2006 年 5 月 20 日 星期六 【晴】

第一次比個site叫我快d寫日記...如果唔係會del我個acct

呢排既生活除左功課就係sleep...
都真係無咩等別...
日日都係a.m.1-4點係學校返hall 訓...
到朝早9-10點起身...
呢d生活真係....
不過都係時候捱下ge....

今日leeds vs watford, 升班附加賽...見咁情況, 特登去city centre買d野比jason...佢鐘意leeds (唔知而家仲係唔係呢)
可惜leeds 輸左

話時話, 英國而家真係好早出太陽, 今晚返hall時4 點都未到, 天都光光地la...
一日成16個鐘都有光...4am - 10p.m.
真係d時間到見使d

>>May 22, 2006 at 3:35:50 AM GMT+8

2006 年 5 月 5 日 星期五 【晴】

都真係有好幾日無時間去寫日記...忙d咩野?梗係為左份功課煩惱la...
而家差唔多日日都係lib做野做到天昏地暗至返hall, 係hall既時間(除左訓覺之外)真係少至又少...
d人問我點解無la la走咁遠去engine個邊溫書...其實除左佢開24小時又有野晚餐可以食之外(不過味道就...)
我覺得最重要係有朋友一齊溫, o個一個感覺真係好好...
返觀我呢幾年最要既考試/.論文既時間,我都係同一d朋友仔係自修室度過...
f.5 會考: 九龍中央with吉川&朗(成日去怪獸堡打機)
f.7 a level: 灣仔洛克道自修室with jason, so, ivan, ar 柴, 雞仔, 佳, 奶媽等...(中記食飯團)
yr 3 論文: 香港大學圖書館with so, jason, 佳, (有時都有ivan)...(食swire can, 打邊爐)

而家回想起呢d時間, 真係好正......hea下溫下做下又捱過左...
所以, 我都想搵d o係cardiff值得回味既野......

>>May 7, 2006 at 1:45:54 AM GMT+8

2006 年 4 月 30 日 星期日 【晴】

又到五月lu...近呢幾年五月, 我既icq/msn info都會將自己個名轉做"五月軒"...
haha

不過今年五月又真係幾特別, 因為五月天真係去左香港紅館開演唱會呢...
好可惜...自己仲係cardiff

不過聽到各個朋友都異口同聲話個演唱會好正好high, 我都好開心ge...
"鄧"大家高興ma...
希望返到香港都會有機會再睇到la...




我好想好想飛　逃離這個瘋狂世界...

到最後, 紅館都無熄燈呢...haha

要努力努力...

>>May 1, 2006 at 7:18:10 PM GMT+8

2006 年 4 月 25 日 星期二 【晴】

而家係英國時間22:55...仍然係graduate centre既comp room同功課搏鬥中....(雖然今日有好多時間都係本hea咁過)
寫緊research proposal...要係好短既時間裡面要睇好多本來未接觸過既野...吃不消...
個腦開始唔係好function到...又係個d foucault, government, power...其實都係返炒緊上一年hon proj d 野...

呢排都問唔同人同一條問題: "你覺得我勤唔勤力呢?"
竟然有d人會話我係勤力讀書既一group....
大家識開我既朋友....唔好笑...你都知我份人不嬲有幾hea....
只不過時勢迫人o者

今日學校open day, 突然見到好多人, 都有d唔慣...
呢度ge open day有少少似fun fair多d...
d counter巾遊戲玩...好多人係學校草地野餐...仲有架雪榚車係main building門口添...
真係culture唔同...

>>April 26, 2006 at 9:56:12 PM GMT+8

2006 年 4 月 24 日 星期一 【微雨】

今日玩左一個遊戲, 就係cardiff takeaway一日遊...
目標係做around十份問卷, 而家都差唔多ge...
目標就係發questionnaires 比唔同既shopkeeper做...
多謝ar raul同edmund...無左佢地既幫助, 我今日既旅程都唔可以咁易成功...
thx a lot....

