2009 年 5 月 28 日 星期四 【雷雨】

一陣送個鐘比自己


我竟然會唔知醒，原兇係個電話鬧鐘比自己
枕頭壓住左，遮哂D聲音，攪到我完全聽唔
到聲，其實很奇怪我平時少少聲，只要響得
長時間一點，我一定會醒，但今日我在濛濛
瀧瀧中好似發了很多夢，連聲都聽不見，一
起身已經遲了差不多半個鐘，好在平時唔係遲
到既人，今次係第一次，阿Sir都信我係病，
當然我係扮到好唔舒服病到死的聲音啦，一陣
要切切實實，送個鐘比自己，下一次唔可以再
係咁，我相信下次我唔會咁好彩。

>>May 29, 2009 at 3:41:57 AM GMT+8

2009 年 5 月 27 日 星期三 【陰】

速度吹不走的煩惱



心情不太好，放了工，不想回家去......來找philip和
我遊了全香港一轉咁滯，多麼好丫，philip多年渴望
的Dream car而家終於得到了...買到了...托他的褔，
我有幸開Evo.9，雖然算不上什麼靚車，及不上歐洲
車的級數，但畢竟都係自己賺錢實現的夢想，中學的
時候，我們會響7-11打書釘，每期既車書都會睇哂睇
盡去，大家都對Lancer Evo產生興趣，由當時的四代
，一路睇到五六七八代..都係得個睇時，十幾年喇，車
都出到第十代，十年人事幾翻新，很多事都變了，估不
到我們仍然咁老友....的確可喜亦可賀.....。亦都係咁好多
事我都會同philip講.....，今日我地打滿油缸，由屯門公路
去到城門出沙田再入吐露港去上水上返去元朗入錦田行
荃錦公路出返來荃灣入青衣再向北大嶼山公路飛馳，還
有很多路程，我們還過左一次東隧一次西隧。而在北大嶼
公路開得比機鐵還要快的速度，只但係唔好的心情仍然吹
不走，我駕到去港龍大廈把車放好停車埸後，出來草地上，
望向跑道的方向，吹著風同philip傾計，我問他很多令我煩
惱的問題，聽罷雖然他只有安慰我，都係我們以前果句，
順其自然吧，諗咁多來都冇用，也許吧，自小我們都係
順其自然..學業先會攪到咁，得中五畢業...哈哈....唉....還
記得當年我們最後一天回校，我同philip放學走出校門時，
臨最後一步係一齊搭著膊頭一齊跳出去，還大叫...好野..唔使
再返來，今日講返，philip都忘記了，還說我們真的這麼白
痴嗎...??對呀..千真萬確...我很記得.....，不覺我們都傾左兩
個幾鐘，飛機我都數不清起飛了多少架次，只係見我本可以
望到它起飛直至我只見到閃閃的燈火，大家都知...入夜了，
今次到philip開車，他開得好安全，全程冇超速，在讚嘆他
安全駕駛的時候，他才講我正話開車開咁快，你知唔知自
己開到幾多呀...?我話唔知呀，我要望住條路開車而唔係望
住咪錶開車呀...!!原來我正話開到160幾，怪不得我覺得條路
咁快到東涌啦....!!還話我知...我正話見你駕車不敢同你講野，
怕我應佢會分心炒車，大家揇住一齊死呀...!!!傻啦.....我唔係
喜歡開快車的人，但心情唔好加上車的良好加速能力，我踩
大力DD都會超速啦，我真係未踩到落底，架車係仲有得去，我
覺得架車要過230唔係一件難事.....!!你能夠控得唔超速係因為
你未上到五波，架車有六前速波箱，你只係用到四波，咁梗係
唔會超速啦，但係你下下四波爆哂轉數咁去，食油之餘又傷車，
去完得返細細細半缸油就知啦，明知你部車大食仲咁駕駛，唉
...我怕你多多錢都養唔起佢呀，但算啦，架車係你既，想點你
就點啦，多謝你今日陪左我渡過一個下午同黃昏，事情始終都
會有答案的，我都學你咁話，唔好多想吧...明日愁來明日才愁吧....

>>May 28, 2009 at 6:33:18 PM GMT+8

2009 年 5 月 26 日 星期二 【陰】

原來傻人才會做好人...


我真的好蝦D嗎.....﹖大大隻死貓夾硬要
我食，我飽哂啦，我曾經話過我唔會再
做好人，呢個世界你對人好人地唔會對
你好，對人地仁慈即係對自己殘忍，無
人可以比我傾訴咁，個個都好似唔明白
我，女友又飛走左，我可以點....難道我
要對住肥貓講嗎...??

