2005 年 6 月 26 日 星期日 【綿綿細雨】

阿康知道因為無得去旅行而唔開心的關係，所以好有義氣提議陪我去澳門玩一玩。嘻嘻！好過無啦！而且今次仲帶埋穎風一齊去…

星期日晚同Lover去咗唱K，所以好夜先返屋企Pack包包，訓咗幾個鐘就出發去中港城，本來我地打算搭10點的船的，不過無位，結果要搭11點…去咗M記食完個早餐就夠鐘上船…想不到星期一都咁多人，係咁多【自由人】…大約11點過到澳門，先去民宿放低D行理就出發開始我們澳門之旅…

首先是去『鼎泰豐』食咗個Lunch，味道無想像中咁好食，然後就去『賽車博物館』和『葡萄酒博物館』，仲以為『賽車博物館』會有好多野睇，點知唔係好大…唯一興奮是同咗架類似「零」的電單車映相。然後去『葡萄酒博物館』試酒，味道都係一般。好快咁睇完就再殺去『澳門博物館』，因為行錯路的關係，所以轉咗個大圈先到，但去到先發覺原來星期一休館…唉！

後來就去咗『大山巴』果邊食『豬扒飽』，哈哈！Tea set包埋一杯『珍珠奶茶』，搞到我成日都比人寸（To穎風：最衰都係你啦！）食飽飽就去埋呢個『消防博物館』，哈哈！我地今日簡直係『博物館』一日遊。相比咁多個，呢個是比較多野睇D的一個博物館，在入面映咗好多相。

天氣一時太陽、一時下大雨，搞到個人好辛苦，結果一致通過返民宿休息一會先再出去食Dinner…返到去我二話不說就訓咗上床，懶得再郁…然後就不知不覺訓著咗。阿康佢地後來過來見到我訓咗，佢地就決定睇埋電視先出去食飯…

本來去我上次食果間葡國餐廳的，但找咗好耐都找不到就放棄去阿睿果間…在手信街附近，都OK好食！但可能因為我地成9點幾先出去食野，食到差不多成11點，都無空間再狂食甜品…所以在市政廳果邊再行多陣就返去，因為街上的天氣好焗、好辛苦…

返到去洗完白白睇埋創世紀就乖乖找周公子，後來比隻蚊打擾，搞到我成晚同隻蚊大戰，結果搞到自己無得訓，仲比佢「針」咗幾野…氣死我…

>>June 29, 2005 at 3:06:19 PM GMT+8

2005 年 6 月 25 日 星期六 【乍寒還暖】

很多人問我近來搞緊乜，以前就因為讀書要趕功課的關係，所以每天都很『早』才去找周公子，但現在又不用趕功課、又不用考試，那我到底在做什麼？好啦！等我開估吧！就是努力去完成我和穎風之間的秘書，都話明是秘密當然不可以說出來啦！嘩哈哈！（唔服氣的話過來咬我丫…Come On…）

講返今日，星期日就當然返屯門啦！不過因為懶床所以趕唔切返去望Mass，但要同阿康夾一夾D野，結果都要返入去。無所謂啦！反正我係果度大的…傾咗一陣就打電話比Lover，然後過去找佢一齊食Lunch…今日唔我地的去咗另一間餐廳，因為Lover的媽媽在果度開緊飯，食飽飽就打道回Lover府中…無無聊聊講開星期五班衰仔最後原來走晒去唱K，結果我地兩個一致通過立刻走咗去唱返輪K先，哼！好巴閉咩，嘻嘻！我地兩個大不了咪自己去…男朋友見到我地咁興奮都無話可說，哈哈！

結果我地由6點半唱到10點半，當然食埋個Buffer Dinner啦！而我仲換咗隻識震的Pingu鎖匙扣，哈哈！最衰唔夠分，如果唔係實換多隻比Lover，嘻嘻！因為我地有時會好興若自己有的一樣野時，都會買多份比對方的…哈哈！係咪好羨慕呢！這個特權連男朋友都無得異議…

唱完之後就要回府準備明天過大海的行理，看見眼前的手信List，真係仲慘過乜。粗略計過今個月已經用咗成2千幾蚊，加埋之後呢幾日的消費。一個6月足夠用了我昔日的半份糧了，看來真的要努力找工先掂…

「別人的女朋友」知道我同穎風出海有D唔開心，咪咁啦！你要返工嘛，放心啦！有人已經落咗Order，我會識做ka啦！乖…

>>June 26, 2005 at 7:13:00 PM GMT+8

2005 年 6 月 24 日 星期五 【晴】

原來昨天佢地成班先去打Bowling，然後唱通宵K…哼！太過份了…

今日都唔係話無街出，只係我唔想出ja，畢竟整個星期都無好好咁待在家裡，而且因為之前太忙，Save咗好多File都未整理，趁現在就快D搞掂埋佢…

有人問我為什麼不去旅行？唉！到底還要我說多少次，唔係我唔想去，係要配合埋天時、地利和金錢先得ka，你估去旅行真係咩都唔洗考慮咩，你食飯叫菜都要用腦啦！講埋今次唔好再問我啦！

