2005 年 9 月 28 日 星期三 【晴】

今日係辭工以來第一次去interview，group in，interviewer比想像中認真，自我介紹好彩無乜食螺絲，好既開始！

「newsgroup熱」似乎又完結了，不過始終都係畢左業既人用多D，由yr1只可以係hall用既官方谷，至現在既非官方谷，人數之多已經係Hall C既一大步~

橫山光輝三國志動畫，終於睇晒，就好似上年畢業前睇晒入樽動畫一樣，有如了左件心願~
下個心願：打爆「創世紀VII」

Random 左首歌黎聽，黃耀明《現實與想像之間》，曲詞均出自潘源良，真係叻，「十個救火的少年」已經好佩服佢，呢首作埋歌。旋律簡單，唔做作；詞有詩意，琅琅上口；由明哥把有味既腔唱，perfect match，成日會不自覺哼左。作品唔駛多，印象深就夠啦~

《現實與想像之間》(節錄)

從遠望你，等到接近你，天與地飽經幾次風暴。
從接近你，等到認同你，想繼續又卻一再停步。
從認同你，等到抱著你，方發現並非一個等號。
從抱著你，等到瞭解你，經過後已是天荒地老。

>>September 29, 2005 at 7:59:06 PM GMT+8

2005 年 9 月 27 日 星期二 【晴】

今日入去火炭交埋最後一個月既租金，玩左個幾鐘既鼓同結他，發覺自己即使有興趣，跟本無可能同時玩咁多野同做咁多野。樂器一樣，夾Band都一樣。樂隊俾左好多回憶自己，每一場show，歷歷在目。但係出黎做野，時間真係難夾左好多，分手係遲早既事。
媽話：「努力D搵錢，第時想點夾都得啦！」
實得啦，退左休再出show囉，到時實好似Bee Gees咁~
(Stayin' alive, Stayin' alive~~~~~~haha，黐左線~)
唉！算罷啦！橫掂自己都諗住個人發展，做唱作歌手，咁做都未嚐不可既，哈哈哈~~~

之後出去拎左支笛俾同房，希望呢個樂隊主音第時有所發圍啦~

再之後Pan開車黎一齊去尖嘴dinner，朱仔、阿O、阿Pan，only四條仔dinner胡謅都係一樣咁"搞"笑，間唔中meet下都幾好feel~

>>September 29, 2005 at 12:10:39 PM GMT+8

2005 年 9 月 26 日 星期一 【雨】

一連兩日既雨，沖走晒d心情。無得打波，只有唱著輕鬆既歌黎調劑一下啦~~~
希望黎緊船河好天啦~

趁得閒set下個日記layout：

背景圖：二至四歲所住的鄉下大巷，外婆離開了，鄰居搬了，屋拆了，人也大了
背景樂：Badarcveszka 既 The Maiden's Prayer，譯「少女的祈禱」。波蘭女鋼琴家巴特爾切斯卡名作。
　　　　流水般既旋律，高低起伏，聽落心曠神怡，彈落去仲可以扮係鋼琴大師，岩晒獅子座高調既我。
右小圖：我最愛既美國搖滾樂隊其中一隻大碟，封面夠低調，充份表現出愛寫作既我。

>>September 27, 2005 at 5:59:34 AM GMT+8

2005 年 9 月 24 日 星期六 【寒冷】

今日係7A既gathering，而我竟然係今次既contact person，由forward message、留電話，到搵地點、book台，原來自己都做到。其實都要多謝Doris幫手搵Chris、阿朱，阿朱幫手搵Blanche，Erica幫手搵Jess，可惜今日仲有幾個同學唔得閒，唔係就可以有過半數既同學仔可以聚舊。去到荃灣嚼江南，即刻俾佢地奉為主席，又問我係咪有野宣佈。其實5、6年無見，只係純粹想聚一聚，我最鍾意見到d friends gathering 時既笑面。不過如果無辭工，相信都唔會咁落力，哈哈。飯後影相同埋交換contact，我呢個contact person自然要幫手forward contact list同埋d 相俾佢地啦，睇下下次有無機會叫多D人先！(咁多人可以去邊度食？)

返到屋企同老朋友phone左成個鐘，理想歸理想，我真係做唔到咁決絕。可能自己就係因為成日左顧右盼，所以一事無成。真係恭喜佢可以為理想而括出去，可能呢d就係大將之風。想學人？第一就係要戒婆媽啦，大丈夫要不拘小節，要不羈D。我會繼續努力架喇！

>>September 26, 2005 at 6:49:12 AM GMT+8

2005 年 9 月 22 日 星期四 【驟雨】

今日返去Hall C 第二次傾莊大會，之前同埋成班宿生去富泰食飯，當堂溶入左佢地，返到去hall傾莊，星光熠熠，第二屆至第八屆既宿生會都有代表出席，傾莊之餘當然係Re U一番啦，另外發現o左偉大既出版職位竟然無人想做，我同Josephine當然落力鼓勵新人做啦，我相信結果會令人滿意既。
傾完又試大棚人去左宵夜，真係Happy，其實個肚自dinner後就冤住痛，不過見到咁熱鬧既場面，咩痛都忘記晒啦~

次次同屋企chat，講到錢就不歡而散，每次都一定係我欠左屋企既，學費啦，供養費啦，根本還一世都還唔晒，但係又唔識做個忤逆仔，結果點？做一世負資產囉。咁做人仲點會有衝勁o丫~~
深深體會到一個成年人既辛苦之處，真係恨做返學生，不過負債又會增多，好矛盾呀!!!!!!
如果有機會中六合彩，第一件事就係要還債，唔駛欠人一世。

