2005 年 7 月 6 日 星期三 【綿綿細雨】


今日落雨喎~~返工有D麻煩~~~~> <"
去巴士站個陣見到前面個學生冇帶雨傘,
自己又帶多佐一把,咪送比佢用囉!
我以前都曾經試過冇帶雨傘返學~~
但每次都有人幫^^謝謝~~~
唔唔........一共有五次.....(全部寫在日記本)
最深刻就更係第一次.....係小學三年級個陣~~~~
幫我個個人花名叫牛奶仔~~~^^
真名忘記了.......(喂喂~~~小學同學們,你地記唔記得呀????)
佢好好人架~~我近排見到佢,
D性格一樣好好~~而且變得好靚仔^o^(男大十八變呀~~~)

返工個陣A仔見到我無原無故向我say sorry~~~
嚇我一跳........我問佢做咩呀???!!
佢話驚我介意佢琴日D野~~~~
我咪叫佢唔好在意囉!
不過....其實都冇咩.....人人都會有惱o既時候~~
惱o既心情一D都唔好受....我知道個陣佢一定好不安......
嘿嘿~~~我同佢講,最應該的是向馬紙say sorry~~而不是我~~
至於A仔同海鈴D野....旁人不該去理~~~
但係Colour佢好似好想知..........=.="

放工去佐第一城,同星子、果子兩人,
去吉野家食牛肉飯,(好味^^)
佢兩個邊食邊吵.......周圍D人都望住啦...=_="
食完就去佐商場行行,跟住一齊行返屋企~~
返屋企又睇<<絕對少年>>,
不過只是預告~~~

夜晚同全家出去食飯,因為二哥琴日生日,
佢琴日要開O.T.所以冇慶祝到~~~
總之祝你生日快樂呀~~~~二哥^^


>>July 7, 2005 at 11:31:08 AM GMT+8

2005 年 7 月 5 日 星期二 【晴】

今日返工個陣,有一個女仔由第二間分店來,
好似話個間分店裝修喎~~~~
經理先生本身叫佢同經驗豐富既A仔做拍擋,
但A仔好似好抗拒個個女仔,
仲大叫:[唔得~~我要Pluto!!!]
咩話........全場人都嚇到→(=o=")
天呀!!!!!!!人地會以為我變態架~~~~> <"(哭)
開玩笑都唔洗咁過火嘛........
最後經理先生叫我同個女仔一組,(佢有心玩A仔^_^嘻~)
唔......個女仔好似叫做海鈴,(sorry....我唔太記得=.=")
佢好乖,溫文有禮囉~~
句句都有"請呀"、"唔該呀"~~~
我忍唔住話佢好得意~~~
佢就成塊面都紅曬~~~(哈哈!!真係好得意^^)
唔知點解~我覺得海鈴有D似"佢"~^.^~
"佢".......一講起就掛住.........
不行啦!!!!!我要集中!!!集中!!!
食lunch個陣我見佢一個人,叫咪佢一齊,
A仔好似好惱咁.\/.~~~~咦!!邊個激惱佢??!!
馬紙叫佢食野......佢就發大少爺脾氣!!!!(馬紙好可憐耶.....)
不過都係第一次見佢惱........有D驚....
海鈴立刻叫我走,我有D無奈就走。
因為我完全唔知發生咩事.....
淨係聽Colour講,話海鈴同A仔以前係同一間分店返工,
唔..........可能有過節......但海鈴好乖喎......
唉唉~~~人地D野唔好理,
希望明天A仔心情會好D~~~

放工返到屋企,沖完涼,
之後我睇佐新一集o既<<絕對少年>>,
好記得女主角一句話:[反正沒有人會需要我....]
[需要你的人一定存在在世界上某一角落....]這是我心中的答案,
而男主角的回答是:[不!至少還有我一個需要你....]
聽到都令我有D害羞~~>///<
哈哈~~但呢個並唔係愛情故事~~~
有機會"你地"都睇下啦^^好好睇架~~~

>>July 6, 2005 at 9:19:10 AM GMT+8

2005 年 7 月 4 日 星期一 【晴】

今日好累呀......可能琴晚太夜睡.......
阿除佢見我累咪幫幫我手~~~唔該你呀~~~> <
到Lunch個陣,我靠在儲物櫃睡了.....zzzz
A仔走過黎嚇我,不過我冇咩反應~~~
佢拿佐個包比我食,裏面多佐兩塊芝士^^(佢私人醒架***)
食完之後再去做野.....記得做佐好耐........
哇!!哇!!終於放工了~~~~~太棒了^^
換咪衫出去竟然見到香香,仲有阿偉!!!
佢地特地來接我~~~好開心耶^^
A仔見到香香,對住我邪笑........=.="(汗~~~)
我悄悄對A仔說:[又好又靚既女仔好多都有男朋友~~~]
佢就話:[不是我,而是你呀~~]
咩話???.........又關我事.........=.="
算了!!!反正我成日比人誤會...........
我地去佐茶樓飲茶食野,
阿偉佢話我成日食快餐店D野,
應該飲多D茶~~~(嗯嗯~~~謝謝關心^^)
飲完茶就返屋企,
我去佐郵局收包裹~~~
之前向日本Yahoo網站訂o既<<絕對少年>>音樂CD~~~~(封面如下圖)

D歌好正啦~~封面好~~好靚^o^(好少見男主角笑哩!)
不過花了不少$$人工$$去買.......大出血........> <"
所以我一定要比D心機賺$~~~~

>>July 5, 2005 at 6:35:03 AM GMT+8

2005 年 7 月 3 日 星期日 【晴】

今日返工個陣顧住同A仔傾計,
好似做得唔太投入~~=.="
A仔佢係到做佐4年~~
佢冇咩要求架~~有$就得.......
食Lunch個陣仲向我傾個不停,
我冇講,淨係聽佢講,
知道佢F.3就出黎做野,好辛苦....
話好想好似我一樣有F.5既生活,
[有時自己有D珍貴o既野係身邊,但自己不會察覺到....]
我是這樣想的......
突然A仔D朋友加入談話,
氣氛改變佐,好才.......
唔係o既話,我又迷失在自己的世界.......
唉~~~我總是怪怪的,
之後有幾個人問我放工去唔去街,
我話有野做,佢地全部在奸笑=.="(傻.....)
其實要去Library借書~~~一星期一次,
借完就回家喇.......

