2008 年 12 月 17 日 星期三 【晴】

呢個星期簡直係Birthday week，每日都有唔同的人生日，仲乜12月咁旺？請食飯都食到窮丫…不過生日飯局都係一個可以比成班人一齊聚一聚的機會，同埋最主要都係主角開開心心咋！

是日壽星仔女：my lovely MARIA and Low B的OIC…

祝my lovely MARIA：每天都要開開心心、工作順順利利、升職加職減工作量、身體健康，每一日都要比之前一日更加愛我，哈哈！

至於Low B的OIC：大一歲啦！生生性性咪成日都做埋D LOW B野，尤其係要習慣每天都Check下自己的email，咪send埋D outdated的information出來叫人做野！凡是要學懂知足兼向前看，怨天尤人都係無用…有很多事情都需要靠自己去解決，旁人只能給你意見，但最後都要用你個豬腦去思考的…

>>January 22, 2009 at 9:56:13 AM GMT+8

2008 年 12 月 16 日 星期二 【晴】

因為幫Ricky的仔仔搜羅HKCE – Economic的notice…而咁好彩SQN又有人係修呢科，所以就叫咗佢地影份NOTICE比我，而今次我就約左佢食飯兼比埋D notice佢…飯局就梗係唔止得我地2個啦！仲有西門爸爸、George、Rebecca…今次我地都係決定去青衣城的稻香打邊爐！

同上次一樣，都係各自吹水！而今次的話題多咗DD就係講大人應該點樣教小朋友，而我呢個小朋友唔多唔少都被說教咗一輪，不過可能因為年齡問題，有D事情唔係話我退一步就可以去解決的…始終有很多事情都係日積月累咁而發生或轉變到現在的狀況…

因為Ricky臨時要OT，所以佢好晏先到！但我地果時都已經食到飽飽了，所以相比上次…今次都算叫得少野。平衡每人都係百幾蚊啦！連埋啤酒、汽水。其實當各人都係唔同的公司度做野的時候，共同的話題相對會少咗，所以唔多唔少呢D飯局都會有Dead air的情況。不過如果只係用一個聚一聚的心態去食飯，我都覺得呢D飯局係必要的！因為有好多事情當時間空隙太多或太長的時候，所有的思想和感情都會轉變的…而且我成日都覺得要維持一段友誼，是需要時間建立的…除非呢段友誼已經昇華到另一個階段！

PS：今日係我靚愛的嫂嫂大日子 – 生日快樂！祝你越來越靚、越來越正！升職加薪，每日都開開心心，最緊要就係要健健康康…

>>January 16, 2009 at 9:12:44 AM GMT+8

2008 年 12 月 13 日 星期六 【晴】

數數手指，都差不多有八年都無返過中學！雖然只是短短咁係果度渡過咗年多的時間，不過都係開心的，因為都有D岩傾的老師和第一次上台攞「老人牌」獎…哈哈！而最大的原因都係因為阿敏個妹今年係羅記有攤位，所以乘機返去行個圈啦！

因為呢排都夜訓，所以今日都係張床度爭鬥咗好耐先起身！去到葵芳打電話比阿敏，之後就坐車入天水圍，去到之後佢仲未搞掂，所以我就去咗大快活買咗個叉燒飯上去食！好耐都無見過佢阿哥同佢阿媽，咁耐無見都係咁搞笑…之後就一齊行過去，沿途條友成日都點佢個妹話我地就到、就到同就到！哈哈！阿妹同以前一樣都係咁BOY，不過而家型D…而阿妹係學校又識好多人，所以我地唔洗玩GAME都可以有印仔換禮物。哈哈！

返到學校見到好多SIR / MISS，同我預期一樣都係無人叫得出我個名，哈哈！梗係啦！我份人低調嘛！見到以前的班主任 – 陳繼榮、教物理的梁SIR﹝不過呢個無好感所以避得就避﹞、教化學的MISS NG、教生物的MISS LAI、無教過的PE的胡志良和我好鍾意的訓導主任胡敏華…雖然好多老師我都唔識，不過昔日的校長仍然都係而家的校長！哈哈！

