2005 年 6 月 16 日 星期四 【乍寒還暖】

近來真係唔知仲乜野，總會久不久就會夢到自己同穎風分手，有無咁多手分丫！反而「別人的女朋友」若果真的夢到子霖，那個夢總是開開心心、甜甜蜜蜜。到底是否意味著某D野？或是我想得太多？

今日本來過海找阿康食Lunch，因為要找佢救返D相，後來佢話比我知佢會過長沙灣，所以我決定在這邊等佢。原來佢今日上Epson傾Printer野，之後就去咗大快活食Tea，然後就打道回府。除咗星期一，這個星期都無乜邊日係在家的。返到屋企又走返上床繼續找我的周公子…

想不到這個世界真的有『山水有相逢』這樣的事，今朝收到個電話。我都不知道該開心還是無奈（穎風：事實證明你逃不出她的魔掌），唉！不管怎樣，這也是一個機會吧！到真的是塵埃落定才再算…

>>June 17, 2005 at 2:30:01 PM GMT+8

2005 年 6 月 15 日 星期三 【乍寒還暖】

今日Lover請假，1點比佢叫醒咗，然後就約咗去行APM。每次去趁果度都會食煎鮫子的，而剛好又係Tea time，所以我就順道食返個下午茶先。哈哈！唔知係咪近來細食咗呢，結果要Lover同我食埋D手尾，比著平日或以前呢個Post都係我做的…

行咗一陣就陪佢過海，因為佢要去攞返D野，而我就在MTR等佢。搞掂之後就去MK，佢今日不停咁講電話，結果去到MK就同佢去仙跡岩飲返杯野先，後來因為未夠鐘唱K，所以我地去咗商務打咗個Round，無乜書岩睇，就走咗去潮流特區睇吓有乜新貨。我睇我最愛的Totoro，而佢就睇佢的Miffy and Playboy，佢睇岩咗隻好靚的Playboy swatch…差不多時間就行返去旺中的Neway補祝阿恩昨天的生日。行出去潮流特區就有D微雨，而我地倆個就扮浪漫咁開咗一把Umbrella，在雨中慢步。哈哈！勁無聊兼低能…

因為『男朋友』在MK等咗我地好久，所以我同Lover唱到10點就閃人先，然後就各自打道回府…

唉！昨晚手多多delete錯咗相tim，嗚！唔可以無咗ka，因此阿康連續比我煩咗佢兩日就係為咗要救相，唔制丫！一定要救返丫…

PS：【雨神】回歸，HK的天氣果然比昨天好多了，哈哈！很多人都說【雨神】瘦了，是嗎？但我覺得是【雨神】之前太胖了，現在瘦一點不是比較好嗎！哈哈！我是不是有點虐待狂…

>>June 16, 2005 at 6:54:23 PM GMT+8

2005 年 6 月 14 日 星期二 【溫暖】

『雨神』殺到，果然非同小可，香港差不多整天都下著雨，哈哈！「別人的女朋友」還說當時間越近，灣仔區便越落越大。

6點幾打電話比「別人的女朋友」才知道原來今天的Show是不設劃位的，結果我同佢都用非快的速度出門去灣仔，而因為佢的速度太快，搞到連Umbrella都忘了拿，唉！怪不得子霖咁唔Happy啦！原來有人【大頭蝦】…

本來打算買外賣的，不過「別人的女朋友」話不如速速咁食埋先，結果我地用最快的速度在【老地方】開飯，然後就過會展...其實我地都唔算太遲、但唔算太早，幸好今次的function人不多lor，不過D正位就比埋古仔果邊的Fans，全部都係前排的位…好彩我地都人強馬壯。

阿哥今次出奇地好人比我攞咗佢隨身的Hard-disk，結果我都不負眾望狂映相同拍video，講真丫！企到咁x遠映成咁都算唔話得啦！我同「別人的女朋友」兩個輪住去映，務求把佢地的一舉一動都收入相機內…

個Function around 1個hour就收工，都幾那西，而且又無乜特別。不過今次「別人的女朋友」就大件事，哈哈！因為今次的廣告將會有恐龍出現，哈哈！你快D叫子霖搞掂佢啦！再唔係就是每當個廣告出街你就X佢一獲lor…哈哈！