呢個阿娘，正一大喇叭，將D未證實的事就周街唱，最火的係果D並不是她的事。真係【士多啤梨蘋果橙】，萬一大吉利是最後衰咗的話，到時就真係買蒙面具出街都唔掂…你發癲還發癲，咪再企圖管我的事，理都最好唔好理丫…

>>June 25, 2005 at 10:53:56 AM GMT+8

2005 年 6 月 23 日 星期四 【颱風】

今日好勁咁九點幾就起咗身，一來係昨晚訓得唔好，二來要早D起身搞咁D野先。點知打電話去問，佢始終都要我親自去分店查，咁無辦法啦！後來收到Lover電話先知原來紅雨，問我仲過唔過去同佢食Lunch，既然約好咗就點都會過來陪你的，哈哈！你睇我對你幾好…快D鍚啖先…

去到中環D雨仲係好似倒水咁，好彩Lover叫我踢對拖過去，如果唔係又來多對水浸波鞋，今晚就真係唔洗指意入酒店食飯。成日都仍住佢仲係在中環返工，原來係上環，所以就唯有行返過去，畢竟都唔係遠。行行吓終於收到HR的電話，約咗下個星期三Interview，唉！我的旅行想都唔洗想啦！唔知點解，一直都唔想咁快收到呢個電話，可能是因為自己未玩夠；二來是自己對呢份工無乜信心；三來是好怕今年要Re-exam…唉！總之就無去年果份喜悅啦！唯一覺得Interest的是阿哥的女朋友下個月開始入呢間公司做，哈哈！如果我真係Offer咗，唔知會唔會同一日入職呢？

因為整天都下大雨，所以放棄了去書局打書釘的念頭，回家小休。但可惜整完D野都已經差不多5點，在梳化上Set咗鬧鐘打算訓半個鐘就換衫同【展翔】佢地食飯，點知自己紮醒時已經6點，而我地係約咗6點半在尖沙咀仕德福山景酒店。嗱嗱臨起身換衫就出門，中途比個阿伯老點我去另一個方向，好彩打電話求救。去到後比壽星仔寸咗兩句，到差不多7點幾就齊晒人開餐。

雖然食物款式不多，但都幾好味，而且又唔係太貴，＄200有找。唔洗問…我就緊係主攻三文魚刺身、生蠔，最搞笑係居然有龜零膏食丫！哈哈！不過味道同外面正宗的鋪頭當然差得遠啦！可能近來真係細食咗，又或者是開始有D腸胃炎的徵兆，所以都無狂食生蠔。而我這個懶鬼就成日搶旁邊人的食物，哈哈！無所謂啦！反正佢都慣了！

食到差不多10點切埋蛋糕就閃人，本來打算落Bar吹水的。不過有人突然提議去打保齡，所以一致通過返屯門。而我這個九龍人唯有無奈地獨自打道回府啦！哼！如果屯門間屋未買的話我一定跟大隊的…

搭巴士返屋企時，突然被後面個神經仔定飲醉酒的人撞咗一下，頂！好彩我個頭成日撞到大，如果唔係真係叫白車。結果安全起見，都係閃去第二個位坐安全D…

其他相關的相Upload晒去Church的Folder（http://photobucket.com/albums/v650/cyng/）唔知道Password就問我啦！

【6月壽星，我地識咗都超過15年啦！】

【佢負責夾、我負責食！哈！】

【做得壽星就當然要比人虐待吓啦！嘻！】

【大懲罰...Yeah！】

>>June 25, 2005 at 6:43:38 PM GMT+8

2005 年 6 月 22 日 星期三 【颱風】

成個星期都好似只係星期一在家食過Dinner外，日日都出咗街！不過我每天都會陪埋阿娘佢食埋個Tea（我的早餐）先出街，今日都唔例外，只是今天多埋另一個阿娘…

呢兩個阿娘明知會下雷雨都唔帶Umbrella出街，結果咪又係難為了我，成對波鞋入晒水，話極都唔聽，越大越難教…首先送咗我家阿娘上車回家，然後返轉頭送埋契娘上車，我就去MK的旅行社睇吓有咩地方可以去吓，順便幫阿康的堂哥問吓機票的事。後來阿康突然來咗MK找我，所以就一齊問完之後就會埋「別人的女朋友」＋男朋友去學聯。可惜最後都Book唔到，因為時間太趕了。看來我今年的旅行又泡湯了…

