2005 年 10 月 20 日 星期四 【晴】

成個星期沒寫日記了, 因為太忙的緣故...

開會、開會、開會... 當中有玩鬧過, 有認真過, 亦有生氣過...


Service Marketing 今日有個present, 在role play 中我做manager, 講對白時都有窒左幾窒, 不過都ok la~~~~ 而之前所擔心的超時問題都沒有出現, 非常開心。整體來說, 我地果team 嘅performance 都唔錯吖, it is acceptable~~~~


感謝神。

>>October 21, 2005 at 1:14:50 PM GMT+8

2005 年 10 月 5 日 星期三 【晴】

design SOM 份 evaluation form, 用左大半個lunch 才勉強的完成... (今日lunch 只有 1 個hour)
距離上SOM 堂尚有 3 個字時間, Amy 同Penny 竟然仲話好肚餓要食飯, so 一行四人快步到Canteen, 快快手手咁買飯食啦。時間關係, 我同Connie 同Amy 三個人食兩個飯, 而Penny 一如以往要多飯多汁(笑)。我地個個都食得好急, 好似鬥快咁, 真搞笑^^ 途中我地仲有時間說笑吹水, Connie 仲提議下次去Canteen 食飯叫Penny 幫我地買, 咁樣一個飯就有兩個人的份量了(多飯之餘又有至少兩種唔同嘅汁^^), 咁就可以慳唔少喇, 哈哈!!!

最後我地食左 15 分鐘左右, 快乎~? 哈哈!!!

break 的時候, 我地去左Cut Price 買野食, 我買朱古力餅, Connie 買朱古力, Penny 就買了薯片, 好似開大食會咁^^ 我同Penny 揀果D 零食係一支支包裝嘅, 在Connie 考慮緊買邊樣野食的時候, 我同Penny 在一旁"格劍"(笑)。

Brenda 果組之前lunch 時為左趕份form, 沒食到lunch, 所以走左半堂去Canteen 食野。

>>October 6, 2005 at 1:16:46 PM GMT+8

2005 年 9 月 29 日 星期四 【晴】

這次我是以更更更tired 的情況下打這篇日記的…（昨晚做service marketing 份功課做到 3 點幾 4 點…今朝又 8 點幾起身…好攰呀…＞＜）


昨日食lunch 時Angela 講起依家去左exchange 嘅阿Tim 其實（有時）好有風度架，佢話以前有次佢同阿Tim 同行，那時佢地同紅門仍有一段距離，阿Tim 已經跑過去開定度門俾Angela 喇。我地成班人聽完都覺得好詫異同好好笑，實在看不出阿Tim 原來咁有風度架喎～～～～
大家聽完阿Tim 咁有風度嘅事蹟之後，個個嘅矛頭都直指向Penny（笑）。
我：「Penny 你要學吓阿Tim 咁喇～」
Connie：「咪係law，淨係幫我地斟 6 杯水係唔夠架～」（因為個飯唔跟野飲架，所以Penny 為我地每人斟左一杯水）
Angela：「喂Penny，一陣入課室記住幫我地開住度門先呀～」
你一言我一語的，大家哈哈哈哈的笑作一團，Penny就笑得好無奈咯～哈哈！

上堂時點名紙傳來，Connie 發現自己的名字已經take 左，我看看我的也是，Amy 話係Penny 幫我地成班人take 晒名的，真係有風度同體貼呀～哈哈，Penny 在我地幾個嘅指導下開始有D 進步喇～

>>September 30, 2005 at 12:48:52 PM GMT+8

2005 年 9 月 27 日 星期二 【晴】

現在是以極tired 的情況下打這篇日記的... (好睏 >_< )


昨日連開 3 個會, 算是破紀錄了。


今日好失策, 銀包得果 10 蚊多幾毫子, 張八達通又得番 5 個幾, 出到九龍塘都已扣到得番個幾喇, 之後中午開SOM 會, 問Connie 借左 100 蚊, 當中 50 蚊入八達通(因為已經負錢喇^^b), 其餘用D 來買個tea 食。開完會後, 我同Connie 仲有Service Marketing 要傾, Penny 走先, 但佢臨走前我請佢幫我買個tea 來(用借來的 100 蚊^^), 但過左好耐Penny 都未拎到個tea 來喎, 原來排好耐隊呢, 辛苦你了Penny。

>>September 30, 2005 at 12:40:54 PM GMT+8

2005 年 9 月 22 日 星期四 【晴】

昨日朝早開會, 估唔到Brenda 佢地果組亦都約左同一段時間番黎開會, 咁大家就一同到canteen 食早餐先law, 我和Ada 叫一個餐, 佢食碗粥我就食碟腸粉, 平D 嘛, 而且幾個小時後又食lunch 咯, 唔好食咁飽嘛~~~~ Andy 坐我對面, 大家又再互窒, Angela 仲以為我地有咩仇怨, lunch 果時問我:「妳同Andy 係咪有咩仇恨呀?」哈哈哈, 只不過係玩吓遮, 哈哈哈~~~~ 之後落堂時佢又蝦我, 又說什麼「忠言逆耳」, 我就用手上的都市日報揮出連環劈(笑), 哼哼~~~~ 知道厲害了乎~? 哈哈!!!!

