2008 年 11 月 14 日 星期五 【颳風】

從來都無想過我會為了那「半年」的事而流眼淚，更沒有想過會在這種情況下而流眼淚！也許近來是因為有太多的事壓到我連呼叫的力氣也沒有吧！又也許只是想借這件事而好好的哭一場吧！不管怎樣，種種的回憶的確是令我改變了很多，無論是對人的態度和思想…都不其言的把自己放在一個不被發現的地方，這樣是最安全的。

從來都無想過會跟其他的人說以前的事，就算到這一刻也是一樣！所以這一刻的確是有一點後悔，但經過「別人的女朋友」的意見之後，也許有太多的事不需要想那麼多，一切就順其自然吧！不過我也希望你知道，我是一個小器和自私的人，所以希望你不要祈求我會為你做什麼！反而我會要求你為我做些什麼！哈哈！沒辦法！這個世界就是那麼不公平的…

>>November 25, 2008 at 8:11:17 AM GMT+8

2008 年 11 月 13 日 星期四 【微冷】

人大咗，要兼顧的事也多了；要想的事更多了，要做的事也相繼地多多多了…可是最後的結果是不是跟自己付出了的相同？那就未必！所以每當做任何事之前都會自己想很多會發生的可能，那當然大部份都是負面的事！這樣才會有準備面對困難，那當然有很多事都是預料之外，所以就需要靠平時的經驗和知識去解決…

當日子一長，有很多時候都會很自然地將簡單複雜化，有時還會把自己迫到死角。或許有人會選擇放棄，但也會有人選擇繼續向死角撞過去，到最後滿身傷痕…去到呢一刻可能會想一想，我們到底為了什麼而令到自己滿身傷痕呢？

近來的確有很多事令到自己提不起勁，應該係話就算你很想很想把所有的事情弄到清清楚楚，到最後也會因為很多的因素而不能有原先自己預期的結果！所以很多時候都不禁地問自己，做得咁辛苦 – 為乜？可是寶貝GM話：「為的是對自己有一個交代，每個人的做事手法的不同，最重要是你的決定和做事手法是可是向自己有一個交代…其他人的事，就由其他人自己的解決」

阿TART已經暗示他不會跟我續約到出年了，呢一刻真係唔知有什麼感覺。可以做到毫不在乎嗎？對其他人，我一定可以！可是當一個人靜下來的時候，真的有點想哭的感覺！哭…最大的原因不是變成失業大軍，哭…只是覺得自己很努力的撐到現在，可是到最後原來也是不被認同！

很累了！身心都覺得很累了…

>>November 14, 2008 at 5:12:11 PM GMT+8

2008 年 11 月 10 日 星期一 【颳風】

第一次去開training group的大會，基本上大部份的內容我都唔係好明白！可是這些會又不能不到，唉！有時候在想…都唔知為乜！

而今次話就話係training group的meeting，不過因為開飯時分兩圍…最後都變咗係SQN meeting，而剛好4個flight commander and SWO都在場，咁就可以討論吓一些問題！與其說討論，倒不如說被審判會好D…明明EMAIL出晒比全世界都會被人話，都唔知係對方無睇定係話佢失憶，呢樣都算！仲要被人話我個FLT D野收收埋埋，咪玩啦！所有的野都有Send email to ALL，反而我就真係想問吓各位做的PLANNING有無真係public過出來，次次都係各位決定完之後幾日前就通知人，咁我何來去配合到你地丫！最初我都唔明白偉大的OIC仲乜無出聲，後來我都發覺出咗聲都無用，明明知道的人都一齊參與『審判』的時候，就算我地真係有做到，都會被人覺得無做或做的唔好…唉！

雖然話Training group請食飯，不過呢餐飯就真係食得好苦！一來今餐係食四川菜，以辣為主…其二就咁樣被審，乜都無味啦！真係有D衡動想去M記食返個Double餐…食完飯，李小龍就再同咁多位大人去討論吓近來的問題，不過都係果句啦！李生有李生講，但其下的大人咪又係有佢地自己果套！所以我覺得係AT學的野，根本就唔work的…有見及此，唯有想一想如何讓自己做得好D，無謂再被人講閒話！

