2006 年 5 月 16 日 星期二 【寒冷】


剛收到Tracy 千里迢迢由武漢捎過來的禮物，是在鳳凰買的苗族 ' 手工扎染 ' 。我已把它掛在房間內了^ ^


>>May 17, 2006 at 7:57:48 AM GMT+8

2006 年 5 月 14 日 星期日 【陰】


查返普通話考試唔識果d：
can2 xue3 = 殘雪
xia2 'ai4 = 狹隘
dou1 lan3 = 兜攬

今朝本來打算去香港仔整負離子，但出到去先知貴出面好多，都係遲d 去阿Liu 講果間。之後問阿佳借refrences 影印。跟住同佢出左銅鑼灣，去書店搜羅英文書。之前淨係掛住理普通話，d 英文停滯不前，都係時候練下d 英文勒。唔記得左今日阿佳買果本書ge 名，我想買袖珍版，好似平好多。

好想睇<達文西密碼>


>>May 15, 2006 at 2:27:15 PM GMT+8

2006 年 5 月 13 日 星期六 【晴】


淑嫻同家軒話俾我聽佢地今次考試考得唔錯，令我好有滿足感。淑嫻已進步不少了，我唔應該這麼冷漠，應該稱讚她多點。其實，在他們之中，淑嫻是最乖的一個。



>>May 15, 2006 at 1:35:46 PM GMT+8

2006 年 5 月 12 日 星期五 【晴】


原來快樂和愛可以很簡單。早上八時多，我便出了門口，打算早點回校複習。那個時候，太陽已經很毒了。我看到一位老婆婆在沒有頂篷的巴士站向人們賣旗。雖然有一個男人不理她，可是她仍然走上前耐心地向他解釋這次活動的目的。最後，那男人買了旗，我也上前向她賣了一張。我依舊用平談的語調說了一聲謝謝。可是她呢，除了衷心的感謝，還祝我身體健康。我不但欣賞她做事之熱心，還欽佩她那份關懷別人的心意。

考試見到阿孫，她坐在我附近。
考完試，June, Guy, Ray, Opal, Shan, Max, Jane 同我去了聯福樓飲下午茶。你地d 手好溫暖。
由於淺水灣發生交通意外，小巴經東區走廊及柴灣入赤柱。
回家又同Polly 傾電話，期待那天的來臨。



>>May 15, 2006 at 1:35:58 PM GMT+8

2006 年 5 月 10 日 星期三 【酷熱】


琴晚發左個好恐怖ge 梦。我放左d 糖入個筆袋度(但係個筆袋唔係我用開果個)，係我行開一陣返黎ge 時候，我見到有隻老鼠走左入去我個筆袋入面。我好驚，我想拎隻老鼠出黎，但我覺得好嘔心。由於第二日要考試，我又買唔切d 文具。即使同d 文具燒左毒，我都唔想用。但唔知點解我會將果個已經拉左拉鏈ge 筆袋放入袋度拎返學校。見到Carl，我叫佢幫我拎隻老鼠出黎。但係衰人Carl笑住話：「li d 野，都係妳自己搞返掂佢啦！」> < 太核突啦！我死都唔會自己拎隻野出黎架勒。我嚇到醒左，成身起晒雞皮。

***************************************************************************

Opal (韓慧玲)
佢係我地ge 領袖。可能因為佢係主席，好多無人理ge 事，佢都要做埋。其實我同佢唔算太熟，不過有件事令我印象很深刻。早排大家都以為某同學出左事，Opal 係某日好晏ge 時候問我果個人有無事。佢話大家一場同學，都唔想佢有事。果一刻我真係幾感動，雖然佢地唔係太熟，但係我好多謝佢對某人ge 關心。



>>May 16, 2006 at 4:07:02 AM GMT+8

2006 年 5 月 9 日 星期二 【酷熱】


考完G. Thought十二個人去食飯。
G. Thought, 居然問應該用 'Geography' 定 'Geographies', 係咪無野搞搵野黎搞呢？
YY果科，要記埋malignant melanoma, hepatitis A, cholera 呢 d trem, 你不如殺左我把啦！我都係最鍾意溫普通話。

Tracy ：Dear, do you understand what I type?

