2007 年 1 月 9 日 星期二 【晴】

終於都做左我想做既野了 終於可以令到佢憎我了 希望佢可以好好生活下去 其實我一直都知佢所講既野 只係 我一直都扮唔知 就連佢男友我都扼左 由佢話分手果一刻 我已經知道我要點做去改變 但係 我無做到 因為 我連自己既將來都見唔到 我亦覺得我既拖累都係時侯要停了 唔係我既出現 佢可能都唔會變到依家咁 可能 佢既身體一早就好返了 我一直都無誤會仲有機會 因為係我去決心放棄的 做盡傷害佢既事 都只係想佢明白我唔係佢想像中咁好 我終於都做到了 就好似妳所講 當發左場夢吧 我係有想過想令佢回心轉意 不過算了 做男人灑脫d會比較好 我唔想死纏難打

今日係第二日返工 由今日開始 我就要努力向上了 一個人生活 好多野都要自己負擔了 日常開支 計過已經去左份糧既3份之1 而且仲有好多野都未買 連衣櫃都無 不過慢慢來吧 有地方住已經好好了 同同事既關係暫時都叫好啦 其中同一個既關係特別好 因為佢都鐘意車 都鐘意打下機 雖然佢打頭d我打灣岸 不過都無減少我同佢既話題 依個同事又係話我好似側田...真係無言 個個都話我似側田 就連地產公司d人我一行入去都以為側田來租屋 好無奈...

公司暫時眼見就得10個人做野 不過 我同同事都傾過 就算開到 我諗都要用兩個月時間去請人同執野 又要比人知有依個場 黎緊依兩個月 會係一場硬仗 只要捱到 就會見到青天 第一次做開國功臣唷@o@

今日我同事問左我一樣野 佢問我有無女友 我話無 佢話我咁型都無女友?我話我扮架咋 其實我唔型的 同埋 我都唔想再拍拖 咁多次了 我都覺得係累人多過令到人開心 好累了 最近聽過一首歌 其中有一句歌詞係咁的 "和誰都不相戀 不會再挑選 為妳哭完就算" 仲有一首歌 有兩個人做旁白 佢地既說話係咁的 "曾經有個女仔 佢同我講 話唔會再拍拖 唔會再愛人 因為 佢唔想到最後既結局都係一無所有" 依兩首歌 我響返工前一直都聽 聽足4日了 坦白說 真係唔想再重新開始了 好累 我情願孤單一世 都唔想再受到果種傷痛 亦都唔想再累人了 係時侯要停下來了 如果有一個女仔可以將我依個解不開既鎖解開的話 我都會再試下

聽講12號公司就會正式開張 希望真係吧 因為 我唔想再行街了 返左兩日工就行足兩日街 感覺就好似白收人工咁 我唔鐘意咁樣工作 好辛苦 係好自由 但係用錢會多左 亦都唔知可以做d咩去打發時間 希望 依一份係我最後既一份工 除左自己唔想做吧 否則我都唔想再比人抄 總之就比心機吧

>>January 9, 2007 at 8:00:56 PM GMT+8

2007 年 1 月 5 日 星期五 【晴】

到底我響度做緊咩呀 無啦啦走去買樽藥比佢 我都唔知自己做咩...唔想拖泥帶水 要離開就灑脫d 人地個心已經無我了 我仲搵佢做咩...要做到佢憎我嗎?好易 三言兩語就得 但係 我做唔到 愛佢係一定的 關心 依d係嗎?我好似煩住人多d 以後都係唔好咁做了

