEE的坐位上，一邊望著飛機
起飛，一邊飲緊一杯佢比錯我的咖啡，唔知我英文屎
丫定係佢撞聾，我要杯朱古力咖啡佢可以比左我一杯
黑咖啡，仲要鬼打咁苦，真係飲完人都醒哂..!!!
但算吧，我要坐響度用免費電同wi-fi，我忍你，坐
左呢度咁耐，我望見外面天色開始陰暗起來，好似想
下雨咁，我仲冇帶遮添架，點好呢...﹖其實我都等左
妳成個幾鐘，點解妳仲未到架，妳又話大約呢段時間﹖

還有正話發生左一件有趣事，我頭先在ATM提款，咁排
在我前面的港龍空姐一提我見佢提左好多張500蚊，咁
提完佢轉身走，到我提果陣部機竟然話冇哂錢，頂丫，
已經排左五六個人先話冇錢部機，多得個空姐唔少，
我都係諗住提500蚊吧，又要我重新排隊，真係我頂佢
個肺丫.....

好喇...我杯咖啡都飲完喇，人都未見，小伊又唔得閒聊
MSN，我係唔係再來多一杯咖啡呀應該..?

-----------------------------------------------------------------------------
巴士變態賊


間中都聽過女友話D同事搭巴士會唔見行李，所以返工時
搭機埸巴士佢地都係有下層坐下層，坐得咁唔舒服都係為
左看實自己D行李吧..!!!今日接女友放工，搭E33線，由機
埸去屯門期間，除左我女友呢一個空服還有另一個空服上
車，我們坐下層原因當然係保安理由啦，而另一個放低件
行李就上去樓上坐，其實有心要睇邊D行李係空服員的話，
一眼就可以認出，因為有個綠色CREW牌同兩張黃色標籤
，有心偷的話....看準...一攞就可以得手，好了，巴士在屯門
豐景園落客，有一個二十幾三十出頭既男人就看準機會，
偷件行李，二分一機會，因為有一件行李係女友既，個男人
就選擇攞左樓上果個空務既行李，其實呢個站都幾多人落車，
而我地都係呢個站落，Irene見唔對路就大叫..."你仲咩攞我
D野呀"，男人就即刻跑走，走得好快...走到冇影冇踪，其實
我都唔知發生咩事，明明Irene件行李在我手上....點會講人
攞佢D野，我仲以為Irene話我呢，事後，人又捉唔到，樣又
認唔出，果個空服都無可奈何...，Irene著她樓下有位要坐樓
下，望真果個crew都好細個，我同女友都估應該係入職冇耐吧...

事情完左我問，其實個男人都見到下層有妳呢個空服，點解仲
會攞件行李走...??雖然女友當時著住件黑色風衣(我果件)，但呢
D人咁留意空服...點會認唔到下層仲有個Irene呢..??我話人地當
妳冇到呀....好......又比佢打左兩下......!!!

Irene...妳好醒呀....終於有師姐風範喇!!

>>May 20, 2009 at 3:23:34 PM GMT+8

2009 年 5 月 18 日 星期一 【清涼】

另一種關心


一直以為自己都很了解妳，原來我都係一知半解，
其實妳心中還有好多煩惱，但在我面前要扮若無其
事，開開心心，我也明白那個傷痛要妳淡忘是困難
的，但我應該試想到一個女仔在別的地方會害怕，
原來問問妳都會很開心，我學懂...原來明知妳不會
做...問問妳...妳會更開心.....

>>May 19, 2009 at 1:54:32 PM GMT+8

2009 年 5 月 17 日 星期日 【清涼】

小禮物...



今日放工送女友去魚翅城後，就一個人返來，講真...好彩
送一送女友返工，如果唔係熱到咁既天氣，要佢拉住個行
李，攞住我大衫袋，再背個手袋..咁出去，未等到巴士已經
濕左半個身，我就冇咩所謂，但係要女友咁....一陣還要返工
見人呢.....點可以整到自己汗流浹背咁呀...!!!嗱...我都算係咁啦
唔使妳出汗到目的地，好喇...唔開心事再不要記喇...!!!

