2005 年 11 月 9 日 星期三 【陰】

今日做既野其實又係無咩特別, 都係一起身就睇下articles, 寫下文...因為下個星期既兩份功課開始殺到埋身...

不過我其實都唔算好驚呢兩份功課(相對之前個一份), 夜晚都有成班一齊食飯, 玩下橋牌...
今晚餐飯整左焗豬腳, 效果一般, 下次都係整返焗肉排算...

而今日開心既野就梗係manc終於收到我既禮物...仲要係兩件一齊到.... :-)
d禮物睇落去好似好貴, 但其實又唔係咁貴ge, 所以唔使擔心我洗左好多$$
希望你會鐘意呢一份有得戴, 有得食, 有得聽又有得睇既禮物啦! (雖然遲左一日)....

haha.....

>>November 11, 2005 at 2:11:17 PM GMT+8

2005 年 11 月 8 日 星期二 【晴】

今日係三週年lu...三年前係星期六黎ge...仲好記得個情況係點樣呢...
今年大家都要自己過, 真係有d唔開心...你就同d衫玩遊戲, 我就要同d書玩捉迷藏...大家都唔好受, 尤其係我o個份禮物仲未到你手...





兩年前喜來登...



上年, 黃埔海逸...(原來我兩年都著同一件衫)


今年, cardiff 宿舍...


都真係有d灰...

真係好希望6月既來臨...

我都唔想等, 但都要學去等...

學習三週年快樂......

好懷念洪水橋的星空......


p.s. 好左夜晚個燉羊肉好好食...心情好返d...橋牌比wilson食五注...好過份

>>November 10, 2005 at 12:07:53 AM GMT+8

2005 年 11 月 7 日 星期一 【雨】

今個week 係reading week, 所以今日又係day off...
不過day off所做既野都無咩特別, 都係要開始prepare一吓下星期要交既兩份courework....
都算幾多野做, 有d想唔do...
但都係逼不得已去左lib study左陣, 其間都同基基icq左一陣...佢都就返hk lu, 我都好想返呢...

3:00鐘多d返左hall, hea左一陣, 突然間肥佬打電話黎 (其實我之前都想打比佢, 但唔岩時間), 同佢都傾左一陣, 都希望佢會睇開d, 重新振作...

4:00打比manc...因為佢個邊十二點, 到左9/11...
三年lu................
仲有好多個三年要走, 大家要一齊努力...


夜晚都係幾個hk 人一齊食, 不過今日台灣人阿mei都黎左, 仲整左個台式鹵雞肶, argon開頭聴左做"外星"老雞肶, 都好搞笑!



三週年快樂!!!
下年我一定會係香港同你渡過9/11
p.s. 希望郵包能準時送到....

>>November 9, 2005 at 12:32:41 AM GMT+8

2005 年 11 月 6 日 星期日 【晴】

今日早起去左lib一陣, 跟住去左飲茶...

今次飲茶的combination有點特別, 因為除左我, argon, wilson, florence, lily 四個香港人外, 仲有兩個台灣人及一個國內朋友, 佢地都係florence and lily 的同學...
(liliy and florence係香港人, 來cardiff讀international public relations, 分別住係我hall既二樓同一樓)

大家係度講下笑, 教下佢地香港常用語 -- 粗口(最勁都係florence, 唔關我地事)...我就表演下畢生係五月天歌之中學返黎既台語(e.g. 我唔知, 憨人, 我有我的路...), 仲發現其中一個台灣人都好鐘意五月天!! 我仲問左五月天新歌-- "麥來亂" 點解添!! 係解 "唔好搞亂檔" 既意思!!! 坐坐下坐到天黑至走 (其實都係四點多d o者), 都期待下次再食多幾次飯, 問多d台灣野, 因為我都真係好想去多幾次台灣!!!

不過今日歡笑既背後都有d失落...




十一月七日, 畢業禮...

三年既時間...

quote返三年前曹老師一句: "你未來三年所得的, 一定比十二萬(42,100x3)更多..."
三年...話咁快就過了...
呢三年有苦有樂...但苦的都忙了...甚麼上莊的辛苦, honours project的折磨, 現都叫人回味...

