2005 年 11 月 4 日 星期五 【晴】

尋晚做功課做到好夜~今日勁無精神呀~
放學番到黎打左篇日記~就即約會周公
同周公傾左陣偈~佢就黎搵我啦^^
其實同周公傾偈時撞到佢都唔係第一次架啦
呢排兩三日就撞到佢一次~
係學校發白日夢時又撞到佢
番到屋企會周公時又見到佢喎^^
依家相信 日有所思夜有所夢 呢句說話啦~呵呵呵

所以~會周公時撞到佢既機會比撞到其他野要高
雖然係現實同唔到佢一齊~但係係夢入邊就可以喎
夢入邊既一切就好似照住我想既咁~一模一樣
不過醒左之後成日將夢境同現實混埋一齊~
以為自己得左啦~終於同到人地一齊啦~
刷完牙洗完臉~原來空歡喜一場~~
不過都好既~發甜夢點都好過發惡夢呀
唔通真係係夢入邊都比人請食檸檬咩=.=
我先唔制呀~YO

>>November 4, 2005 at 10:53:49 PM GMT+8

2005 年 11 月 4 日 星期五 【晴】

今日~的確係一個好唔同既日子~發生既事太多啦
前幾日~發生左一件大家都唔係咁開心既事~~~~~
MRS LING無上半堂科學堂~因為佢要去開一個特別會
下晝時比佢訓話~其實~作為一個老師~佢係唔錯架
作為一個導師~佢更好~不過~卻遇一班唔係咁好既班
今日第一次見到佢喊~我地同佢純綷師生關系
咁都可以為左我地而喊~我感到光榮~為大家光榮
但係班同學就一而再再而三咁帶比佢好多好多
令到佢唔開心既事情~但係佢都無感到絕望
仍然覺得我地有希望~有一位咁既班主任好難得
MRS LING可能你無機會睇我日記~不過~
我真係好想同妳講 :多謝妳 恕我唔敢親口同妳講

放學之後~做錯事既同學向大家道歉~
途中有同學笑=.=有咩咁好笑?
人地只係唔想諗番件事~先用一D字眼去代替
雖然佢有錯~但係都當住大家面道左歉啦
係人都會做錯事~只係你做既錯事多定少
做既錯事係大錯定小錯~不過
即使你做既錯事有幾大都好~都總會有人原諒你架嗎
唔會所有人都因為你做錯野而排斥你
但係~改係應該~知錯能改最好
唔好因為有好多人原諒你~你先至改
要抱住因為有人原諒你~而去改過
走既時候~我搭左同學膞頭一下
唔知佢知唔知係我啦~但係我呢個動作真係遲疑左好耐
我唔知應唔應該咁做~因為佢不時都係玩人一族
起初有種抵佢死既感覺~不過~我最後都係決定咁做
伸出我既手~比左我覺得係既鼓勵佢

尋日做MISS LEE既功課~做完就打日記
打完就去訓~點失眠=.=唔知幾夜先訓著左
今日番學成日咪住對眼(無解~太累)
上堂都係度瞌眼訓~小息仲訓著左
不過比呀魚叉頸叉醒左~可惡呀=.=
又到惡魔WU既堂~更加眼訓~實在頂唔住
不過唔可以瞌著~唉

唔知係唔係時間耐左呢~依家無咁避人啦
夠僵堂堂正正係人面前走過~好既第一步呀
希望以後都可以咁啦~望多兩眼最好~哈
雖然佢好似唔鐘意我咁呀~不過我唔會放棄既
never give up呀嗎~
多謝麥SIR既支持呀