尋晚成5點先訓 今朝一早 鄺伯打比我 話過黎睇下我公司同埋我間屋 順便同我食個飯 不過 到依家都仲未見人 之後大約10點到起左身 諗起尋晚睇到既野 唔知做咩好自然咁就走左去買樽藥比佢 好似傻仔咁走入去 放低之後咩都無講就走 見到認識既人 我都唔想打招呼 直行直過就算了 走左之後 我去左打機 不過都無咩心機打 只係不停輸 我好似無晒原動力咁...連平時既水準都用唔到出黎 一路揸車一路遊雲四海 打左一陣 依家就響網吧 打一下我想打既日記 反正 依個日記都無人睇 我都係打比自己睇 過多幾日就返了 只好寄情於工作 忘記晒所有野 人地都話已經好明確咁講唔會再同我一齊 我都唔想再煩佢 做左我想做既事就夠了 祝妳身體健康 永遠都快快樂樂

唔知我將來會變成點...我都睇唔到自己既前路係點 可以講 只能見步行步 有工就返 有飯就食 無人會再理我 都係得鄺伯 好緊張 唔知返工會點 唔知自己會做成點 會唔會比人抄 只好盡力做吧 多d跟jeremy學野 識下新既同事 可能 自己會開心d 尋晚有一個好耐無搵我既人搵我 一個女仔 係4我識既人當中第二靚果個 接電話時都呆左 問我依家點 我都唔知點講 剩係同佢講我搬左出黎自己住 之後佢就話搵日食飯 我都唔知佢做咩會搵我 可能搵到無人可搵所以搵我吧 但係 佢又有男友 佢唔駛陪男友嗎?莫明奇妙 依個女仔 我5年無見過佢了 佢比我年長 好似大我一歲 都唔記得了 同過佢一齊叫一日吧 最後因為我朋友都追緊佢既關係 佢唔想我同我朋友反面 所以 佢兩個都唔揀 到左今時今日 唔係返來想同我一齊吧 只可惜 我唔會了 怕了 等我復原後再講吧 可能都357年 一陣過去搵我嗎 因為要拎d衫著 10日著住同一件衫 我都未試過 s衫一陣味 聞到我都想嘔

屋企依家咩都無 無電視 無電腦 尋日返到屋企坐響度對住4面牆 非常呆滯 慢慢來吧 把我依間屋慢慢變成一間真真正正既屋 今日就打住咁多先吧

>>January 5, 2007 at 1:49:32 PM GMT+8

2007 年 1 月 5 日 星期五 【晴】

當我知道妳同左妳哥一齊 我 已經對愛情絕望了...我諗住我可以用一段時間去改變比妳睇 但係 估唔到妳無等我 我原來真係咁唔值得一個人去為我等...

今時今日既我 無晒脾氣了 人地話我 一笑置之 人地講咩 我做咩 點解會咁 依10日 依10日係我一生中最難過既日子 由到左爤貨櫃既第一日 我已經做盡阿四既工作 比人打 比人罵 因為咁 我學習到唔再發脾氣 由以前識我既人唔會得罪我 到依家 人乎同我講任何笑 踩我 我都好無尊嚴咁一笑置之 依10日 我明白到 一個人唔可以無工作 錢 唔會自動送上門 要一分一毫慢慢賺回來 由我食垃圾既第一日開始 我同自己講 只要我可以重新來過 我會向任何人學習 比人話都要想想人地既道理 自大 無了 因為 我比任何人都差 根本就無可能自大 響依10日既最後一日 我遇到一個我根本無諗過會遇到既人 我一個親戚 佢將我響依一個地方救左出來 如果我唔係佢親戚 我都唔會有依一個翻身既機會 佢係我既大恩人 佢教左我人生既道理 佢叫我反恩依十日係點 我終於都明白了 依個伯伯 比我食 比我住 依家 仲借埋錢比我 唔係因為我係佢親戚咁簡單 係因為 佢捱過 佢唔想我捱依d日子 佢係一個有錢人 依d錢 我要還的 依個恩 我亦都要報 一個伯伯 可以用一日時間 令到我完全改變 我真係要多多向比我年長既人學習 我亦都明白自己根本就唔係一個可以比到人幸福既人 因為 我連自己都未照顧到

