2005 年 9 月 23 日 星期五 【晴】

哈哈哈！就係日記開始之先笑下先！

Amy姐生日快樂！今日冇親自同您講，
留番聽日先同您講！hehehehee~~請相信事必有因的！

仍舊是……忙！
我真係好唔想比呢個字煩住我！！
今日每兩個小時一節，直到夜晚8.先可以輕鬆一下~~

真係好耐冇好好咁彈過琴喇！
好輕鬆！沉醉於音樂世界！

今晚，竹婷不斷的同我講天國的事，
很高興她正處於正山峰，而我…
不其然的滑在谷底了！
感謝您為我的禱告、鼓勵、支持！
我都唔想自己的生命「正在」這樣，
呵！寄望十月份，可以和文仕先生有多點天國交流，吸下佢o的肥膏啦！

因著 環境影響、工作忙碌 引致誤會，
真係比自己激死！

薯片+可樂的晚餐可真有趣！


＊神願你來陶造我，使我在靈裡果子更多。 :-)
＊竹福與我的近況相似的人，「凡事長進，連於元首基督。」～共勉之～



後記︰
今朝全日都上唔到網，今晚又冇事，
都唔知係o的咩問題，等我仲諗住又format部機，
別作弄我呢！！
一時我用冇事──當然好啦！
一時細佬用有事──比人鏟死！

>>September 24, 2005 at 4:55:56 PM GMT+8

2005 年 9 月 22 日 星期四 【晴】

哈！急不及待要打日記了！

琴日的補假，真係有o的........................hea，
係屋企訓，斷續的，叫做訓到10點幾，
之後12.就出發過海，去灣仔搵竹婷，
食午餐…之後佢返工，我就無聊了。

首先去左TomLee Music，同和哥哥傾左陣電話，
就係上面Solo下，$40,000sth的數碼琴，
正！感覺很好！
又用我個冇級o既手去show野，哈！

then,去左香港中央圖書館！
正！去到去，除手取左幾本書就…………訓覺！
訓左陣，比staff叫醒，
圖書館真係好正！除左係「知識寶庫」，
亦都係「人間天堂」，軟綿綿o既椅子、冷冰冰的冷氣、溫柔的陽光，
哦！偷得浮生半日閒！

為左$2，由天后----行去----銅鑼灣----行去----灣仔，
頂！超頂隱！熱到 真係想搵廁所──懶屎！
點知早左20min到，結果要遲多半個鐘，
食左老麥雪糕，之後行商場，之後去左呃報紙睇！


小事幾椿？！
《一》灣仔區，除左「大有商場」、「中央圖書館」、「通利琴行」之外，
　　　真係冇咩好行！

《二》灣仔區，除左人多、車多、空氣差之外，就係燈位多！
　　　為左唔衝紅燈，夾夾埋埋等左半個鐘燈位！

《三》老麥加價，原來有原因的！
　　　外藉人士 + 其百厭女，前者買完野食，仲要拖後者，
　　　搞到全盤野倒曬落地，此時……
　　　開心小姐即刻搵人抹之餘，仲叫人執翻份比佢，
　　　呵！原來係老麥倒瀉野，係有福利的！！


同日晚上，坐船過海，巧遇「維港激光匯演」，
呵！簡直歎為觀止！真係好！── 好頹！
好似o的大廈，有o的係主角，好高的！
另幾座就好似o的配角、小角，死都要搶出場！
哈哈哈！好笑！！