仲記得arthur一開頭坐我隔離上workshop(好串個樣), year 1 sem 2一齊成班 "横間道", 一年開50幾次莊會, 當然唔少得係LT3第一日吳校長帶領大家唱校歌同戴上"bu"襟章...呢d野都叫我一生難忘

雖然我真係好掛住呢三年同各同學出生入死既時間, 但係我唔係淨係識緬懷過去...而係珍惜, 珍惜現有的人和事...

雖然睇黎呢度同我想像中有出入, 看似香港所有野都比cardiff 好...但我都要學習一個功課, 就係去珍惜cardiff呢度既野, 即使係叫我唔開心, 失落既事


今日點返兩首歌比大家聽, 希望大家一生都會記得呢兩首歌..





浸會大學校歌


南天海角 獅子山前 我校聳立輝煌
中西結合 昌明學術 世界新發光芒
盡心盡性 立己立人 基督榮名孔揚
緬念前猶 任重道遠 相期澤普流長

成功道上 披荊斬棘 師生奮發圖強
大學得成 秉肩昂首 先賢宿願得償
學海無涯 博大精微 永恆真理導航
敦厚崇禮 關懷社稷 桃李古道熱腸


開頭都對呢首歌有個疑問..."點解首歌會咁唔岩音既...?" 但而家每次聽到呢首歌, 都會慢慢諗下個歌詞...

記得早幾年有人問謝校長(我唔sure佢個時退左休未)對於削資既看法, 謝校長回應: "浸會從來都未有過資源充足的一日..." 仲有係謝校長"學院頌"一詩內記著浸會是如何從困境中創造資源...一聽到呢首歌既時候, 就會諗起前輩的辛勞, 亦會覺得慚愧, 因為我地呢輩, 都只係識坐享其成罷...


另一首歌係一首詩歌, 我係英國深深被呢首識左好耐既詩歌感動




我的感謝

每次看到風暴漸臨，烏黑天空聚雨雲，
曾在暗暗責罵，恨這憂鬱氣象，
從來陰風暴雨最悶人。

今天我要感謝父神，賜我教訓望雨雲，
明白雨會降下，然後天邊放晴，
沒有雨季誰會愛晴空？

每次我要孤獨遠行，看看身邊沒有人，
曾在暗暗自憐，恨這淒清景況，
離別家鄉自會記舊人。

今天我要感謝父神，賜我教訓念遠行，
明白旅客遠遊，然後家鄉嚮往，
沒有遠去誰會愛回家？

我的主！讓我經風暴，
曾讓我隻身過荒野，遭試煉您扶助，
危難我不驚怕，能不驚怕！
我的主！讓我經黑夜，
曾讓我隻身走千里，
主領我歸家，我衷心感謝，讚美！



"我的主！讓我經風暴，
曾讓我隻身過荒野，遭試煉您扶助，
危難我不驚怕，能不驚怕！
我的主！讓我經黑夜，
曾讓我隻身走千里，
主領我歸家，我衷心感謝，讚美！"

呢幾句足以令我臉上出現兩行熱淚...之後再重新振作得力!!


希望大家都會鐘意呢兩首歌....


p.s. 多謝各位同學三年來的支持...特別多謝今日有問到"鄭啟軒點呀?"既人
多謝老鄧, 如果係bu識唔到老鄧, 我今日一定唔會係咁, 一定唔會係cardiff讀緊書

p.s.2 今日開icq見到吉川回我既message...原來大家都係差唔多時間記起對方...我之前到左cardiff都突然諗起佢...真"橋"...原來大家都無忘記大家...我都記得"數你"隻歌同我所講過既野...
呢個fd我已經識左十年有多lu......佢亦都曾經係我最好好好好好既死黨.......好耐無見, 希望我下年返香港能重拾友誼......(我呢排仲有諗起劉家耀, 肥tim佢地呢...好miss個時f.5 last day去左旺角据排)



十一月七日... by 正式告別浸大的軒

>>November 9, 2005 at 6:44:41 PM GMT+8

2005 年 11 月 5 日 星期六 【陰】

尋晚玩得太夜, 今朝一起身已經係10:35, 趕唔切返church, 都有少少失落...