>>November 4, 2005 at 4:50:00 PM GMT+8

2005 年 11 月 3 日 星期四 【陰】

需跨多少個山 漫漫長路與海
方可真正覓到心裏精彩
需經多少次哀 幾多的障礙賽
才勝利會換來
<當你得到勝利時~會否想想這句>

不知幾番跌到 旁人斜視喝采
很不好過但我衝剌不改
只因心中記緊 當天可敬父親
說信我會精彩
<也許別人會小看你~但總有人在背後支持你>

強人是你 能飛天遁地
其實你了不起
假使你永不說不能做到
<強~就是你永不言敗既精神>

強人是你 能頂天立地
如敗倒 再掙起 永沒言死
才是活著的真理
<成功都是從失敗中換來>

曾垂頭萬次 仍抬頭又次
再戰再創這生意義
無忘慈父那 從前留下句子
<即使曾灰心~但為了支持你的人~也要堅持>

強人是你 能飛天遁地
其實你了不起
假使你永不說不能做到
強人是你 能頂天立地
如敗倒 再掙起 永沒言死
才是活著的真理

<你可以灰心~不過不可被它控制>

送給你-郭富城的 <強>

>>November 3, 2005 at 9:47:44 PM GMT+8

2005 年 11 月 2 日 星期三 【晴】

回頭望一遍 :
唔知係我當黑定運滯~今日既倒霉事一件接一件~前個星期老師比左份習作我地做~其實有幾題唔識做好平常姐~無乜野架~老師話過有野唔識就早會前去搵佢~我有搵架~同陳慱文一齊去~老師講解~唉~本來都唔識架啦~比老師解多兩解~我地仲唔明~不過要老師好下台~我地唯有扮明囉=.=
上英文堂時~MISS WU又係度發癲~成堂係度大嗌~講番我地前個星期D小測~唔合格又有我份~但係呢次就無比佢罰留堂~不過因為無做到WORKBOOOK而比佢罰抄書(應該)真悽慘~之後又要同人掉位~不過同張學偉坐點都好過同肥寶一齊坐既~話晒肥寶都幫唔到我D乜~上完英文堂~個MISS WU又係度發爛渣~明明講左goodbey class架啦~咁都係我地企係度聽佢訓話~大佬呀~今日週會呀~仲係度徙我地時間~無時間食飯係唔係你(miss wu)負責呀?食飯時~同肥寶去左泳池個餐廳度食野~之前借左錢比肥寶~本來今日話要還番比我既~但係個賤人自己有錢都唔還比我~拎D錢去買雞脾~而我同肥權就淨係食薯條~最好笑就係連肥寶都有可以分甘同味~妖佢~食完野番到學校~岩岩打鐘~好彩趕得切~今日比肥寶攪到無啖好食~所以發佢脾氣~特登走快D~不過都有回頭望佢幾眼既~話晒我同肥權又無佢咁賤既~望佢兩眼當安慰啦!
====特別消息~打打下日記~佢打左電話黎~同佢傾左陣偈~大概幾分鐘啦~今日之中最開心既幾分鐘呀^^^^^^^^^^鄧偉杰話佢今日喊~本來想問下人做乜會喊既~~~但係問唔到出口呢=.=~~~<特別消息報導完畢>====
