2005 年 12 月 11 日 星期日 【晴】

今日考process mgt, 考之前例牌同人吹吓水嗲幾句啦, 傾左一陣, Stephen 沒戴眼鏡的入來, 我和Penny 異口同聲話:「好型喎~!」今日嘅Stephen 型左好多呀~(笑)
之後H-room 清場set up, 我地成班人要出晒去等, 遇Jason, 叫左佢一聲「英偉兄」(佢個中文名, 但佢唔like 人地咁叫佢), 佢聽後不停踢我後腳呀~ 我叫番佢 "Jason" 佢先至肯停腳^^b 之後發現原來佢同我係同一行喎, 我就話:「你都係坐呢行呀?」佢就笑住話:「梗係啦, 呢行係"必勝行"黎架!」哈哈, 呢句說得真係好呀~(大笑)

>>December 12, 2005 at 3:17:04 PM GMT+8

2005 年 12 月 3 日 星期六 【晴】

一葉蔽目, 不見泰山。
兩豆塞耳, 不聞雷霆。
可是這次某些人的寫照?


有時我也有我的難處, 別人又怎會了解?

>>December 4, 2005 at 4:22:06 AM GMT+8

2005 年 11 月 20 日 星期日 【晴】

睇無線嘅"名曲滿天星", 聽番以前年代D 歌...

哦? 好熟喎呢首歌, 原來叫"流浪花"呀? 依家先知係呂方唱的...
噢, 原來呢首叫"難得有情人"呀...

有點懷念的感覺...

>>November 20, 2005 at 4:35:17 PM GMT+8

2005 年 11 月 17 日 星期四 【晴】

昨日派番Advanced SOM 個report, 比我們預期中好, 我地大家都話:「花百幾蚊都係值架!!!」(colour print 嘅支出, 當日因為太趕, 全份都用colour print, including 只有文字沒有圖的黑白版, 其實大家都幾肉赤架^^b) 之後Connie 又對Penny 話:「Penny, 花三千蚊係值架!!!」(Penny 在趕report 期間俾人偷左個手提電話) Penny 聽後苦笑著, 手按著心口表示肉赤, 說:「梗係唔值啦~」

講開個report, 諗番起D 野想記低番~

當日印mystery shopper 嘅questionnaire, 對A4 紙嘅demand 非常大, 要我地在CSC D printer 旁搜刮D 單面紙, 真係悲哀~~~~ 之後有段時間City 有D 號外派, 係單面紙之餘亦係兩張A4 紙嘅size!!! 我、Penny、Amy 幾次行過拎一D, 之後落CSC cut 紙(笑), 有次好搞笑呀, 我同Penny 只係拎左一小疊, 點知Amy 就拎左一大疊, 我地都估唔到Amy 會拎咁多呀, 笑到我同Penny 碌地, 笑話估唔到佢原來係咁貪嘅, Amy 仲好揚咁沒將果疊紙放入袋中, 我地見住佢拎住咁大疊紙, 一路行就一路笑到失控, 落到CSC 我地都未笑完, 哈哈^^

>>November 18, 2005 at 3:05:19 AM GMT+8

2005 年 11 月 14 日 星期一 【晴】

不過爾爾而已吧, 沒什麼特別的, 只是...

>>November 15, 2005 at 5:21:16 AM GMT+8

2005 年 11 月 14 日 星期一 【晴】

遇"王子"(中學同學), 唔係佢hi 我我都沒留意到佢, 當時我正趕時間, 但那幾句對答中給我的感覺是:
佢好傻呀^^

>>November 15, 2005 at 5:21:09 AM GMT+8

2005 年 11 月 13 日 星期日 【晴】

終於知道什麼叫 "飛燕切牌法" 了~~~
仲有 "方桌迴轉" (呢個好搞笑^^)

>>November 13, 2005 at 4:10:28 PM GMT+8

2005 年 11 月 10 日 星期四 【晴】

真想好好休息一下... (累 + 淚)

>>November 11, 2005 at 2:49:36 AM GMT+8

2005 年 11 月 4 日 星期五 【晴】

前日present, 有幾點想在此記低佢 ^____^

1. lunch 時, 因為要print 入hard copy 俾阿sir 同Dell 果個Director(?), 去左library information space print 野, 點知電腦俾人fully occupied 晒, 我同Connie 就同Penny 講:「你快D 搵吓呢度有冇人識啦~」(因為上次去呢度時佢遇到佢另一project 的組員), 不過今次就找不到了~~~ 我地到此時深深的感到「識人」的重要(笑)。之後正當我地好無奈時, 我發現了Kylie(我S&P 的組員), 就即刻對Connie 話:「我搵到識人喇!」就問Kylie 借D quota 黎印野, 但點知Kylie 得番 7 張quota, 唔夠我地print, 此時Connie 又發現了熟人, 就又走去拜託佢幫忙, 過不多久Penny 走來話佢又搵到個識嘅人喇喎, 我同Connie 大笑^^ 真是的, 一係就搵唔到, 一係就搵到幾個, 哈哈哈哈^^

2. 一如之前咁, 我和Connie及Amy 託Penny 幫我地買兩個飯, 多飯多餸多汁, Penny 仲話呀, "不"飯果個阿姐已經認得出佢咯喎~ 哈哈哈哈, 得佢有咁特別嘅待遇咋, 哈哈哈哈!!!!

