2006 年 3 月 20 日 星期一 【晴】

時間真係好短...
今日d時間好唔夠用...

朝早上九點特別autocad班, 十一點又要同組員跟lecturer傾coursework, 之後中午又要prepare下午個presentation...食完飯又要為黎緊個live project 去send email 比唔同既organization...下午rehersal之後就present, stay係學校到七點幾, 夜晚除左去左elsa home食飯and 傾星期五領詩外, 其餘時間都係要prepare live project d 野...

講開又講, 有時真係唔明我個國內男同學, 唔知佢點算, 亦唔知將來點同佢合作...
今日presentation係有我加兩個國內同學& 5個local英國老外...

本來上個星期已經講好今個星期二大家上完堂大約十二點會有個meeting, 唔知係咪我個國內同學英文唔好, 定係佢開會時發夢, 今日中午竟然無出現, 大家打佢電話又無人聽...結果佢miss左睇個present 個ppt既機會...(到左下午rehearsal時, 雖然佢有到, 但因我地間房無電腦, 佢再一次睇唔到個ppt)結果到真正presnt時, 佢因為整ppt個人改左佢d slide, 再加上佢本身英文係有限公司, 攪到present得唔係咁好

之後佢仲有d怪個執ppt既人呢....事後問返佢, 點解中午睇ppt時佢唔出現, 佢話自己唔知道要開會....所有人都知, 淨係佢唔知.... 而佢話因為自己係lib, 聽唔到電話....

其實本來佢可以補救到, 如果十一點有同lecturer傾coursework, 我同佢係組員, 我實會提佢...點知....ai.......(其實唔單止佢一個無出現o個一個傾coursework既一堂, 本來我o個組有6個人, 唔知點解得返我同另一個印度組員出現, 有d 憫!!!)

大家應為我可以點同佢合作得好呢?

+++++++++++++++++++++++++++++++++++++++++++++++++++++
唔講d憫野, 今日發現世界真細小小小, 尤其係學術界既圈子
今日同本系一個國內黎ge prof傾開, 原來佢同prof li (bu geog 前dept head)好熟, 而佢都識老鄧(我bu 論文supervisor, 右面o個度有佢個樣)and系內面其他dr.呢! 哈哈, 突然有d莫名既興奮!!!

+++++++++++++++++++++++++++++++++++++++++++++++++++++
p.s. 真係要同alex wong say sorry, 今日太忙, 安排亂左, 搞到你咁都有d唔好意思....

>>March 22, 2006 at 1:59:16 AM GMT+8

2006 年 3 月 19 日 星期日 【陰】

在"家"千日好, 今日就成日係hall渡過...

開始睇論文reference lu,
開始要努力d!!!!!
唔好比自己停!!!!!

繼續積極落去...!!!!

>>March 21, 2006 at 1:05:13 AM GMT+8

2006 年 3 月 18 日 星期六 【晴】

今日遲左起身, 返,唔到church>_<, 對自己都有d不滿...
好左下午到夜晚完成左自己既目標, 成功做完份功課, 有返d心情
今次係o係wilson個hall度做野, 大家一齊為功課努力, 感覺唔錯, 有返以前係香港同其他同學溫書時既感覺...
到左夜晚2點幾至係佢個度返黎, 都好似係第一次o係英國咁夜既時候仲係條街度...行行下有d肚餓, 好想去7記買野食呢...........諗下好la, 哈哈!!!

>>March 20, 2006 at 4:02:17 AM GMT+8

2006 年 3 月 16 日 星期四 【陰】

今日帶查經, 內容是包括耶穌再來及末日的情形, 過程總算順利, 心情愉快~~~~

尋晚發左一個好特別既夢, 背景係around四年前, 我仲係中學生既年代...
時間係一日既清晨, 大約六點幾...
我知道個一日係中學既last day, 係間房度執緊野...心情好興奮, 好想快d返到學校去見其他同學, 一齊影相, 一齊踢最後一場波...
跟住阿媽入左房, 同我講左一d語重心長既野...跟住我就出門口lu....

好懷念...以前中學時代既日子, 無憂慮, 大家同學沒有利益關係, 友誼真摰...

好想再一次上鄭老師既堂, 同佢"辯論真理"!!!!
===========================================

中午時候同alex and ronald討論佢地上hong kong soc支莊既事, 希望以過內人身份比d意見...
===========================================
兩件都指出: 年青無憂既日子正無聲, 但急速地離我而去

>>March 18, 2006 at 12:40:33 PM GMT+8

2006 年 3 月 15 日 星期三 【陰】

這幾天看報紙的時間比以前長了很久, 明顯是受到九鐵的事件所影響. 事件峰迴路轉, 滿以為事情告一段落之際, 又有一震撼消息出現.....

今天終於把更改宿期的信件交到學校, 以意味著我將會於六月回港. 回港後還要多多在dissetation上努力. 今次決定回港寫論文, 並非因為我捨不得香港, 而是題目與金錢問題...回港寫文可以為家多省一萬元呢...趕快完成, 趕快找工作...

很久沒在晚上單獨弄飯吃, 以往獨個時當常只弄米粉或即食麵, 原來微波爐做米飯也很方便呢! 不必要飯煲了

吃完飯一邊做功課一邊聽光良, 感覺也很不錯

>>March 17, 2006 at 12:37:31 AM GMT+8

2006 年 3 月 14 日 星期二 【晴】

有一段時間沒有以書面語來寫日記了, 有點擔心回港後不懂寫作呢!