係羅記玩到4點左右就閃人過屯門搵陳主任拎野比老豆，之後見到阿哥同阿嫂…就約埋一陣上老豆度睇一睇！同陳主任食咗個TEA，傾咗一陣…來來去去都果講果D，有D野改變唔到就改變唔到，都係算啦！唔好再迫我去解決，我解決唔到亦都唔想去解決！

Entertain完老豆果PART就搭車出尖咀搵細路食飯，本來打算去食米線…後來經過Delifrance就食Delifrance，我叫咗個蜆肉意粉和雜菜湯…之後仲好乖咁睇咗成份報紙。之後係尖咀行咗一陣就各自回府…

PS：今日係BEE BEE生日，祝我親愛的BEE BEE牛一快樂！每日都開開心心、健健康康！同埋我地的proposal要成功丫！加油！

>>January 8, 2009 at 10:32:43 AM GMT+8

2008 年 12 月 11 日 星期四 【微冷】

展翔每年最齊人都莫過於係慶祝鄒姐的生日飯，而今年除了慶祝鄒姐生日之餘仲順便慶祝埋她榮休之事，所以今年我地就決定好豪咁去尖沙咀食「鹿鳴春」…之前我都同公司同事食過兩次，但唔係次次都食翅和片皮鴨！收工坐廠車出尖咀，以為哥哥好晏先度，所以係海港城好HEA咁行過去…點知未行出去海港城哥哥已經打電話來話佢已經到咗，嘩！洗唔洗咁快，結果本來由我等佢，最後變咗佢等我！

是次飯局都算人齊，有主角鄒小姐、阿婷 + 男朋友、雷生 + 女朋友、阿睿 + 女朋友、曾生 + 女朋友、子揚、阿康、劉生、趙兄、哥哥、我和遲來的12月之星OD妹！16個人叫咗個12人餐，雖然大家都坐得好迫，不過難得咁齊人，迫D咪迫D！點都好過分2圍，一D氣氛都無。而為了慶祝鄒姐榮休之喜，我地決定夾錢送份禮物比鄒姐，最初的建議係打個金牌仔，後來搞搞吓就決定去整陶瓷公仔，拎張相去間鋪路度整！兩星期起貨，而今次仲要阿康好辛苦咁收工趕去觀塘度拎完隻公仔再過來，最辛苦係佢仲拎咗支鏡頭和相機。我想成個展翔團都係得阿康先咁抵得唸…

OD妹因為要開OT，所以我地差不多食完佢先到！食完飯就拎份禮物出來比鄒姐，佢見到好開心，有花有蛋糕…門面野今次做到足！而成餐飯都離不開吵吵鬧鬧，加上今次我用了上次GM拍MOVIE的方法，就係將部相機放係轉盤上轉一圈。咁就個個都映到個樣！哈哈！

食完飯，切埋蛋糕就開始今日PART II的節目，就係同OD妹映畢業相，行咗去尖咀海旁，見到毛毛、歐綿棠和黎耀祥係度拍緊同事三分親，睇咗一陣我地成班就出去映相…而近來身邊的人除左阿哥D FD之外，展翔團的男仔都一人一部大相機，哈哈！唔知係咪因為經濟低迷個個都係搵另一行飯食呢！好彩我都有部G9旁身，哈哈！

身邊咁多高手，所以有D咩問題都可以馬上問到！係新世界中心門外無腳架都映咗張好靚的相！係發光的樹，唔錯唔錯！我大約玩到11點半左右就自閃，因為唔想咁夜返去…加上阿娘呢排又開始發癲，所以都係早D閃安全D…

>>December 31, 2008 at 8:35:24 AM GMT+8

2008 年 12 月 3 日 星期三 【晴】

2008年完結之前，Stephen話SDR要搞多次飯局，所以我同Rebecca就用了一、兩個星期就決定日期和地點，而今次可以因為時間不是太遠，所以大家都好快就reply晒…可惜最後Rebecca唔舒服和Steve唔得閒，如果唔係今次的飯局都真係好好好齊人…

人物有：Terry、Stephen、Kevin、Serena、Yan、Gaius、Timmy、William + 柏熹、Ricky、Bethia、Mandy、Kenneth + 樂樂、Simon、Anson + 女朋友 and ME！因為人太多，所以我地有D人都要轉Circle chair！叫咗12人set再加咗兩碟菜，因為set的份量較多，幸好個個都食得晒！而成餐飯個個都會講下自己的近況，尤其係今次神哥帶埋女朋友出來…他們計劃出年結婚，恭喜晒！而我個寶貝GM就Suggest咗一種拍movie的好方法，就係將部相機放上轉盤度慢轉一個圈，而每個人都要對坐部相機講幾句說話，呢個方法真係唔錯！下次都可以用呢種方法，at least 楂機果個唔洗手軟之餘仲可以拍埋自己…