番到學校就上禮堂週會!~講到做義工~幫一D無家者~好可憐呢=.=暑假時諗住加入義工行列~週會時睇到佢播既帶~令我更加想加入義工行列呀~哇哇哇~~~~之後MRS HO話大家手拖手~齊齊唱 差遣我 呢首詩歌~我拖住張學偉隻手唱得好開心~但係之後成左女生們既公敵~只因我店過佢~=.=其實佢除左個樣醜左D之外~個人都算唔錯呀~而且佢有自知之明~知道自己樣醜~不過D同學成日拎佢黎玩~我睇到個心都扯扯下~大家一齊讀~但係就排斥一個同學~人品又唔係話差~佢又唔識攻擊只識防御~即係話人地唔攪佢佢就唔攪人~不過偏偏D人鐘意攪佢先~係都要令到佢難堪先收手~咁佢反擊都好正常姐~但係又唔夠人地快~常常比人惡人先告狀~唉~人地樣醜姐~唔代表可以比人任玩架姐~我知佢耐力夠~忍得到~不過切身處地諗一諗啦~耶穌都嬲啦!何況佢仲係個細路~成班都係賤貨~
好啦~上完週會~我咪上番課室囉~點知我省起有本書仲未還(過左期架啦)就急急腳拎去還啦~還完書就上番課室啦~途中經過OFFICE~可能我低住頭既關系啦~我見到有個人~但係見唔到佢既臉啦~我諗~個身形咁似既~之後係樓梯度偷偷地望左一眼...嘩~真係佢黎架>.<早知抬高個頭啦=.=
上數學堂又小測~今次呢份比較難~我好多都唔識~但係要合格都卓卓有餘既~然後老師就叫某D人留底啦~放學之後~~~~然後就係今日之內我最最最最最最最最最最激氣既事啦 : 之前交左個FILE~但係比同學整唔見左~我初時都唔知~後尾老師派番我無先知~然後同學話唔見左~老師又話搵唔到~咁點呀?我真係有交到架喎~然後無啦啦比人屈左個留堂~留堂都無所謂啦!~老師仲要省個功留比我喎~佢都傻既~如果我真係無做到~或者個FILE係我自己整唔見既~我收呢個功留我絕對係收得服架~咁係我抵死咋嗎~不過~如果我係有做到~而且係好好好好好好好比心機去做~做完我有交!絕對有交到~但係比同學整唔見~事前我完全唔知~咁都要罰我功留既話~我絕對唔服~於是我做左一件上中學以黎都未做過既事~就係同老師理論~點解我有做~我有交~但係比同學整唔見~你唔罰整唔見野既同學~反而黎罰我呢個有做野既人呀?咁係唔係向我暗示有做野就要罰~唔想比人罰就整唔見同學D野啦~咁呀?喂~有學校係咁架咩??好在~老師都係講道理既~佢話取消個功留都得~不過就要我自己諗一樣野黎罰~我比左三個佢揀~第一個係我去留堂~但係唔要功留紙~第二個係罰企~第三個係去做服務生~佢要第三個~唉!其實我本來就係乜都唔使比佢罰既~因為我接受既話就等於話我自己有錯~不過佢話點都要咁~無解啦~係學校學生永遠係低下層~無話事權~唯有啃左佢囉~妖~~~肥寶又係度唱我同呀XXX~攪到我勁唔爽呀~頂佢~放學番到黎~同呀媽為左份卷既事又吵左一鑊~唉~受肥寶氣~受老師氣~番到黎又要受呀媽氣~攪到條氣唔順~打緊呢篇日記時條氣的確係咁~不過中途佢打電話黎~條氣即刻順左好多^^如果同我傾耐D既話~~~應該會順晒既~~呵呵~~~
其實我依家仲未做晒功課~校服又未換~涼都未沖~暫時只係做晒 惡魔WU既功課~MISS LEE既FILE都未做呀~聽日有排忙呀~~呼~~~~
今日打左寫日記以黎最長既一篇日記~隻手好累呀~~~~