另外有一個問題, 究竟做論文跟邊一個supervisor好呢...?
究竟係老外好, 定係國內人好?
個老外好似係regeneration方面既專家, 但感覺上佢可能會唔係太care d學生...
個國內教授之前係香港讀phd, 對香港有深d既了解...仲要同prof. li, 鄧生都有d交情...

好難決定....
一切要到星期四同老外傾完至有答案...

>>April 25, 2006 at 11:58:22 PM GMT+8

2006 年 4 月 23 日 星期日 【陰】

又有幾日無寫日記lu...不過其實而家寫唔寫都唔係好大分別, 因為日日都係如是, 日日都係起身就hea一陣之後就study, prepare之後好似好恐怖既功課...

差d都唔記得左yesterday係星期日lu, 尋日好好呢, 因為起到身返church...不過聽道時不斷釣魚...
之後去左西河飲茶, 原來西河d野平過好相逢, 而家好相逢d水準咁樣, 都真係......

之後去左wilson 度study 到11:00

至於今日, 開始落筆寫份功課...進度都ok...
今日心中有團火(呢句學wilson講), 12:00到arts and soci sci lib做野, 之後到6:00返左hall一陣, 夜晚又到main building做到11:00...覺得夏令時間都真係幾好...(8點幾仲未天黑)

今晚係咁聽以下呢隻歌
(其實好明顯係上年比同房感染左...個時一日可能聽到一兩次)

++++++++++++++++++++++++++++++++++++++++++++++++++++++++++++++++
方力申 -- 其實我想

我也想可與妳　愛到無意睡
一起坐到　這窗邊觀察一點水
我也想親吻妳　以妳流過的淚
閃出妳　找得到快樂的證據
妳可知道
沒有誰人做得到
不哼一句　心底裡一早知妳好
妳可知道
尚有無窮盡旅途
明白一切亦太早

＊　若我不回頭　不要當我不想愛妳
想牽妳手　我先要學會飛
若我不回頭　不要當我不需要妳
只想有天可以背負妳　＊

我也想找半晚 到妳懷裡睡
身邊有妳 一起抵擋雨打風吹
我理想於哪裡 叫我游到很累
很需要 幽幽的慰問一兩句
我不知道
熱吻何時做得到
把握不夠 今天我不可使妳好
我只知道
若有無窮盡旅途
誰亦可以待妳好

△　但我不回頭 不要當我不想愛妳
想牽妳手 我先要學會飛
但我不回頭 不要當我不需要妳
只想我懂得去為妳　△

Ｒeｐeａt ＊　△

只想我　懂得去維護妳
++++++++++++++++++++++++++++++++++++++++++++++++++++++++++++++++

不過今日都睇到一個唔係咁開心既消息, 就係馬國明(一個自學ge學者)結束左佢一間專賣英文(學術)書書店既生意...
仲記得上年有幸到中大sit佢既lecture, 好佩服佢雖然年前中左少少風, 但仍用心咁教導學生...見到佢都幾樂在教學之中...雖然我同光仔都唔係完全認同佢所講ge野, 但係佢都算能夠將一d好深ge野經過佢消化之後再好好咁present返出黎...我都算係幾享受佢既堂ga...咁又一年有多呢......我都有去過間書店幫襯過ga...而家本書都係cardiff ga....

d 人成日話香港好多機會, 好多空間發展...點解一間一百尺既書局都容納唔到呢

++++++++++++++++++++++++++++++++++++++++++++++++++++++++++++++++
馬國明 閱忘我‧閱快樂 2006年4月24日


【明報專訊】馬國明，一個售賣英文學術書籍的書店老闆，閒時喜愛閱讀現代西方學術思潮的著作，心血來潮時會在報章撰文，表達他對一些社會現象的看法。人生中最令他回味的時刻，便是暢遊在寫實主義、存在主義、馬克思主義，以至法蘭克福學派的理論書籍當中，甚至樂而忘返。可惜，時移世易，英文理論書籍的黃金時代一去不復返，眼看有興趣在課堂以外閱讀學術理論書籍的年輕人日漸減少，蘊藏豐富知識的好書漸漸乏人問津，馬國明亦只有無奈地搔搔頭，吐出兩聲嘆息。究竟那些滄海遺珠，何處覓知音﹖