前幾天先發現女友部相機，開始傻傻地，可能成日出入溫差
大的國家地區，相機壽命都短左，不過唔緊要啦，今日我去
左旺角買左另一部比妳喇，當係送比妳小禮物啦，其實都係想
妳開開心心吧....!!不知現在妳在機上做緊咩呢..??其實很念妳架..!!

回程搭巴士回家，搭中架比較得意既巴士，車廂內都貼滿廣告
，我估以後好多巴士都會係咁做宣傳廣告，巴士公司又有一條
財路喇......，其實早幾年前...九鐵都有一躺列車都係貼滿花花轆
轆咁，列車車籠都係貼滿，好sharp架，不過唔知幾時就拆除左
，我覺得咁設計廣告都好丫，冇咁悶，輕鐵都好應該學下嘛，二
十年都仲係用果一套...，再咁貼車窗呀，唔好話乘客頭暈，我見到
都覺得暈呀...


呢架係正話買既新DC，雖然唔係新，但我諗夠個傻瓜用掛.!!



收過禮物....唔好唔開心喇.....!!!



說明書一堆...光碟一隻，自己慢慢玩熟佢喇...



多手用新相機影架廣告巴士內籠.!!



連車頂都有廣告...會唔會係我孤陋寡聞呢.!!






>>May 18, 2009 at 4:21:17 PM GMT+8

2009 年 5 月 17 日 星期日 【暴雨】

開心 / 唔開心 ? 我要知架..!!



今日在旺角行街時碰到惠興，惠興係舊時女友既朋友，
可能太耐冇見大家，佢還以為我一腳踏兩船添，其實我
邊冇咁既能耐丫，我們三個人就約在某餐廳食飯，談談
我的境況，Irene就好似陌生人咁坐在旁，見她悶悶的咁
，又不太想插嘴過來，問妳個傻瓜又話唔悶...叫我慢慢
傾..笑著叫我繼續啦，其實我知妳不想多口響呢D事上面吧!!
因為以妳的性格方式，要同一個女仔混熟傾計，一定難不到
妳，講真丫...我不介意妳插嘴一齊講呀....!!妳的老毛病總是
改不了，仍然是覺得自己一手破壞嗎...?響我們回程中妳又
唔想多講野咁，一看就知妳係唔開心啦，其實惠興雖然同
舊女友認識，但感情一般，惠興唔會對妳有任何唔好印象同
批評架，別去看到自己那麼懷啦。

睡房內我同妳講的話，不是想妳唔開心，而係想妳明白，妳
冇做過任何事去破壞任何人的感情，我不是妳搶回來的，
亦都唔使爭回來的，是我自願和妳一起，而和妳一起時，
那時那刻我是已經變成單身一人，雖然不能証明，但的的確
確我係和她分手先和妳一起，妳更加不是第三者，唉......要
解釋的都已講，希望妳會明白啦，唔好唔開心喇，妳咁...我
返工都返得唔安樂，我都係鍾意的傻笑既樣子呀，嗱......妳頭
先響睡房度點頭話過唔會再唔開心架喇，咁我就當妳笑左開心
番架喇，如果都真係唔開心，要和我講呀，不要自己收收埋埋
，知名嘛??

我應承妳...明天我放工後陪妳搭車返工丫，幫妳拉行李買野食搬
搬抬抬，想點就點，做的私人阿四好嗎??希望妳真係唔好唔開心
喇，如果一陣返工做野唔識笑就比人投訴架喇，來吧..開心點啦.....
但係...亦都要應承我，真的仲係唔開心....要出聲話我知，我不嫌麻
煩架，最緊要比我知妳係開心定係唔開心...知道嘛??

>>May 17, 2009 at 4:19:09 PM GMT+8

2009 年 5 月 15 日 星期五 【晴】

好每句每句說話



放工喇，好似好耐都無試過女友等我放工喇，仲要坐
我收尾班車，之後仲要比Irene姐話我手車麻麻地..!!!!
原來Irene姐係憑用水樽..響車到飲唔到為準..!!即係架
車搖晃得厲害....水樽既水就會濺出來，飲唔到又或者
好難飲到..!!妳可知道三期車好蝦人駕駛架，況且車內
不准飲食啊...，話我手車屎不成立，哈....問妳死未...!!

