2006 年 7 月 1 日 星期六 【晴】

星期日

感謝 竹婷 的寬容！
感謝 小融 的支持！
感謝 自己 的努力！

早上︰工作、聚會
下午︰工作、小組
晚上︰旺角遊
凌晨︰好好的安息！

>>July 3, 2006 at 4:58:00 PM GMT+8

2006 年 6 月 30 日 星期五 【晴】

恭賀香港特別行政區回歸九周年！

為著今天的「七一大旅行」，
係一個星期前已經計劃，
工作要早快點！要放紅日！去旅行！
結果，做唔曬野都要去玩左先，
今日最後都係返1700-2100~~共係1節。

大尾督旅行，
昨晚睡得不太好，所以初段活動都唔太投入，
但突然醒覺︰「我要投入！」
於是深呼吸便一同唱詩歌、盡量投入玩遊戲，
站在「行政」立場，覺得有o的位可以點點點、咁咁咁，
一定會好o的！~~
但係，今日要自己站係「參加者」立場，
所以就要多點欣賞！

哈哈！遲到、塞車，到之後的唱詩、遊戲，
午餐又非常豐富！
與竹婷講價租平單車，heeheehee~~

午餐
菠蘿/獅子狗+腸仔、吞/火腿+三文治、餅乾+麥芽糖、
仲有好多唔識的食物，真係好豐富！
下次基福旅行試下唔燒野食，都唔錯！
最聰明的是，帶利賓納+水，沖給大家，
簡直係十個醒！！！

踏單車，同竹婷玩一架大車，
一個字！勁！~~~~比多個字！勁累！~~~~
但係真係好舒服！~~

快樂的時光過得特別快！
之後就返元朗了！
竹婷連街都唔行，要返去休息，
可想而知有幾累、有幾熱呢！
而我…唉…
仲要返office吹冷氣，都唔知好定唔好！
不過，已經盡量清o的野了，
真係有說不出的忙碌！

可是，這是我最享受、最精彩的時間！yeah！
------------------------------------------------------------------------
總結過去的一個星期，
如「納塔」社工姐姐 所說，
真係「有o的事」。

總之就傷呢！
或許需要點時間，
待傷口癒合；再之後，
待信心回來了，才回復正常！

又如一般基督徒的路，
在很「起」、很「高」時，
總會有o的事情發生，
跨得過，就再等下一個；
跨唔過，靠唔得邊個。
唉…三失，
失敗、失望、失去！
--------------------------------------------------------------------
【公vs私？】
《法政先鋒》其中一幕，
Tim sir與他的爸爸，tim著他爸爸看醫生做手術，
要佢去「私家醫院」做，唔好係「政府醫院」排期，
理由是︰
「我們負擔到，就去私家醫院，
　不要浪費政府資源，得其所用，
　幫助那些有需要的人。」

之後都思想過呢個問題，
原來去到呢個位，境界再不是「要縮數！、便宜！」
當然，仍有些人的思想是
「服務較好！」、「我有錢！這是身份象徵。」等等。

事實上，公營服務水平已媲美私營機構，
但當然資源上，後者較充足呢！
也就是「一分錢一分貨」！

哈哈！
看事情，要有深度！
「帳單」只是反映事實，但「精要」所在，
是要從「心」而發，也就是愛！
外人難以計算和曉得的！


※回覆納塔︰
　謝謝您的關心！
　如日記內容，的確有些事；
　盼像驟雨的雲，轉眼便過！

>>July 1, 2006 at 4:03:59 PM GMT+8

2006 年 6 月 24 日 星期六 【晴】

即管記下幾件事情呢！

【今天】
六月份的最後一個星期日了！
最近心情有些複雜！身體也有些小問題。
星期日永遠也是最忙的！
聖經問答遊戲的紀念品是「自製紀念書簽一張」
呵呵！又慳錢、又精美、又靚！

【午餐會】
今天下餐本邀約了『主日兵團』的兄姊，
一同傾計、討論、分享、食飯，
可惜，只有不足一半的團員出席，
不禁覺得有點失望！
程序表出左兩個星期、團長又致電通知，
可是又大部份人都冇話唔得；
A君叫B君走，但B君又知道自己要留係到…
佢地又唔好意思，原來我又唔係咁滿意！唉…
又唔係要比面我！又唔係我約大家！
都唔知係大家冇心，或是係XXXX呢？！

【會議】
下午的會議，討論了週年晚會、紀念品的事情，
我以「很有建設性」來形容這次會議，
抱歉的地方︰我再次主導了…

【晚餐】
晚上應竹家邀約晚飯，
哈哈！一家人看電視︰鑑證先鋒、美女廚房、恐龍XX3、新聞、世盃
哈哈！很精彩！很一家人的感覺！
或許實在太喜歡熱鬧了！

【工作】
我的工作，不只是「行政及社區幹事」
我的工作︰
文職工作、音樂教學、活動策劃~~
三大範疇的！
如果really full pay，我諗我前途無可限量！
因為我做緊一o的我可以做得好o既野！
而且呢o的都係我想做的！