>>November 25, 2008 at 2:38:43 AM GMT+8

2008 年 11 月 8 日 星期六 【晴】

尋日同「別人的女朋友」傾咗好耐，最終都係放返條電話線出來…而本來今日打算過中環睇吓Remembrance Day，不過最終都因為太累所以放棄了！反正去到咪又係得個睇字，又係唔明各位做緊D乜的！加上個人又比較累、天氣又凍凍地，都係乖乖留返係屋企補眠好過！

唔知訓到幾多點被電話嘈醒，但好老實咁同細路講我仲訓緊覺…之後就繼續沉睡，到五點幾終於被阿娘吵醒起身食D野，之後就上吓網、好HEA咁執吓自己D野、睇埋套籃球火！咁又磨到夜晚開飯…哈哈！呢D係咪擺到明睡完就食、食完就HEA、HEA完再食、食完再訓的生活呢？爽！

兩個人一起會有很多不同的意見、不同的想法，當彼此都堅持自己的觀點時，爭吵是永無止境的！當然兩個人一起同時都要面對很多的困難和考驗，如果是旦一方選擇放棄的時候，就需要另一方的支持和堅持，若不然這段關係很容易就會終止…老實說，這一條路對於我是最沒有信心的路，所以非必要都不會往那裡走…就算真的走進去，也會很容易因為不安、因為不穩的心而回到原點，最終受傷的可能還有對方…到底現在路的盡頭會是怎麼樣？

>>November 25, 2008 at 2:19:48 AM GMT+8

2008 年 11 月 7 日 星期五 【晴】

昨晚開始有心咁去避電話，到今日出門才發現拎咗個無乜電的電話出街！唉！算…反正都唔係好想聽電話，今日班RC連埋103 SQN一齊搞Backwoods cooking。其實我都算係第一次參加這些活動，加上偉大的OIC今日又要返學。所以我都係乖乖同埋佢地一齊去玩！而今日揀咗去香港仔郊野公園…原來由中環坐巴士去香港仔都起碼成45分鐘，好彩阿KI等埋我一齊上去，如果唔係我都唔知應該點樣搭車上去。

今日RC大約有十三個左右出現，打亂晒所有人一齊再分4組。而我今日最大的任務就係評分，試吓由佢地煮出來的野食，而我都好老實咁同NCO講：「唔該準備定保濟丸比我！」今次Backwoods cooking的菜單包括：炭燒雞、自家製炭燒麵包、蕃茄蒸洋蔥蛋、薯仔蒸洋蔥蛋…而做官就梗係自己係一邊BBQ啦！呵呵！不過我全程都拎部相機映相，所以都無乜點燒到。而對於我比較新奇的就係佢地用竹叉住隻雞係爐上燒，呢一刻我有D擔心！因為我成日都見到佢地唔小心咁將隻雞跌咗落個爐度，驚驚丫！

好快就到評分時間，而我地的標準通常都係只要佢熟就已經合格，咁當然最後出來的野食就層出不窮，雞唔熟或未熟的蒸蛋都一概不合格，而我呢D咁怕死的人就梗係死都唔會試下佢地未熟的戰利品…

最後的結果有2個Section的得到冠軍，有棉花糖一包…而各section都會派一D BBQ的食品比佢地燒野食，而我就大約5點幾就搭車去CWB搵「別人的女朋友」…因為佢Daddy比咗2張戲飛佢睇戲！

我落到CWB都6點幾，去咗MCL睇吓有乜戲睇！本來想睇High School，不過開咗場！最後我地就返去太古果間MCL度睇吓有乜揀，最後High School musical都爆咗場，所以我地就揀咗睇10點的雷霆喪星，買埋外賣就上去「別人的女朋友」家度HEA，順便同小Cream玩吓…小Cream今次見到我唔驚，仲不知幾friend…哈哈！

