2011 年 12 月 3 日 星期六 【晴】

又到左12月,對一般文職人員黎講係一個好開心既月份黎,因為12月有好多聖誕活動,又多公眾假期,係一個普天同慶既大日子,而對我作為一個餅師黎講,12月係一個忙碌既月份,大量既聖誕buffle,中式婚宴,fullhouse既餐廳,9小時既工作時間跟本冇可能完成到晒排山倒海既攻勢,
很累
但只返到屋企,同自己喜歡既人傾下閒計,食下公仔麵,睇下電視,一整日既煩惱都消失晒,
希望聖誕節快d完結,一個有31日既聖誕節.......

p.s.
過路的朋友,我相信現在寫blod的人一定少了,因為人們已經習慣了將身邊發生既事第一時間放上facebook,朋友又第一時間回應,很互動,但我敢講,兩個月後一定已經過記了自己既發佈,因為每天不斷的chat不同的事,不同的題目,我相信好少人會返睇自己既facebook,睇返自己既內心世界

5504

>>December 4, 2011 at 2:56:11 AM GMT+8

2010 年 9 月 6 日 星期一 【晴】

好偶然既一個留言,令到我今日決定寫日記
對上一次寫日記已經係上年既5月喇,其實我之前寫既日記好多時都係我唔開心既回憶,而寫日記係我自我治療既一個好方法,傷痛過後重生面對未來,
而呢一年幾黎我過得好充實,時間過得好易.好快,因為我每一日都過得好開心,因為我身邊既人都好鍚我好關心我,而最重要就係我再重新投入新既一段感情,經歷過之前既錯拆,令到我知道我自己本身到底係需要d咩,同埋點樣先可以好好地去表達自己內心既感覺,同自己心愛既人去分享一切,
一個人行得太快,向住自己既所謂理想不顧一切咁衝,雖然做到自己既理想,但好有可能會錯過左生命中好多珍貴既事物,偶爾將步伐放慢,細心留意一下身邊既人與事,學習珍惜自己所擁有,係我最近領悟到一個好重要既道理
今日寫到呢度,有,我有時間會寫多d,留俾幾年之後自己睇^^

p.s.路過的朋友,多謝你的留言,祝你生活愉快,有機會我都想看看你的日記

5323

>>September 7, 2010 at 3:12:17 AM GMT+8

2009 年 5 月 18 日 星期一 【晴】

咁大個仔都係第一次親眼睇到流星,唔知向住流星許願,係唔係真係會實現到既呢??
今日我一個好朋友件歌有d唔開心,就搵左我呢個過來人黎傾下計,吐下苦水,咁佢既經歷同我既都好相似,我完全了解同明白件歌既心情,兩年幾既感情,開始轉淡,當出現新既衝擊,感情出現了選擇,理所當然地新鮮感比任何舊有既事物都來的吸引,我第一次見到件歌咁down,一個樂觀到不得了既人變到咁,佢真係好鐘意對方,但相戀係相方面既事情,單方面既努力又點可以彌補到令一方不斷地將關係破壞......
我地就係坐左o係海邊傾左兩個鐘左右,依!!咩黎架!!咁光既,件歌就話係咪流星黎?哦原來流星係咁光咁特別既,一瞬即逝,都唔夠一秒就消失左,真係估唔到會見到流星,希望流星會帶幸福俾件歌,連埋我果份都俾埋佢
飲野,又係因為飲野......真係害人不淺
依~~~舊既日記又有返喎,件歌,睇多次我既日記啦咁

>>May 21, 2009 at 4:02:06 AM GMT+8

2009 年 5 月 16 日 星期六 【晴】

一個鹿兒島和牛DINNER,價值$1188,四道菜,頭盤煎帶子,南瓜忌廉湯,和牛可以揀西冷,牛柳或者
肉眼,甜品就係芒果拿破崙,今晚依然非常之咁旺......我覺得,香港洗得起錢既人依然生活得好豐盛,經濟差最受影響始終都係D窮人,經濟負增長,D樓價仲貴過08年,唉......
P.S.木木三睇黎與佛有緣.......

>>May 17, 2009 at 1:57:58 AM GMT+8

2009 年 5 月 15 日 星期五 【晴】

舊日記冇晒,唔緊要,一切一切我都已經記O係心入邊,包括開心唔開心既

我到底係唔係一個笑匠呢??今日有個同事新哥問我,E~~你塊面D暗瘡好返好多喎,我話係呀,佢又問我點解既??我就話:我既青春期已經完結左喇,佢就抱腹大笑喇,我講堅個喎,佢仲笑得犀利D,咁當然我有一個秘方先至有咁明顯既改善(想知既親自問我),唉,26歲既我,終於進入後青春期了,唔知~~~會有幾長呢,期待期待
好感動的MV唷,不要錯過哦
不知道......聽完之後,會讓你想起誰呢
五月天 突然好想你