>>June 15, 2005 at 4:15:21 PM GMT+8

2005 年 6 月 13 日 星期一 【溫暖】

今朝3點幾去找周公子，9點幾就起身，就算幾『累』都要離開周公子先。嘻嘻！因為今日係穎風牛一丫，所以我同子霖和「別人的女朋友」一齊去賀一賀佢…哈哈！其實呢幾年我都無試過可以咁同佢慶祝lu…

生日慶祝都離不開唱K，所以我地就去咗灣仔Neway唱K Lunch，仲以為可以唱到4點，點知佢1點半左右就cut咗我地lu，出到門見到居然有很多人等位，唉！仲以為咁的日子可以直唱tim。今天居然忘了請小鵬哥出來，Sorry丫！我下一次一定會預早call定你出來的…因為無expect佢咁早cut，所以無無聊聊就走咗去「別人的女朋友」的中學扮校友。佢間中學都幾新潮，居然用【八達通】去代替點名，所有學生每朝返學都要用【八達通】咇一咇門口的機，哈哈！好勁丫！

之後就走咗去行吓Times square，點知行完出來行雷、閃電兼落大雨，見佢個勢好似有排都唔會停咁，就唯有冒雨走去Sogo果邊，後來我地都覺得好累就走咗去『宜家傢俬』坐吓先，哈哈！因為我地都好飽，又唔想食和飲野嘛！到最後都係太無聊就決定打道回府，不過係「別人的女朋友」的府。哈哈！順便睇埋套『史迪仔』，老實講，我其實係仲未睇呢套卡通片的。但好似個fd話『愛屋及烏』嘛！嘻嘻！

睇完之後就去「別人的女朋友」家樓下的上海鋪開飯，然後我就趕下場去灣仔會埋阿哥同佢女朋友一齊睇【拉闊演唱會 Twin x at 17】，如果唔係因為阿哥換埋飛我都唔會去睇丫！因為對Twin無乜興趣。今次睇拉闊唯一有D新意就係佢地走落台去到場中間唱lor，咁坐後面的觀眾就真係好開心啦！最抵死係睇睇吓阿哥女朋友話：「Twin唱歌真係唔好聽」，然後我馬上接著話：「係丫！我今次的目的都係聽at 17多，哈哈」結果當然就比我呢個Bad Taste阿哥怒啤啦！

唔知係咪佢地真係未夠功力呢，10點鬆D就完場啦！我上次睇FIR都唱到成10點半多D啦！仲有Encore tim…

PS：明天我都會去多次會展，哈哈！因為同「別人的女朋友」一齊睇【百事的宣傳活動】，嘻嘻！本來以為無得去的，但好彩有唐爸爸出馬，多謝晒丫！哈哈！如果唔係因為會展唔比紮營的話，我打算在那裡紮個Camp site就算，反正都係去返同一個地方、同一個Hall…嘻嘻！唉！開始有D後悔無在KA做tim，難得佢地今次的timing咁好…

>>June 14, 2005 at 6:08:59 PM GMT+8

2005 年 6 月 12 日 星期日 【晴】

今日阿娘去睇牙醫，哈哈！結果都幾嚴重，因為佢在牙根下有粒瘡，醫生今日同佢睇都要叫佢再返去睇多次，更抵死係佢塊面因為打咗麻醉針的關係腫到真係成個豬頭咁。返到屋企就緊係比佢呢對可愛的仔女在旁邊幸災樂禍啦！嘩哈哈！今次仲唔輪到你…等你成日話睇牙醫係好小兒科的事…

今日無乜特別，都在呆在家好努力咁繼續我未完成的Game。哈哈！後來收到的好消息就係想不到我今年又可以同白痴仔一齊慶祝生日，最開心的是「別人的女朋友」啦！佢星期三開始返工，某人就馬上浦頭，今次唔單止是精神上支持、行動上仲完全配合啦！唉！如果「他」學到某人一半我都已經滿足…