坦白講 就算我現在改好了 但 我有咩能力可以把妳帶回我自己既身邊 妳哥 有事業 做人處事比我好 我一直都無怪過妳哥哥 只係 我真係好開心 可能妳覺得我唔係以妳為先 但係 我想真心講一句 只要自己既人開心 佢同邊個一齊 我自己都會咁開心 因為 見到自己愛既人幸福 唔係比任何事都開心嗎 我一直都抱住依一句說話去面對每一段感情 有句說話 能醫不自醫 朋友都話我可以幫到佢地既感情路上問題 但係 我自己處理自己既感情 比人更差...點都好 要忘記 就忘記得徹底d 唔好再當我係朋友 我永遠都唔係一個好既人 就算變左 我亦都唔覺得自己好 依家既我 見到既係妳同妳哥一齊係最好 至於我 就由我痛下去吧 依d係我應得的 我只知道 我依家要令到自己可以完全獨立 唔需要任何人幫 雖然我叫妳唔好當我係朋友 但係 我唔想再見到妳有任何傷痛 妳一定要找回自己 做返以前我一開始就認識既阿wing 我永遠都唔會知點去面對妳 因為 我負了妳 妳可以理直氣壯同任何人講 妳無對唔住阿洋 但係 阿洋既大男人 臭脾氣 自大就永遠都對唔住阿wing 睇完我比妳既留言後 希望妳可以把我忘記得一乾二淨 開開心心同妳哥一齊 我唔知妳仲有無叫妳哥睇我依個日記 但係 我返妳哥份工同時 我都會響妳返妳哥份工前離開 我唔想妳見到我又再唔開心 求求妳 唔好當我係朋友 好嗎...

今時今日既我 亦都無晒朋友了 就連我口中常提既 都已經無了 因為 我唔想再拖累任何人了 今時今日 我死係我既事 我唔想再拖任何人落水了 我只想妳 快d搞返好自己身體 有錢去睇醫生 去醫好條腰 唔好再痛 依個亦都係我一直借錢離開既原因之一 記唔記得我貼妳講過 只要我借到錢 4年內到唔好搵我 有件事 我一直都無同任何人講過 就算識我好耐既人 我都無講過 依家 我就話比妳知我做任何野既原因 細細過 家人同我去睇相 相仕話我係一個不詳人 我唔會累到人地死 但係 我會累到人地一世無發達 當我知道既時侯 我亦都無放響心度 因為 我唔信天 我要用自己雙手去改變自己既命運 但係 一次又次比人抄 我明白到 我改變唔到 我一直拖累家人 我同妳一齊我就拖累左妳5個月了 妳看到吧 所以 妳離開我我覺得岩的 離開得好 所以 我依家都無講d追回妳既說話 可能 我真係註定要一世一個人吧...唔講了 今次真係最後一篇日記 累了 我好想忘記愛情兩個字 所以我再講一次 忘記我 我只會拖累妳 不過 我依然去改變緊我既命運 永別...我愛妳

>>January 5, 2007 at 4:28:53 AM GMT+8

2006 年 12 月 23 日 星期六 【微冷】

尋晚過左我第一個自己過既夜晚 成晚都訓唔到 其實 都無諗過會有今日 但係又可以怪邊個...

尋日爸爸來到接我後 就過左去我的新屋企 一個欄貨櫃 之後見到一位伯伯 係我爸爸既朋友 佢叫黎伯伯 原來佢係一直幫我爸爸看住個貨櫃既人 伯伯問我響度住幾耐 我自己都唔知 佢話如果有需要 可以同佢講 佢有一間岩岩新起好既屋無人住 可以比我住 間屋係用來招呼過夜的朋友 所以基本上都唔會有人住

同爸爸傾過後 佢就話唔好 唔想打攪到人 不過伯伯話真係住唔慣 隨時可以搬入去 同佢講聲就ok 我依家既住既地方叫牛潭尾村 係一條圍村 果度d人 好得意 個個都唔會關門 全部開放式 任何人都可以自出自入 係到夜晚先會關門

尋晚訓響個貨櫃度 真係凍死 就算蓋左兩張被 都覺得好凍 一個冰冷既貨櫃 仲要一個人自已住 又點會訓得著...