其實最開心都係見到Serena，因為自從BB出咗世，她都好少出來我們的聚會，今次見到大家都好開心，而William + Kenneth又帶埋阿仔出來，所以成餐飯的氣氛都唔錯！而我就不停咁映相和同樂樂玩！至於三大老闆我就唔知佢有咩FEEL啦！反正呢D場合佢地都無乜野發表…

>>December 31, 2008 at 8:53:59 AM GMT+8

2008 年 12 月 1 日 星期一 【晴】

今日仍然都係無返屋企食飯，哈哈！因為約左阿康，他要九點半去青衣IVE搵佢阿SIR拎帖，所以中間唔知去邊就順便搵我食飯，其實自從入咗ACC又真係少咗時間同阿康出去試新野食，加上今日阿娘又好似唔返屋企煮。順理成章就同阿康食，哈哈！

好乖咁一收工就直接出去青衣，行咗幾轉阿康就到…研究咗一輪最後都係決定去食粥，呵呵！因為呢排成日都出街食，都係食返D清淡的野好D！我叫咗個菜干瘦肉粥、阿康叫咗個豬扒飯…後來知道阿康唔洗趕上去青衣IVE拎喜帖，所以一食完飯就被阿康捉咗去睇戲，本來我想睇「芝娃娃」…不過青衣呢間戲院無上到，結果就睇「証人」，好日都唔會睇下戲，呢排一睇就睇咗幾套！成套戲都係圍繞謝霆鋒去救一個被張家輝綁架的小女孩，中間都帶出人情味、夫妻間的感情一面…成套戲不過不失啦！不過我都係睇返D卡通片安全D，哈哈！唔知由幾時開始連一點兒血腥、暴力的場面都受不了…睇完戲就各自打道回府！

PS：感謝康生今日請我食飯之餘仲請埋我睇戲！

>>December 30, 2008 at 4:02:07 AM GMT+8

2008 年 11 月 30 日 星期日 【微冷】

YEAH！今日係Kinki同事 + Jackie SIR生日…祝兩位壽星仔女生日快樂！身體健康、學業進步、順順利利，每日都開開心心、年年都升職加薪！哈哈！

本來打算今日收工返屋企，畢竟幾日都無返屋企食飯！不過難得壽星女今日得閒，所以我地決定去荃灣唱K輕鬆下！好早咁一收工就落荃灣，6點半已經開始唱…可能因為今日係星期一，所以可以唱到第二朝6點，不過要上班的我就梗係唔會同佢咁玩啦！基本上都係唱國語歌多，而同事就梗係唱日文歌啦，哈哈！

2條友一唱就唱到10點半叫結脤，始終第二日都要返工兼TODAY IS MONDAY，都唔想咁夜返去！

>>December 23, 2008 at 6:53:55 AM GMT+8

2008 年 11 月 29 日 星期六 【微冷】

今日凌晨3點就起咗身，因為今日要幫UNICEF去迪迪尼出面做Service！而我地存Coach去到荃灣around 0415，所以晨咁早就出發…尋晚已經打電話比牛佬倫問吓佢方唔方面接我去荃灣，好彩佢得閒可以來接我，咁我又可以慳返30蚊！呵呵！

第一次出呢D咁的service，成個Corps加埋有差不多100個人參加！而因為今日跑10K和半碼，所以我地分咗4個ZONE！而我就負責迪迪尼出面噴水池到地鐵站果個位，其實對於我都無乜野做，因為都係班細路係度企，而我就做埋D行行企企的角色，咁岩阿KI又係我個ZONE…哈哈！有個熟人可以玩吓，不過就由清晨5點聽迪迪尼的歌聽到11點幾，真係有點兒反感…而因為我唔洗揹Walkie，所以對於我就更加清靜…什麼是是非非都一概不知道，呵呵！但始終而家清晨的溫度都有返咁上下，姜姜見到我狂流鼻水就好好人咁除左佢件Foul weather比我，而CODA仲比咗個暖包我！哈哈！果然出外要靠朋友…