***************************************************************************

Becky (呂惠芬)
佢係其中一個同我比較熟ge 同學，佢有d 地方同我幾似，大家都有d 問題需要解決。其實佢有時都幾令我同Polly 擔心，果日我都同佢講左d , 希望佢可以分配好d時間。如果可以的話，佢會join多d 我地ge 活動。

明日預告：Opal



>>May 10, 2006 at 5:47:13 AM GMT+8

2006 年 5 月 7 日 星期日 【酷熱】


今日收到Tracy 的電郵，好懷念year 2 同佢一齊上堂ge日子。佢係第一個擁抱我ge同學，好多謝佢對我ge 真誠同熱情。
另外，我上午同佢講左件事，有d野唔應該瞞住佢。好恩慰，唔單止因為佢無事，而係呢幾個月ge 事，我同佢越來越坦誠，大家都好似成長左。
下午係學校見到Becky, 傾左好耐。原來一直以來我都忽略左佢，好開心今日(以後都係)可以同佢咁交心。雖然大家都有好多方面ge問題要解決，對未來充滿期望，但在傾談之間彼此更了解對方。
好多謝個天賜呢三個好朋友俾我。

****************************************************************************

Carl (吳啟明)
佢係一個好搞笑ge 同學，好識搞氣氛，同佢一齊唔會悶。多謝佢去杭州送俾我ge 手信。不過佢果次上鄧生堂釣住我尾真係嚇左我一跳，我完全唔知佢係我後面咁耐。

後日預告：Becky


>>May 8, 2006 at 11:31:00 AM GMT+8

2006 年 5 月 6 日 星期六 【酷熱】


I can give you a hug whenever you need. No matter what happens, I am always by your side.





>>May 8, 2006 at 12:41:15 AM GMT+8

2006 年 5 月 6 日 星期六 【酷熱】


<牡丹的拒絕>(節錄)
張抗抗

其实你在很久以前并不喜欢牡丹。因为它总被人作为富贵膜拜。后来你目睹了一次牡丹
的落花，你相信所有的人都会为之感动：一阵清风徐来，娇艳鲜嫩的盛期牡丹忽然整朵整朵
地坠落，铺散一地绚丽的花瓣。那花瓣落地时依然鲜艳夺目，如同一只被奉上祭坛的大鸟脱
落的羽毛，低吟着壮烈的悲歌离去。
牡丹没有花谢花败之时，要么烁于枝头，要么归于泥土，它跨越萎顿和衰老，由青春而死亡，由美丽而消遁。它虽美却不吝惜生命，即使告别也要留给人最后一次惊心动魄。
所以在这阴冷的四月里，奇迹不会发生。任凭游人扫兴和诅咒，牡丹依然安之若素。它
不苟且、不俯就、不妥协、不媚俗，它遵循自己的花期自己的规律，它有权利为自己选择每年一度的盛大节日。它为什么不拒绝寒冷？
天南海北的看花人，依然络绎不绝地涌入洛阳城。人们不会因牡丹的拒绝而拒绝它的
美。如果它再被贬谪十次，也许它就会繁衍出十个洛阳牡丹城。
于是你在无言的遗憾中感悟到，富贵与高贵只是一字之差。同人一样，花儿也是有灵
性、有品位之高低的。品位这东西为气为魂为筋骨为神韵只可意会。你叹服牡丹卓尔不群之
姿，方知“品位”是多么容易被世人忽略或漠视的美。

Wo3 hui4 ji4xu4 deng3，yi1zhi2 nai4xin1 de deng3，zhi2dao4 nin2 chu1xian4 wei2zhi3。

****************************************************************************

鬼王 (劉灝珊)
佢係一個好可愛ge 同學，成日都會笑。佢唱歌果陣把聲好好聽，尤其係日文歌。佢日文好掂，如果有時間我都想學下。有時想係佢diary 留言，不過唔係好識。

明日預告： Carl


>>May 7, 2006 at 10:21:44 AM GMT+8

2006 年 5 月 5 日 星期五 【酷熱】


妳那段經歷一定令妳覺得很難受吧。說了出來，總比憋在心裡舒服。他不體諒妳，還將責任推在妳身上。妳早點看清楚他的真面目其實是一件好事。
早上經過花店，被那些鮮紅嫩綠的花吸引。以前很喜歡玫瑰，可能了解得最多是這種花。現在呢，無論是百合、滿天星、康乃馨，以及其他叫不出名字的，都使我心馳神往。看著店內花團綿簇，好想整個人躺在她們之中，融進五彩斑斓的世界裡。

Polly：唔好淨係掛住食啦！快d 覆我電話ar~ YY 同G. Thought 點溫好呀？

****************************************************************************

Roy (黃志聰)
初初識佢果陣，佢個樣成個細路仔咁。衣家個感覺已經唔同曬，個樣成熟左。不過性格始終無咩點變，依然係一個幾幫得手ge 同學。以前修K.K. 果科每組要去十個sites 收聲同吸塵，佢一個人去左三個，我地女仔每人只去一個。佢同阿Tim幾似，叫佢做野永遠唔會say no.

明日預告： 鬼王


>>May 6, 2006 at 11:26:59 AM GMT+8