去完新居 就同爸爸返左佢屋企食飯 原來佢地打邊爐 本身都唔想返的 不過又想見下兩個妹妹 我一直都好想有個阿妹 所以 我有好多個契妹 打完邊爐我就走了 因為 村中既尾堊車剩係去到10點 仲要唔係成日有 經常9:30就無 尋晚返到入元朗 結果係無車的...之後就去左打機 身上有兩個一蚊就咁打一鋪諗住閃 點知有人挑機 兩蚊打左3個鐘...一點幾先走到...響附近打的回家 無法 因為係無車會經果度 坐左60蚊 唉...早知唔去爸爸屋企食飯了... 返到屋企 打機 一路打一路同朋友傾電話 大約5點就訓了 之後一早起身 就去左朋友屋企 上下網打下日記 一陣就出去 不過唔會去邊都係周圍行下 今日就暫時咁多先吧

>>December 23, 2006 at 4:17:53 PM GMT+8

2006 年 12 月 21 日 星期四 【晴】

仲記我得好耐之前 我應承過wing幫佢執下個衣櫃 今日幫佢執左了 至於下天衫我就真係唔識夙了 因為超多...不過我發現到一樣野 佢夏天衫就多過冬天衫好多 上身衫多過下身 個個女仔都係咁既 真係得意 同埋 未見過女仔間房咁污嘈= =

如無意外 依幾日就搬走了 因為 爸爸搵到地方比我暫住 聽爸爸講 間屋企係個爤貨櫃 不過就有水有電 都可以住到人 起碼都未至於無屋企

其實 我同wing真係好相似 都係唔願聽日講野 亦都唔識表達自己 如果是但一方願意聽下人講咩 我相信都唔會搞到今日分手收場

雖然妳話過已經對我無晒感覺 但係 我仲有 響依5個月我都無幫到妳什麼 只係可以幫妳執下房 盡我一點綿力 以後妳就要好好照顧自己了 凍就要著多件衫 唔好冷親 要食多d野 等自己身體強壯d 我離開左妳之後妳有錢 就要買返個衣櫃去放自己既衫了 唔好再整亂了 有咩唔開心 搵妳哥哥同埋朋友傾下計 個人心情就會好好多 將來 識返個男朋友仔 唔好再遇到我依d人了 識一個會關心妳 呵護妳既男仔 最重要就係照顧到妳 比到妳幸福 咁樣我就會好開心了

自己愛既人同邊個一齊都唔重要 最緊要係見到佢開開心心咁生活 我就會好開心 唔知我又會唔會遇到一個愛自己既人呢 其實我一直都有 不過係我自己無好好去珍惜 不過呢 妳都要唔好再收埋自己了 咁樣會對愛妳既人好唔公平架 知嘛~ 要愛妳既人關心妳 妳都要將自己既心事講出黎 對方先會感受到架 每個人都有過去 唔好好似我咁 比過去困死 我識既阿wing 係一個開心既女仔 對住自己既朋友會開開心心笑 好玩得 唔易發脾氣 一個好好既聆聽者 傾訴對像 又會幫朋友