成個service around 12點就dismiss，之後同阿翠佢地映咗一陣相就各自散水，而我就約咗Rebecca、William、Gaius佢地去荃灣食飯！本來去小肥羊飲茶，不過因為人太多就轉左去食百人一朱，哈哈！估唔到Gaius仲記得我鍾意食日本菜，除此之外佢仲記得我食black chocolate，所以佢係OSAKA買的snack都係black chocolate比我，呵呵！因為我餓咗成朝，所以一口氣就KO咗一個餐，而最搞笑都係Rebecca的細女，成日都搵Gaius玩！而3個小朋友行埋一齊就梗係玩到癲啦！埋單果時先發覺原來銀包漏咗係OIC度，無辦法啦！今餐Gaius請，而我就決定返屋企放底D野先再出去拎返銀包！

返到屋企沖咗個澡先出去搵OIC拎返銀包，之後就去咗尖咀映吓相！反正拎咗腳架出來，本來想映日落，不過太晏先去到尖咀映唔切，就唯有周圍映吓啦！學吓用G9唔同的MODE去映夜景，出來的效果！一般啦！始終都唔係好明D MODE的Function，映到咁上下就決定去食「壽司正」，哈哈！好似好豪！其實呢間野都係一般，同板前的style差不多…食完野就行到十點幾打道回府！

返到屋企再用PC睇返今日映的相，都係一般！如果識得用其他Function mode應該可以再靚D！

>>December 23, 2008 at 6:29:19 AM GMT+8

2008 年 11 月 16 日 星期日 【晴】

這個世界永遠都會有一些自私人的，每個人都會覺得自己的想法是對的、是正常的！但其實有很多事情都不知不覺地變，不管是人或事也是一樣！環境和時間並不會一直等到你願意接受為止。

今晚過咗九龍度食飯，唉！講來講去又係講果D，既然彼此性格不合，又何必要繼續在一起！既然分開對所有人都係好的，為什麼搞咁耐都是沒完沒了…不知所謂！「病」真的是一個理由嗎？每個人都會有情緒的問題，我都有！但我是不是真的可以要求別人做什麼，別人就可以為你做些什麼？神經病…真係好想對住你講一句「走啦！咪以為我地真係需要你，既然你覺得你所謂的兄弟姊妹對你咁好，你就走啦！」

急速咁KO完餐飯就閃，因為呢一刻真的很需要有個人在我身邊比我發洩下。想咗好耐最後都係問吓LOW B得唔得閒陪吓我，真係唔好意思！明知佢返咗屋企都又要佢出來…最後係地鐵站度傾到11點幾就各自打道回府…返到屋企又係要做到乜事都無就訓！

到底呢D咁的沒完沒了的生活何時會完結？

>>December 16, 2008 at 9:06:09 AM GMT+8

2008 年 11 月 15 日 星期六 【晴】

今日起身的時間同返工的時間一樣，原因係換咗飛去APM睇「海角七號」的優先場…去到APM打電話比細路，不過佢仲未出門！結果我就行咗去裕民坊睇吓邊度有好野食，唔夠時間坐底食返個靚早餐，所以就決定去公和買咗個外賣腿蛋治 + 豆漿！然後再行返過AMP，剛巧細路又到咗。住得近真係唔同D！

入戲院之前收埋咗份早餐係個包包度，哈哈！因為不設劃位，所以入到戲院都係自己搵位坐。可以因為係優先場，所以沒有廣告直接開場…片長130分鐘，由范逸臣、中孝介、梁文音、田中千繪、林曉培主演。

**************************************************************************

﹝內容轉自海角七號官方網站﹞：
生命，只有一回！
夢想，不會只有一次！
錯過的愛情，只要肯回頭，還是有找回心靈相印的一天……。

這是一個關於音樂、夢想、與愛情的故事。

六十多年前，台灣光復，日本人撤離。一名日籍男老師隻身搭上了離開台灣的船隻，也離開了他在台灣的戀人：友子。無法當面說出對友子的感情，因此，他把懷念與愛戀化成字句，寫在一張張的信紙上。