放工陪女友行過青衣城，還以為會買衫之類的東西，
誰知....買得最多的舖頭係奇華餅家...!!一共買左差不多
一百蚊，傻瓜突然話想食嫁女餅，所以就買左紅色、
黃色等等的嫁女餅，回家試...其實和月餅差不多多，
只係個皮不同吧，但女友就話好好食，食咁多蓮蓉好
肥架，可惡的妳道話.."有人認投左，變肥婆都唔怕啦
，係唔係厭棄丫會....!!!".......真係比妳窒到我冇得出聲...
哈........呢排妳真係進步左呀.....!!!冇以前咁笨鈍，識得
窒我添......!!!好野.....!!不過，妳唔窒下我我窒下妳邊有
得笑喎，所以...我亦都鍾意呢個的妳....

在青衣買左呢隻DVD回家睇，其中一隻我揀的，叫"機場
客運站"的舊片，其實我以前對佢冇興趣，但可能而家和
妳一起，對機場等有關和相關的事物都有興趣，就連有關
的新聞都會加倍留意，以前我總覺得飛機都係一模一樣，
係妳教曉我分咩型號和咩型號，地勤和空務的衣著分別，
好多好多既新知識都教曉左我，其實...妳唔買呢D模型機我
而家都識分...咩機打咩機，邊架妳地會訓得舒服、邊架係訓
到腰酸背痛.....，現在我都大概知道，就連各國家的代號大部分
我都記得，不會像上次孟買事件咁..我咩都唔知，其實..妳講
過咩我好多都記得.....當然不止這麼少啦.....

總之...妳講過既我都會記住，當然還有承諾啦，不要問了，
永遠不變.....

>>May 16, 2009 at 3:58:05 PM GMT+8

2009 年 5 月 14 日 星期四 【酷熱】

想開大定開細呀..?


天氣唔知食左咩屎......熱到人都溶，識我的人都知我係最
怕熱，但偏偏呢D天氣就熱到傻，今日返工時唔知係唔係
架車冷氣有點問題，明明開大左都好似冇料到咁，出面我
聽到有人話架車好焗好熱.....我到總站Feel下啦，真係好悶
焗，之後我開到最大，但架車內外溫差太大，所有玻璃窗
都有一陣霧氣，而且又有人話好凍，又話咩出面咁熱..但一
入來就咁凍，唔病先奇...!!!唉........咁你地班客想點呀...???
開大定想開細呀..?真係激死我呀.....!!

Irene，多得妳又買架模型仔返來，家中又多樣點綴喇，唉...
妳幫公司打工的嗎﹖真的坐過邊架買邊架嗎...??話雖如此，
但....我很喜歡既....反正....叫不聽妳，我倒不如執好多點位
置，放妳買回來的手信、精品等等吧.....!

**個偒口無咩事喇，我而家食得訓得走得玩得咩都得..多謝關心啊**



呢架係1比500既 A330- 300客機模型.!!



A330- 300 既機身，望真點其實飛機都幾靚丫



幾大個魚翅Logo....荒死冇人知係佢公司出品咁...



>>May 15, 2009 at 7:54:46 PM GMT+8

2009 年 5 月 14 日 星期四 【晴】

是禍避不過.，順其自然吧..!!


香港早前又出現第二宗流感確診個案，唉.......空務員果然
係首當其衝，她們公司的三位同事們又要隔離七日，其實
我都唔明點解，果個患者明知自己有病，為什麼仲要堅持
上機...?其實人地都係打份工賺個錢吧，而家攪到人地好似
攞命博咁，三位空務對住你十四個鐘後，換來係擔驚受怕一
百六十八小時，還要不能接觸外界........多麼的可憐呀，在
msn女友一邊向我講呢件事，另一面問如果佢中左點算....!!
傻瓜....我都冇法子喇，唯有妳多帶口罩，洗多點手，再乾淨
一點吧，但我覺得世界上不會只係得呢個自私的人，如果妳
咁唔好彩....咁我同妳一住...要隔離都應該一齊吧.....對嗎..???