今日下午開Service Marketing 會, 呀...... 沒什麼idea 個應該做邊個industry 好, 大伙兒都好苦惱, 幸好上完堂之後諗到個幾好的, 就決定了做果間company... 開完會後, 我拎本記事簿出黎俾D 組員寫資料(因上星期唔記得帶本野), Mandy 見開會時我同Esther 好似好熟咁之但係又見我俾埋佢寫資料, 就問:「乜妳地唔熟嘅咩?」我答:「我都係上個week 先同佢傾過幾句偈咋~~~~」Mandy 有點無法相信呢, 可能我同佢性格比較開朗(呀~? 在乘機讚自己麼??? = = +), 就比較容易混熟吧? Anyway, 很高興認識她。

>>September 23, 2005 at 3:26:59 PM GMT+8

2005 年 9 月 18 日 星期日 【晴】

睇"耀保良", 歌曲未起, 我已在估阿倫佢可能會唱「雨絲情愁」了, 果然 ^____^
佢同關淑怡合唱嘅果首歌, 原本說不上話期待什麼, 但係到關淑怡開口唱, 嘩嘩嘩嘩~~~~ 佢把聲好正呀~~~~

看著李克勤、草蜢等歌手唱番當年的歌, 有點懷念呢, 年輕的一輩可能還會以為是新歌吧?

>>September 19, 2005 at 1:44:16 PM GMT+8

2005 年 9 月 16 日 星期五 【晴】

補番呢幾日的少少日記啦...


補記1: 很高興被人認同, 很有滿足感!!!!


補記2: 有日在city 遇到Stanley, 距離尚遠, 我向佢揮了揮手, 佢在遠處向著我擠眉弄眼一番(笑), 之後邊行邊傾, 佢話佢暑假去左美國嘅迪士尼做野, 我就例牌問佢拎手信啦, 佢就笑住從手上一個紙袋仔內拎左粒鳳梨酥俾我, 話:「呢D 係我個朋友俾我嘅手信, 請妳食粒啦~」之後補左句: 「當住係美國嘅手信啦。」我忍不住笑了起來, 我問佢:「乜美國有鳳梨酥賣嘅咩?」佢哈哈大笑。


補記3: 有日Connie 同Ada 同Andy 夾埋蝦我呀~~~~ 一旁的Brenda 同Angela 就笑得好開心 = ="


補記4: 近排玩98 年出的曹操傳game, 好好玩呢, 又有點懷念的感覺, 因為同以前果隻三國志英傑傳玩法相似^^ 而發現了一個有趣的地方, 道具「布手套」的說明:「布製的手套。可以防止手滑，提高攻擊的命中率。」, 吓??? 看後先是呆了一下, 後又笑了, 在想這東西真的很適合孫策(包括偽孫策)用呢哈哈哈~~~~ (有看火鳳的會知道為什麼的了 ^__^ )

>>September 17, 2005 at 8:39:32 AM GMT+8

2005 年 9 月 14 日 星期三 【晴】

近排忙極了, 有不少野想打都沒時間打...
may be 星期六打番啦~~~~

P.S. 黃同學, 怎麼你的日記板內會出現我的英文名字??? 仲要係full name 喎??? (還有, "luckies" means what? ^__^a)

>>September 15, 2005 at 1:05:54 PM GMT+8

2005 年 9 月 7 日 星期三 【晴】

今日果兩堂係固定左for 我地major SOM 嘅, 又再見番久違了的大家, 真好。
哈, 原本諗住今個sem 零遲到的, 但係week one 已經衰左咯, 遲左10 分鐘左右///b

俾Andy 蝦, 當時同緊Ada 講關於elective 嘅野, 之後問坐在身後的Andy 揀咩, 佢答唔知咩econ(忘記了果科個名), 我就對Ada 話:「呢D 係D o係呢方面有才能嘅人先讀到架~」Andy 聽後, 笑住話:「呢D 咪即係天才同白痴law~」(佢當時指住我 =__= + ) 我拎起佢枱面樽水作狀打佢, 並笑住話:「呢D 叫做大智若愚呀~」之後落堂時講開S&P, 我話我對果個game 一頭霧水, 佢就窒我話:「你又話你大智若愚~? 大愚若智咋卦~?」我答:「我特登扮唔識咋~ 哈哈~」但當然啦, 我真係唔係幾知個game 點玩, 而佢亦好好人咁解釋俾我聽, 「......5 間公司, ......會被某D 因素影響, 例如......, ......策略......, ......賺得多錢就會高分......」(我忘了佢exactly 講過D 咩, 只記得個大概^^b ) 不過, 唔知佢有心定無意, 在講到「有D 會賺到錢, 有D 會bankruptcy......」的「有D 會bankruptcy......」時, 佢嘅左手向著我攤了一下... 哈哈, 我扮晒想打佢咁笑問佢咩意思呀, 佢都哈哈笑, 話唔係咁嘅意思, 哎呀呀~~~~ 見佢笑得咁開心, 佢一定係故意的~~~~ (唔係都話佢係呀, 哈哈^^ )
衰Andy, 欺負我 >____< , 嗚嗚嗚嗚~~~~

>>September 8, 2005 at 1:48:22 PM GMT+8

2005 年 9 月 6 日 星期二 【晴】

開學了~~~~

E-logistics, 識到一個很有趣的新朋友, 話說當時正愁著呢班沒一個識, 忽然一女生入門口時仆了一仆(我之前都好似佢咁窒左窒 ^____^ ), 佢哎呀一聲, 我笑左出黎 XD, 佢見我笑, 自己都不禁在傻笑, 這樣的相對一笑, 彼此就認識了。過了不久, 才發現今個sem 咁橋同Sindy 又同班呢~~~~

lunch 去左 KFC 食野(canteen 好多人呀), 有食炸雞... 仲有薯圈... 哎... D 野好熱氣... 不過~~~~ 好好味 ( ^____^ )

Carmen 今個sem exchange, 今朝接到Connie 個短訊話佢今晚走, 哦? 之前Connie 仲約左平時玩開果班聽日lunch 時夾錢請佢食飯添, anyway, 祝佢一路順風!!!!

>>September 8, 2005 at 1:48:36 PM GMT+8