唉~~~想開開心心，平平淡淡原來都係咁難~

>>September 24, 2005 at 9:40:12 AM GMT+8

2005 年 9 月 21 日 星期三 【晴】

今日收到個消息，camp人數唔夠，取消！颱風關係，船河順延next Sunday，好似咩事都巧合地就左自己一樣。不其然諗起，咩都係睇自己點諗既，think positive永遠係自己對人同做人既宗旨。
今晚返Hall開會，有中山專車接送，零舍舒服，多謝晒。E會係俾下屆一個參考，但係通常下屆莊往往都無睇(無時間睇)，最後變左俾支莊一個搞function既推動力(壓力)，好似一支無形既籐條隨時準備鞭策一樣。其實E會就係要黎考(訓練)EQ，阿O認真既批評都係無可厚非既。為C您，拎出你地d EQ黎準備快將來臨既全年大會啦！

>>September 22, 2005 at 8:48:07 PM GMT+8

2005 年 9 月 20 日 星期二 【晴】

今日九點起左身，係爸媽催促搵工既情況下，繼續任性地彈唱。沉醉於音樂世界真係幾free，可惜有種無形既失落，似乎感覺到快樂既日子就黎完喇。

夜晚同中山返左去 Hall Camp 既慶功宴，希望將快樂既日子延長。每次見到班Hall C人開開心心，自己就想去分享一下，享受住無聊既嘻哈，令人有種無憂無慮既感覺。Scrabble同埋為C您熱情款待，真係令人樂而忘返。

Sunday 真係好想去C人船河呀，可惜應承左個friend入camp做leader，唔可以甩人底。等我！有機會再搞多次，實去個夠~

哈，我都想肥呀曾小姐，但係食極都變唔到肥佬，仲成日俾媽話瘦到塊面凹晒，有無方法可以淨係幫塊面增肥？(除左用抬拳道打腫塊面)

>>September 21, 2005 at 9:48:56 PM GMT+8

2005 年 9 月 19 日 星期一 【晴】

今日九點至一點停水，八點幾起身諗住用水，但係諗諗下，點解要一早用哩？
結果上返床，訓到MUV等如零先起身，又係點幾喇~
同爸媽去飲完茶，返去認真上下網搵工~~
但係睇黎睇去都係d悶到死既office工...唔通真係要咁？

忽然覺得自己好耐無做運動，結果衝動地係爸媽call食飯時落左街跑步，跑到歇腳位時，汗開始慢慢滲出黎，變水珠，流走，就好似見到d月餅油放左出黎咁，暢快！
跑返黎時忽然諗起 Forrest Gump，傻勁有d似佢，不過體力就無佢咁勁喇~
如果個個都好似佢咁做人，簡簡單單咪幾好？

記得媽話過：「逢人只說三分話，不可全拋一片心。」我蠢，唔識咁做，其實做阿甘咪仲好？

>>September 20, 2005 at 4:28:36 PM GMT+8

2005 年 9 月 16 日 星期五 【驟雨】

終於upload左個網頁喇...一年無update，雖然仲未算搞掂，但係覺得好安慰，經歷左六個寒暑喇...
如果對結他有興趣既，不妨去參觀一下。
http://summau.sinaman.com

之後去左一個中學同學既結婚晚宴，見返幾個舊同學，酒店既派頭都幾得，問返熟行既Maggie先之原來果間係香港數一數二貴既酒店，人情可能隨時唔夠俾，真係榮幸。

雖然都有聽過邊個邊個同學話結婚，但係都係第一次去同學既婚宴，今次去Phoebe個婚宴，開頭都係以gathering既心情咁去，但係到開場，新郎新娘慢慢步上台，每圍人夾道既掌聲，煽情既音樂，忽然有d感動，覺得呢個似乎都會係人生一個目標，係呢度再祝Phoebe同佢老公happy forever。

散場後去左join另一班friend gethering，諗住去佢度坐下就走，點知最後竟然竹戰到天明，真係夠晒盡興。大富翁呢隻Game的確可以令人廢寢忘餐，見d friends玩，就令我諗起當年宿舍通頂既大富翁之戰，戰況慘烈到可以用一蚊收購晒其他人既物業去打一個人，最後都不敵，經典！
是次戰役亦係咁耐以黎第一次玩得完既大富翁之戰，唔知第時有無機會再咁玩呢？

>>September 18, 2005 at 8:19:29 AM GMT+8

2005 年 9 月 15 日 星期四 【晴】

今日又訓到人地食lunch，起身就繼續寫自己既網頁，因為網頁有好多結他譜，所以今日幾乎除左食飯，就係彈結他，好耐無試過咁彈到天昏地暗，唱到喉嚨都沙沙地。
只要俾個電腦我上網，同埋一支結他我，就算係邊度對我黎講都係一樣~~~

由99年到而家，一直做緊一D人地覺得無用既野，但係只要自己覺得值得同埋開心就得啦，係咪？

食lunch前仲做左一件事，就係人生第一次寄black and white求職信，唔知係因為份工真係好有興趣，定係做俾屋企人睇哩？(放左咁耐假，終於搵工喇)

>>September 17, 2005 at 6:28:37 AM GMT+8