2006 年 2 月 7 日 星期二 【晴】

很開心！
昨晚看了「魔幻王國‧獅子‧女巫‧魔衣櫥」
果然是兒童文學一大傑作！
又一偉大發現，
原來，戲院播完戲，係會自動開燈，
如果冇開燈，即係話仲有o的未播，
係字幕升完後仲有，
因為我坐到好累，所以冇即走，
所以意外地睇到最後「教授」與「露絲」的對話，

　　露絲嘗試再進一次魔衣櫥入面的王國，
　　而教授在後面說︰
　　「我試過好多次喇！或以要係您再在意時才會入到。」

哈哈！
也許，人生的旅程中，要專注為自己謀幸福、好處時，
總是找不到，但在不經意時，才會得到。。

今次在戲中領悟不少呢！很好！
有機會真係要睇多次！

而故事中，雖然有福音機構將故事拉到信仰，
但我卻想不到關於什麼~~

>>February 8, 2006 at 3:29:11 AM GMT+8

2006 年 2 月 5 日 星期日 【晴】

正！明天又是一天的假期！
但明天有很多的任務啊！

元朗>>>荔枝角>>>青衣>>>旺角
哈哈哈！真豐富呢！
又要做任務了！

今天晚上與竹婷到尖咀看野，
哈哈！雪糕、吞拿魚xx批成為了晚餐。
上吳生夫人家，
之後有幸跟他們、志兄、強叔遊車，
很幸福啊！！
也很開心！因為這晚談的比前三個月加埋的還多。

明晚豪食，正！

現在︰小凱生日快樂！

>>February 5, 2006 at 6:21:52 PM GMT+8

2006 年 2 月 3 日 星期五 【晴】

哈哈！
到左2月4日的今天，
已經將糧餉分配得八八九九，
真要節衣縮食了！！

推出「翔言翔語」，當然也是「盜聽途說」啦！
若然合用，和您分享吧:)

翔言翔語
※書籍和朋支，應求少而精。
※人人都有足夠的堅忍精神，去忍受他人的不幸

>>February 4, 2006 at 5:02:25 AM GMT+8

2006 年 1 月 30 日 星期一 【晴】

新年快樂！~~
到了今天，二零零六年已經過了1/12，
歲月不饒人！

◎《賊壇新人王》領悟「衰人做好事」的道理。
◎因果循環，是必然的！

>>January 30, 2006 at 5:34:47 PM GMT+8

2006 年 1 月 26 日 星期四 【晴】

從友人的日記copy來的︰

【10句男生最怕聽的說話 和 10句女生最憎聽的說話】

有些說話,男生一世都不希望女朋友會對自己講,除了"一齊去shopping"之外,還有"你的行為好似你阿爸",更慘的是"你的行為好似我阿爸",不過這幾句話的殺傷力都不及以下10句。

10 我想左好耐......

這句開場白通常關乎重要問題,包括結婚,同居或分手。跟著一句可能是:"點解你會鐘意我?"和"你有無想過我地的將來?"男生會用盡任何方法甩身,例如突然同你激嘴。

9 你似返個男人啦。

無野傷得過被女朋友質疑自己的男子氣概,有人會乖乖地投降,由得你想點就點,但亦可以反擊說:"你又可唔可以似返個女人?"

8 我父母想見你。

這句代表兩件事:1關係開始變得認真。2我可能會被她的家人"起底"。男生所能做的就是期望對方爸爸唔好惡死。

7 我頭痛呀。

6 我個EX都唔係甘既。

男生從不拿現任女友和前度作比較,所以也沒心理準備她會這樣做,俾人拿來與被甩掉的男生相提並論,男生當然要第一時間反擊!

5 你係度想緊咩呀?

女生都很好奇,希望知道男生每個想法和感受,但男生很多時寧可選擇沉默,躲進自我的洞穴裡。

4 你係咪覺得她好靚?

當男友望女仔又俾女友捉個正,若果否認,女友就會更加生氣,甚至同男友嘈交。醒目的男生會求其說句:"她個胸好大,好誇!"了事。

3 我今日有咩唔同?