4085

>>May 16, 2009 at 3:42:12 AM GMT+8

2009 年 4 月 14 日 星期二 【晴】

螢之光
早兩日無線播既日劇[螢之光]大結局,入邊既女主角小螢終於可以同佢鐘意既男仔o係埋一齊,離開左好關心,好支持了解小螢既部長,但同居之後, 小螢雖然好高興可以同佢心愛既人一齊,但同個男仔生活上有太過大既既差距,小螢唔能夠將最自然既一面展示出黎,令到相方都有重無形既壓力,最後,男方提出分手,因為他太愛她,想令她做回自己,在一個短暫既夏天,小螢由暗戀,到鼓起勇氣接近對方,一齊約會,表白,同居,到分手,到左秋天就搵唔到螢火蟲既蹤影,直至明年既春天結束既時候.......小螢再次返到同佢一齊生活左一個夏天既部長身邊,小螢終於發現到自己最需要既野一早已經出現o係身邊,只係俾自己既幻想蒙蔽了而已,小螢以最自然最舒服既一面同部長一齊生活落去

>>May 16, 2009 at 2:36:52 AM GMT+8

2009 年 4 月 11 日 星期六 【晴】

終身學習~~
終身學習,真係有需要......
木木三又教曉左我一件事,佢用過來人既身份分析返俾我聽,又令到我了解到自己既不足之處,有d事情既處理既深度唔夠,耐性唔夠,經驗唔夠,
唉,好撚難呀diu le,真係煩撚過西呀(唔好意思,我唔咁講好難令人了解到我心入邊既無奈感無力感)
每日最享受既時間,就係放左工,岩岩落車返到屯門,聽住mp3,吹住海風,睇住天上既滿月,慢慢咁散步,一段完完全全屬於我自己既時間,可以既話,我想和我心愛既人一齊分享咁美妙既一刻啦


>>May 16, 2009 at 2:40:19 AM GMT+8

2009 年 3 月 31 日 星期二 【晴】

宿醉過後,她的聲音,樣貌都沒有印象了,依稀記得黑色長頭髮,黑色外衣,深藍色牛仔褲,黑色cons,纖瘦既身形,剎那間的情感,太迷人了,在強勁的音樂節奏下,在五彩繽紛的激光下,在煙霧迷漫的舞池內每人都盡情的舞動身體,在沉悶的世界裏完全釋放出來,非筆墨所能形容既超快感,至死方休......
泳兒,海鳴威 - 我的回憶不是我的

3934

>>April 2, 2009 at 2:55:02 AM GMT+8

2009 年 3 月 29 日 星期日 【晴】

平日返工放工,放假就行街打機睇戲食飯,日子平淡咁過,我既人生係咪就係咁既呢
以前我唔鐘意睇電視劇,因為我覺得好浪費時間,以前我情願打波打機,但依家唔知係咪心境老左,冇咁熱衷於打機,反開始鐘意煲劇,原來用心煲劇,對待人接物都有幫助,點接法呢咁?我都仲係做緊實驗,希望多d練習既機會啦,
春眠不覺曉,處處聞啼了,最近訓極都唔夠,我覺得唔係睡眠質量降低,只係自己少左做運動,新陳代謝慢左,有時間要跑下步先至得

>>March 30, 2009 at 3:42:35 AM GMT+8

2009 年 3 月 24 日 星期二 【綿綿細雨】

最近懶了,寫的很疏,不好意思
o係我好失落既時候,kitkit同我咁講:[做人為左d咩呀,為左開心之嘛,就係咁簡單,見到你唔開心,做朋友既,都會同你一齊唔開心,都唔想你成日都唔開心,就係咁之嘛]我覺得我自己好幸運,身邊既朋友都好支持自己,好warm,我感受到架,放心,kitkit 呢番說法已經成為左我既座右銘
依家既我好享受同人一齊既時間,包括同屋企人,朋友,同事,都有唔同既感覺,唔同既心情,唔同既快樂,用唔同既身份去做自己,好過癮,以前冇呢種感覺,諗返轉頭,以前錯過左好多美好時光,依家我會盡全力去享受每一個時刻,每一個生活細節,每一種細膩既感覺,一個不完全既成年人,就好似楊丞琳既[半熟宣言]咁,[正在變　我擁有兩個世界]
我覺得貴價既食材未必人人都岩口味,例如......黑魚子醬,鵝肝,藍芝士,佢地有好獨特既味道,黑魚子醬我覺得好腥,但腥中帶咸,令人回味,鵝肝係入口即溶,甘香非常,個蘇味我就唔太接受到,配返黑醋汁或者士多啤梨既話就ok喇,藍芝士就有種尿素咁既味,習慣左會令人欲罷不能,以上所講既味道,係好特別,但俾我揀既話,我情願食個至尊漢堡,來得簡單直接,我冇食家既耐性,又唔想學d人扮食家

從此世界多了一分鐘 - 麥浚龍

3881

>>March 25, 2009 at 4:24:52 AM GMT+8