>>January 27, 2006 at 12:20:10 AM GMT+8

2005 年 11 月 1 日 星期二 【陰】

YO~~

仲未做晒功課呀~~全程發緊白日夢~

每週一寫好難做呀~都唔知做黎為乜!~

個王波好乞人憎~好想MISS YIP教番~

MISS LIN番左黎~唔知依家走左未~

聽日又係DAY ONE~ 對住張SIR又發瘟

上完中文堂~驚比王波罰留堂~

明日星期三~但係無得上魔術班

早上又避人~避到食飯急走人~

珍珠奶茶既滋味~好值得我去回味

又去OK儲MIFFY~集齊成套唔EASY

依家得番VDP~好想推廣期廷長D

MIFFY出左特別版~想儲齊都幾艱難=.=

前日抽到一隻狗~樣賤得黎又好醜

入左數做VIP~做唔做到都唔知

驚住比佢食左D錢~真係咁我都唔知點

依家睇緊呀旺~令我又諗起肥旺

肥旺係肥仔~搞笑得黎又得體~

咦咦咦~DAY ONE去禮堂睇表演

果日話請吳日言~點知MISS又食言

嘿~~

>>November 1, 2005 at 9:29:43 PM GMT+8

2005 年 11 月 1 日 星期二 【陰】

<小學三連擊>
唔唔~心情尚算唔錯~放左幾日假~依家先開始做功課~後果就係做到踼晒腳~記得開學時自己好主動~一放學番到屋企就做功課~直到做晒先沖涼訓覺~~~不過十月中開始已經捱唔住啦~成日抱住部電腦=.=唔捨得佢呀~~~~~~~~~~~~再係咁落去~都唔使指意可以入番E班呢~真慘~就黎測驗~都唔知點溫書~~~~上年既時候有同學幫我編左張溫習時間表~不過無照做~到依家仲係覺得對唔住佢地咁~唉~好憎自己呢種又懶又慢既性格~想改又改唔到喎~~~~~~~~~不過~有人肯企出黎支持下既~我一定會全力以赴既~~話晒FANS面前勿失禮呀嗎^^呼~~開左學兩個月啦~~開始睇清肥寶既獸人真面目啦~變得好憎佢呀~~~~~~~今年陸運會見D人跑得咁開心~諗住下年參加五千長跑~不過心知會唔夠氣~所以諗住逢假期去練跑~肥寶拍晒心口話會去~~~點知尋晚MSN話今日要打機所以唔去跑啦~~~~賤人一個~~其實佢講大話又何止呢一次~~上次夠話陪我練跑啦~點知又係走左去打機~~賤物呀~~~識左佢咁耐~就比佢呃左咁耐~~賤狗~妖佢呀~唔講佢~~小學既時候成日去跑步~因為讀下晝~所以一跑完就番學~~~好舒架~~wor ~~後尾叫左呀發同我一齊跑~跑完就去打籃球~之後呀發又叫埋呀旺~不知幾過癮~但係上左中學就再無去跑啦~呀發都上左中學~唔知佢依家點呢?上中學之前同佢嗌左架~到依家都未好番~好想做番朋友~一齊去打波一齊去游水~一齊傳紙仔(呢個先好玩~試過比班主任捉左上樓上)我依家無同佢來往啦~好旺都無同佢來往~但係呀旺就會約我出黎聚舊~回憶番以前D野~回憶始終係開心既~~~~~~~~~~依家上山頂~得番我同呀旺~大家都唔好意思叫佢上黎~不過呀旺既性格有D似肥寶~只係肥寶比較無口齒~之前我地三個成日上山頂玩~唔知係唔係因為我地同呀發係果度玩過呢大家約D朋友出黎都係去果度既~我同呀旺就會叫小學同學啦~但係呀標就零零舍舍唔同~鐘意叫D我地唔識既中學同學~比佢激死~雖然話一次生兩次熟姐~但係始終有隔膜架嗎~唔怪得佢叫呀標正傳啦=.=就係咁~中秋節~生日~等等既節日~我地都會上去玩~中秋節就玩通宵~講起中秋最攪笑~我地成晚坐係度~望住個天大講政治~大家都好似變晒做政治家咁~當然只有我同呀旺係度講~呀標得個聽字~呀超同呀聰就訓覺賴理~~~講講下無啦啦又講呀發......果日就係咁玩左一晚(一年前)~~然後四點幾上呀旺屋企訓覺~~~聖誕果日最無稽~幾個人去到山頂~一個人都無~淨係得呀超同佢條女係度~~~我地從此發晢聖誕唔上去~之後打賭呀超同條女一個月即散~~一個月未夠~已經散左~未同呀發嗌架之前成日上山頂放風箏~不知幾開心~呀旺成日係度發癲~我同呀發係度傾愒~得番班女仔~成班癲婆咁~依家得番我同呀旺~多左呀超呀標呀聰~仲有個呀權(超級機迷者)始終呀發係度都係好D既~~~~呼~~大多回憶啦~我同呀發既回憶都只係滄海一粟~~~都仲未講同呀標既回憶~~~~~呀旺既都係講左少少~俊彥呢??未講喎?琳琳琳都未講??→好煩既一個人~但係好傾得~好多人呀^^不過上左中學後都無乜見過面~唔唔~組織番一個小學同學會~都好喎~~大家贊唔贊成呀??^^

>>November 1, 2005 at 4:19:05 PM GMT+8

2005 年 10 月 31 日 星期一 【陰】

yo~~~~wor~~~~~~~~~~~~~~~~~~~~~

yes~~~~

頭先無無聊聊上左人地個日記度睇喎

雖然都係一D野都無打到落去~~

不過~睇睇下無啦啦個手機響喎~~

一睇之下發現係不知名電話~

因為以前聽不知名電話時有勁恐怖經歷

所以呢D不知名電話多數都唔聽~

但係唔知做乜我聽左呢個電話^^

原來係佢打黎架喎~~~雖然唔係搵我~

佢只係打錯~但係佢笑得好開心咁喎......