男生知道若他不能在5秒內給他答案就死定,EE哦哦得越耐,她就越生氣。到男生終於講得出:"你染左髮!",她已經轉身發脾氣走了。

2 我個Fd有左/訂左婚。

這句話表面上無咩野,但背後包含的深層意思是"甘我地幾時訂婚/生仔?"除左扮突然休克,睇怕都幾難甩身,不過都未夠"我有左呀!"呢句得人驚。

1 我想我地需要傾下。

聽完呢句,係人都知道唔慌有好野,就算唔係講分手,都係有大件事,不吐不快。在這種情況下,男生的確避無可避,不過女生最後講的可能是:"你係咪覺得我肥左呀?"真係唔知點答好。




十句女仔最憎的說話

1‧你咪咁小器啦！
女人點解憎：
小器是女人擁有但又不想認擁有的特質，你明寸佢？等開拖吧！ 男人說這句話時通常笑笑口，點解？因為知女人唔岩聽？明知不應說但堅持說出來，就是撩交嗌？ 男人說這話前通常已說完「嬲完未呀？」、「唔好嬲啦？」之類的話，但游說不果；唔識鑂人就賴人小器，屙屎唔出賴地硬！ 即係話我唔應該嬲者？女人發嬲一定有佢道理，男人駁嘴即係話我螿不講理，作死！
建議：
要女人唔嬲，真的惟有等她自己嬲完，但不等 於什麼 都不做，男人最好做點事來縮短過程，愈拖只會愈難TUM
基本上連個嬲字都不能提，女人好憎呢 個字，唔嬲都變嬲！告訴你，叫女人唔好嬲，佢嬲得仲勁！
女人在小器、嬲爆爆，男人TUM佢盞晒;氣！要軟化女人從身體入手，抱抱或緊握她手吧！

2‧對唔住囉！(同類說話：我唔岩;囉 、我衰囉、我錯囉)
女人點解憎：
「囉」什麼？晦氣到死！ 最討厭是加個「咁」字在前頭，「咁對唔住囉？」，一個「」咁字包含了「我唔覺得自己錯但買你怕囉」這十二個字的意思，明激我啦！ 男人說時通常皺眉頭、眼神厭倦，擺明在說「你又來了」，乜我好難頂咩？
建議
用口去表示歉意是低層次的做法，倒不如用行動表示。
唔該比D性格，唔覺得自己錯的話，老虎蟹都唔認錯！唔該比D風範，道欺最緊要誠意。

3‧鍾意嗎？ 我送比你Y！
女人點解憎
因為得個講字，男人總以為講左就等於買左，毋需真的買！ 見我雙眼發晒光仲問，你盲架？ 要我用把口去講我鍾意，即係要我認貪心！
建議
講得出就要做得到！一定要趁熱買，一拖，女人又話你無誠意！ 立即在她面前付款是最方便的做法，但女人最憎呢種方便，唔浪漫。 男人總係唔識送禮物，以為買左然後交過去就大功告成！其實送禮物最重要是點樣交到對方手上，即係心思、驚喜。

4‧使唔使幫你？(同類說話：使唔使車你、使唔使幫你拎？ )
女人點解憎
廢話！ 問來幹麼？答得你我都做完！
建議
女人最憎男人「齋TALKING 」，唔聲唔聲做左先才是英雄
做多無壞，即使自己搞得掂，女人都鍾意男人獻殷勤的

5‧搵日同你去……
女人點解憎
搵日，通常不會兌現
又信口開河了！
你估我係你D客，「搵日出黎飲茶」咩！
建議
女人記性很好，此等不兌現的小事是她日後炒大鑊的導火線
女人無要求的話，男人切忌自動OFFER，無謂製造機會比人CHALLENGE

6‧得架啦！得架啦！(同類說話：掂架啦！掂架啦)
女人點解憎
認屎認屁叻，結果錯漏百出無樣得！
你覺得佢係怕你煩，想塞住你把口，所以吹到天咁大，但其實得鬼！
建議
無希望就無期望，無期望就無失望，實話實說吧！
女人要講野，一定要比佢講；而比佢講，佢先唔講。

7‧明啦明啦 (同類說話：係啦係啦、得啦得啦)
女人點解憎
明個屁，想我收聲至真！
真係明？咁我岩岩講到邊度先？
建議
她在跟你說一些她認為很重要的事，即使你覺得無聊，也請耐心聆聽，硬食吧！
在她喋喋不休時緊握她的手，信我，好快收口。
適當時候發問，讓她知道你在聽；無傷大雅的小事不妨附和，大事情則要糾正。

