2009 年 3 月 30 日 星期一 【颳風】

呢排皮質醇偏高，令到一個本身無乜耐性的我變得更加煩躁…可能因為公司有太多不如意事的、又可能係想清靜的時候身邊總有很多嘈雜的聲音。不過我最不明白的就是為什麼阿娘咁鍾意咁我們的事周圍宣揚，無論小時候的事或是現在的事都是一樣，從來都不會理會我們的尷尬和討厭…對她說過無數次她依然故我，不知所謂！咁鍾意講每日都拎個喇叭出街講丫！

之前左手痛是因為頸椎移位，照咗張X-ray呢個星期四去睇骨科！恰巧今日有時間就順便去睇埋中醫執下藥！點知條友又拎埋我張X-ray出街，話比醫師睇！到最後又比埋佢身邊D FD睇，仲話我邊一節出咗問題，點點點之類的野！搞到好似好大件事咁！成日都以為自己係醫院做過幾年，睇得書多就乜都識，咁叻去做醫生丫！

師奶…你自己都係醫院做都應該知道什麼叫「私穩」，係咁多人面前出聲話你又話我無禮貌，唔出聲話你你就越來越過份！想點丫！一係你就登報紙話晒比全世界人知丫！激死我！仲要唔係講一次，總之見到邊個就同邊個講，唔怪得你有抑鬱病啦！講來講去都係講果D…所以都唔怪得阿哥仲乜咁唔鍾意你見到佢D FD，成日都話係我地的問題，如果係我地的問題又為什麼連我都覺得你呢D做法有問題丫！真係火都起…

講完我D野都算，明知自己無錢就咪扮豪氣請人食飯啦！仲要叫我俾錢？你無野丫！人地後生細仔有份工洗唔洗我請丫，次次都係咁！搞到人地以為我地屋企好有錢、住豪宅，唔洗供樓果D就叫有錢！又唔知其實自己戶口得返千幾蚊用成個月。我下個月無野做啦！到時食殼種都無得你食丫。成日都同我講你無錢又多費用要交，又唔見你同自己個仔講，所以我一直都好羨慕阿哥…眼不見為乾淨，久不久見下就算，起碼唔洗自己命都短幾年…成日都話阿哥唔打電話比你，鬼咩！一開口就好似審犯咁叫佢減肥、叫佢`鑪洗、叫佢左叫佢右…比著我都唔想接你D電話啦！次次都對住我講，又唔見你出去數下你自己個仔…次次都話阿公點點點，其實你咪又係一樣！識話又唔識話自己，阿公都幾十歲人，全世界都知佢個大仔有幾刻薄。咁又點丫！阿公當佢係寶你理得佢係咪草丫，而家你又唔係要分埋一份身家，理咁多仲乜！人地成家都謀住間祖屋咁又點，分埋比你…你都唔會返去啦！呢D又係多鬼餘，搞到自己火起又搵著我搞！成個星期都講同一段說話，聽你講得多我都頂唔順，唔比你講又話我唔比你呻！咁邊個比我呻丫？我自己都有脾氣啦，有時我都唔知道自己會同咗D咩人發脾氣，搞到人地唔開心都唔為意！雖然有時人地都知你未必有心，但都會唔開心！如果我第時無晒D朋友或精神分裂最大的原因都係你搞成。

近幾天我不段的重覆去想，也許我應該適合獨過兒的生活…又或許是我自私總覺得沒有人會了解我吧！

>>April 1, 2009 at 7:38:03 AM GMT+8

2009 年 3 月 29 日 星期日 【颳風】

越來越不想再留在這個「家」，雖然得兩個人住，但總覺得很嘈、很嘈和很嘈！我想最大的原因是這個「家」總是給我吵耳、嘈雜的感覺吧！有很多事情很煩、有很多事務都不知道自己應該站在那一個身份和位置、有很多事情原來都不是在自己的掌握之中…身上有很多無形的包袱，但這些包袱真的是由我去扛嗎？為什麼我不可以自私一點、再任性一點？對丫！其實一直以來都是被那些所謂的責任束縛著、困阨著…也許我像我媽吧！什麼東西都放在自己的身上，我不知道我將來會不會像她現在一樣，可是現在的我的確不想將來成為現在的她！辛苦到尾結果都是被人說三道四。