HEA到差不多時間就閃人落街睇戲，呢套野以搞笑做賣點…不過有D鏡頭都幾血腥，搞到我都唔敢點睇！同埋我覺得都係一般，無想像之中咁搞笑！而差不多成11點八先散場，所以我都係追唔到船返屋企，唯有搭MTR直接返青衣再轉車！

今日成日都無接過電話，一來電話無乜電、二來無咁的心情去聽或研究我們之間的問題！畢竟有些事情我覺得要冷靜下來再可以知道自己想要什麼、想追求的是什麼！對嗎？

>>November 17, 2008 at 9:30:24 AM GMT+8

2008 年 11 月 6 日 星期四 【微冷】

大部份的人總希望得到別人的認同、別人的付出、別人的包容、別人的忍讓、別人的愛護…而每個人都有不同的思想、不同的觀點和不同的做事方法。面對問題時，只在乎彼此間可否找到一個共識或一個答案！

一直以來我都很贊同「當局者迷、旁觀者清」這句話，當身為故事的主角時，有很多事情都未必能看得透徹，有時還會被一些情人或思想影響到所作的決定…所以除了家人，朋友是另一個最佳的分析員！除此之外，他們也是你最佳的同伴。或許彼此不會常相見、常聯絡，但他們總會在你需要的時候不離不棄的陪伴著你、他們會全心全意的希望你過得開心、活得快樂！所以朋友對於我的成長階段中是其中一樣很重要的部份…

雖然我是一個主意多、愛作弄的人，可是有些事情我是不會隨隨便便的拿來玩！尤其是感情的事，因為我玩不起…而且世事無常，沒有人會確定下一秒發生什麼事情，再說我也相信在這個世界中會有報應的一回事。

兩個人一起是需要很多協調和很多信任，當一段感情經不起考驗的時候、不好的回憶太多、不好的經歷太多的時候，就不會隨隨便便去擁有，倒不如一開始就不要去改變什麼…雖然有很多事情我都想過，我也知道你會讓我過我愉快，可是我就是沒有信心去維繫這份的感情，因為我就是那麼缺乏這份的安全感，當遇到一點兒不安的時候，我寧願選擇回到原點…而且人總不喜歡聽一些不喜歡聽的話。對嗎？尤其更是個小器和自私的我…加上習慣了你的遷就和包容…但總有一天你也會覺得很累而想要放棄，而你不再對我包容、不再容忍的時候，也許對我會是另一種的傷害！

再說每一個人都會有一些的遺憾，可是有些事情不應該常拿作為藉口，在這個世界上有很多人天生四支有缺憾，但他們仍能活得精彩。所以上天給你這個考驗，你也該努力去面對它，不是嗎？ 我相信我們每一個人也是很關心你的…

話雖如此，最後的結論都係講同做的確是困難的…

>>November 9, 2008 at 10:22:49 AM GMT+8

2008 年 11 月 4 日 星期二 【晴】

今日本來約咗「別人的女朋友」收工去唱K，等大家Relax吓都好！但因為她唔係咁舒服，所以就改下個星期先再唱。而我就趁今日去銀行中心睇吓D travel package先…

仲以為金融海嘯會平D，點知計過條數飛台灣4日都要成2千5蚊到3千蚊…同之前真的差太遠，如果計埋洗費真係分分鐘要成5000蚊，所以都係從長計議，而且11月尾又有service要做，細路又長週兼儲錢交學費…今次呢個旅行或許要放棄了！唉！好想放假、好想飛；更加想離開、想讓自己靜一靜…

睇完package就去一間餐廳食越南野，都唔錯D野食…下次可以同「別人的女朋友」去食，也可能試埋其他的食物…食完野就行咗一陣就各自打道回府！而我臨返屋企之前就去咗搵Kinki拎返盒Packing slide，吹咗一陣水就搭車回家了！


