2005 年 8 月 28 日 星期日 【晴】

28/8的日記

很興奮呢！因為要去貝澳玩！
下午再繼琴日食唔到o既帆船餐廳，
之後係真道堂借左張生隻碟，然後彈琴，
2:00前返返基福lu~~~~

記住先︰
由元朗去東涌，坐E34，要記得係消防局落車，先可以去市中心，
如果唔咪，就要係國泰城轉一架巴士去東涌，收$3~~

等巴士個陣，識左一班本來唔識o既人，
點知撞到英皇同學──17分先生。

坐3M巴士途中，因著人類的八卦、自己的驕傲、人性的醜惡，
所以係「單線雙程行車」的情況下，發生了互不相讓的「一件小事」，
唉！粗口滿天飛、憤怨怒不停！

最後去到貝澳，享受陽光、海灘、驟雨，同埋泥沙，
哈哈！好開心！怕凍到死都要玩到濕曬！

詩歌、禱告、遊戲、笑聲，就咁就隨著日落而消失了！

回程，正！冇得坐！
之後決定MTR去奧運站，

「六鼎記迴轉火煱中華料理」
九龍奧海城二期高層地下05鋪
電話︰2273 4688 傳真︰2273 4681
歡迎訂座。

哈哈！醉翁之意不再酒！
食都冇咩特別！
特別的係，除左康Ng冇得分享之外，
小組的90%人，有交有流，
好似真係一個小組、一個家庭、一班兄弟姊、一個正字！！

記起火組組員留意(包括我)，
記得每人比翻$108心怡Lau，
如果唔係…………

樂！

>>August 31, 2005 at 3:37:04 PM GMT+8

2005 年 8 月 27 日 星期六 【晴】

繽紛暑假哈哈哈2005完滿結束！
感謝主！因為今年到依家都只係少少病！
感謝主！因為今年學習到準時！
感謝主！因為今年堅持左好多野！比上年有進步！

最想講幾件事︰

星期五晚上同竹婷食飯，哈哈！
估都估唔到終於都唔係食茶餐廳，
而係食「大排檔」！食左︰
《菠蘿咕嚕肉、咩咩炒「顯」、咩咩BB鴿》
傾左好多好多計，呢個晚上真係好和平，
若然有90%晚上都係咁，咁就真係完美了！
另外個10%，因為要慳多少，所以.............


另一個件事，
原來今年暑期活動，收左十幾個，
一整個月同o的小朋友相處，
不禁覺得佢地好正！！
笑到合埋曬眼、見到排牙有兩個洞的小朋友，
經常都要投訴、投訴、再投訴的小朋友，
哈哈！每一個都係咁可愛！！

有一日突然好有「心」想更多服侍小朋友，
做大哥哥，要佢地對自己又愛又恨！！
哈哈！究竟，係咪我o的「職場」呢？？


另一件事︰
正式入小組了，起火組(大專組前身)，
年紀最少的我，對著一班哥哥、姐姐，
既興奮又緊張！
開始覺得自己o既事奉係「有入有出」，
特別謝謝係暑假入面合作多左的 和哥哥、水姐姐，(亦係社關隊呢！)
真係估唔到！


又另一件事︰
$6,000的價值係邊呢？？
真係開始有點兒透不過氣！！
真係好多好多好多好多野做！
唔通「行政幹事」和「社區幹事」要分拆？？
哈哈！我要話比人聽，我打緊兩份工！哈哈哈哈！！