別人怎樣做是別人的事，我始終都不明白又不會影響到自己為何又愛去管？你想對方好對方不接受，又何必多此一舉。講極都唔明，最後有什麼事情發生又要我去解決，為什麼總不可以讓我有個安安靜靜的生活？

好想去旅行，可是頸椎有問題的我、將近失業的我又可以有其他選擇嗎？

耐性一天比一天差，可是我還是覺得其實你並不了解我…是不是應該重新再考慮呢？


類少爺，又老一歲啦！現在的你會有什麼計劃呢？仍然是做一個「對別人的事沒興趣」的人嗎？還有，你教的倒立方法根本就沒有效用，因為眼淚也是會流出來的！不管怎麼，也希望你每天過得開心，要學會每天都要笑多一點！

>>March 30, 2009 at 2:05:36 PM GMT+8

2009 年 3 月 27 日 星期五 【暴雨】

又係返meeting的日子，不過眼見的問題越來越多，連自己都不知道應該用什麼身份去判斷什麼事情是對、什麼事情是錯！但是有一樣事情我是肯定的事，所謂的Officer其實都有很多限制…其實我仍然都覺得如果適當的人可以做返他們適當的角色，很多事情都可以解決。正所謂上樑不正下樑歪的道理一樣，又或許可以是說我根本就不適合做一個所謂的Officer…

Under training的生活真的是最好的，因為有很多事情你都不需要問，只需要跟著做便可。對於自己因為是under training，所以很多的instruction都會follow。但當真真正正去到一個SQN的時候，以前自以為很重要的事，對其他人其實只不過是小事一件、何足掛此！又或許是我把Officer呢個官銜想得太高了，其實他只不過是用作可以光明正大去Punishment而已！

雖然在這一刻我仍然都相信「習慣」是需要由一開始的時候去培養，既然基本功做得不好就原靠後天的努力而不是過去的事就讓他過去吧！可惜不管我有多堅持，到最後還是被人覺得我「無事化少、少事化大」…誰不知道這不是Officer的責任，可是有人可以監督得好嗎？別把所有事都推晒比SWO，沒錯！令Cadet做好C&C是他的職責，那他不在的時候就沒有人可以代替他去做嗎？Officer出聲又話Officer多事、Officer唔出聲第時出到去比人見到咪又係話Officers。

雖然「你可以話我做得唔好，但唔可以話我乜都無做」但沒有人覺得被人責備是開心的事，包括我。仲要連續一日被人「討論」兩次都已經叫無奈，只不過我想請問真的需要在其他Cadet面前去叫我自我檢討嗎？本身都已經係呢個SQN無咩形象，想不到最後都要係唯一會聽下自己講野的Leader前都要被人說一句「作為Officer自己都應該想得長遠D，安排好D！」，咁我以後仲可以搵邊個幫我做野…我贊同你的意見，但並不代表我接受你當住其他Cadet前說教！呢個話題跟平日嘻嘻哈哈的不一樣，因為在座的人都認為當時是在一個好認真的環境下「討論」！而結果當然是無人再發表什麼啦！

鬱咗半日的怨氣，真係有衝動想喊！究竟自己堅持的東西是什麼？究竟我留係度是為了什麼？究竟我是否真的適合做一個所謂的「官」嗎？算啦！與其破口大罵，倒不如等自己冷靜吓！雖然今日在雨中流淚並無不當，起碼不會被人覺得異相！只不過…值得嗎？而道歉只不過是因為怕會影響到彼此關係，所以根本就不能代表什麼…如果我不是SWO個妹或其他，也許一切的東西都可以很簡單吧！

>>March 28, 2009 at 5:35:01 PM GMT+8

2009 年 2 月 21 日 星期六 【陰】

今日係我班新丁的Passing out Parade，training左咁多個月我唔敢講佢地操得好叻，不過都算係咁啦！反正無要求就唔會有失望…而今日我最主要的post唔到睇住我班新丁，而係做大會的reception…一開始接咗返來做都已經覺得唔係咁好，因為我仲未分得清邊個打邊個，所以對我都有一定的壓力。