「香港人的閱讀太實際」

1984年，大學畢業不久的馬國明開辦曙光圖書公司，專門售賣從外國訂購的英文學術書籍，書店雖小，但仍能維持生計。可是，近年購買學術書籍的人逐漸減少，加上身體抱恙，他決定將書店關閉。

這20多年間，馬國明從一名酷愛馬克思主義的青年，成為一名熟知新左派學術潮流的學者，他對閱讀學術理論著作的熱情猶在，但願意接觸當代學術思想的學生卻不斷減少，他只能嘆息﹕「香港人的閱讀太實際了﹗」他形容香港人的閱讀心態是「即食」，「就像購買股票一樣，一定要賺」，例如，幾年前在香港大受歡迎的《心靈雞湯》和《Tuesdays with Morrie》(《最後14堂星期二的課》)，「某程度上它們是『即食』的，讀者在閱讀後能夠即時得到啟發，永遠是最受落的」。然而，有深度的書本往往需要讀者再三細嚼，才會有所領悟，融會貫通。他以個人經驗作比喻，在10多年前，他獲邀請寫一部關於20世紀著名德國思想家——班雅明的著作，當時他以為自己對這位思想家有相當的認知，再次翻閱之時，以往一知半解的概念才真正貫通。

“閱讀是無法即時吸收，要到某一刻才可真正領悟，就像收音機，當你要接收某一個信息，必須慢慢調校才能收得清楚，過程中有雜聲是必然的事。”

如果奉行「即食」心態，學識永遠不會昇華至更深的層次。馬國明認為，通識的精神本可打破這種實際的想法，所謂學問功夫，細水長流，根本不能講求即時成效。可是，當通識成為一門學科，問題便出現了。他指出，要成為學科需要有兩個標準﹕一是有清楚的研究對象，二是有特定的研究方法。以歷史科為例，歷史的研究對象是過去，研究方法是參考客觀的歷史記載。反觀通識，它既沒有研究對象，也沒有理論根據，「『通』即不局限，什麼也是通識，同時又什麼也不是，根本站不住腳」。而且，通識將會成為考核科目，既有考試，必定講求成效，最後還是與通識精神相違背。「將通識變成學科，這是典型香港式思維﹗」

“有人認為小說只是虛構的故事，對讀者無甚裨益，其實小說並非為了啟發讀者，而是反映社會現實，是一種生活體會，在不同人生階段閱讀，自有不同的體味。”

閱讀對於馬國明，從來不是為了應付考試或幫助學習，而是豐富人生體驗和享受那種渾然忘我的投入感覺。由初中時代開始，他便喜歡閱讀英文書籍，特別是經典文學名著，如狄更斯的《孤雛淚》、《塊肉餘生記》，大仲馬的《基度山恩仇記》、《三劍俠》，史蒂文生的《金銀島》等。

70年代末，剛入讀大學的馬國明正巧遇上「火紅」的學生運動，主修歷史的他深受「存在主義」和「馬克思主義」思想所吸引，經常沐浴於尼采、杜斯托也夫斯基、班雅明、卡夫卡等的文學小說與學術理論之中。

停學一年流連圖書館 「寫意之極」

大學三年級那年，他更向學校申請停學一年，「當時的歷史系主要是訓練學生教授歷史，學不到什麼，苦悶之極，我想﹕『不行了﹗快要畢業但什麼得着也沒有，不如自己專心看一年書。』」馬國明形容停學那年是人生中的閱讀黃金時期，飽覽了很多馬克斯主義和西方學術流派的書籍，「當時生活很有規律，8時多回到中大圖書館閱讀，直至下午3時左右才離開，有時旁聽自己喜歡的科目，寫意之極﹗」其他人或許認為馬國明不切實際，白白浪費了汲取工作經驗及人生經驗的好機會，但他卻不以為然，能夠找到一本令自己真心折服的書，並且享受閱讀的樂趣，是需要時間和空間的。