晚上在一番食軟飯！呵！
ok豪啦！謝謝妳！！

>>September 23, 2005 at 5:50:15 PM GMT+8

2005 年 9 月 20 日 星期二 【晴】

神總係係一o的神奇o既時候，
為我做一o的神奇o既事！謝謝！！

唉！「渾濟」這個詞語正好形容我這兩天的生活！
都唔明白點解會咁！但係，我估係每件事上都學到o的野掛！

媽咪話間房要換床，全部舊的都會唔要，
所以我要執好曬o的野，冇用的就要丟，
執左我n日y夜，最後阿媽話「下個星期o的傢俬到！」

一句說話，我就連床、衣櫃、書枱(A)，好快就丟左，
過多幾日，又話要油過塊牆，咁個晚咪油law(其實爸媽都做左唔少野)
油得都ok靚ga！

諗死過多一兩日o的野會到掛，點知…………

睇我日記的您，都知道我幾時開始「話」執房，
直到依家都仲未o黎！！

激氣！日日都唔夠訓！
細佬無論返學定放假，佢都準時7:00(+/-15分鐘)起身，
我就訓廳，所以朝朝都要跟佢咁早醒！
唉！訓得唔好！又唔舒服！！
唉！唉！唉！唉！唉！


今日返工，諗都諗唔明一間細教會都會有咁多野做！
Memo紙的「工作提醒」，由上面貼都下面，左面寫到右面！
因著踏入收工時間，真係咩都唔想理，走去教結他，
夜晚傾社區活動，傾到想死，
呵！我估我死個陣，上到天堂個個皇冠會好大！
<我寧願折現出幾個鐘頭，陪女朋友仔好過！>


您！知道渾濟是什麼嗎？讓我告訴您！
●渾濟是跑到巴士站，但巴士唔等人。
●渾濟是在巴士站，又熱又焗咁到25分鐘巴士。
●渾濟找東西時，個頭撞到個枱角。
●渾濟是全身大汗，汗水好似爆水管咁流，但係都搵唔到衫去沖涼！
●渾濟是跑到巴士站，但巴士唔等人。
●渾濟是把風扇爛了！但什麼可吹的都冇了！
●渾濟是電腦不能上網！細佬用唔到，我就比人XXX。


不過︰
今晚卻因為小小的意外，而令電腦可以重新上網，正！
訓了！好眼訓！


對不起竹婷女友，因為近期工作實在較多，
但我會繼續好好咁比心機編好o的工作、時間表。

>>September 21, 2005 at 6:17:12 PM GMT+8

2005 年 9 月 17 日 星期六 【晴】

嘩！正！
中秋節o黎喇！
祝各位中秋節快樂！！

星期六下午參加左一個敬拜讚美的聚會，
嘩！個間教會有成十九層咁高！
可以用「宏偉」o黎形容！
個個禮堂有兩層高，
半圓形，超大！坐到超多人！
我地因為比較遲，所以冇三連位坐，
就「半坐」咁企左係通道邊，
個個位對到個台正中！正！
左右各一的Video Projector，投影，
同步直播，真係好似o的劇院咁！
.......................................
其他樓層，一大層係教牧同工、行政同工、區牧的！
另一個層就係o的團契、小組、單位的！
仲有一層係圖書館呀！
......................................
實在太勵害了！！！！！
若然係元朗區有一座教會大廈..........
又如果有一日，我地教會係咁，就............................

夜晚的青年崇拜，人好似唔多、各方面的預備又很太好，
但都ok啦！！~~


今日的主日崇拜，同上個星期差唔多，
秩序都係咁.........差！

講道訊息︰
打麻雀仔 不等於 ...............
看......................

突然文仕先生來電，稍後再打。

>>September 18, 2005 at 12:09:22 PM GMT+8

2005 年 9 月 15 日 星期四 【晴】

又係一個星期的後期了！
謝謝Jasmine的留言，鼓勵了我即打日記呢！！
其實真係多謝看我日記的您們，
每日一開電腦，就係順次序咁睇友人的日記，
除左八卦之外，都係想了解下大家近況呢！

打日記，正！！


間房終於都執左60-70%了，
日日都比屋企人話，唉！

本來星期四的例假都要返工，
上午去左流浮山、下午開會，
朝早有個弟兄問我，咁您今日當返工定咩，
我話︰工作=事奉、事奉=工作，冇得計得太清楚！
哈哈！

前幾日去左個教牧同工的聚會，
信息講得不錯，但不分享這些！
閱讀下列內容前，請先好好預備！
記著！不是在評擊什麼！只是個人的感受！

敬拜︰是靈恩派的！？
本來以為「順得人」的我，好容易接受，
但係返到屋企，諗左好耐，原來我係唔接受到的！
那天的敬拜︰
他們喜歡大聲呼叫、正常人聽不明的方言，
對於這些，內心非常xx！
一來又投入唔到、二來又唔知您地做咩要咁！
所以第二日遲左1.5小時先到，
因為想避左個敬拜，所以咪咁law！
哈哈！！
同工又如何？！