快o的過埋呢幾日！
又可以出糧，又可以做埋最後個大野！
之後........................放假！

>>August 27, 2005 at 4:28:10 PM GMT+8

2005 年 8 月 26 日 星期五 【晴】

打爆您個頭！~~

>>August 26, 2005 at 5:15:42 PM GMT+8

2005 年 8 月 20 日 星期六 【晴】

加埋曬o的OT，有成個星期假期！正！！
不過唔知放假個陣又會有咩做？！

最近經常都Run唔到，明明要做o既野，
多數都會唔記得！！

今日的小組時間，正！
基督徒真的不該沒有小組的生活，
重投小組生活的我，覺得好和諧！
特別欣賞今日主理的水姐，真係很有質素的組長！

晚上娟e生日快樂！！
食物不多，但很開心！

感謝主！！
奇妙又豐富的恩典！正！！

>>August 21, 2005 at 5:06:44 PM GMT+8

2005 年 8 月 18 日 星期四 【晴】

人言可畏！

>>August 18, 2005 at 5:03:06 PM GMT+8

2005 年 8 月 17 日 星期三 【晴】

好多人話我係教會做，會係一個溫室，
冇咁多辦公室文化，好少事非，好以好好咁做野，又唔係話咁辛苦……

但係，係教會做，除左工作之外，始終係心底內仲有十年感情，
好難唔投入去做每一個計劃、每一個項目、每一個任務，
好想好想做好每一件事！

除左工作，仲有好多唔同的感情，
除左女友，仲有教會朋友、中六的舊同學、中五的同學仔，仲有……
好多時收到電話，但係……因著唔同種類的工作而……推卻不同的約會。。


方程式︰
x工作+y事奉+z小組=a女友+b同學1+c同學2
a,b,c,x,y,z這些未知數，該怎樣安排，才能取得好好的平衡呢？？


「行政及社區幹事」──真係難做！

好想同父神的關係更好！
好想同竹婷的感情更好！
好想同家人的生活更多！
好想同教友的相聚更融！
好想同自己的............

>>August 17, 2005 at 5:59:03 PM GMT+8

2005 年 8 月 17 日 星期三 【晴】

看見Jasmine的日記，看到了這個故事︰︰


方才看見文仕的日記．．看到了這個發人深省的故事～

覺得很好便ｐａｓｔｅ左上黎．．這個故事感動我，希望你也能夠被感動～

對，愛原來是這樣的。

又令我再次想起：幸福不是得到，而是珍惜。



5年來的早餐
在一個很忙碌的早上，大約是8:30，一個大約八十歲的老人家，想找一個醫生幫他拆線。他很趕，但醫生正在幫人做手術，所以，他一直在等，不停地看錶。當時這個護士自己不是太忙，看著老人家好像很趕似的，自己又沒什麼好做，好吧！讓我來幫他拆線吧！我叫那個伯伯先坐下，然後，我再把傷口上的布一層一層地拆下，一邊拆一邊和那個伯伯閒聊。 護士小姐特然好奇地問：“為什麼你這麼趕？”是呀！因為我約了人9:00，真不好意思，麻煩了你！”
護士好奇的想：八十多歲的老人家應該不用上班的了，什麼事情讓他那麼趕呢？
老人家說：“是呀…是呀…我要趕去老人療養院陪我的老婆吃早餐。”
護士小姐就更加好奇：“啊呀！原來入了療養院啊！沒有什麼嘛？”
老人家答：“啊！沒事了，柏金遜症罷了，都好一段日子的了。”
護士小姐幫他拆好了線，看一看錶：“哎呀！你會遲到，怕不怕你的太太會擔心你呀？”
老人說：“不會，這五年來她都不認得我了，我去不去，其實她都不知道。”
護士小姐很好奇地問：“ｏ下！她已經不認得你五年之久啦！你還每朝早去？”
老人笑笑口，拍拍護士的手說：“她不認得我，但我認得她，那就可以了。”跟著他就 慢慢轉身走了。

護士看著他的背影，眼淚慢慢地落下來了。她自己想：這就是我需要的愛情。（誰也是這樣想吧？！）

真正的愛情不只是身體上，不只是講浪漫氣氛；真正的愛情是接受，接受以前的對方，現在的對方和將來的對方。無論他以前是怎樣，現在或將來是怎樣，快樂的人不一定要最好的。快樂的人是他所有的都看成最好的。

>>August 17, 2005 at 5:34:48 PM GMT+8

2005 年 8 月 10 日 星期三 【晴】

恭喜完成會考的每一位！
無論順利升學、重讀、投身社會，
也總是完成了！！

各奔前程吧！


因著與多位年青人談會考出路後，
對自己也更加認識了很多！
感謝當年為我爭取重讀學位的黃老師，
重讀中五，努力的失敗！哈哈！

後悔！很後悔升了中六，
若然那時開始工作，今天……

有得必有失！




暑期活動節目豐富！
也有點兒透不過氣了！
但是，趕死線、追時間、臨急抱xx的感覺，
非常充實！將懶惰化為挑戰！正正！
寧願每天也可以很忙，但謹記心境開朗。


謝謝竹大人的體諒，也感謝她也少呢！
不同的經歷，的確讓我看得更多，
也許在某些地方的「做法」轉變了，
但內裡的「心」仍是如一！
我可以肯定！(請用普通話讀出)