竹福您！也竹福我！

※最近很早訓，但現在才發現，現在已經1.45am了。

>>June 25, 2006 at 5:41:44 PM GMT+8

2006 年 6 月 23 日 星期五 【晴】

似乎作病，累！

>>June 24, 2006 at 3:58:54 PM GMT+8

2006 年 6 月 23 日 星期五 【晴】

曾蔭權不脫推銷員本色
黃偉國　新聞工作者[email protected]

曾蔭權上任一年，傳媒對他這一年的表現有不少議論。
不久前，曾蔭權訪問雲南，其中一段小插曲最令港人會心微笑。


在會見雲南省長時，曾蔭權的手機突然響起，他連忙關手機，還自作解嘲道：「找我的一定是我們香港賣廣告的。」這次公務失儀全程由本港電視台拍下，也許令特區政府形象失分，但也令港人感覺像一下子跟行政長官拉近了距離。
手機在不適當的時候響起，我們每人都經歷過。一般人的應對方法大致有三種：一、如果坐在面前的是老闆或初次約會的異性，必定毫不猶豫狠狠關掉；二、如果眼前人與自己地位相若，多會說聲對不起，然後匆匆聽電話請對方稍後再致電；三、如果面前是下屬或老夫老妻，則會當他透明或「熟不拘禮」，聽電話談多久都沒關係。

懼怕被人遺忘
曾蔭權在重要公務會談不關手機，按社會學理論分析，原因至少有兩個：資訊焦慮或懼怕被遺忘。前者指現代人不懂怎樣有效篩選和接收資訊，面對排山倒海的資訊只能被動地吸收，疲於奔命，以鮮活的廣東話演繹即「執輸行頭慘過敗家」。後者指人們不敢把手機關掉，因為懼怕別人找不到自己，不僅擔心失去機會，心理深層還有憂慮自己被社會遺忘的恐懼感，最重要是顯示自己「百足咁多爪」。
曾蔭權自喻為「孤獨的推銷員」。在香港大眾文化中，推銷員代表醒目仔、「執輸行頭慘過敗家」及「百足咁多爪」。這不正是曾蔭權在手機事件中的角色扮演嗎？


讓人感覺浮誇
推銷員的形象是手上沒有傳統精英學歷但永不言敗，這是港人一貫推崇的價值觀，也是香港的驕傲。（香港商業成功，但大學生人口比例遠比歐美國家低。）曾蔭權聰明地運用推銷員比喻，一下子變成了「香港之子」，拉近了與市民距離。但，勢利的文化社會學家永遠看不起推銷員，即使成功的推銷員也只被定位為社會階梯的中下層，而傳統精英如醫生、教授等卻位於中上層。這與收入無關，成功推銷員的收入也許比醫生、教授多，但文化社會學家重視所謂的「文化底蘊」，像法國人說，培養一個上流社會紳士需要三代時間。
中央和曾蔭權的關係也相類似。曾蔭權是典型的香港醒目推銷員，他被傳媒攝下吹口哨的輕佻狀後，即辯說是吹國歌；會見雲南省長途中手機響起，第一時間把責任推給濫發廣告的商家。但想深一層，以口哨吹國歌，在保守的中央領導人眼中，是尊敬還是輕蔑呢？他根本沒有聽過電話，又怎能判定是濫發廣告？會不會讓人感覺浮誇？

變成不識大體

曾蔭權這種作風，在旺角街頭是積極進取，在保守的內地官場則可能代表「難成大器」，只能像推銷員般，永遠位於勢利階級劃分法 的中下層。蛛絲馬 是，有報道指，年前曾蔭權與當時的國家主席江澤民共同出席一個國際會議，曾蔭權透過江澤民的隨從要求單獨會見，江澤民即不悅道：「這人為甚麼這麼不懂規矩？」這種港式打工仔進取，在北京高層眼中卻變成「不識大體」了。
再拉闊點說，中央與香港的關係，某種程度來說是「天朝大國」對「化外南蠻」。北京一方面欣賞羨慕香港的經濟成就，一方面卻打從心底 看不起港人「歷史文化基礎薄弱」，要在政治上支配香港。「一國兩制」的設立，代表了北京承認香港經濟和管理比內地優勝，因此需要有兩制；但中央又不斷要提醒港人「一國」是前提，「兩制」是補充，中原即使貧窮也要統治富庶的南方。因此，中央與曾蔭權/港人的關係，仍不時會顯露這種衝突：天朝大國VS化外南蠻（或保守官僚VS經濟活力）。