明天約咗「別人的女朋友」一起去唱K，嘻嘻！今次一定要捉埋子霖、穎風和小鵬哥出來先，你地今次一個都跑不掉的。而夜晚就同埋阿哥和佢女朋友去睇「拉闊演唱會 Twin + at 17」。而大後日就去睇另一個show，哈哈！連續兩晚都在會展過，如果可以的話不如在會展紮個camp site咪唔洗周圍走lor…（穎風：你今晚早D訓咪得lor）

>>June 13, 2005 at 2:24:37 PM GMT+8

2005 年 6 月 11 日 星期六 【酷熱】

因為老豆返咗大陸的關係，所以昨晚走咗過阿娘間房訓，結果搞到訓唔著。今朝九點幾就起身返屯門望Mass，順便同阿康傾野…點知返到去先知原來佢比佢老闆招咗去半山區幫佢個女整PC，唉！真係辛苦晒…後來佢都好好人咁趕返來同我食Lunch，不過呢個阿睿就真係唔係好掂，阿康由香港區返來都無佢裝身裝咁耐，搞到我成個衰仔在『元氣』等咗成大半個鐘，唉！早知就真係唔咁早入去…

食飽飽就去搵書，但到最後都搵唔到，就算搵到都好貴。然後就又返吉之島的旅行社睇吓D資料。因為阿康知道我無得去旅行好唔開心便陪我過大海頂住檔先，嘻嘻！真係識著佢真係今生無悔…

會完阿康，本打算入石澳找「別人的女朋友」，因為佢今日同EM一族齊齊去海灘嬉水，哈哈！如果我都係度的話，一定會叫埋你一齊砌『零的城堡』，不過因為找不到她，所以最後決定打道回府，畢竟自己今天都蠻累。

呢個老豆都發癲，鬼知你會咁X早就返香港，一返到來知道無煮飯就好似食咗人咁的樣。咁唔鍾意咪你阿媽煮埋比你食埋先返lor，我地又唔會反對的，都唔知佢想點，真係【士多啤梨蘋果橙】…

>>June 12, 2005 at 11:38:44 AM GMT+8

2005 年 6 月 10 日 星期五 【酷熱】

晨早流流就比阿娘吵醒咗（其實都已經是下午點幾），因為今日同阿哥和女朋友一齊入『柏麗灣』，唉！好唔願意咁暫別周公子就同佢地出門，而我老豆原來今日返咗大陸探親，Yeah！無佢係屋企真係咩都方便D，尤其是食方面…

入到『柏麗灣』都無乜特別，只是同果兩個行個圈兼睇吓Club House的Facilities，可能今日是公假啦！勁多人走入去游水，唉！我都唔知有乜好，呢D咁的地方最適合都係For渡假 or 好似我阿娘呢D咁得閒的人住就差不多。比我？唔洗客氣啦！得閒先啦！

之後就各自各精彩，唉！有時同阿娘一齊真係比佢激死，尤其是食野時，成日都改人地餐牌的菜單，好似今日同佢食西餐時佢要餐飲居然叫『珍珠奶茶』，頂！咪玩啦！搞到落單果個都唔知比D咩反應你，而我就恨不得馬上走過隔離枱扮唔識，而阿娘個樣仲好似覺得人地餐廳無『珍珠奶茶』係佢地的問題。【@#$%^&*@#$%^&】