哈哈！
今日掛住一個大姐姐和一個小妹妹。
看到她，就像看到自己。
與她一起，就有另一個她的影像！
呵呵！
似乎多了半個小女女了似的。

>>August 11, 2005 at 5:13:31 PM GMT+8

2005 年 8 月 6 日 星期六 【晴】

懶！唔想打！
夜o的開左冷氣，看看如何啦！

>>August 7, 2005 at 3:13:37 PM GMT+8

2005 年 8 月 3 日 星期三 【晴】

又加喇！又加喇！！
麥當當又加價喇！
非常不道德！！兩年內第二度抵制！
即時生效！！(只食$2軟雪糕！哈！)

~~Joke小姐說我的日記結構出問題，那請又看看今天的，會否好些~~


今天早上，仍舊的被那溫柔的小鬧鐘吵醒，喚醒了身處夢鄉的我，
太陽溫暖的照射著我，我仍舊的賴在床上，
但不消數分鐘，被太陽伯伯的笑容的哈哈笑容攻擊，
使我體溫漸漸升高，不得不開大冷氣，繼續懶床呢！

此時，時間已到，睡覺的任服已順利完成，
只好拖著疲倦的驅體，往芧廁方便、方便了！

由於各方便非常配合，神奇小子(筆者的6歲弟弟)還在房間與周公子玩摩天輪，
我便飛快地離開517(筆者那坐西向東的家)，衝往巴士站，試圖停車了！

此時，章魚小丸子(筆者的現任女朋好友)致電給我，
一番閒聊中，我的眼兒竟從遠處看到特快巴士(九廣鐵路輔助巴士路線K74<天瑞往元朗西循環線>)，
便以每400米54秒多的速度衝上巴士，
幸得無私的神那奇妙的恩典，趕上了巴士，
不消十分鐘，便到達了元朗廣場。

下車時，看到遠處的「頭條日報」派報員正在有善的派報，
貪心的我不禁燃起了「接報」的念頭，
話雖如此，但左心的天使戰勝了右心的魔鬼，
便失去了那閱讀的機會，直趕到教會，取報任務澈底的失敗了。
(編者按︰由於筆者趕時間開會，才不能取報紙！！)

到達教會，又是那工作的好地方，更是充滿愛和喜樂，
歡笑無限且年青活力、長者幹勁的教會──宣道會基福堂，
(新界元朗教育路31-41號南天大廈206室)
與一班約5人的義工、導師，一同分享、閱讀聖經的時間，
好好準備「繽紛暑假哈哈哈2005」的活動了！

今天的活動非常豐富，
不論是功課輔導、茶點分享、小小烹飪師、遊戲同樂、故事分享等，
都有悉心照顧小朋友的義工們(包括我)陪伴左右，確實寫意難得！
十二時三十分的放學鐘聲響了。

小朋友不太有秩序的放學後，便開始我們的會議和雀局了！(教會重地，禁止麻雀耍樂！)<故為飯局！>
討論了不少好像很有建設性及非傾不可的議題後，(諸如此類)
便開始我的辦公室時間了，工作工作和工作，
使我的腦海深深地被沖昏了！
十小時的當值，應該接近完結了！
古語有云︰好戲在後頭！

晚餐後，趣味查經班 使我獲益良多，
中小學的「六何讀書法」，竟可運用於聖經之中，
對經文作出進深了解，更可以深入淺出的認識，
真是美不勝收！

課程後，隨即回到家中，欣賞十五分鐘的《妙手仁心》劇集，
便暢談電話和盡興網絡世界了！
直至此時，感到漸漸打完日記，
睡魔便漸漸追Call了！
也許，也許我要睡一睡。
太陽伯伯，有勞明天再一次把我從夢鄉中過關回來。


評語︰
結構嚴謹、內容豐富，能夠引經據典，實在難得！
首尾呼應設計不錯！難得的一篇好文章！
宜繼續努力，加少許錦上添花！

回應︰
謝謝批評！
我會繼續努力，減少對讀者的影響，
減少發蘊寫類似日記的機會！！
哈哈哈！

>>August 3, 2005 at 4:56:56 PM GMT+8