2006 年 3 月 18 日 星期六 【綿綿細雨】

今日崇拜係文綺帶，我上台和歌，唱到其中一首歌，叫 "願諸天歡呼歌唱" 時，覺得好感動呀！歌詞主要都係讚美神，每一句我都覺得好正，係呀，神就係咁架喇~ 我居然唱到有o的眼濕濕，好耐都無試過喇，感謝神觸動我！

午飯就同好大班小組組員食，慶祝阿富，bonnie同埋billy三個人的生日。短短的時間，但係大家都傾得好開心，希望以後繼續有多o的喱o的驟埋o既機會啦~

再之後就係足球比賽，對手係天虹。結果我地在領先4球的情況下，.......輸左4:5。
球隊已經連輸好多場喇，要講的都講左好多喇，要提的意見都開重複又重複喇。究竟我地應唔應該升上甲組呢？
anyway，首先都係要做好眼前的功夫，練習要充分，心態要正確，團隊要合一，其他的，留待神去開路吧。

想一想，今日都幾充實喎~

>>March 19, 2006 at 3:46:49 PM GMT+8

2006 年 3 月 15 日 星期三 【晴】

今日多空堂，但係都係無停過。放學仲要直踩到4點，幾時先可以放鬆下呢？


尋晚睇有線電視的創世電視台，有個外國的 "x"光明牧師(唔記得最頭係咩字，譯音黎的)講洗禮的意義。
佢講得好有系統，係解經式的講道，但係裡面會滲住福音性質，我好受喱種方法架，覺得好正。
其中佢講到洗禮其中一樣野係無論你用咩形式，洗禮都係全然的浸入，唔係淨係手或者淨係腳，而係全身的；即係話，係全人的改變，唔係單單某部份的改變，我聽得好感動。

求神每天都給我儆醒，讓我知道怎樣過全然受浸的生活，阿們。

>>March 16, 2006 at 1:37:21 PM GMT+8

2006 年 3 月 12 日 星期日 【晴】

今日的心情好起伏呀......
本來同敬拜隊傾email傾得好好地，仲諗住第日點樣點樣努力練習，點知突然收到家能的壞消息，個心真係為之一沈。
我真係好後悔，我無好好咁關心我地o既戰友，等到有事的時候先至發覺，真係太遲喇。
其實諗深一層，戰友跌倒，我地大家都有責任。
o係而家喱一刻，都覺得無咩可以做，唯有o既就係祈禱，我地大家一齊發出合一o既禱告啦。

主耶穌，我讚美你，因為你創造萬有，你又創造了我們，叫我們有生命的氣息；叫我們可以享受你手所造之物，讓我們豐豐足足，滿有恩典。你又讓我們可以用我們享受的方式去事奉你，叫我們在你手中得以一天一天的成長。感謝你從來沒有放棄我們每一個，因你是信實的。求主繼續保守我們的敬拜組，我們經歷了很多事情，傷心過，流過淚；失望過，又曾經灰心。但我們倚靠你的時候，必要跨過重重的困難，將得勝的榮耀歸給配得榮耀的天父。阿門。

聖潔：
「聖潔不是神秘的臆測、熱心，或無節制的苦修，聖潔是思神所思，願神所願。」
- 布朗

>>March 13, 2006 at 3:19:51 PM GMT+8

2006 年 3 月 11 日 星期六 【暴雨】

又隔左幾日無寫日記，要努力先得喇，首先寫番星期日o既事先啦~

今日開組好多人都番唔到，不過都有我地6個core o係度。又聽見大家講靈修有進步，真係好喇，大家加油呀~~~

今日下午有羽球打，好開心~
不過夜踢波練習取消左，好失望~~
我地連輸左幾場喇，練波又唔多，真係唔樂觀。講真，我覺得輸or贏並唔係最重要，而係覺得大家有無盡到力。唔單止在比賽的時候，而係連平時的練習都係。我除左音樂，真係好熱愛運動，更加喜歡競賽，因為o係競爭的裡面，人可以盡全力，可以將潛能發揮，無論最後係贏定輸，滿足感都好大。
大家努力o的啦，唔好成日都懶懶閒啦好無？

>>March 13, 2006 at 2:57:20 PM GMT+8

2006 年 3 月 6 日 星期一 【陰】

唉， 週末真係好快過，都唔知有無抖過的。
尋日的小 組幾特別呀，皆因從未試過有咁多男仔番架喇，係有史以來最多男仔架喇，有我啦，仁、阿富、billy同埋第一次一齊開組的阿堅，嘩，5個喎，利害！希望我地時時都可以咁齊男仔啦~
剛剛買左本新的靈修書，主題係彼得。睇左佢個背景，真係有o的感動。其實佢的事蹟我以前都知道，不過而家再睇番，記番起佢點樣由一個滿有自信，自以為是，去到人生跌入低谷，然後再被主堅固，成為早期教會的舉足輕重的人物。一路而來，佢的人生有起有跌，但係佢的忠心向神的心就越來越堅穩，最後更為主殉道。佢的人生真係有好多值得我借鏡的地方。