今日天氣很熱，所以著咗件小背心，但成日都在戶外和冷氣出出入入，搞到有D頭痛。唔可以病ka，因為下個Week有大事要做…



一首幾正的歌 – 『無賴』

愛過的都放手很喜歡自由　常犯錯愛說謊但總會內疚
遇過很多的損友　學到貪新厭舊　亦欠過很多女人

怕結婚只會守三分鐘諾言　曾話過要戒煙但講了就算
夢與想丟低很遠　但對返工厭倦　自小不會打算

但是仍唯獨你愛我這廢人　出錯你都肯去忍　
然而誰亦早知不會合襯　偏偏你願意等

* 為何還喜歡我我這種無賴　是話你蠢還是很偉大
在座每位都將我踩 口碑有多壞　但你亦永遠不見怪

何必跟我我這種無賴　活大半生還是很失敗
但是你死都不變心 跟我笑著捱　就算壞我也不忍心 偷偷作怪 *

沒有根的野種飄忽的命途　誰像你當我寶甚麼也做到
舊愛手中一疋布 在這刻寫句號　只想跟你終老

在地球唯獨你愛我這廢人　出錯你都肯去忍
然而誰亦早知不會合襯　偏偏你願意等

>>June 11, 2005 at 6:46:29 PM GMT+8

2005 年 6 月 9 日 星期四 【晴】

哈哈！原來「別人的女朋友」忘了某人的大日子，我都幫你唔到啦！今次唯有靠子霖幫你撐掂佢啦！

今日同阿康、阿睿和阿Ming去朗豪坊的Suzuki食飯，因為阿Ming明天飛去紐西蘭探婆婆，雖則是去旅行，但因為同阿Ming都好耐無見，所以就順便食餐飯吹吓水…呢間野都坐得舒服，食品免強都OK！不過甜品就不知所謂，最抵死係我為咗粒士多啤梨同個經理講數，鬼叫佢貨不對版。大家都好無聊咁吹吓水，之後我同阿Ming就去Muji左搞右搞，然後就送埋佢搭車我就打道回府…

返到屋企阿哥就宣佈佢攞到Second Honor Degree，而我就好自然應咗佢一句「哦」。哈哈！唔係要我答D咩，反正對我來說又唔會有咩好處，對不對？後來上網睇吓D朋友仔的日記先知道原來今日有好多人都在MK的，哈哈！但彼此都撞唔見，看來我們都沒有什麼緣份吧！哈哈！

下個星期約咗「別人的女朋友」行街、唱K、食飯，趁佢返工前要好好咁玩一玩，而今次仲有子霖和「他」，嘻嘻！因為下個星期是「他」生日丫！

>>June 10, 2005 at 5:01:25 PM GMT+8

2005 年 6 月 8 日 星期三 【暴雨】

想咗好耐，都係決定把之前的日記delete，由今天重新開始，就當是送給「他」的禮物。那「你」就不用再呷醋和羨慕某人吧！

還記得我第一個的網上日記是在寶龍生日那天正式啟用，結果惹來子霖、阿邦和「他」的不滿，尤其是子霖啦！還氣了我好幾天，哈哈！因為他和寶龍的生日只差幾天而已，至於「他」雖然什麼都沒說，但說到底也有點不甘心吧！不過想不到我的日記會被Hacker入侵而廢咗！為了這件事我不開心了好幾天，還有我有一群很疼我的兄弟和朋友，也是因為有了他們我才能夠有勇氣在這條孤單的路走下去…

今年是很值得紀念的日子，我真的有打算跟「你」一起過的，但最後因為某些因素才要放棄這個念頭。不管「你」信也好、不信也好，反正我曾經盡過力。再說就算沒有了我的參與「你」也不會缺了什麼！對不對？



Hi My one and only　這麼多天沒見　可是我總想起你的聲音在我耳邊
今天心情好嗎　是否不愉快　要一切都看得開　世界沒有太壞　
雖然不在你身邊　我的心有一條線　連著你　牽著你

我好想你　想到願意相信　我就閉上了眼睛　你在這裡
別忘記　我們的約定　一直都在我心裡　
不管你在哪裡　不要忘了我有多麼愛你

不要忘了吃飯　不管有多忙　不要忘了開車時候　一定要往前看
其實我真的很快樂　有你一直守候　一直走到了以後都挽著你的手
雖然不在你身邊　但我在你心裡面　我願意　等著你

我好想你　想到不能呼吸　想到全身沒力氣　沒有關係
你別忘記　我們的約定　一直都在我心裡　
不管你在哪裡　不要忘了我有多麼愛你

我一直在這裡　不要忘了我有多麼愛你



哈哈！今天剛好也是白痴仔的牛一，又大一歲啦！生生性性，好好照顧自己！仲有就係考慮清楚自己想要的是什麼？我不希望你成為第二個小鵬哥...

>>June 10, 2005 at 9:22:03 AM GMT+8