2005 年 10 月 28 日 星期五 【晴】

中學同學搞左個足球「文理」大戰，自己已經放低左足球十年喇，興趣真係一D都無喇...
本來想去睇睇，結果行左陣街都未夠鐘，都係返歸啦。

夜晚約Damon，Simson晚飯，飯後順道上去Damon band room，我既功課已經完成，得到專業及中肯既批評，一定會記住。改就唔會喇，留返一D創作人既堅持。席間仲睇左林狗既DVD，不忘討論一返。林海峰，歌手，DJ，Production，結婚，生仔，到而家仍然係「三字頭」，似乎完成左好多人一生既任務，可以算得上成功。

自己又如何哩？
讀完個大學，前途反而好似倒退左，係個社會倒退定係我倒退？
話之佢！入大學就算咩都學唔到，起碼學識同人相處，識到好多好朋友，不枉此行！

>>October 30, 2005 at 7:30:04 PM GMT+8

2005 年 10 月 27 日 星期四 【晴】

原來又過左兩日，人生原來係咁易過既。記得唔知邊個講過話成日keep住寫野可以訓練個腦，我都要keep住先得。25歲喇，我幾時先可以搵到自己鍾意既工哩？如果有，我希望可以做一世~

生活似乎同外界越來越脫節喇~~
開始有D擔心人擔心我...

家姐一直對我冷言冷語，可能怪我無俾家用屋企啦...
有邊個唔想大大舊錢拎返屋企...
不過我係屋企從來都唔多受歡迎啦，慣晒...
可能自己生活得太快樂有人會唔鍾意，亦慣晒...

好o野~~量左地咁耐都搵唔到工，好o野~~就死喇~~
好o野~~乾塘喇~~好o野~~癲左喇~~
好o野~~係要開心呀~~~吹咩？

>>October 28, 2005 at 7:21:03 PM GMT+8

2005 年 10 月 25 日 星期二 【晴】

select幾月幾日？管他吧！
反正天天都是假期。

24日，替Damon那裡舖地氈，聽他說了很多。成功在嘗試，我也在嘗試。很高興Damon給我寫的一小part旋律的評語，的確是一個動力來源。

晚上與舊同事阿豪、David及香港先生Charles吃飯，阿豪似乎對自己聯絡的gathering有點失望。其實人少言多，好事一樁。飯後順道探探同房，但似乎miss了一個重要的來電，至上車回家才發現，心裡有點過意不去。Ann，下次再聚吧！

回家後開始開動腦袋的搾汁機 design poster，發覺原來用了多年的軟件還是很生疏。click著click著，不經不覺，聽到門外浴室傳來的聲音，驚覺原來爸已起床準備去喝早茶了。

今晚決定早些睡，時間：二時四十五分，還早嗎？

>>October 25, 2005 at 6:45:57 PM GMT+8

2005 年 10 月 22 日 星期六 【晴】

天氣涼了，爸爸病了，要快D好。
時常反思人生目標，好簡單，開心。但係而家都咁開心，人生目標太快達到，有D悶，悶又唔開心，跟住又要重新loop過，原來人生就係要keep住咁loop。身邊D朋友似乎唔多開心，唯有放慢黎跑，朋友，等你呀！

今晚去傾舊生會黎緊既百人宴，時間要改早一個week，11月19日，希望唔會太趕啦。大家匯報進度，同埋搵PIC，我似乎順理成章做Promotion，感覺返左去2002年，要拎返之前既幹勁出黎。

對住finale，原來係唔會知道時間有幾快過，進度比我目標慢，要 catch up，CASH，等我！

>>October 23, 2005 at 6:16:29 PM GMT+8

2005 年 10 月 21 日 星期五 【晴】

好懶呀~~~
明明起左身都會訓返，明明訓左八個鐘都仲想訓，有無辦法可以起身時精神 D？
意志！係意志！
同自己 make promise，由今日起唔好訓多過七個鐘！

今日開始動手寫喇，Finale 好難用，証明自己既水準有幾高......
Damon，睇住黎，我會叫你知道我既潛能係無窮既！

>>October 22, 2005 at 8:44:09 PM GMT+8

2005 年 10 月 20 日 星期四 【晴】

呢兩日又懶左，唔可以咁樣。

呢兩日 feel 到有人燥底，原來我都有火，哈哈~~
套用水銀info，律己以嚴，待人以寬，寬容 D 啦~~

果撻禪師就會揀呢幾句：

「何必眉不開，煩惱無盡時；一切命安排，當下最悠哉。」

>>October 21, 2005 at 8:47:03 PM GMT+8

2005 年 10 月 18 日 星期二 【晴】

起身同爸飲完茶就去火炭退租喇，意味住一種終結既感覺，業主問我地係咪搵到更平，我就話做野太忙夾唔到喇，佢竟然話：「咁後生原來做緊野架喇？」又一次証明我睇落有幾後生。