傻啦..傻啦....!!點會咁易中喎，我們再乾淨點應該冇問題吧，
有時要避都避唔到，妳常常講，主會安排好一切嘛。放心吧
，我知妳係好鐘意份工作既，我唔會為左咁而想你轉工調職
，而我都會注意衛生一點，貓貓已聽妳講，唔比佢跑出露台
玩同訓，明天妳會返來，我會來接妳的，仲有呀msn我講下
乍，唔好買咁多紀念品返來喇，益哂妳公司呀，想貼錢打工
咩??如果每次都返工坐邊架，就買果架.....我們家中多多住都
唔夠放，家中冇咁大個機場停機坪放呢D野呀，傻瓜......!!!!!
一陣比肥貓推哂落地就咩都冇哂喇，我知妳就算買都唔平呀
，唔好嘥錢喇.....

我都要訓喇，明天返工返早，放工回家坐一坐就過來接妳，
我們在機楊五樓見啦......

>>May 14, 2009 at 6:29:07 PM GMT+8

2009 年 5 月 13 日 星期三 【晴】

收到妳的信



正話在信箱內收到一封信，是女友寄來的，我估係
女友真係計盡時間，算到剛好她飛走，我先收到信
，不過呢種方法我曾經話過比男性朋友知，反應係
"咩你地咁多X餘架，已經面到面見到都要寫信，嘥X
氣啦"，而我又同時問過D女性朋友，反應係"真係有
心思呀.....之類的說話"，正所謂男女大不同，金星人
同火星人的理論真係有道理，正係咁，我先唔明白女
性心中係點諗，亦都係咁，我之前攪到女友有點唔開
心，即使係咁(好多"係咁"好煩呀)，女友都冇發脾氣說
吵吵鬧鬧咁，咁便令我覺得自己不對....雖然之後已向
女友道歉，但女友都仍然解釋比我知....愛是什麼﹖愛
我D咩﹖我有咩好等等問題，給我解釋答案，其實..我
睇完真的很感動，好想即刻緊緊咁擁抱她，但人不在
，唯有等下次接女友才後補吧....

而我鐘意妳D咩..?
其實鐘意妳要我解釋的話，我只可講和妳一起時，我覺
得好開心，因為我同你一齊，妳都會感染到我開心、快
樂，好似覺得我只要和妳一齊...其他事都好似變得不緊
要咁，我不知再怎去講怎去解釋，總而言之我是真的真
的很鍾意很鍾情和妳一起的任何時間喇.....

咁妳又比我咩感覺...??
和妳一齊真的未嘈過大交，當然有時我們都會爭辯得面
紅耳赤啦，我印象中有好幾次妳拗到眼都紅埋，眼淚都跑
出來，每當你眼淚流出來時亦都係妳屈服之時，我記得
妳話過雙方堅持只會令大家吵架，妳情願認輸遷就對方，但
見到妳流眼淚會知...係我令到妳唔開心，比我感覺好似我過
份左..過了界似的咁......，此時又會唔忍心唔氹妳，最抵死係
妳果種流住眼淚又偷笑的表情，就好似話比我知..我中計咁
，因為事後我大多數會遷就返妳，其實呢D係唔係妳D戰略
黎架...?呢招叫"淚眼殺星"嗎??攞呢招來SET ME UP..!!!!!!!

咁我又覺得妳好唔好呀...?
嘻嘻....呢題想陰我咩，實話妳好架......!!!
好喇好喇，真心的問心的撫心自問的答妳，妳對我真係好好
架喇，有時直頭係我覺得妳付出太多，我反而咩都冇比到妳，
好似帶飯整早餐咁，我返晨早時間，妳還要比我更早起身準
備好，最記得有次，可能妳唔覺吧，其實我有留意妳架，妳
每次都會扎好條馬尾辮，先會入廚房整早餐，整完妳先會拆
返條辮先會再訓，但果次妳係冇拆返條辮就咁訓落床度，其實
妳好緊張自己D頭髮，因為亂左曲左妳就有排整，尤其係返工果
日，而當日妳係要返工返下晝12點幾我記得，如果妳唔拆返條辮
係咁訓，我估妳起身一起會發癲，是嗎..??而果日我係幫妳放番
條辮先返工，而最重要係我放番妳條辮都唔知，我郁妳個頭都冇
咩大反應，都唔識睜開眼問仲咩事，仲係咁訓，果刻我知，咁早
要起一起身，妳一定好倦同辛苦呢...!!!我有咁既女友...仲點敢話唔
好喎....!!