只不過無想過結果係會咁差，其一係自己乜經驗都無就去做、其二就有時決定咗的野又因為現場環境不配合而又要重新計劃過、其三就係無端端做咗自己SQN一個個官的NCOIC﹝有乜事就會直接打電話比我落Order去 follow﹞。一心幾用對一個乜都唔清楚的人來講真係一D安全感都無，仲要有咁多意外。

0800去到荃灣等coach入海關，之後同班RC做個Briefing，半哄半威脅啦！然後我就準備今天reception的事，e.g安排D櫈的setting同埋大SIR的座位表…其實個Plan都未執好，因為仲要比埋CSO過目先可以做野，好彩後期LEO SIR幫我再排多次位，仲好快咁比埋CSO過目…第一樣的任務完成，之後就CALL BRYAN搵人幫我搬櫈，呢度開始出現D混亂的情況，好彩做野果D都係自己SQN的人…如果唔係真係麻煩！而因為我本身已經掛住個SQN的Walkie，之後又要拎多個大會的Walkie，一左一右咁聽真係人都癲！搞咗半日終於放飯了，而我就唔想入去同埋D大SIR一齊食飯，所以我就係烈日當空的情況下同埋笙笙、阿KI一齊share兩盒飯！然後就換返NO.1準備下午個POP…臨落去之前再威脅多次班RC，哈哈！擺明搞事，點都好啦！我地做的野都已經做到仁至義盡，之後佢地都要發夢的話就無辦法了。

落到DIAS貼緊座位表的時候收到通知有D大SIR會帶埋老婆來，OMG！結果又要重新安排過D位，而CSO果時又已經坐定定，最後唯有好樣衰咁叫CSO起一起，仲要係當住很多家長面前再重新搬過D櫈，呢吓真係好唔開心…而LEO SIR又發揮佢警訊的精神幫我再安排過D位之餘仲entertain埋D家長！而YOYO﹝我今次的Partner﹞就成日都要走來走去接D大SIR / Ma’am…我就繼續守好我的門口，而阿康好比面咁來捧場，不過我就無乜時間理佢…連睇吓佢地POP的時間都無，總之成日就不停咁走來走去無停過。

成個POP大約3點左右完，而我又繼續發揮吹水的能力同班RC吹吓水，映咗幾張大合照就各自各精彩…阿康就繼續幫我楂機映相兼幫我拎D野食 + 飲品！呢個MOMENT真係成個人都開始散…到1615左右又再gather埋班RC就上班房執野，然後幫手清場…我就仍然都Keep住收到個官的電話做呢樣做果樣，後來因為要趕Coach上車，所以我都好無奈咁唯有私底下落order叫D Cadet幫手…

本來打算跟coach去九龍塘，不過想一想九龍塘返屋企好遠同埋我又好累，所以最後叫咗小強同阿麒去荃灣飲杯野就算…但係巴士上佢地又話想去食D小食，結果我地就去咗葵芳食和民，起碼又可以食野、又可以吹水而又坐得舒服…食到8點幾就各自打道回府。

搭車果時覺得自己成人散晒，疲倦除了係身體上之外，整個心都好累！因為今日有太多我一個人面對不到的事，有太多我完全不知道、不明白的事，總之今日自己做過D乜，決定過D乜都完全唔知道有D咩意義…呢下真係好想放棄，好想躲埋一邊！所以眼前的野都係混亂，連休息的機會都無，無一樣事係我自己解決到的。

>>February 27, 2009 at 8:08:01 AM GMT+8

2009 年 1 月 25 日 星期日 【乍雨乍晴】

今日係大年初一，祝大家今年牛年事事順利、新年進步、升職加薪、身體健康！講開健康，本帥哥近來就真係麻麻！由08病到09都不在話下，仲順延到牛年都仲係病緊，不過好過之前！可能係因為每日都可以訓到黃朝八晏先起身啦！就算夜晚訓得唔好第二日訓晏D補返都唔錯！

不過最辛苦都莫過於尋日，一起身成個人都覺得唔對路…結果醒咗無耐就Feel到D腸又開始唔聽話，所以決定乜都唔食睇吓佢想點，結果真係年三十晚腸胃不適…真係瀉到有D虛脫。阿娘一早就出咗花墟買花，所以屋企無人！最後食咗個火龍果就走返上床再訓過，訓到6點就起身換衫出阿哥度食團年火鍋。其實都唔係咁想出，因為個人都好似想暈咁的樣。但團年飯唔出又好似唔係咁好，唉！算啦！結果阿娘就叫我順便拎埋2袋野比阿哥，好似真係驚我唔會暈係地鐵咁。