>>July 4, 2005 at 7:59:47 AM GMT+8

2005 年 7 月 2 日 星期六 【微雨】

今日係星期日~~~放假~~~
小朋友一早打電話比我,
話輝哥想叫我出去旺角,
但我想有人陪~~可惜Ting唔得閒> <(傷心)
最後咪唔去囉........sorry~有D唔好意思...
跟住整個下午我係小瀝源公園散步,
見到有好多人跑步,
自己都想一齊跑咪一份,
不過算啦~~~穿牛仔褲冇咩好跑.....
行行下又見到D人釣魚,
我看了一陣,心想:城門河只有死魚........=.="
但係見到一家人一齊釣魚咁開心,
釣唔釣到魚都係其次姐~^.^~
一直行到黃昏,估唔到比我見到夕陽~~
好開心啊~~~因為好靚^^
之後返到屋企我又睇<<絕對少年>>,
我成日覺得男主角D思想同我一樣咁怪......(汗"")
仲有......我地都好怕蟲仔........呃呃........=_="
睇到好夜先睡........

>>July 4, 2005 at 4:38:33 AM GMT+8

2005 年 7 月 1 日 星期五 【暴雨】

今日唔洗返工,我就上一陣網,
果子佢叫我開返個日記,
佢話好想知多D我o既野~~~
多謝你呀~~~^^好感動.......
之前個板比佐$又壞佐~~~=.="
後來出佐去一陣,
竟然見到威哥~~~好耐冇見呀
佢又大叫我小葡萄(在街邊)......好嘔心=o="
佢興奮過頭,問我等陣一點出唔出去,
我得閒冇所謂,就同佢去去喇!!!!
原來我被騙出來........可惡~~~好過份!!!!!!!
帶佐我去佢學校睇戲劇,(開放日)
佢學校戲劇學會D人好開放架........
女生D戲服太XX..........> <
點知見到戲中最後一個出場的女生竟然是-------------香香
原來佢做客串,但....但...是.....
天呀!!!!!!!!為甚麼要香香穿成這樣...............> <(傷心.....)
威哥佢仲笑我老套!!!!!真是氣死我!!!!!
戲完佐我地去後台找香香~~~~
見到旁邊有好多人化裝做鬼,
威哥被D人嚇親~~~哈哈^^
香香見到我,立即將我介紹比人識.......
有咩意圖先~~~=.="
不過我只係顧住叫佢穿多一件衫,
都冇留意旁邊D人.......sorry>~<
之後就三個人行佐一陣街,
五點到就回家啦!

>>July 2, 2005 at 2:05:35 PM GMT+8

2005 年 6 月 30 日 星期四 【雨】

今日朝早返工,我比經理先生讚呀~~~^^
有生以來第一次咋!!!!!!超感動> <"
我會努力架.....哈~~呢份工得來不易!!
今日都感覺做的不錯,
炸野、煮野都冇失手,
可能因為下午有得同一班同學去聚一聚(去小朋友屋企)^^
心情好好好~~~***
好開心可以見到大家........
即使是下雨我也好開心~~~
出門前Ting打比我,
收線後小朋友又打黎,
佢講到唔清唔楚,
結果下車之後我就迷路哩.......汗=.="
係慌張之際,達叔出現了.........
是來解救我嗎??????神呀~~~~~~~
經過我一番訴苦之後,
佢帶我去村口個巴士站到等人,
一陣間,輝哥同昌哥兩個係遠處過緊黎~~~
昌哥見我地同佢招手就跑........o抨o拍!!!!
佢手上o既百佳膠袋就爆開佐!!!!!!!
D汽水全部掉在地上.....=.=
達叔就幫佢拿,之後就帶我地去小朋友屋企,
原來......係我剛剛迷路o既地方附近.......我太失敗啦.....
去到小朋友屋企我見到好多狗狗^v^可愛QQ
跟住我去佐小朋友間房到睇漫畫~~
見到鬼咁多人咪出去睇。
睇完佢地班人又成班出黎打機=.="
我就再入去,見到達叔、輝哥、昌哥仲有個姓黃o既人(F.4)
我咪同佢地傾計~~~~好好笑^^
之後一齊玩大富翁,
玩玩下比人叫佐出去打邊爐.......(仲要開住冷氣機=.=")
食野個陣小吉同我傾計,
傾傾下突然有人問做咩唔拍拖,
仲死纏爛打咁~~~我討厭回答呢D問題.\/.
我咪話唔拍拖咪唔拍拖囉!!!!!!!!
之後咪問返佢做咩要咁早拍拖先???
佢答唔出口~~~哈!!哈!!
其寓係因為我o既[承諾].....
食完之後再續繼玩大富翁,
我做佐大贏家呀~~~^^
不過輸贏都唔緊要,
最重要是大家開心嘛~~~
玩完之後就幫Tim慶祝生日&食蛋糕
到佐十一點幾就返屋企,比預算夜佐~~~

>>July 2, 2005 at 12:58:45 PM GMT+8