唔知做乜成個人開番晒~~~~~

今日陸運會~~~嘉勵破左大會舊有既紀錄呀^^

恭喜呀~話左要請妳食壽司~但係最後都無~~~

咁啦~~~星期三請妳食飯當補數啦~~~~

(如果撞到妳既話^^嘻)

嘿~~~始終覺得自己有焦慮症!~~

到依家仲係度擔心緊呢

搵時間真係要去睇下精神科醫生啦^^

今日~~~唔係咁開心

但係今晚~~~我真係好開心呀^^^^^^^^^^^

>>October 31, 2005 at 11:19:20 PM GMT+8

2005 年 10 月 31 日 星期一 【陰】

今日終於去左入數~入完數就去fax~

就係呢個時候~我開始發現自己好似

有焦慮症~因為我抄低左個fax號碼

之後~就係咁對係咁對~驚住會抄錯

fax完之後又係查下個老闆有無禁錯

號碼~又無錯喎~跟住我就諗會唔會

抄錯左個號碼呢?(其實我係屋企已經

對過幾次)番到屋企查都發覺無問題

但係又開始驚自己抄錯個戶口號碼

於是就拎張收據出黎對~號碼無錯

戶名無錯~都算放左個心落黎~不過依

家又開始驚個網唔再接受申請~我入左

既錢會就咁泡湯~唉~你話我無焦慮症我

都唔係咁信呀=.=

>>October 31, 2005 at 11:19:05 PM GMT+8

2005 年 10 月 31 日 星期一 【陰】

今日陸運會~並無預期中咁咩咩咩~~
不過都見到人~有幾次仲同人擦臂而過~
四目交投~但係彼此之間並無打招呼~心裏難受
係看台上睇書~望見以下一段文章 :

<友情的尺度>

男女之間能夠存在一種純真的友誼嗎?我們不妨設想一下男女 純真友誼 可能會經歷的考驗 :
一是對方交了男/女朋友~對方告訴你拍拖的事~你的心情突然變得很複雜~
二是你的朋友喜歡了他/她~你會覺得朋友正在爭奪你心愛的人~心裏不好受~
三是周圍的人認為你們的關係不一般~你不可能給每個人都作'此地無銀三百兩'的解釋~面對議論你會有些不自在~
四是異性生理上的吸引~在一定的氣氛下~那怕是牽手的表示~都很難再維持友誼的純真~
五是你喜歡上了對方~由友誼轉變成愛情是常事~如果對方有相同的感受~會走向戀情~如果對方沒有相同的感受~就有可能因為捅穿這層紙而喪失友誼......由此看來男女之間要存在一種純真的友誼真的是很難 <完>

頭四點我唔驚~最驚係第五點=.=

>>October 31, 2005 at 11:18:34 PM GMT+8

2005 年 10 月 30 日 星期日 【晴】

以前星期日~有星期日檔案睇~依家星期日~有名曲滿天星睇~
呢個節目~無線請左好多舊年代歌手上台~當然有某D歌手仲
活躍於娛樂界~今日又有聽~聽番D舊歌~總係覺得依家所謂既
流行曲同以前既歌曲有很大既隔膜~依家既歌~多數係講愛情
大紅大紫~B哩吧啦咁款~以前既歌~係想反~講人情冷曖~時日
變遷等~聽完會好舒服~卬像會好深刻~現代流行曲可能聽完已
經唔記得~根本就無舊歌果種可以觸動人心既力量~但係偏偏
依家既人就係鐘意聽流行曲~唔理好唔好聽~只要係自己既偶像
就萬事OK~好似陳冠希首香港地都可以入到我至喜愛歌曲十大
以內~就知道依家D人係乜料~
唉~依家科技日新月異~但係歌就係日新奇異~越黎越唔似像~
但係D流行曲會陸續有黎~D舊歌就永遠都係得呢幾條~~~~~~~
可以將舊歌精髓唱晒出黎既人~好多都唔係度啦~

所以~無線攪名曲滿天星呢個節目~我百分之一百咁支持
不過星期日檔案做乜要轉黎轉去~定係星期日做唔好咩??

>>October 30, 2005 at 9:33:16 PM GMT+8