唔知係因為人太多定係我發冷汗，成個人都好熱出最汗極之唔舒服。最後打電話比阿哥叫佢落去地鐵站幫手拎D野返去…因為太熱啦！上到阿哥屋企除咗件冷衫剩返件短袖衫就開餐，不過Antie怕我會冷病…所以我就換咗阿嫂D長袖衫佢，仲用條毛巾沬乾晒D汗佢…雖然係屋企食火鍋，不過其實我都無乜胃口，但食咗D熱野個人就真係舒服咗好多。係阿哥屋企HEA到10點幾就同埋Antie佢地一齊走，阿哥、阿嫂佢地就同我一齊行過去地鐵站搭車…

大約11點左右就返到屋企，睇埋倒數不久就上床訓覺！成個人軟埋、郁都唔想郁！

而今日就訓到12點幾先起身，之後收到阿哥電話話佢地一陣入來拜年…之後阿娘就煎咗D年糕、蘿蔔糕和芋頭糕食！阿哥今年都係買咗一盒金莎比我，係屋企玩咗一陣電腦同相機就打電話比Kevin哥哥同表姐。結果佢地就走埋過來坐咗一陣，傾咗一陣計，本來打算上去Kevin哥哥屋企同豬仔玩，不過天氣太凍，我又唔係咁想郁所以都係下次先啦！哈哈！Kevin哥哥佢地今年都係買咗D日本零食比我，哈哈！雖然我D鼻炎、氣管炎都好似未清晒，不過唔理啦！最多到時咪又儲埋一次過去睇醫生…

>>January 26, 2009 at 12:34:54 PM GMT+8

2009 年 1 月 21 日 星期三 【微冷】

關於2008年要寫下的事其實仲未寫完，不過趁阿TART今日唔係Office，就打下diary啦！而是次主題就係關於我 – 由08年氣管炎到而家都仲未好返晒！果然係炎黃子孫，唉！前前後後都洗咗7百幾蚊睇咗幾次醫生，中醫、西醫都睇過！不過都仲未好得晒！最大的原因都係因為天氣變幻無常…氣管好返少少又到鼻敏感返發，結果搞到鼻炎，連帶埋氣管炎一齊發功…搞到成個人身體都好累，晚晚都咳到醒幾次…但食咗D藥又眼訓到震，同埋唔知係咪近來食藥食得勁，搞到個胃都一齊發功。居然食個腸仔包都會滯咗成日，真係人都癲…

其實都好耐無試過病得咁甘，今次真係一次過將所有的問題都走晒出來，所以本來有乖乖介口的我，都係放棄啦！不過今次病一病發覺原來公司昔日的同事真係好錫我的，佢地知道我病咗，日日都會問我今日有無好返D、要乖乖介口因為就來過新年，而昨天要過灣仔飲REX果餐…佢地仲好好人咁車埋我過海，一上車就叫我訓一陣，走果時仲行西隧車埋返我去青衣，哈哈！呢下真係好WARM，原來被人照顧著真係好舒服、好開心、好滿足的…因為總會有人係身邊幫你打點好一切，岩晒我呢D懶人…

8DE的POP已經決定於2月22日在屯門海關訓練學校舉行，而我會負責reception的post，去接待嘉賓和大SIR，雖則我入咗ACC都有年多，但其實我都仲未識得晒佢地，所以呢個Post對我都係有一個難道同挑戰！希望果日順順利利啦！同埋落場的8DE生生性性，話晒你地都係儀仗隊出生的…

至於屋企的事我都唔係好想再理了，反正有D野旁人是不會明白的…我只希望其他人不要再加插他們所謂的意見就已經幫咗我好多了，呢個「家」…早已不能挽回的，倒不如讓每個人開開心心選擇他們自己想走的路…

而我份工作將會踏入倒數的階段，3月8日正式Handover…4月30日已再沒有ITO呢個部門，所以而家我唯一可以做就係同公司鬥快，睇吓係我自己Resign定係佢同我end of contract，其實一定有唔捨得的感覺，畢竟我都係呢度做咗4年多了…