>>September 18, 2005 at 11:55:08 AM GMT+8

2005 年 9 月 12 日 星期一 【晴】


【請看下一篇先】
感謝！
心怡姐、steven、jasmine、jack、hoi個晚一齊打機，好開心！！真係好開心！

竹婷公主
感謝您陪伴了我2.25年了！
感謝您星期一的晚上有傾計、分享的時間！真係好開心！

原來需要不斷的繼續成長！
我成熟了！但卻做不成熟的事！
我長大了！但只是一小步！
我很辛苦！但往後出現的，現在只是小小的皮毛！
我累了！但相比耶穌基督釘十字架的那天，……，什麼是「累」，沒法相比了！

＊共同的繼續努力！您、你、妳，也是！

>>September 12, 2005 at 4:28:01 PM GMT+8

2005 年 9 月 11 日 星期日 【晴】


哈哈！又可以打下日記了！

上星期四放左日假，不過大部份時間都係執屋，
都唔知仲要執多幾耐先執好？！
因為貪快而丟左張床，搞到要訓sofa，
訓得超唔好！
細佬又要好乖咁，朝朝6:45起身，簡直想死！！

上篇日記提到︰星期六做社關，可以出街！
點知︰竟然要派Poster+單張，
行到我死！
都只係行左個二十間教會，
今次非常夠誠意了！但係慘過做郵差呢！
真係 支力 到 懶屎！

星期日的崇拜，非常激氣、氣憤、唔開心！
一早起身，已經係一個惡夢！
爸爸說︰「一早彈起身，唔夠兩分鐘就要出街……」
我卻說︰「突然諗起有野未做，趕返工……」

前因︰
因著「某人」話我做o既PowerPoint好悶，
所以我話︰唔識分顏色係咁ga啦！您做law！
某人話︰我做好過啦，您個o的咁噁心！
我話︰heheee(偷笑)

點知，八月份的ppt就由某人做左，所以我完完全全放低左，
個朝咁仲係度「磨爛隻」之際，
突然醒起未做，所以…………………………..即返office做law

11/9崇拜︰
欣賞吳氏三姊弟比準時還早回到預備！ [Great！]
音控部+敬拜隊比平日冇咁好！ [可能他們太累了！]
小朋友們係到嘈！
(仲要玩”Bon……..Jiu Jiu Jiu……..BaBaBaBa”個o的發聲公仔！) [可能教會唔夠地方比佢地玩掛]
總之就超級唔滿意

可能
神說︰Tony，您看到別人眼中有條刺，但係，您見唔到自己眼中有樑木呀？？
我說︰見到！因為協助管理o既人做得唔好，以致佢地才有刺呢！
神說︰咁您知就好啦！仲唔比心機？
我說︰我都知！但係…做極都係咁……，有o的人又唔可以出面講，明示暗示都冇用！您話可以點呢？！
神說︰您即係怪我，唔比佢地做得醒o的啦？
我說︰奴才不敢！只是覺得他們(包括我)，很難放心機去事奉o者！
神說︰繼續努力啦！我唔係話過︰我必與您們同在！衰唔衰唔係您地講的，係我話ga o者，就算真係衰都好，我都會幫手咩獲，叫事奉我的人更經歷我給他們的愛和恩典！
我說︰您係至好講呀！
神說︰您懷疑我？！
我說︰不是！只是我的信心不足！
神說︰睇住o黎啦！！
《以上內容純粹幻想，如有冒犯，實屬思想犯罪、文字獄》

>>September 12, 2005 at 4:22:58 PM GMT+8