為異像至死忠心，希望我從彼得身上，真真正正學到什麼才是忠心。

>>March 6, 2006 at 6:40:35 PM GMT+8

2006 年 3 月 2 日 星期四 【晴】

haha, 又俾人催添~
外評完左都一星期喇，不過唔知點解無咩「放鬆哂」的感覺。日日都係咁諗仲有咩係未做的，開始覺得自己的記性真係越黎越差，唔通真係咁快衰老？......
今日唔知點解，o的靈感係咁黎呀，不過而家我都仲未有動力將佢寫底。不過我都同 神講，話如果係佢俾我的話，就俾我記得到啦，如果唔係o既，就由佢唔記得喇~
今日o既靈感主要圍繞住「耶穌能夠......」，melody就出左兩種style呀，一個係輕快的，一個係慢慢地、由沈變光帶點拉丁味道的，唔知日後有無機會出到o的野呢？

今個星期日開唔到敬拜組呀，不過我都好想快o的開得番呀，因為我地好耐都無聚埋喇~~

>>March 3, 2006 at 4:05:21 PM GMT+8

2006 年 2 月 23 日 星期四 【晴】

yeah~~~ 終於完成外評喇~ 雖然仲未知結果, 但已經鬆哂喇~~
本來仲諗住要俾人問話，點知去到最後都無搵我呀，太好喇，感謝主！
今日都做到6點幾先走，去左tst鬆左一陣，突然間o係聽緊一首歌的時候聽到咁樣o既歌詞：「......我選擇自己喜歡的......，.......我放棄了對自己最好的......」陳綺貞o既歌呀，平時我都成日聽架喇，不過唔知點解今次聽突然醒覺到喱兩句歌詞。
反省左一下，覺得真係講得好中﹗我地成日都係揀左自己最鍾意o既，但往往就因此放棄左 神為我地預備最好o既事，結果受害的都係自己。真係俾我有好大的提醒。

>>February 24, 2006 at 3:19:49 PM GMT+8

2006 年 2 月 21 日 星期二 【晴】

總算過左一日喇~~ 今日我已經俾人睇左堂，過程好順利呀，yeah~~ 感謝主~~~
亦都好多謝大家的代禱呀~~
總算鬆左一口氣，雖然我唔知結果係點，但係我唔理架喇，盡左力就得。諗o係上黎真係要講多次感謝主！因為今日要教o既野本來一早準備好左，但當我尋晚再準備的時候，居然俾我發現有o的野係錯的！咁我就即刻改啦，仲諗住朝早要通知埋其他同級的同事，點知番去時知道今日得我係俾人揀中睇咋~ 嘩，如果我大安旨意靠其他人的話，今日就可能教錯野出洋相喇~
聽日唔會再俾人睇我架喇，到其他同事驚喇，希望大家都可以順利過關啦~
聽日仲要同外評o的人開會，加油呀(我同自己講)！

>>February 22, 2006 at 3:16:42 PM GMT+8

2006 年 2 月 20 日 星期一 【陰】

呀，停左幾日無寫日記喇，一黎係工作太忙，個人好累；二黎都係因為工作真係好忙，怕寫出黎大家睇黎睇去都係三覆被 :p
不過阿二鼓勵我寫，咁我就寫啦~ 唉，由上星期開始，每日番學都係朝7晚5咁樣，搞到成身都腰酸背痛。因為今個星期學校外評，要準備好多野。
聽日就係第一日o既觀課喇，又唔係太緊張o既，不過係覺得煩囉。因為我仲係 pe panel，仲要同外評人員開會呀，要俾佢地問話。聽人講，佢地問話就好似審犯咁樣，會令人好難受的，希望喱幾日可以順利o的啦~
大家得閒，又記得的話，幫我代禱啦，我諗我都好須要 上帝o加力俾我去過呀~

>>February 21, 2006 at 3:15:17 PM GMT+8

2006 年 2 月 12 日 星期日 【晴】

好耐無去區聚喇，今日o既感覺都幾好呀，開頭分組分享o既遊戲都認識左其他小組的弟兄姊妹，傾得都幾開心。
以前區聚，十個有十個都識得咁滯，而家就唔同喇，居然唔識o既有一半。漸漸發覺同教會o既感覺唔同左，或者係因為教會不斷的發展，又或是自己無做組長好耐啦，雖然而家keep住在敬拜隊事奉神，但係都有少少疏離o既感覺。
以前可以話出生入死o既組員，而家一個一個做左教會o既領袖，我都為左佢地而自豪，亦好感恩神大大的使用佢地o既材幹。記得果時我地敬拜小組開組分享，我地話希望將來每一個都可以成為獨當一面的事奉者。我有時都可慚愧自己無同身邊的人一齊努力，人地就勇往直前，我就且戰且退。
不過，真架，我的好朋友，你地每一個都係我的鼓勵，只要我見到你地仲o係度，我就會有動力向前架喇，加油啦大家!!

>>February 12, 2006 at 4:20:37 PM GMT+8