我會唔會做出對你唔住的事...??
其實我每次望女仔都係得個講字，我點敢走去搭訕喎，況且有
個令我好多朋友羨慕既女朋友喎(嘻嘻....好似自誇狂咁)，只不過
真既，我好多朋友，無論男或女，絶大多數都話妳好靚女(真架，
妳響度問下其他人啦)，而且當佢地知道妳的職業時仲會有同一
反應.....就係"咁咪可以週圍去囉"，而男生仲會帶點衰衰的目光，
腦袋想什麼...?我都係男人..我都知道的，但....其實我好唔鐘意，
感覺好似果D人好似在我精神上騷擾妳咁，試得太多喇，感覺真的
唔好受，所以而家我學精喇，我家下一定不會主動說妳，假若有其
他男人好奇問到我女友做咩工，我會用另外字眼代替，做空務員囉，
咁他們第一時間腦海中想不到是什麼，令佢內心不能夠打量什麼，
咁樣我先會覺得別人才尊重我既女友，因為我都唔容許別人對我女友
講出令我覺得對唔住佢的說話......!!! (其實真的，我好討論其他人用呢D
字眼傷害我喜歡既人)

妳會是我最後一個女人嗎..??
係呀...最後喇，已經儲緊錢娶妳喇，別想要逃跑喇，妳走唔甩架喇
，其實係妳唔好唔要我就真，妳原來真係咁多人追.!!我要儲快點，妳
都幫手儲啦，到時唔夠可以問妳借嘛，嘩....要女友儲錢貼錢娶自己
喎....很難看呀......!!!算啦.....我也不介意妳儲狂風浪叠的咭片的，咭片
越多即係我女友還有魅力啦，咁即係我仲有時間儲錢啦....係咪..哈哈..!!

其實還有幾條妳的問題，但係我如果用手打，我怕會打左一篇論
文出來，悶死要睇既人，之後幾條我會找天搵個好好的地方答妳..
其實講咁多..答案都係一個....我愛妳...我會娶定妳啊...!!

原來我只用了十五分鐘便打了咁多說話....不知不覺呀，Irene，
妳在做緊什麼呀，在上機途中﹖半空當中﹖派餐當中﹖食野當
中﹖在想起我當中﹖不知道妳估唔估到我已經睇好妳封信，而
且仲答左妳幾條主要的呢...﹖到步要msn我呀....掛住妳呀...

>>May 14, 2009 at 2:52:42 AM GMT+8

2009 年 5 月 12 日 星期二 【晴】

精神強暴....


今日放工約左表妹去影畢業相，話咁快話畢業，時間
過得真係快，下午我約埋Irene去青衣IVE去影相，真
係諗唔到青衣IVE都幾大，而且仲好靚呀，連D學生妹
妹都好靚好多都(作死頂喇，比女友打死，只不過今日
妳都有讚佢地後生靚女喎)，而且個個都著哂Suit咁，
個個都好莊重咁等朋友或者親人影相，咁我當然冇人地
長短炮咁勁既相機啦，我見人地?住部Mark II 真係口水
都流埋，唉.....慳D啦..我都係冇錢買架吧....!!!我手?住部
710萬像的數碼機影呀影，響烈日照射下，相片效果都幾
好...自己滿意呀，最後全相交還表妹處理.....，我地出左
IVE之後，去左青衣城，食左個意粉，表妹同我地分手，
我同Irene去左行青衣城，買左D野諗住搭東涌線回家，在
月台上見到一個魚翅既空姐，咁我咪望多兩眼囉，點知
比Irene問我望咩呀，哈哈哈哈.....!!!!咁..........妳又同佢一樣
，咁我好自然會望下架啦，我冇望人地咩呀....!!!!好冤枉呀
，比人罰左碗許留山，我要響度申冤呀..有冇人幫我信我呀....???