8‧是但啦
女人點解憎
無要求，無原則，無性格！
你又嫌我煩了！
你寧願SUFFER任人擺布，我諗我真係好討你厭，嗚……
建議
大可拋個波比佢，溫柔地說：「你話呢？」她反而覺得你尊重她
不在乎說什麼，而是在乎怎樣說；男人說話時語氣夠堅定就是說服力，女人自然收聲。

9‧想唔想做起(愛)？
女人點解憎
摸緊先問，遲左D喎！
別懶尊重我吧！
乜你睇唔出咩？
點答你呀？唔好難為我啦！
建議
女人做愛講MOOD，一句說話足以摧毀一切。
不反抗已是默許，醒D啦！

10‧你開唔開心？(類似說話：你HIGH唔HIGH？、我得唔得？勁唔勁？)
女人點解憎
焗住要答開心？
迫人講大話！
乜你睇唔出咩？
建議
抱抱算吧，別生不必要的事端，比機會佢問番轉頭：「咁你愛唔愛我？」
唔提反而唔諗，別「刺激」她去思考，你真係好渣斗！

>>January 26, 2006 at 4:44:17 PM GMT+8

2006 年 1 月 25 日 星期三 【晴】

補充考車日的日記︰

也是經歷、也是體會、也是見證！


筆試日
畢竟未雨綢繆的我，極少行錯路，坐錯車，
考筆試當日，本來坐西鐵係南昌站，轉巴士、或是行過去，
都不超過10分鐘…
但我「聰明」得在美孚轉地鐵，
上地鐵後，我又「聰明」得在荔枝角落車，
但原來在長沙灣落對！
呵！竟然我再「聰明」的轉的士，
噢！作死，時間比坐番地鐵的時間多幾倍，
唉……遲到！以為冇得考，
感恩！！原來同一日考到都冇問題！！
就好似考會考個陣，可以遲o的入呢！呵！！


路試日
遲到…又係遲到，
已經早左起身了！
但又遲出門口………
樣衰的出門口後，冇輕鐵，
跑到上西鐵站又岩岩走左架車，
辛苦的到左太子站後，
要銀行取錢，但櫃員機冇得取，
上去後，部機又有人冇取錢，以致要等一陣……
[編按︰n年前曾取出別人的錢追回給人；但今次唔知是誰的錢，故......30秒內唔取錢，會自動吸番的！]
之後才操一會兒車……
之後……請睇下一篇！


不同環境的磨練下，總會學到不少新課題！

雖然比唔起錢報可以係元朗考的試，
　　但我早了經歷走公路和市區的恐怖！
　　　　成功機會率雖減低了，但價錢也減了不少！

雖然考試諗住自己屎緊(但我可有信心呢！)
　　但這次的喜悅，藉回那天的恐懼！

雖然友人告訴我話我有事才懂得好好禱告，
　　但這些禱告讓我更能感受那些「野」。
　　　　今天以後，盼再抬起頭來，仰望上帝！

--------------------------------------------------------------------------
午飯跟爸爸和他的伙記食，
飯後在車場門口傾了好幾陣說話，
很開心、很高興、很舒服、很……
今天所說的，比2005年全年的還要多！

哈哈！
今天正式跟爸爸說我考車，
因為我明知佢會潑冷水呢！
哈哈！
今天覺得自己在爸爸的心中和眼中
長大了、大個仔了！
他也很喜悅、也替我高興吧！

這幾天，愈來愈覺得屋企人可愛！
雖然我每晚返到屋企佢地訓曬，
我起身佢地走曬！

希望新買的微波焗爐可以加增一些生氣和溝通吧！

--------------------------------------------------------------------------
晚上跟竹小姐買爐而到屯門走走，
中間發生了一段很愉快的衝突，
彼此的認識加深了，
也明白大家心中所期望的是什麼，
謝謝妳！