>>June 24, 2006 at 2:35:38 AM GMT+8

2006 年 6 月 22 日 星期四 【晴】

那個詞語，就是讓我知道，
您仍然放不低，
也不能原諒，
或許，這將會成為我永遠的包袱，
充滿盼望！但仍有失望。

forgiveness

>>June 22, 2006 at 4:40:05 PM GMT+8

2006 年 6 月 17 日 星期六 【晴】

父親節快樂！

琴晚去左屯門仁愛堂打保齡，
路過某間藥房，賣的紙巾(前幾天提及的)，
竟然是$21.50！簡直係全港最平！！！

哈哈！
父親節快樂！

>>June 18, 2006 at 2:25:44 AM GMT+8

2006 年 6 月 16 日 星期五 【晴】

又一個星期了！
前天開始「修心養性」！
改善一下頹廢的生活習慣。
來得不錯！

『鬼叫我窮呀，頂硬上！』
所以唔知幾時開始，做左【一級縮數王】！


【『tem?le』牌】市價︰$22.5-$24
細碼36包裝(原味、茉莉花味)賣幾錢嗎？
繼上次係屯門發現$22.5(最底價)後，
終於係元朗搵到lu！
元朗大馬路、投注站、恆生銀行隔離的藥房，
都係$22.5！最新發現！！

【超市購物】
八達通公司推出「日日賞積分」優惠後，
如果您係「x康」、「屈x氏」購買，
先用信用卡付款、再用八達通"草"分，
可以獲『雙重積分優惠』呀！！
前者唔要膠袋的話，每$25可節省$0.1(最高$1)
<但記得信用卡要有信用！每個月都要找曬數！>

呵呵！！！！
如果有人請我做格價專員，
我諗我都會做得幾稱職！heeeeeeeeeee~

>>June 17, 2006 at 1:23:58 AM GMT+8

2006 年 6 月 16 日 星期五 【晴】

【此篇文章評論港聞‧冇趣者毋須收看】
近日，立法局議員要求加薪及增加福利或津貼等，
全港市民無不嘩然！
加薪七成？！離曬譜？！

先不說贊成或反對。
全職議員的工作，我相信每天不少於十二小時，
至少每週一次的「例會」、身兼區議員身份的月會、
又或是會見市民的當值時間…
工時不比打工仔少，
當然！為民請命，冇計！
一分錢一分貨嗎？

事實上，議員薪金除左自己咬之外，
還需要支付地區辦事處租金、職工，(部份當然可以向政府支)
節慶又要搞活動、唔做宣傳又唔得！
因著時間關係，又冇道理要慢慢「格價」！
做議員好嗎？好！除非賴賴閒啦！

講返薪酬個邊，
議員提出加薪動議後，
議員的活動、工作即備受關注！
如果唔出席立會會議，就比人話唔稱職，冇理由加薪！
如果唔出位o的，又比人話唔做野！又冇理由加薪！
如果唔做福利、活動，又比人話冇著數！下次唔投票比佢！

-----------------------------------------------------------------------------
哈哈！講返轉頭，
自己的崗位上，有時真係好尷尬！
為要在「數簿上」得到最低價，
便要支付更高的「信息費用」(經濟學用語)，如︰時間成本等，
做唔到「最低價」，就會比人「比意見、xxx」，
總之，難、難、難！

加薪嗎？得！
但係您記得，本來返朝十晚六，您最好返到朝八晚十，
如果唔係？呵！呵！呵！！
『衡工量值』
只好慨嘆︰「以前最好︰『做又三十六、唔做又三十六啦！』」
現在︰『做到就三十六，做唔到就六個六！』

您的老闆、老師、父母，對您『衡工量值』嗎？
或許精明的您早已習慣了！冇曬所謂了！

>>June 17, 2006 at 1:14:40 AM GMT+8

2006 年 6 月 12 日 星期一 【晴】

呵呵！想不到自己也會有機會睇波！
網上都可以呢！HEEHEE~~

今天︰因為琴晚太夜訓，
所以今朝柯屎+沖涼後，
用極速由屋企跑去西鐵站，
跑到、追到、趕到，但係就好辛苦！
之後要係M記休息一陣，先復原得好o的！

半早，同工會會議，
哈哈！今期要提昇(棒)的人…！

下午，飯後便出發St.John總部，
同友人練習包紮和溫書…
足足兩個鐘，食少少野就開始考了！
呵！或者真係太耐冇考過試了！
非常緊張！希望過關啦！
點都好，終於都過左件事了！

休息到七月，再續！

>>June 13, 2006 at 4:23:05 PM GMT+8