就快到聖誕了 雖然唔知妳會唔會睇到依篇日記 不過都同妳講句聖誕快樂 希望妳快d搵返自我 開開心心 永遠都咁幸福快樂 我知妳一直有人追 亦都知追妳既人係邊個 如果佢真係對妳好既話 就同佢一齊啦 我都係估估下架咋 而我估既人就係妳哥哥 我亦都估到 妳每晚咁夜返都應該係同左佢出街吧 對嗎^^ 我自問 真係無能力去照顧人 因為 我連自己都照顧得唔好 但係 我好認真咁同妳講 我愛妳 我仲好愛妳 比任何人都愛 我知我一直做錯左好多野 令到今日無灣轉 妳唔需要怪自己 我知妳需要時間去改變 我既離開 希望可以令到妳堅強 令到妳有時間搵返自我 我唔係扮偉大 而係 依家既我根本都無資格要妳返來我身邊 令到妳回心轉意

愛妳既人仲有好多 唔止我一個 放低過去 去令自己個心更加開心吧 再見了 多多保重

>>December 21, 2006 at 5:21:26 PM GMT+8

2006 年 12 月 19 日 星期二 【微冷】

究竟我要點做先叫關心先叫岩 鍇依三個星期 就算我同妳分左手 妳病我都去關心妳 我去努力為我自己所做過既野負責任 但係 我都唔可以令到妳滿惑 我周圍問人借錢搬屋 我唔係真係想自己一個人住呀 我係想同妳一齊住呀 我唔想再因為我而令到妳同妳既屋企人關係一直差落去 但係點解無論我做咩妳都睇唔到...

妳話妳已經比左機會我 但係 依3個星期 妳對我都好冷淡 我真係感覺唔到妳有比過機會我 不論我同妳講咩 妳都唔會出聲 之後就同妳契哥傾 傾完就比個答案我 但係 妳都無問我想點...

妳係唔係要我感受返妳既感受 我感受到了 無助 完全感受到 我已經無晒我既親人了 依個世界上我就得返妳一個 但係點解連妳都要放棄我 係咩原因令到妳完全唔同我講野 因為我唔聽妳講野?唔比妳解釋?我唔係唔聽妳講野 我唔係唔比妳解釋 只係 我想冷靜落黎 任何說話都會易入耳好多

依三個星期 我自問真係無心咁去對妳 我真係第一次試到咁既情況 無人幫到自己 乜野都要自己去做 做唔到連訓覺既地方都無 無人會明白我依三個星期既心情 我好想同妳講架 但係 見到妳都唔想同我講野 我都唔想煩住妳...

我真係好想搞返好我地既關係 大家都係有個結響心度姐 只要講出黎 問題就解決到 會有依一日嗎?

>>December 19, 2006 at 5:46:16 PM GMT+8

2006 年 12 月 16 日 星期六 【乍雨乍晴】

今日 打左比大舅父問佢借錢 佢話因為無帶咁多錢過黎 所以要同大舅母商量一下 不過應該會借到

天氣凍左好多了 日日都唔夠衫著 好凍 睇黎真係要返屋企拎一拎先得了 唔係真係會凍死

希望大舅父可以盡快借到比我吧 咁我就可以有新既生活了 至於感情 經過今次 我學到好多野 學識要將自己既性格改變一下 短時間內都唔會諗拍拖住了 好想自由一下 感受一下自己既生活

希望晴天可以快d黎臨就好了

>>December 16, 2006 at 5:00:31 AM GMT+8

2006 年 12 月 14 日 星期四 【乍寒還暖】

我都決定放棄依一段感情了 因為 就算我再做咩都已經無用 依家 有我更加需要做既野 個天就好似一直考驗我 要我升起來 又趺返落去 唔緊要 我仲有我既一雙手 仲有我個腦 我唔相信 我會就咁死響自己既命運當中

我依家要做既事 第一 我要去借錢 開創一個我自己既天地 我要用我既一雙手 去建立自己既一切 我要話比唔愛我既人 唔要我既人聽 我唔會就咁死響度 終有一日 我一定會企返起身 有我既事業 有一個只屬於我既溫暖的家