>>January 22, 2009 at 9:37:14 AM GMT+8

2008 年 12 月 24 日 星期三 【微冷】

雖然今朝4點幾先訓，同埋訓得唔係咁好！但都好乖咁10點幾左右就起身，洗埋衫、浪埋衫同埋吸埋塵，無無聊聊就不如走去南丫島行吓都好！反正上次Training group搞果次我去唔到，結果急速咁換衫同帶埋腳架就出發…

去到南丫島的榕樹灣都差不多兩點，同埋架船都唔少人！一落船就見到GFS的海豚出勤，之後就開腳架沿路不停咁映相，今日的天氣都唔錯，經過茶餐廳就入去食我今天的早餐、午餐 + TEA！哈哈！無辦法啦！之前要趕船嘛…食咗個火腿蛋奄烈 + 雞翼公仔麵 + 凍檸茶都要30個大洋，不過算啦！食飽飽就決定行去風采發電站，好日都唔郁吓的我呢排都唔知仲乜鬼野成日都行山！都唔知行咗幾耐終於到啦！又真係唔錯喎！結果又係呢度留咗一段時間映相…映完之後就再向洪聖爺泳灘 + 觀景台出發，而剛好太陽又慢慢落山，所以沿路都係用咗好多好多時間去映天、映雲同映人。D雲好似棉花糖咁一舊舊係個天度，我都好耐未見過咁的景象了！剩係映雲都映咗六十幾張相，哈哈！

因為天黑的關係，所以就無再行去索罟灣返轉頭…經過之前入來果幾間酒家，最後揀咗其中一間舢舨酒家食，但可惜佢無蜆無聖子…所以最後叫咗蒸蝦、菜、2隻帶子就為我今年的聖誕大餐！最後結帳都好似要280左右…因為開邊蝦都要150大洋，味道都可以！但下次可以試另一間或改食LUNCH的時間！咁就可能會有多D選擇…

PS：今日係火星仔3歲生日…BB你又大一歲，要乖乖地咪成日都左爬加爬同發脾氣，細路仔係唔應該發脾氣的…你要做個乖的小朋友先得人鍾意多人錫...

>>February 3, 2009 at 9:27:30 AM GMT+8

2008 年 12 月 23 日 星期二 【乍雨乍晴】

今日係2008年的平安夜，同往年一樣今晚我都係會返入屯門望子夜彌撒…而今年公司無大的christmas party，所以ITS果邊就決定自己搞個Christmas party，順便交換禮物！而我最初係plan咗今日放假的，不過最後都係無放到。所以昨天就同埋Cathy and JoeJoe一齊去荃灣睇下有乜野可以for交換禮物，而最後我地就係千色店買咗個Winnie the pooh的毛巾套裝和大口仔水樽一個就算，Below HKD50係差不多貨色…我地仲一齊去咗食沙嗲王，呵呵！唔計大圍食啦！今次都係我地第一次咁樣一齊食晚飯，仲要係食咗唔少野…

講返今日，因為連續放幾日假，所以返到公司都幾忙要搞埋D野比阿TART…而佢地就叫咗KFC + PizzaHut做今次的party food！之後就交換禮物，哈哈！而我就抽到USB電熱水杯器﹝呢舊野最後奉獻咗比阿哥﹞！今年有飯菜、燈、植物和麵一包等等…今年完全係可以用鬥「爛」去形容！

3點半收工，不過我都係留到5點半先走…返到屋企先見到阿娘留咗字條話要離港幾天，真係激到我火都起，佢面黑都已經唔係呢個星期的事！不過留書出走就真係第一次，果下真係想由屋企露台跳落街一了百了，佢真係以為我咁樣日日對住佢黑面好好受…鬧佢果個又唔係我，仲乜黑我面！真係想爆粗…

沖個熱水涼之後就訓咗一陣，然後就搭車返入屯門搵埋火星媽同詠詩，但因為我未食野，所以就決定一齊去吉之島食埋野先返聖堂！入到市廣場才知道果6支珍寶珠來咗香港同粉絲們倒數聖誕節，完全係迫到水洩不通，好辛苦咁先上到3樓但都係嘈到震…所以嗱嗱臨食完就行返聖堂！阿康今年有份幫手做帶位員，所以當佢見到我地3個就好快咁搵到位比我地。但最後我地都係去咗坐歌詠團那邊！大約1點左右就完咗成場MESS，成年最乖都莫過於係子夜彌撒，之後同阿康and華華映咗張相就閃…最衫打算去火星媽度訓，不過因為阿娘唔係屋企，所以都係返屋企算…起碼一定唔會比火星仔搞到無覺好訓！