今日係候選莊諮詢會，會前 Josephine 想問網頁 update 既問題，於是就早D返去，結果無功而退，不過可以順道認識候選出版 Yvonne 同 Tammy。出版後繼有人喇。Dinner 與韜、中山、Lucia 同 Ruby happy eating，跟住就返去宿舍開會喇。

今年諮詢會9pm開始，我地9:15pm先到，不過場面慣性冷清，慢慢D人先陸續進場。幾論問題後，時間已過11pm，陸續有D好陌生既面孔到來，經詢問後原來係其他 Hall 黎趁熱鬧，感覺就好似臨訓前黎打發一下時間一樣。1am既第二輪break後，人慢慢少喇，不過我地呢班老鬼同死老鬼就當然有問唔完既問題啦，自己就盡量問多D同出版有關既野。第三輪 break 後 seven 同韜亦先後走喇，我呢D無業游民當然繼續踩落去啦。

深夜一般都係問D候選莊一D概念性既問題，原來C人醒準備都幾充足，韜問既問題，佢地似乎都好有概念。之後落去既時間，不經不覺咁過，話咁快就天光喇。

今日經典：
1. 代表四屆出版問問題以為好型，結果俾候選出版大返轉頭。
2. 阿四資料補充俾 Noel 聽資料補充既用途。
3. 候選主席俾人話氣氛管理唔好。
4. 經嘉洛點算之下，我問得最多。(條條都係認真咁問架！)

其實我覺得諮詢會既目的係雙向既，宿生一面吸收候選莊訊息，候選莊亦一面吸收宿舍資料既點滴，腦筋要不停諗，作為死老鬼既我都學到唔少野，亦好佩服C人醒到8:30am既最後問題都唔俾我地激死，一直以透支既身體保持住良好既態度至最後一分鐘。

會後當然二話不說就去breakfast啦，一行仲未死得既人去享受完美味o左既城軒早餐後，我就喇喇臨跳上67M返歸喇，訓覺時已經係 11am 喇~

>>October 20, 2005 at 3:41:15 PM GMT+8

2005 年 10 月 15 日 星期六 【晴】

今日到 band 房搬鼓，尚算順利。到 Damon band 房安頓後當然要試一試啦，首次嘗試 Jam 鼓，Jam 鼓好處在於甩 beat 都有第二 set 鼓 follow，感覺比 Jam 結他來得新鮮。Damon 同 Dennis 飯後想我留低 Jam 多陣，盛情難卻下就充當一個甩 beat 鼓手。佢地好鍾意 free jam，沒有開始，亦沒有終結；沒有歌詞，亦沒有 Melody，但偏偏又可以陶醉得如此厲害。在獲得一點鼓手既快感之後就離開喇。

返歸後，「翡翠歌星賀台慶」DL完，Eason 只在節目頭半 part 表演，仍是我喜愛的 tone，不過佢似乎無乜 mood。劉華仍然係咁 charm，雖然係老，但係真係型同放，佩服！
再DL埋「叮皇」睇，馮文樂根本就係玩 Pro，所以要加埋勁舞先可以贏佢。不過，扮到咁多位歌手真係勁到有 D 恐怖既感覺，從佢身上我學到咩叫「跟足」。唱歌若此，夫復何求？

>>October 16, 2005 at 10:10:44 PM GMT+8

2005 年 10 月 14 日 星期五 【晴】

整天都沒上網，就是為了format電腦，誰不知出了點阻滯，到晚飯也未整好。「電腦奇才」？高高在上既稱號我呢個蟻民尚未可高攀，太抬舉我喇，Ta姐。

晚上去 join 了布林 call 既 Dinner，順慶祝韜生日。Dinner後本想返歸，最後變了太子酒局，布林似乎對 call function 有點厭倦喇，都係甩抵人既問題啦，無須洩氣。Kenix、阿魚及希客小山join，頓而變得熱鬧，一行人盡興而散。

回家繼續搞「機」！

>>October 16, 2005 at 9:45:07 PM GMT+8

2005 年 10 月 12 日 星期三 【晴】

鬧鐘一響，就起身準備為爸媽五天北京之旅送行，誰不知都係慢左一步，最後媽在電話交帶兩句後就飛了。我奢侈地揮霍時間o係流行曲同埋結他當中，累了就上上網，餓了就煮麵食，咪就係sem break既宿舍生活之嘛，寫意！

晚上約阿韜、阿魚、Alex到coffee shop相聚一刻，交代band房事宜，順便胡謅一番。chuttles大大話話都夾左就黎三年，所以我地幾個感情係比suckwing close D。嘆完熱Latte後，同韜搭車回家，係大家樓下傾陣偈。哈，住得近就係有要傾就傾，傾完各自上樓既好處，又一宿舍生活既寫照。

搵工既上進心同寫意既自由心不斷o係腦海搏鬥，開始feel到想精神分裂，小欖，等我呀！

>>October 13, 2005 at 8:37:58 PM GMT+8