>>May 27, 2009 at 3:31:25 PM GMT+8

2009 年 5 月 25 日 星期一 【暴雨】

白驚...!


唉....白驚左一日一夜，去到醫院門口時好似對
腳綁左七千磅既鉛咁，唔係女友拉我行我都唔
想入去，去到病房簡止好似去斬首咁.....!!女友
話我肯乖乖咁去既話就應承同我去一次日本旅
行，響同我家人去前，我地兩個人去，果刻我
真係一D興趣都冇，但我又唔係三歲小朋友，我
清楚知道我一定要去，最尾死就死啦，等見醫生等
叫我名時...大堂每一次叫咪..我心就離一離，真係叫
到我時，我靈魂好似飛走左咁，完全唔識郁，唔係
女友拉我入去..我都唔知入邊間房，入到去女友主
動問醫生我有咩事，原來只係上次驗的血樣本因時間
長左而凝固左，攪到好多野都驗唔到，而驗的目的只
係想清楚我手術後的內臟的情況如何，仲有冇倒流跡
象，不過醫生話我內臟手術位置都冇痛，應該都冇事
，驗只係想清楚一點，咁聽完醫生咁講，我都放下
心頭大石.....一身輕哂。

之前女友話會請假唔返工陪我既，但係而家冇事，
我都唔想女友無端端咁請一日假，反正佢都係返
夜晚機，而咁湊巧我妹又去日本亦都係夜晚機，我
妹亦同佢個同學一齊出發，大家電聯先知大家出發
時間差不多，最後女友Call相熟l的士司機，大家搭的
士去，今次的士真係好抵，坐滿之餘，仲有三件行
李跟車，而且平時的士只係去到國泰城就走，但今次
要車遠D去到客運大樓，司機都冇收多我地錢，司機
認真唔話得，響路途中，司機係咁同我地講野，佢真
係好好口，好識氹人同講好說話，唔怪得之咁多女友
既同學都坐佢車啦.....，女友響國泰城落車後，我陪我
妹去埋機埸，送埋佢機後自己一個人搭E33返屋企，要
好好咁訓喇，我昨晚真係冇覺好訓，今晚可以令我安心
訓喇....!!

>>May 26, 2009 at 5:34:24 PM GMT+8

2009 年 5 月 24 日 星期日 【乍寒還暖】

驚怕嚇到死


下午尾三轉車在站頭收到個電話，內容話醫生要我盡快
返去檢查，但我問打電話比我既姑娘咩事，佢又話唔知
，係醫生交帶的!!無可奈何我只有估估下，思想開始混亂
，好多可能性在腦海中穿插，我而家先知，要幫自己守自
己秘密係咁難，我好想找自己喜歡的人傾訴，但又怕她聽
了大家一起驚....，但最終我決定講比女友知，也許吧...如
果我真的有事，而我之前冇話佢知，好像大家都不信任大
家咁，盞到時仲麻煩，死就死啦...我選擇去告訴女友知....

原來有人分擔係差好遠，舒服很多，起碼我有倚靠先，我
靠著她肩膀很久，聽了女友很多令我安心的說話，心情才
平靜起來，還應承請假明天伴我一起去醫院，聽醫生究竟
我發生咩事.....要咁嚇我!!

我們一起開心定係一起怕.......女友講得對，明天事明天先再
算，今晚女友帶領禱告，明天的事交給衪吧，主會有衪的安
排。

>>May 25, 2009 at 5:55:44 PM GMT+8

2009 年 5 月 24 日 星期日 【乍寒還暖】

病得小鳥伊人??



天氣突變，Irene唔知係唔係因為早上落雨淋濕
半邊身關係，半夜已經唔舒服，可能係冷親吧
，幸好仲未有發燒，如果唔係而家呢D情況，私
家醫生都要妳輪街症先有得睇，分分鐘仲話要
隔離，到時真係多麼麻煩了，希望之前Irene睇
醫生既藥可以幫到佢啦....!!好多人都話我女朋友
好易病，見過Irene個病樣既人都知，佢一睇就知
，有冇病一眼可以睇得出，騙不到人既...!!佢亦都
冇能力騙人，一病就會連住好多野出，血糖低又會
暈，再食埋D藥就更加腳步浮浮.....!!但亦都有人講
這樣的她好"小鳥伊人"，因為病左既I她，見床會訓
床，見人會挨人，佢曾經話我知，未和我一起時，
佢試過頭痛唔舒服，搭巴士坐下坐到挨去旁邊個男
人度，可能女仔挨男仔無任歡迎關係，佢一挨可以挨
到總站，仲要人拍醒佢先識起身，哈哈.....。而家我當
然唔容許有呢D事發生啦......!!