夜晚約左Irene的同學仔BBQ，開頭都怕熱到咁會唔會熱死
我，不過去到又冇想像中冇熱，我食野由頭帶到尾，而班女
仔就唔知點....講下講下..講到男人會唔會睇咸片的問題，我
同另一個空少都唔出聲，有共識咁一路食，扮聽唔到，點知
來個大迫供，我同空少比班女仔狂咁攻擊...係咁問係咁問，
其實有邊個男仔會冇睇同唔睇丫，最多講係好定唔好呢味吧
，之後又問會唔會上咸網.......我的天呀......個空少都好少少，
佢冇女友在埸，答錯左都唔會有問題，咁Irene響度架嘛，咁
叫我點答喎.....想知男人既心態喎...唉，比妳地玩到我死呀，估
唔到妳地班空姐平時見妳斯斯文文咁.......原來係披著人皮的狼...
我同空少...都有同感...好似比妳地班女人...輪姦咁，一個問完又
一個...氣都唔比我抖......好野.....妳地贏哂.....下次我唔會咁傻瓜咁
再上妳地當架喇，哼.......Irene呀..妳好呀妳夾埋佢地迫我供.....有進步丫.....!!

嘻嘻...其實我知大家講笑吧.....大家開心我都唔介意做羞人既.....

>>May 13, 2009 at 5:15:12 PM GMT+8

2009 年 5 月 10 日 星期日 【晴】

擔心著妳



本來冇咩好寫既今日，因為真係冇咩事發生，其實平
平靜靜過每一天真的恩賜，但係偏偏臨尾先比人撞跌
，為什麼當時我會應承比佢自己一個買D野，而自己
就返去先....??點解會咁??點解會咁??點解會咁??

我真係冇睇過事發經過，我都好相信如果Irene比人撞
，一定會撞到跌低，正好似今日咁，膝頭刷損，對絲
襪刷穿，左背肩有一道瘀傷，返到家門口好似癲婆咁，
狼狽地抽住兩袋生果.........!!

返到來坐低，問道先知，雖然好痛...跌低都有途人扶起
，但因為『好瘀』關係，忍痛返來，一個女仔抽住兩袋
膝頭流住血，頭髮成條"海"跌出來，還以為發生事幹，妳
知唔知呀.....我見到妳咁會心痛架，見到妳損手爛腳.....
我真係會好唔開心架，問妳又唔願講咁，我真係唔知妳
發生咩事架嘛......!!如果下次再見到果個人，再係咁撞妳
，妳要大叫呀.....。知道嘛...?

其實...為什麼妳內心還有這樣的小秘密架﹖如果她今次
唔係撞到妳咁傷，睇怕妳都係不會向我講，自己一直驚
驚驚下去，你可知妳唔講我知，我會好放心咁比妳一個
人出去架..?有什麼時..我係唔會立即諗到妳有事架，傻瓜
的妳還在樓下呆坐先再上來，唔使怕喎，我又唔捨得罵妳
既.....，好耐冇講過喇，無論妳變成點，我都會要妳架，不
要想下想下又想埋左一邊，總而言之...我係想照顧妳一生一
世才會向妳承諾那麼多，我應承妳啦，妳怕的話，妳返工
返凌晨，我目送妳搭車走左先回家訓覺，妳放深夜冇車，
如果我借到車又有時間我就車妳返來啦，如果冇車借到，我
在的士站等妳落車啦....，其餘時間我有時間就搭車來接妳
啦......暫時咁樣我諗妳會安心返工放工吧....，係呀...妳講得
無錯呀，我咁做好辛苦呀，但為左妳安全、為左妳安心、
我願意咁做既.....

其實....妳有咩事要向我講嘛，雖然我好努力摸著妳頭腦想什
麼，但我咁大意又咁豬.....成日都誤會左又會錯意，我冇我個
Irene咁叻女呀，所以...妳要講我知妳想點點點....先得呀.....!!!!

>>May 11, 2009 at 8:35:29 PM GMT+8