>>January 25, 2006 at 4:30:20 PM GMT+8

2006 年 1 月 24 日 星期二 【晴】

特別回應︰
想不到KAT小姐會看我的日記。
我也有看您日記，只是沒有機會留言呢！


感謝主！
中五會考，也比不上今天緊張。
又報名、考筆試、學車、操車、考路試，
經歷整整兩個月，
現在可算是放下心頭大石了！！


這次的學習，有以下的結論和體會︰

「金錢」是必須的，
　　　　學牌$548、路票$510、租車$700、車鐘@$120/45分鐘、成功利是$X00

「時間」很重要了，
　　　　每次起碼90分鐘，政府建議要30小時或以上，(1800分鐘)
　　　　以上兩樣是正比的。

「師傅」也要遇上好的，友人告訴我這學院很多師傅唔得，要找那些不吝嗇、願意教的！

「考試場地」是隨機的，友人認為很難考，友人亦認為OK，我認為參半吧！

「考試時間」很重要，若遇上午膳時間，人多車多，成功的機會隨之而下降！

「考官」他們的心情也有影響呢！合格與否，附他以外，無人可以決定！

今天︰
「金錢」的確超出了預算，感謝張小姐、劉老師實際上的支援。
　　　　由於資金上由自己負責(雖然仲未比曬錢)，
「時間」上的付出，比政府建議的少一些，但兩個月內也犧牲了不少呢！
「師傅」很好，感謝鄺先生的介紹！感謝袁師傅的教導！
「考試場地」──天光道(1)，雖有工程阻礙，但也可以呢！
「考試時間」──上午10:25，不遲不早，人車稀少！感恩！
「考官」──X先生，師傅對我說他幾好的！(友人告訴我，有些官必肥人的！)

這次考試完了，除了以上的「理論」外，還得感謝天父吧！
讓我再一次嘗試好好的禱告，感受他賜的平安！
各項的「好彩」，我深信是天父的安排呢！
謝主隆恩！

>>January 25, 2006 at 7:28:17 AM GMT+8

2006 年 1 月 20 日 星期五 【晴】

今天早上的趣事︰

家中有林哥哥和林弟弟，
弟弟很興奮的拍門，
弟弟︰「快o的開門呀！」
哥哥︰「我換緊衫呀，等等啦。」
弟弟︰「我地好幸福呀！！」
哥哥︰(打開門)「點解咁講呀？」
弟弟︰「我地拎左揮春呀！好幸福呀！！」
哥哥︰「(無奈)o下？………(O咀)」
哥哥︰「咁如果無揮春咪唔幸福？」
弟弟︰「係呀！所以聖誕節有聖誕卡都好幸福呀！！」

諗起電台的一位輔導員的說話──
「有人問，幸福到底係邊到呢？
　我覺得預期去問，倒不如去學，
　學下不求擁有得多、但求計較得少，
　用心去愛、用心去付出，
　愛您身邊的人、愛這個世界，
　總有一日發現，幸福，已經係您o既心入面。」

哈哈！小朋友的思想，
也讓哥哥感受到一點幽默、也很有趣呢！嘻嘻！！


同一個早上的另一件事，仍然同兩位的主角︰
哥哥︰「係喎，您考曬試喇喎！輕鬆曬啦！」
弟弟︰「唔係呀！我要讀好曬o的書ga ma！」
哥哥︰「(一臉無奈‧心想)如此年輕的小朋友，
　　　　可以承受的壓力，可以比大哥哥姐姐更強。」

好！輕鬆一點吧！
共勉之！

>>January 21, 2006 at 7:32:32 AM GMT+8

2006 年 1 月 20 日 星期五 【晴】

與大家分享一篇不錯的文章！


【明報專訊】當克林頓的律師自殺後


「每一個指揮官都應該知道，你的部下想知道你關心他們多少，遠超過想知道你懂的有多少。」——美國前駐歐空軍總司令John K. Cannon將軍

93年7月20日晚上，克林頓夫婦的私人律師Vince Foster突然自殺身亡。當時克林頓夫婦正被「白水案醜聞」（Whitewater Scandal）迫埋牆角，Foster正是幫他倆夫婦處理這案件的律師。

任何人都能夠想像，克林頓那一刻所感受的巨大壓力，究竟跟着幾天傳媒會如何報道﹖會說Foster畏罪自殺﹖還是甚至聯想到背後有政治陰謀，不惜殺人滅口﹖克林頓夫婦很有可能從此便被輿論審判，宣判死刑，正所謂「水洗都唔清」。

