2005 年 9 月 4 日 星期日 【晴】

搭巴士時聽到一乘客用他的手機聽歌, 全層巴士都聽得好清楚, 當時播著孫耀威的 "愛的故事(上集)", 我聽得好投入呀, 仲跟著哼添~ (當然是細細聲喇 ^__^ ), 嗯嗯, D 音樂真係好好聽呀~~~~ 心情好愉快~~~~

緊接著的就是楊千樺首 "可惜我是水瓶座"......




( 默...... )




哎... 唔係話呢首歌唔好聽, 只、只是... 哎, 應該怎麼說呢...
可能是覺得舊歌好聽好多吧...

有次在火車上聽到黎明首 "如果這是情", 聽得不知幾投入呀~~~~
而近排聽番古巨基首 "第二最愛" 以及陳奕迅的 "天下無雙", 嗯, 覺得比現在的好聽好多, 亦特別好多。

>>September 8, 2005 at 1:50:17 PM GMT+8

2005 年 8 月 26 日 星期五 【晴】

換了個膠框眼鏡, 感覺... 變得好正經...
也許, 是時候改變一下了吧? 能夠時常都咁o靚妹仔麼?

>>August 29, 2005 at 9:18:22 AM GMT+8

2005 年 8 月 25 日 星期四 【晴】

蠢材蠢材蠢材蠢材！！！！！！！！
我是蠢材……　(／‵Д′)／~ ╧╧
嗚嗚……

>>August 26, 2005 at 10:58:03 AM GMT+8

2005 年 8 月 23 日 星期二 【晴】

send 個短訊俾Connie, 本來expect 佢會send 番個短訊覆番我, 不過佢選擇左打電話...
佢話佢send 個短訊要 1 蚊, 如果用屋企電話打就抵D 喎, 但... 但是... 我張sim 咭可是要逐分鐘計呢!!!

>>August 29, 2005 at 9:18:12 AM GMT+8

2005 年 8 月 22 日 星期一 【晴】

通常一有改編小說的電視劇出 (大前提是我曾看過的~), 我就會到圖書館借來重溫。
亞視播緊果套什麼小什麼花的, 儘管改到一塌糊塗、令人哭笑不得, 倒惹起我重溫的興趣。
但問題是... 好多人都好似我呢個心態的, so, 上星期找不全, 只找到兩本, 仲要係中間部分添...

尋日check 圖書館個網(應該說是終端機), 見餘下的「待上架」中, 故今天就抽空到圖書館借啦, 諗住今日應該已經「館內架上」了吧? 但... 仍是「待上架」的狀態... 失望之餘又唔想毫無收穫喎, 就走去問借書counter 的職員小姐「待上架」要等幾耐先放上書架度law, 佢話大約兩日, 說要分類云云, 咁我又問可唔可以而家借, 佢就幫我check 吓電腦, 又搵吓擺放還書的架子, 又打電話問倉(?)裡的職員 (佢仲要兼顧同人借還書呢), 全程佢都好熱心咁幫我, 看在眼裡, 反覺有點不好意思, 覺得麻煩到佢, 當聽到佢話去打電話問吓時我想叫住佢, 但係佢已經好快咁行到電話旁打起電話來了 (效率好高!!!!), 如果圖書館有D 什麼什麼最佳服務員選舉的話, 一定投這位余小姐一票!!! (可惜沒有)

在圖書館遇到Jamie, 佢叫我我先發現佢... 那時我正托著腮發呆^^b

>>August 23, 2005 at 11:22:26 AM GMT+8

2005 年 8 月 19 日 星期五 【晴】

近排有不少機會讓我温故知新。


令自己不致原地踏步, 是件好事, 只是, 有時卻會面對一些自己能力範圍內解決不到的問題, 難以自圓其說, 實在有苦自己知...


想進步卻怕遇難題...


矛盾也?

>>August 20, 2005 at 5:25:12 AM GMT+8

2005 年 8 月 17 日 星期三 【晴】

在大埔遇到波波(中學時的Geog 老師是也~~~), 我笑著向他點了點頭, 佢睇落好似唔記得我了, 不過佢亦都好有禮貌的揮了揮手說聲" Hi ", 其實呢~ 波波佢唔係好似睇落去咁惡架, 佢幾講得笑架^^, 而記得以前Larry 都講過佢俾波波鬧時會好驚唔敢出聲, 不過佢覺得D 人之所以咁驚佢, 只不過係因為俾佢先聲奪人、大聲喝一喝果下兇到, 不期然的心裡害怕喎, 應該是吧~?

>>August 29, 2005 at 9:19:05 AM GMT+8

2005 年 8 月 11 日 星期四 【晴】

咦咦咦~~~??? 是我的錯覺嗎???
總覺得今次盒牛肉飯比平時多左好多牛肉咁嘅???
YEAH~~~ 賺左^^ (轉圈圈)

>>August 12, 2005 at 9:47:00 AM GMT+8

2005 年 8 月 7 日 星期日 【晴】

剛剛收看了亞視套「小魚兒與花無缺」, 睇左唔夠 5 分鐘已經有想轉台嘅衝動!!!
故事改編得不知所謂都算喇, 張衛健做小魚兒我亦都沒什麼意見, 我在意的是花無缺呢個角色而已...
所以我等, 等到演花無缺的那個人出場... 終於, 沒過多久, 他出場了...
實在... 實在... 唉... 誇張D 講, 睇都差D 吐血呀!!!!!!!!!!!!
謝霆鋒不適合演花無缺, 哎吔吔, 又一個角色被他摧毀了... (之前是劍雄, 現在是小花, 嗚嗚...)

還我溫文儒雅的花公子來呀呀呀呀!!!!!!!!!!!! (哭跑)

>>August 9, 2005 at 12:06:49 PM GMT+8

2005 年 8 月 7 日 星期日 【晴】

今日回家途中遇到Jamie, 她講起曾和寶芝、阿譚佢地搞莊, 就有點感慨的說其實剛升大學的時候好羨慕一大班同學咁升上同一間大學...
果時都幾介意架, 不過, 現在想來, 沒有「中學舊同學」束縛著, 結識朋友的空間就會大些, 會主動去認識更多的人, 那也很不錯呀! 而且我很高興能夠在大學校園裡結識到很多好朋友、好同學^^

____________________________________________________________

呢個星期洗左都幾多錢吓, 要慳D 先得喇^^b

>>August 8, 2005 at 10:20:25 AM GMT+8