>>February 3, 2009 at 7:54:15 AM GMT+8

2008 年 12 月 19 日 星期五 【晴】

F.D同學08年結束前決定再聚一聚，而今次飯局的地點就選擇咗旺角的稻香海鮮酒家食晚飯小菜…本來都應該人齊，不過定咗日子才發覺原來接近做冬的時間，所以臨時都有人出席唔到…不過唔緊要啦！今次都唔算少人，都有12個人…

訂咗8點半台，但我就大約8點左右就去到登記等位…之後就見到BEBE，傾咗一陣就有位。而咁岩就見到卿卿、Maggie、阿盈，所以就一齊上去開位先…而囡囡、阿BILL、可欣、伊婷、Nike都好快就到，最後等埋湯湯同Bryant就正式開飯。而我地近來的話題都好特別，好似今咁，因為Bryant之前做酒吧，所以佢會見到好多人和遇到好多事，所以我地今次就講下會唔會有男仔 / 女仔專去酒吧識人 or one night stand…雖然囡囡係Miss，但佢一直都好開朗，所以佢反而以一個媽媽去聽，仲一齊有唔同的意見。呢個Topic我地都講足成餐飯，最後就每個人講下自己的近況，最搞笑係miss都奇怪點解我可以頂得住阿TART，哈哈！無辦法啦！人總要去學識面對唔同的人…加上我起碼知道我後面仲有寶貝GM撐住我，有咩事我都可以馬上見到佢OR搵到佢…就係呢一份安全感係令到我仍可以留係度的原因！

食飯食到人地打烊先走，臨走前仲係間酒樓大堂度映咗D LOW B相，哈哈！總之嘻嘻哈哈一齊玩…

>>January 29, 2009 at 8:42:37 AM GMT+8

2008 年 12 月 18 日 星期四 【乍雨乍晴】

本來今日打算回家食飯，畢竟成個星期日日都出咗街食人地D生日飯…但臨收工前Penny問我今日入唔入迪迪尼，原來佢今日同Cathy同Vincci一齊入迪迪尼買嘢！因為我地以前有個舊同事而家轉咗去迪迪尼做，所以買嘢就會有6折…不過因為Vincci臨時放飛機，所以佢地就問我有無興趣一齊入去。結果今日又係無返屋企食，而阿娘就梗係有說話啦！不過算啦…

好財今日返工著CAUSAL，所以都係舒舒服服咁入去行…不過因為mail server今日又死咗！原因又係個同事做完change無睇有無問題咁就照做，結果搞到Outport的mail無咗成個inbox，真搞笑！而Penny 同Cathy佢地就要整埋D手尾先可以收得工，結果咁搞一搞就搞到成7點先走，阿邦就好慘咁係Sunny Bay度等我地…

入到迪迪尼門口好無品咁同門口派飛果個哥哥request要Donald Duck的PASS，哈哈！之後就去行過模擬落雪景象的小鎮大街，不停咁係街道兩旁吹D泡泡出來，搞到成個頭都係泡泡…因為時間關係，我地都無入去玩任何的GAME。只係留返係小鎮大街果2間大鋪度睇野，而阿邦就做咗我隨行攝影師幫我映咗好多相，Penny and Cathy就各自睇自己想買的野。當我好開心咁玩緊的時候就見到上次同Kinki係日本果枝大頭史迪筆，結果馬上打電話比呂官問吓洗唔洗幫佢買返枝，而另一枝我就買來送比盈盈…

睇到咁上下我、阿邦 and Cathy就出咗去睇煙花！雖然今次都企得幾後，不過都唔錯！哈哈！睇完就再繼續入返去D鋪頭度影相…最後玩到成10點先走，出到青衣去咗仙跡岩度開飯，不過就等咗好耐位先有，最後仲等咗好耐先有野食…所以返到屋企都成12點，好彩第2日唔洗返工，如果唔係實倦死！

>>January 29, 2009 at 9:22:05 AM GMT+8