他的幕僚擔心他倆夫婦會崩潰，總統生涯就此完蛋。換轉是很多香港高官，可能已經滿口牢騷，甚至大發脾氣，抱怨又或痛罵Foster害人不淺。

結果，出乎意料之外，當晚克林頓異常平靜，沒有第一時間忙着為自己與事件劃清界線，他甚至安慰身邊每一個人，嘗試給他們力量，令他們不至泄氣。而最重要的是，他立即趕往看望Foster的遺孀，其手下看到的是，他關心事件對死者家人的影響，遠遠多於關心事件對自己的影響（至低限度表現出來如此）。

克林頓明白到，困擾自己的只是一單醜聞，况且人生一定會有起有跌，但Foster家人失去的，是一個丈夫，一個父親，一個兒子，那是永遠無法挽回的，是一種刻骨銘心的傷痛。比較起來，自己的煩惱可謂微不足道。

無錯，克林頓的最大毛病是愛四處拈花惹草，但他的確感情豐富，關懷體貼，從這件事件可以充分反映。面對如此一個體恤下屬的上司，即使身陷醜聞的漩渦，他的團隊也很快恢復鬥志。

劃清界線 無補於事

一個成熟的政治領袖，除了IQ之外，EQ同樣重要（甚至更加重要）。

要周圍的人對你心悅誠服，就一定要多從別人的處境來想問題，體恤別人的感受，即使那一刻你是如何的委屈、煩躁，甚至憤怒，都是一樣。當有人出了事之後，第一時間為自己劃清界線，即使道理真的在你那一邊，也無補於事，人們只會覺得你涼薄。這是十分「細路仔」脾性的行為。

或許羅范椒芬真的被教改搞到「一頭煙」，滿肚子氣，但她要明白，教育是比起任何專業更講關懷、更重視人的價值之行業，事發之後，學生和教師最關心的並不是責任誰屬，而是他們失去了一位好老師，一位好同事，並為此感到傷痛。挑起責任問題，尤其是說「責任不在我」，無論真實與否，也只會挑起人們的惱火。

事發當天，無論記者如何挑剔，如果羅太能夠都沉得住氣，反而第一時間用行動來關心死者的家人、學生、同事，我想情况一定不會如今天般糟糕。這不是策略的問題，這關乎妳的心胸、情之所繫。

更何况，政治不是辯論比賽。當群眾在傷痛的時候，有理也說不清，愈糾纏於技術細節，愈是愚不可及。政治很多時講的是一種感覺，作為領袖，最終令人心悅誠服的，不是口舌上的聰明，而是你的胸襟、風度、包容、關懷，以及誠信。

中文大學政治與行政學系高級導師─蔡子強

>>January 21, 2006 at 7:21:20 AM GMT+8

2006 年 1 月 13 日 星期五 【晴】

今天返了「正宗辦公室」！
返到office，唔想做野，hea左一大論，
睇左陣news，
先係咁易做少少！
希望可以正常番。

某某媽鼓勵︰工作效率唔係任何時候都維持係80%以上ma。
新聞──今晚返到屋企又睇。

------------------------------------------------------

今日李x仕帶了NDS，加埋水姐個部，
我就多次同教會友人連線，呵呵！
急不及待要買呀！

$$$$$$$……等新年啦！！！

----------------------------------------------------------

今晚「兩袖清風」！
早左返屋企，今晚要早o的訓。
但係……早極都一點幾，
很開心，今晚終於剪曬o的手、腳甲，
舒服曬！！

點解？因為我驚比人鬧，半夜三間係到剪，
呵呵！！！
-----------------------------------------------------------------

午餐同竹婷食，撞到個同學仔，
得知原來元朗大馬路的「萊x河餐廳」
不是租約期滿而執，而係老闆要賺多o的，
改做「聚龍x火煱」，哈哈！

------------------------------------------------------------

最近發生的事比想像中有點正常，
因著各樣也很正常而心中覺得有點唔正常，
是禍是福？God know(s)！

----------------------------------------------------------

祝福您！
新年快樂！

>>January 13, 2006 at 5:16:10 PM GMT+8