傻瓜正話起身病下病下咁，仲話整個麥片比我食，我
仲識得整呢D簡單既.....等我來吧，食完藥休息一下吧，
我反而擔心我一陣返工，妳想有人幫妳攞野，而我唔
響妳身邊呀，可以做既只有放支水同藥響的床頭度，
電話放在你枕頭邊，望妳可以食完D眼訓既藥可以一覺
訓到我放工啦.....返0445呀，就快要出去喇....有咩事希望
妳會懂得打比我啦....

>>May 24, 2009 at 8:23:20 PM GMT+8

2009 年 5 月 23 日 星期六 【颱風】

做下傻瓜先


落狗屎既今日，哈....好彩我唔使返工，但女友就慘
D，咁大雨仲要返去公司上堂，真係大雨到離哂譜
，我地架巴士車窗係大雨到完全望唔到景既，如果
唔係有報站器，我睇怕真係唔識落車，只係由國泰
城巴士站行入去國泰城裡面，唔使一分鐘既路程，
我同Irene已經淋濕哂身咁滯，當然佢返到去就有衫
換，而我就凍住個身上巴士去東涌東薈城吹住冷氣
咁買衫換，響東涌自己行左好耐，冇野好做就坐下
東涌線轉地鐵週圍遊，遊到去柴灣、上環、荃灣、
寶琳、每個站都出一出去做點野，例如去便利店買
野食、去洗手間、行下小商舖、又去上下網咁，不
覺咁我遊左成六個幾鐘，終於響佐敦收到Irene電話
話落堂，我先諗有咩方法最快到國泰城.....，當我在
東涌見到個天先發覺，原來已經停哂雨，響東涌巴士
站我仲差D坐錯巴士，我應該搭S64....差點上錯左S1
，去到車站已經見到Irene等緊我.....，之後搭車返屯門
市中心食飯，Irene問我今日係唔係好悶，Ok啦，話過
今日一定會做個傻瓜咁等妳嘛，唔打緊啦，其實我都去
左好多地方，唔悶唔悶，下次我都會願意咁等，只要妳
想就可以....

>>May 24, 2009 at 3:06:34 PM GMT+8

2009 年 5 月 22 日 星期五 【乍寒還暖】

飯盒的模樣


好多人都上過來我地屋企食一餐便飯，直到而家都冇人
話Irene煮飯唔好食，而且D人仲話Irene整既餸擺位放得
好靚，未食入口都會比個餸既賣相吸引，講真，我都認
同Irene真係好有天份響煮野食方面，我亦都感覺到Irene
好享受整既過程，我記得有一次Irene整蛋糕比我食，我
因為..唔捨得食佢整咁靚既蛋糕，而令到佢唔開心，覺得
我好似唔鍾意同嫌佢整得唔好咁，最後我先知道，我肯去
親手切來食，對方先會開心，無論整得幾靚幾辛苦，為的
都係想自己喜歡的人食得開心，可以被喜歡的人讚賞同記
住佢今日曾經整過呢一個精美既食物，直到而家都係，每
逄Irene入廚整任可野食，我都會食哂為止，有時仲會攞埋
返工食，而同事見到，都會讚D食物賣相好靚，去邊度買，
當我講係女友做既時候，個個都會不敢相信似的咁，我果刻
亦都會好開心，感覺係我女友比人讚咁，響我們一齊食飯的
時間有D不客氣的同事仲會夾走我兩件餸添.....，好多MSN網
友都問我.....究竟我個返工飯盒係點，好啦.....其實我曾經有影
過我個飯盒，就比大家看看啦，也許不及美輪美奐的餐廳咁好
，但我真係真係十分之滿意架喇，我覺得已經好幸福，仲有當
Irene每次要飛幾天不在香港的時候，就會整定好足夠的份量，
等我可以帶飯返工，不致於餓死我，我有幸可以找到rene做我
女朋友真係好幸運，我覺得無咩脾氣又入得廚房的女孩子，真
係好少有，家中有個傻瓜成日怕我會離開她身邊，我點會呢....
妳唔好離開我就真呀，我諗如果真係妳離開我，我真係想像唔
到估唔到自己會做D咩出來.........(一陣又比人投訴我寫得肉麻喇...唉)

明天星期日Irene又要返去國泰城上課，我又要自己一個人在
街上可憐咁流漣.........一個人在東涌可以做D咩呢....?如果明天
有人可以響Irene上課段時間，陪下我食下飯就好喇....!!!