文︰單健茵

>>April 25, 2006 at 12:44:10 AM GMT+8

2006 年 4 月 20 日 星期四 【晴】

今日起身之後就去左main building繼續perpare自己既research proposal...都睇左d野ge, 不過自己好似好快就tired, 總共都唔係睇左好多既文...睇日又要努力努力
之後返church, 個人都呆呆地...
功課功課...我要快d搞掂你地ar

+++++++++++++++++++++++++++++++++++++++
節儉行動開始...要儲多d$遲d去玩呢...

今日終於都食左之前唔係好捨得食既鮑魚麵...一口氣食左兩個呢...
多謝你地送機時既禮物!!!!

>>April 21, 2006 at 11:47:58 PM GMT+8

2006 年 4 月 18 日 星期二 【雨】

今日ko左死亡7cw的第一份, 亦都係咁多份之中最短既一份....
雖然之前唔係好辛苦, 但係自己目標既時間內完成, 今晚都比自己一個藉口輕鬆一下, 食完飯都鋤左一陣dee

終於有論文既supervisor, 佢叫prof. alan hooper, 五十幾歲...
之前都比佢教過兩三堂, 佢講ge野我唔係好明ga.....而佢o個一份cw, 亦都係我目前為止最差既一份....

Prof. A. Hooper

都有少少驚, 希望黎緊個幾個月同佢合作良好la....

至於今朝早同牧師做訪問, 過程無問題, 但出面落雨,而我又坐單車去, 攪到成身濕晒.....>_<
不過之後沖涼個一下又真係幾正

>>April 20, 2006 at 1:04:07 AM GMT+8

2006 年 4 月 16 日 星期日 【晴】

尋日星期日, 心情真唔係太好...
朝早起唔到身返church, 返唔到復活節崇拜, 仲miss埋人地既浸禮, 覺得自己好無用, 意志好差...
但傾完電話之後, 心情都好返好多...
大家真係要努力努力....

今日星期一, 開始為返自己既功課訂立目標....
要係星期三之前完成一份功課....
之後要用十日時間完成個proposal, 再用多十日去完成另一份功課....
一步一步去做好d功課, 咁就唔怕ga la!!!!
一定會成功! 比d信心自己!!!

++++++++++++++++++++++++++++++++++++++++++++++++++++++++++++

六月十七到二十四日..... 我等緊你呢

++++++++++++++++++++++++++++++++++++++++++++++++++++++++++++
to 彤: bristol同cardiff好近, 一個鐘火車啦! (cardiff係bristol既西北方)
另外, 你真係會過黎uk讀書ar?

to carol: 生日快樂

>>April 18, 2006 at 1:15:40 AM GMT+8

2006 年 4 月 11 日 星期二 【晴】

經過yesterday既外遊之後, 今日都要投入返d功課裡面...

今日同groupmates約左一個council o個邊ge人黎做interview, 之前都有dd緊張, 因為咁大個仔都好似未用過英文去訪問人...佢係印度人...結果都唔錯, 係個幾鐘ge interview都有d得著, 不過因為要好集中, 個人做完之後都有d累...

話時話, 我覺得我個groupmate真係無咩責任心, 之前個幾日都搵唔到人(send左7-8個email比佢都有ar!), 唔知佢得唔得閒黎interview, 結果要到今朝早至contact到佢...真係無咩搭"拾"...希望佢之後會有改善la....

食飯之前係alex屋企睇左一陣潮爆大狀, 好耐無睇港劇lu, 都ok好睇ge
(又好覺得鄭少秋有d動作好似鄧生....haha)

早幾日睇文見到"lingua franca"呢一個term
好懷念dr.周鎮城
仲記得yr1 同阿聰&英姐+偉上完pe堂之後係咁走cs chow既堂



地理, 地方既道理

>>April 12, 2006 at 11:21:25 PM GMT+8