第二件要做既事 好快 我就有工返 我要好比心機去做 因為 我唔可以比人炒 我比人炒 我就會失敗 我依一次 已經將我自己既生命赌上 只要一失敗 我就返唔到身

聽日 我就要行我既第一步了 無論如何 我點都要成功 因為 我已經無選擇既路可以行 3年之後 我就會再係一條好漢 我一定要捱到~我唔會再比任何人睇死~

>>December 14, 2006 at 2:09:20 AM GMT+8

2006 年 12 月 13 日 星期三 【乍寒還暖】

其實 我有細心睇過妳哥比我既留言 我知妳唔係同我計錢或者乜野 只係 我真係覺得 我自己好無用 我比唔到幸福妳 我令妳食唔飽著唔暖 我一直都有看到妳關心我 我一直都知妳好愛我 我有感受到的

我唔係剩係話同我計錢 響我無野食無工返既時侯 妳一直都有問我食得飽唔飽 響屋企悶唔悶 就係因為有妳既支持同鼓勵 先仲有今日既我 我唔想再要去改變d咩了 我想妳做回妳自己 做回我一直認識既妳 我依家講既野 亦都唔係想改變d咩 唔係想講d說話出黎 令到妳回心轉意 只係 我真係感受到妳既喜與悲 我唔係盲目咁同妳一齊

我要改變既野係 我想比妳知 我係用心去同妳一齊 我會包容妳既一切 就算妳一世都改唔到 我都根本唔會怪妳d咩 我都有傷口 我都需要時間去醫治 我只係感受到 妳一直都醫治緊我 令我對任何事都有返信心去做

希望妳明白我 我真係有用心去睇妳哥比我既留言 我講比妳知既野 都之係想妳知我既諗法 我無逼妳 亦都唔會逼妳 如果 我地可以再一齊既話 我以後都唔會再提 當妳有咩唔開心既事 我只會做妳既聆聽者 聽妳既心聲 我會攬住妳 令到妳有安全感 我想妳知道 我係一個會負責任既男人

>>December 13, 2006 at 5:55:41 PM GMT+8

2006 年 12 月 13 日 星期三 【陰】

原來 我地已經分左手 我仲以為我地一直未分手 我完全都唔知道我地幾時分開 我仲一直響度諗緊我地仲有無第二個機會 依家 我先知我原來比人玩緊 無野講...

岩岩打左比我阿媽 佢話返屋企住唔係問題 不過要幫手交租 依個唔係問題 只係 我邊度有錢交 點解永遠都要響我最低落既時侯我最需要人幫既時侯離開我 再一次感受到果一日 原來妳所講既唔想有依一日 都係假既...

我 再一次感受到依個世界對我所做既一切 我真係唔知自己可以去邊...我到底做錯d咩 有無人可以話我知 點解要離開我... 根本 妳都唔明我講既野 算啦...

我記得我同妳講過 今年既聖誕 我自己一個人過 比我講中左了 我一直為妳 妳睇唔到 可能 我根本做咩都係錯...係我一手一腳做成今日既結果 無論點都好 多謝妳幫過我

今年沒聖誕

明信片裡雪花　還要等你看嗎
是你在四月　就約定了共我放冬假
其時竟想不起　香港入冬有雪落嗎

蘭桂坊有雪嗎　何以今晚約她
平平安安進酒吧
原來我自初夏期待那　頸巾　轉贈了給他

捱過無數晚　為今晚　竟與你分散
我今年沒聖誕　寒流下勉強支撐
要過今晚　或許艱難　借我厚冷衫
等我在人群之間
呆站渡過了新年亦未覺冷＊

陪我的約了他　還算得聖誕嗎
還更假裝慶祝嗎
悠長盼望可是年曆裏　今晚　已畫上交叉

如要凝結我　淚斑斑　天氣要多冷
我今年沒聖誕　寒流下勉強支撐
教我心淡　並不很難　騙我更簡單
不要在猶豫之間
胡亂答應我今年共渡聖誕
留下我似個小孩獨自冀盼

>>December 13, 2006 at 11:31:35 AM GMT+8