一個星期才一次日記, 真係覺得自己有點懶, 說是日記, 倒像週記多一點...

31/3教會將有一佈道會, 而會中將有一短劇, 而我會在劇中演一不信且不重視福音之人
雖今天只是15/3, 離佈道會還有十多天, 但已是第二次排劇,可見各人也很認真, 為佈道會勞心勞力. 我們到了becky家商討刻中細節及採排, 排劇時大家有說有笑, 拉近互相的關係, 感覺很特別, 有一點像回到香港為團契事奉.

突然想到小時大家全心全意為中團令會/週會事奉, 大家從早到晚都埋首作工, 見團友的時間不比見父母少呢! 可惜人大了, 事務日漸煩多, 亦可能是大家的效率提高了吧! 到高團的時候,週會可能只是一天的傾談, 只負出數個小時的準備...而大家亦缺少了相交的機會...

可能是香港人太忙罷了...
每週五天工作......我正等待著你呢!

>>March 16, 2006 at 12:07:20 AM GMT+8

2006 年 3 月 7 日 星期二 【雨】

唔知點解有一個好低b既習慣, 就係自己無聊既時候就會用google 或者yahoo search 下自己個名, 睇下自己有無係呢一個花花世界留低過一d痕跡...

今日無聊一search搵到以下既一段留言:

+++++++++++++++++++++++++++++++++++++++++++++++++++++++++++++++++++++++++++++++
我是張瑋伶 我要留言給鄭啟軒
我不知道這樣算不算是愛情？其實我知道你很喜歡我，卻老是視而不見。傷了你的心，我真的很抱歉。剛開始，一方面我對自己沒信心可以給你帶來快樂，另一方面又怕你只是一時興起。對於感情我很少涉獵，也懷有很強的不安全感。我只是想一味逃避著你，但經過這麼久的時間了，我心理成熟了，可以坦然面對你對我的愛。希望你再給我們兩人一次機會，可以讓我愛你好嗎？
時間： 2005年8月3日
+++++++++++++++++++++++++++++++++++++++++++++++++++++++++++++++++++++++++++++++

唔知鄭啟軒有無睇過呢一段留言呢?

而我又係唔係鄭啟軒呢?

唔知自己up咩

>>March 8, 2006 at 7:27:01 PM GMT+8

2006 年 3 月 4 日 星期六 【晴】


由德國多蒙特返左黎都有一兩日lu, 今日開始認認真真開始返d工作...(雖然下午都去左睇波)

德國比我既感覺唔錯, 雖然我去既地方比較多工廠, 成日都會見到d煙囪, 但感覺上德國既人對community呢一個概念比較強, 會比較重各人互相關係...而今次令我印象最深刻並非一d好外形好特別既建築, 而係一個housing project, 呢一個proj係一個church團體發起, 係比女性租住, 裡面個community 會互相幫忙, 各展所長, 令到整個proj唔係only provide住宅, 而真真正正叫到各人有一個家, 有一個屬於自己既安樂窩...

今日聽到一個令我呆左一陣既消息, 一對本來將會結婚既情侶分手. 雖然我唔知到呢件事既詳情, 但令我諗到, 究竟有d咩野係真係咁重要, 大家萬不能互相遷就呢?定一係人大左, 反而變得更保護自己, 唔肯去為對方付出呢?

相簿: Click Here

>>March 6, 2006 at 12:31:46 AM GMT+8

2006 年 2 月 24 日 星期五 【乍雨乍晴】



攝於roman bath


又有成個星期無寫到日記lu, 呢排都好似好懶呢...

講返今日, 今日同argon, wilson, alfred 同ronald佢地落左bath行一日(bath最出名有roman bath同彭定康), 基本上bath既景點都行左, 有royal cresent, circus, queen's square, the building of bath museum, roman bath, river avon等, 雖然佢地對bath既印象一般, 但我返覺得bath 建築比較特別 (georgian style), 而在urban design角度睇, 亦予人一充滿生氣之感(起碼唔會到處都係victorian terrace, 全英一樣咁鬼悶)...都要多得前人john wood既努力呢....而roman bath 則予人一神秘/神聖之感, 雖然唔係好大, 但我地都花左差唔多成兩個hr去行呢...

不過今日衰在好好好好大風, 搞到行得都好辛苦, 好攰下....

之後返cardiff到china china 打邊爐, 好enjoy呢!!!!!

聽日出發到dortmund field trip, 但完全無以前去malaysia興奮既心情...
anyway, 希望個trip既學到野有好玩la!!!

相片已放於:
http://community.webshots.com/user/chaihin_cardiff_3

>>February 26, 2006 at 2:16:03 AM GMT+8

2006 年 2 月 14 日 星期二 【雨】

眨下眼, 做完功課返hk已經係一個月之前既事lu...仲記得上個月15號一早起身出town買野,之後坐車出london...呢個月都係過得幾快呢...

今日又係day off, 係hall 都唔係做左好多有建設既野...淨係prepare左星期五bible study同埋執返sem 1 個d notes...而家好似成間房吉左好多咁....

要快d投入返sem 2 既學習ar!!!!

>>February 16, 2006 at 2:58:05 AM GMT+8