呢兩個係我兩天的飯盒，能夠有Irene準備已經好滿足


其實那盒意粉真係好好食，就算叮返熱都咁好食...!


>>May 23, 2009 at 2:52:19 PM GMT+8

2009 年 5 月 21 日 星期四 【晴】

夢想的婚禮


響facebook，阿熹send左兩段結婚既短片比我睇，
其實都唔短，一段都有16mins，由入婚姻注冊廳直
到一對新人拖手走慢行出門口，響旁邊接受各人的
祝福、小朋友又在旁拋花瓣....真係好似做戲果D咁，
只係欠在教堂進行，我同Irene兩個一齊睇呢段片，
其實成個過程真係好sweet....由宣誓，交換介子，點
洋燭.....講"我願意"...."不論貧苦疾病...果d"太長喇記
唔到咁多，片中聽到阿熹有點嗚咽道出誓詞同宣言，
我諗果個時刻真係幾感動的吧......!!片播咁耐，Irene
就目不轉睛咁睇咁耐，看完後......問她是否妳夢想中
既婚禮呀...?妳又點頭又拎頭.....咁係定唔係呀....?我諗
妳點頭係既意思...就係....呢個真係夢想中相近的婚禮
而拎頭係...因為佢地唔係在教堂進行.....是嗎...??

唉......要儲錢真係令我頭痛，好似儲極都唔夠咁，一
陣比人以為我冇心娶人過門就麻煩喇，其實我真係
努力儲錢架喇，耐心等下啦，一世人一次....要攪得
好好睇睇嘛，好好睇睇就要金錢...要金錢就要時間，
要時間就要妳耐心等待.....放心啦....我會比心機工作儲
錢....!!

>>May 22, 2009 at 3:38:19 PM GMT+8

2009 年 5 月 20 日 星期三 【酷熱】

下一次的東瀛遊


唉....今日回娘家諗住見下家人之餘亦都可以比Irene見下，
免得冇見咁耐感情會變差，在自己娘家，我同Irene同我妹
商討未來去日本事宜，我倆都知暫時係一齊都去唔到住，
因為就唔到時間放假，況且Irene之前都飛過幾躺東京同北
海道，都可以話去過下.....，所以我們都急不在一時，但我
妹就26號去東京，Irene比左意見我妹點玩後，我媽又搭嘴，
用D唔係幾好語氣講﹕『淨係識比自己去，老豆老母唔使理
啦....』總之暗示話唔請埋佢兩老去玩。唉....雖知去日本幾貴
先得架...!!而且你地又唔識溝通同人，去到都玩得唔開心啦，
今次我妹係同同學一齊去，唔通你兩老人家都跟去咩...?可能
Irene見我阿媽唔係幾順氣我妹啦，就應承下次請佢兩老一齊
去.....!!!!!我媽當然開心話"唔使啦"....心中係唔係....就...!!!

離開娘家後，我問Irene真係諗住同佢去呀??Irene答係.....!!
我的天呀.....!!!我地拍拖去玩都要陪住佢兩老嘛咁...!!諗到呢度
我想像同佢地兩老去情形會係點..."不敢想像"喇....!!不過...我亦
都明白Irene佢都係想令我父母開心吧，而且機票方面佢亦都有
方法攞折扣，計條數都唔係用好多錢.....!!唉....咁算啦....，我們
未來的旅行就要同老豆老母行.........我諗未來呢一躺都會幾深刻
吧....!!!

食完飯回家前...我們到惠康買生果，比錢時候個收銀小妹妹，抽
住我袋青蘋果問隔離同事...『呢一袋青啤梨點打入機收錢架?!!』
響呢一刻我同Irene都忍唔住笑出來，其實蘋果同啤梨分別都好大
丫，點可能分錯.....而且你成間惠康都冇任何既啤梨賣..!!唉....笑到
肚痛呀真係.....而家我諗起佢個無知少女樣仲笑緊...哈哈哈哈....

>>May 21, 2009 at 1:53:31 PM GMT+8