發覺太多的事原來就是解決不了，連逃避的機會也沒有…有些事情我真的不知道該不該跟你說，可是我確實不知道應該從那裡跟你說起來。我好早之前也說過，每個人心中都有一個盒不希望任何人知道藏在裡面的秘密是什麼，而這個盒也許也是我們最脆弱的地方，所以要打開…真的會很難！要讓其他人看？更難！尤其是一個沒有什麼安全感兼敏感的人！

估唔到有7-8年完全無聯絡的人突然又出現，呢種感覺很特別…從來都無想過我們之間會再有任何的交集，可是最後還是有機會重聚！不管怎樣，有方法聯絡也並不代表會再有重聚的機會，對不對！所以就算係『面書』度add as a friend，都已經不重要了！

>>November 8, 2008 at 6:52:22 PM GMT+8

2008 年 11 月 3 日 星期一 【晴】

因為Kimmie之前公司抽獎抽中咗兩張詹瑞文Talk Show的飛，但因為她和屋企人都無興趣睇，所以就將兩張飛益咗我…而我就馬上打電話問阿康一唔一齊去睇，哈哈！雖然細路一知道就有D唔高興，不過之前次次都係阿康買飛請我睇Show，今次就等我益返佢啦！所以唔高興都矛辦法！

因為場SHOW開1930，而我最快過到海都1830…本來阿康打算同我食返餐好，不過時間關係我地決定去金鐘食Triple O's Hong Kong，同Burger King食的野差不多…而價錢都有返咁上下，一個combo都50-80蚊左右…收工好準時咁閃，而過到海又無乜咁塞車，所以1820就已經到金鐘落車…而我先去Triple O’s Hong Kong度搵位兼叫定野食，因為時間都幾趕…阿康叫咗個Chicken burger、而我就叫咗BC burger。BC burger係加多咗Cheese and 煙肉的burger，所以當我食完之後都已經好飽，而D薯條就梗係叫阿康幫我KO埋…然後就衝衝咁行過去演藝學阮，好彩我們1940左右去到都未開場，去埋個Restroom就入去，先發覺原來我們坐第6行仲要係正中的位，同上次睇森美小儀的位差不多…好開心！

成個Show無乜特別，某D位唔係好明，同埋完全覺得呢個Show係粗口精讀班…唯一最搞笑係詹瑞文突然係中間走上觀眾席，原因係詹生扮阿媽搵仔。見到阿康就衝上來話阿康係佢個仔，哈哈！笑死我！而最後仲送左件Tee比阿康，但因為無佢Size…所以就又益咗我了！

成個show睇到11點半，結果好趕急咁又要衝去IFC搭0000船返屋企。如果唔係又要等多半個鐘，唉！都唔明為什麼近來夜晚過海食飯 / 睇SHOW都要追船追到腳軟…

返到屋企馬上沖澡就馬上搵周公子，因為真的很累…

>>November 8, 2008 at 6:23:37 PM GMT+8

2008 年 10 月 31 日 星期五 【陰】

繼上次去完Fireboat和GFS Visit之後，今次就到CX Visit…哈哈！呢D咁的好工我就梗係好樂意做啦！同上次一樣都係AM Visit，但因為之後他們有Remembrance day的Rehearsal，所以今日下午的RM取消！真開心！可以過去尖咀睇阿哥有份的攝影展…

11點就去到CX，見到佢地全世界企晒係CX門口出面吹風，咁就叫佢地入去坐等齊人…點知OIC話佢地鍾意係出面吹，所以我就無再理佢地入去Canteen買返份三文治食吓先，揀咗個位可以望到佢地，哈哈！

食完三文治去埋銀行佢地都仲未入來，如果無無聊聊就拎部相機出來映吓佢地，之後我才慢慢咁落返去浦頭，而今次帶我地參觀CX的人叫Daniel Chan，哈哈！呢個哥哥個Look都好IN，同埋無話點限死晒我地D時間，解釋又唔錯﹝雖然同上之一樣我大部份的時間都係自娛﹞呵呵！基本上睇的野差不多，都係crew training、flight simulator、模擬check-in counter等地方…而呢班Crazy Flight的members就發揮了他們crazy的本領，就係狂映、狂玩，而Daniel知道我都算係同公司的人，所以好多事佢都會盡量配合我地，哈哈！本來我打算搭返1點車返屋企換衫，不過趕唔切！所以就唯有等點半車先返去，因為要映埋GROUP PHOTO，結果最後得返2分鐘要由前門走去後門追車，搞到成身汗…所以一上車就狂吹冷氣，結果搞到頭痛…