3. 因為時間都幾緊迫吓, lunch 我地都係好快咁食咋, 途中Penny 好快食完之後就拎左個樽出黎話去斟水, 點知到我地三個食完佢都仲未返黎, 就打算一邊走一邊打電話通知佢, 點知剛起身走了幾步, 遠遠望見Penny 托著放了幾杯水的盤正在走過來, 我地驚訝之餘, 亦都好感動, Connie 急急話:「我地快D 坐番喺度, 唔好浪費左Penny 一番心意。」後來我地象徵式的喝了幾口, 大家都覺得好高興...

4. 入到班房, 發現原來the Director(?) of Dell 就係當日part time 教logistics 果個有趣的外國人!!!! 有點意想不到呢! 佢話佢有時會去City part time 教吓lecture 咁喎~ 原來如此~ 佢仲講吓Dell 的direct sales, 還說了"Cost is evil.", 哈哈, 好記得以前佢教logistics 時成日都話:"Inventory is evil, stockout is more evil.", 不禁笑了出來^^

5. 佢特別帶來了一袋Dell 的cap 帽作紀念品之類嘅野, 仲叫我地個個戴住影張相喎, 嘩嘩嘩, 即時全場哄動, 因為此舉太低B 喇, 而且我地個個都著得咁formal, 實在有點為難又非常好笑, 不過我地最後都有影到, 仲影左三張添^^b

6. 影相時, 由於實在太搞笑了, 大家遲遲都未肯就範, 而我同坐我隔離的一個男生就互相笠對方帽(基本上大家其實唔係太熟, 大家都唔知大家叫咩名, 只知都係SOM 人啦~ 不過因為大家都玩得, 好快就好熟咁), 真好玩^^ 就快到自己果組present, 心情特別緊張, 還緊張到不停拍打佢手臂話「好緊張呀, 就快到我果組喇~~~」佢就不停在笑 = =+ 佢就輕鬆咯, 佢果組唔係佢負責pre =_=

7. 到我地組present, 我地出到去, 大家準備好晒D 企位, 因為我expect 係Penny 會黎開個PPT, 點知等了兩秒左右仍沒出來開, 我轉頭望了望Penny, Penny 醒水, 傻笑著一個箭步走來開個PPT, 我同Connie 忍不住笑了出來。不過可能因為呢件搞笑事, 所以先至冇咁緊張, 表現都OK la ^____^

8. pre 完, 心情放鬆晒~ 之後到其他組pre, 途中Amy 問我咩叫"Magic words", 並指了指出面的PPT, 我話唔知, 之後我就問隔離果個男生, 佢望了望個PPT, 就說:「可能係D 會變化嘅字...?」我說:「但係呢part 係講hotline 架喎?」佢笑著「吓」了一下, 就話:「咁應該係粗口?」我想了一想, 就同Amy 講番, Amy 好似唔係太相信咁樣^^b 之後那個男的(因為我唔知佢叫咩名^^b)又補充了一句:「可能係因為粗口好奇幻好虛幻?」聽後, 我不禁笑了出來, 原本我都覺得有D 可能真係指粗口, 但聽到佢呢句補充之後, 就覺得一定唔係law, 哈哈!!!! 佢好低B 呀, 哈哈!!!!

9. 暫時鬆了口氣, 但係... 仲未忙完呀...... 哎...

>>November 5, 2005 at 8:28:51 AM GMT+8

2005 年 10 月 28 日 星期五 【晴】

趕SOM 個report 趕到 4 點幾(還未破當日CS 的 5 點幾紀錄^^b), 訓左唔夠 3 個鐘又要起身開 9 點鐘的會, 大家趕埋個report... 之後一路上堂一路做, lunch 都沒食, 只係在朝早食左個break 時Penny 買番黎D 包而已... 之後在CSC 再好努力咁趕, 要在 5 點前交上dept. office, 最後叫勉強完成左啦, 之但係未夠時間check 晒...

趕得起份report 當然是好啦, 只是... Penny 在CSC 唔見左部手機呀, 大家太專注趕份report 喇, 完全沒留意到... 佢部手機都好貴吓, 而且聽講佢仲供緊部手機架... 乜得D 人咁cheap 偷人野架?!! cheap 呀!!! 好cheap 呀!!!

大家都唔知點去安慰佢好... 希望Penny 唔好咁唔開心啦...

>>October 29, 2005 at 6:42:52 AM GMT+8