六十多年後，台灣的樣貌早已完全改變，各個角落的人為生活而努力，幾個活在不同角落的小人物各自懷抱音樂夢想：失意樂團主唱阿嘉、只會彈月琴的老郵差茂伯、在修車行當黑手的水蛙、唱詩班鋼琴伴奏大大、小米酒製造商馬拉桑、以及交通警察勞馬父子，這幾個不相干的人，竟然要為了度假中心演唱會而組成樂團，並在三天後表演，這點讓日本來的活動公關友子大為不爽，對這份工作失望透頂，每天頂著臭臉的友子也讓待過樂團的阿嘉更加不高興，整個樂團還沒開始練習就已經分崩離析……。

老郵差茂伯摔斷了腿，於是將送信大任交阿嘉手上，不過阿嘉每天除了把信堆在自己房裡外，什麼都沒做，他在郵件堆中找到了一個來自日本，寫著日據時代舊址「恆春郡海角七號番地」的郵包，他好奇打開郵包，發現裡面的信件都是日文寫的，根本看不懂，因此不以為意的他，又將郵包丟到床底下，假裝什麼事都沒發生。

演出的日期慢慢接近，這群小人物發現，這可能是他們這輩子唯一可以上台實現他們音樂夢想的時刻，每個人開始著手練習，問題是阿嘉跟友子之間的火藥味似乎越來越重，也連帶影響樂團的進度。終於，在一場鎮上的婚宴，大家借著酒後吐真言，原來阿嘉跟友子兩人都是孤獨的異鄉人，解開心結的兩人發現了怒氣下所隱藏的情愫，於是發展出了一夜情。

在阿嘉的房裡，友子看到了日本來的郵包，發現那居然是來自六十年前七封未及寄出的情書，她要阿嘉務必要把郵包送到主人手上，然而，日本歌手要來了、郵包上的地址早就不存在、第二首表演樂曲根本還沒著落、而貝斯手茂伯依然不會彈貝斯……。

而友子，在演唱會結束後，也要隨著歌手返回日本，開始新的生活。

阿嘉終於決定打起精神，重整樂團，他們的音樂夢是否能夠實現？沉睡了六十年的情書是否會安然送到信件的主人「友子」手中？而阿嘉跟友子的戀情，是否能夠繼續發展下去？……

人只能活一回，夢想卻有無數個，唯有放手一搏，才能知道機會屬不屬於自己……。

*******************************************************

雖然成套戲都不斷穿插於日語、台語和國語之間，所以我們都不斷追字幕！成套戲都劇情都唔錯，有笑點，唔會由頭悶到尾！但成套戲我最欣賞都係范逸臣唱果2首歌，尤其是電影版係收LIVE的音，所以非常之好聽！尤其是 – 國境之南！

詞：嚴云農　曲：曾志豪

如果海會說話 如果風愛上沙
如果 有些想念遺忘在某個長假
我會聆聽浪花 讓風吹過頭髮
任記憶裡的愛情在時間潮汐裡喧嘩

非得等春天遠了 夏天才近了
我是在回首時 終於懂得　(也許天氣 永遠會那麼熱)

當陽光再次　回到那　飄著雨的國境之南
我會試著把 那一年的故事 再接下去說完
當陽光再次　離開那　太晴朗的國境之南
你會不會把 妳曾帶走的愛　在告別前用微笑全歸還

海很藍 星光燦爛　我仍空著我的臂彎
天很寬 在我獨自唱歌的夜晚
請原諒我的愛　訴說得太緩慢

當陽光再次　回到那　飄著雨的國境之南
我會試著把 那一年的故事 再接下去說完
當陽光再次　離開那　太晴朗的國境之南
你會不會把 妳曾帶走的愛　在告別前用微笑全歸還

睇完戲行咗一陣Supermarket就各自打道回府，畢竟今朝晨咁早就起身！都係時候返屋企補吓眠！這套戲有一句說話令我好深刻，就係「我愛你，卻必須放棄你」愛一個人真的是很難，精神、時間和耐性都是不可,缺少的一部份，無人會擔保這一份的負出就一定會有相同的收穫，因為這是一場不公平的遊戲，而只是其中一方放棄繼續這場遊戲，一切都負出都是白費的！到最後換來的也可能只是一份傷感、一份悲傷的回憶！

來底這個決定是對、或是錯？

>>December 23, 2008 at 6:30:19 AM GMT+8