返到屋企第一件事就洗白白，執埋D野就換衫出門…搭船過中環再轉渡輪過尖咀，唔知係咪太趕兼無食野，有D暈船浪。遲咗十幾分鐘去到文化中心就見到佢地已經督緊汽球開幕，阿哥今次有3幅相做展覽，都唔錯…而我同阿嫂就周圍映相，順便映吓D路人欣賞阿哥D相時的情況，哈哈！之後係文化中心入面食咗個TEA，後來Bryan同Agnes都到埋，就一齊HEA咗陣！大約6點左右我又搭返船過灣仔搵細路，搭埋呢程船個頭越來越痛tim，之後就行過去世貿中心食翡翠拉麵小籠包，我地叫咗個鎮江肴肉、小籠包、上海炒年糕 and 蟹粉豆腐﹝好味道﹞…突然想起上次同阿娘去上海食蘇浙匯的蟹粉宴，正！

食完之後個人開始很累了，加上又頭痛！如果再被我靠多會，我想我真的會睡著…而為免自己訓著，就結帳行過去避風塘吹吓風，哈哈！頭痛指頭比之前更高…雖然如此，但感覺都幾舒服，相比尖咀碼頭呢度有得坐 and 無咁多人！唔經唔覺咁又坐咗2個鐘，行返過去天后坐叮叮去IFC再轉船返去，好彩最後都追到，不過就走死…返到屋企急速咁沖完澡再上吓網就去搵周公子了，好累丫！

>>November 5, 2008 at 8:05:41 AM GMT+8

2008 年 10 月 23 日 星期四 【晴】

係未講今日做咗阿四幫公司同事搬嘢之前，要講一講今晚跟「別人的女朋友」食Dinner的事先，因為我們傾咗好多嘢！而她最關心的都係我心中的答案…有D嘢雖然已經很清楚和明白，但始終覺得個心仍未夠信心就是未夠，或許對他是很不公平，不過我也蠻喜歡現在的關係，起碼彼此都沒有任何的責任、任何承諾、任何的身份背負著！隨時都可以重新去選擇之後的路該怎樣走…

其實今日傾傾吓的時候我突然想了一會，穎風和泉最大的分別是以前我會想很多的辦法或時間去見、去知道穎風的一舉一動，也許是因為子霖是「別人的男朋友」。但是現在我不會用很多、很多的時間去想泉的事情，一來自己都無乜時間去想、二來對於泉我一直都是被動的！就連阿康…都曾經跟他有近距離的接觸，那我呢？唉！其實我並不是不知道他來了，可是我確實並沒有太大的感覺或意欲去見他，這就是我對泉和當時對穎風最大的分別！有時連自己都搞不清到底想怎樣？

講返今日，為什麼今日會做阿四…原因係之前Crabtree來咗公司做promotion，而份訂單又寫到明送貨去離島要收多HKD80運輸費，加上阿哥公司的order又過份的多，所以最後都係連埋我公司同事的order入埋阿哥的order度，一次過送埋過阿哥公司…一來又可以慳返HKD80、二來我又唔洗搬D貨去比阿哥！可惜當我今日上到阿哥公司見果兩袋野，真係嚇一跳…同埋又真係唔輕，好彩其中有一半的product今日會有人拎走，而仲有3 sets今日都可以比埋當事人拎走，所以最後我只需要搬8 sets返屋企，不過原來都幾重下！而幸好Maria幫我拎住我個包包，而我就抱著果一大袋野過旺角搵「別人的女朋友」開飯，食完之後就返屋企。但拎完果袋野，對手對係無晒力！完全係酸痛…

>>October 27, 2008 at 7:03:11 AM GMT+8