之後都係o係房度hea下, 睇下文, 之後又整下呢個日記, foward比d fd, 咁又一個下午...

4:00去左睇manu vs chelsea, chelsea終於輸波, 以後個league都應該好睇d ge...

夜晚又係一班人食飯, 都無咩特別又一日lu.....

p.s. 今日都有開心事, 因為阿偉佢地成班影完畢業相係cafe食野既時候都打左比我, 都傾左成半個鐘. 知道大家近況, 替大家開心...記住我六月就會返hk ga la, 希望到時會同大家一齊去下cafe, relax下, 開心下la.... 仲有七個月o者!
希望大家聽日畢業禮玩得盡情d la....


p.s.2 應該差唔多可以confirm 大約15/12會去london玩下, 希望到時多d人一齊開心d玩!!!!



post下自己張畢業相當自己去左畢業禮

>>November 7, 2005 at 10:32:39 PM GMT+8

2005 年 11 月 4 日 星期五 【陰晴不定】

今日起身hea左陣就去左一個叫bute town既地方site visit. bute town 以前有好多ethnic minorities同比較窮既人住, 但經過cardiff bay redevelopment, o個個地方都加入左好多唔同元素, 有tourist attraction, shopping 地方等 (占士份文都係study bute town, 佢會知道多好多)



雖然有6位組員, 但因為人多, 好難discuss, 所以最主要都係我同另外一個indian女同學discuss, 都practice 到英文...今日都好大風, columbia大褸正式登場!!!

之後同占士係學校bar睇左陣rugby, wales對new zealand (係millennium stadium打), wales慘敗...好左d人都唔係好激o者~~~~

p.s. 收到bu一信話有d著數野, 但同阿包商量過大家都認為係流野...無開心, 都無唔開心, 都知道呢世仔同著數無咩綠ga la

>>November 6, 2005 at 3:53:29 PM GMT+8

2005 年 11 月 3 日 星期四 【晴】

今日星期五, 一起身見到個天氣好唔錯, 點知轉過頭去整早餐既時候, 個天就開始落驟雨....但原來過雨都唔係唔好ar, 因為落完雨之後個天出現左條好靚既彩虹!!!!!!!!!!真係好清楚見到個rainbow既頭同尾ar!!!!



中午本來去同其他同學開會, 但點知好快就傾完, 之後我就去左我國內同學, 小崔度食午飯lu...
佢地整既野好好食, 有五個餸!!! 仲有個羊湯同羊肉丸, 好開心呢!!

下午去左同成班cardiff u hk人加norman 同 raul (church團友) 去左centre行左一陣, 都無咩收穫...之後就返左church 團契, 今日係我正式第一次返團契, 因為之前星期五都有野做返唔到, 淨係返到崇拜...今日返到去都幾開心~~

夜晚12:00我都同成班香港人(wilson, florence, vincent, alex, ronald, argon...)再加埋我既housemate印度人去bute park 放煙花, 雖然d煙花唔係太得, 但都算幾靚ge...玩得都好enjoy ar





>>November 6, 2005 at 11:47:13 PM GMT+8

2005 年 11 月 2 日 星期三 【乍寒還暖】

haha, 我既日記終於面世, 仲記得year 1 o個時自己其實都寫過下net diary, 不過之後好快就無再update lu....

今次點解要開返? 純粹係raymond 既一句"不如你自己開返個la"令到我都真係想寫下而家係cardiff既生活....

今日終於交左係cardiff既第一份hw, 其實真係做得好唔好, 但都算la, 始終都係第一份o者...

今晚出面都幾大風, 令到wilson and argon (香港人) 兩個晚飯常客唔黎, 不過我之前都叫左阿raul 同 candice (church朋友) 黎再加埋alex florence 五個人一齊食.. wilson佢地唔黎係佢地損失...因為今晚又有大大焗肉排食...haha之後都玩左一陣bridge, relax下la...

今晚同阿carol都skype左一陣, 原來佢都有d咁既諗法ge, 都真係估唔到佢經歷左d咁既事....

manc呢幾日都有d重要既事要決定, 希望佢有適當既決定la...

>>November 7, 2005 at 12:31:44 AM GMT+8