接著就又去炳記牛牛開飯，今日【甜甜姐姐】居然入漏咗我張單，但見到佢咁Sweet的笑容就原諒你啦！哈哈！開完飯就同「別人的女朋友」分手，因為人地男朋友係度就費事阻住晒啦！所以我同阿康就去咗其他地方睇吓D旅遊書，然後就各自打道回府…

>>June 24, 2005 at 8:13:18 AM GMT+8

2005 年 6 月 21 日 星期二 【溫暖】

唔知係咪近來見周公子見得多呢？（穎風：完全係啦）好似訓來訓去都訓唔夠咁，過埋呢個6月要Adjust返個時間先得。

晨咁早就有電話，仲以為HR咁快手，但原來唔係…不過都好，反正我仲未想返工住…嘻嘻！今朝個Call係關於我報咗的Course，突然要我比今年的Syllabus比佢地做Reference，真大獲！都唔知去邊度搵比佢地…唉！

原來女朋友下個月返新工，哈哈！唔知我地會唔會有機會一齊返呢？不過就算係我想暫時都會扮唔識的，畢竟佢做個Post咁尷尬…

>>June 22, 2005 at 11:07:09 AM GMT+8

2005 年 6 月 20 日 星期一 【溫暖】

今日去咗機場同Rebecca、Ricky、George和Simon爸爸一齊食Lunch，嘻嘻！很久都沒有見過他們了，同以往一樣，都係聽唔明佢地講的野。不過唔多唔少都Feel到今非昔比，倘若今次真係返去做的話都並不是和當初的一樣…

講開呢樣，原來佢地在個多個月前已經流傳呢個位或許會有我份，江湖傳聞唔知係大老闆定『阿姐』欽點，只不過是在上星期先通知我，而家係等HR果邊Approve or not，然後interview…唉！其實返去做有好有唔好啦！最唔好係我今次名正言順跟『阿姐』，之前就話可以躲去Simon爸爸果邊，而家就要即call即到，無得走…而且次呢單野通晒天，返到去都唔知點咁，好矛盾…

食完Lunch就在機場行咗一陣，映咗D相，本來想映飛機的，不過天氣唔好，所以就放棄呢個念頭…之後先打道回府準備下一場，哈哈！差D又係MTR睡過頭，為什麼每次都是這樣，就算唔係返工上到MTR都會眠一眠先…

到6點幾時「別人的女朋友」Call我，原來佢地已經過緊來，而我仲係張床度同周公子約會緊，結果用極速的速度換衫出門，去到深水鶖伅〝巧它n。然後同埋佢、Chris和Vickie一齊去掃精品。哈哈！我地初時都以為買唔到＄1000，點知到最後都過丫，而我一口氣買咗差不多＄300。一盒龍貓Puzzle和3隻想買好耐的短毛龍貓擺設，Yeah！本來想買埋另一盒Puzzle的，不過下個星期同阿康過大海，都係唔好去咁盡…

掃完貨，我帶佢地去MK食牛記，嘻嘻！今次又覺得幾好食wo，然後就去行街睇吓我地買咗D野同外面個Price差幾多，到11點幾就叫阿豬載我們回府，哈哈！佢見到我套Totoro想殺死我的Feel…嘻嘻！如果你想要的話，我最多以原價平＄1比你啦！哈哈！已經好抵ka啦…




>>June 21, 2005 at 7:09:16 PM GMT+8

2005 年 6 月 19 日 星期日 【晴】

昨晚「別人的女朋友」同我訴苦，佢話佢越來越想出Trip，哈哈！你同子霖商量吓啦！總之我呢邊6月底前都無問題的，除咗某幾日！

呵呵！原來有人比人X，怪不得好似轉咗性咁啦！難得比人罵，咁當然要貼上來比人睇吓罵咩啦！哈哈！

【你個死穎風…唔好成日都咩都唔理好唔好呀？你知唔知你噤樣會攪到人地好唔開心家！我知到你好多野做、好忙！但呢個唔係藉口來家，你要理吓人地感受家嘛！愛情係要付出的，唔係你話要開心就有開心家啦】

呢個故事擺明話比你知就算無咗你係我身邊都仲有好多人撐我的，問你怕未？

>>June 20, 2005 at 11:27:52 AM GMT+8

2005 年 6 月 19 日 星期日 【晴】

近來又開始重新整理返之前被我掉在一旁的故事，而這個故事分別記錄了我和穎風、子霖和小盈子之間的秘密，嘻嘻！係咪覺得好"鬼"異呢！（子霖：無聊…）

講返今日，因為要重新整理果份野，搞到今朝懶咗成個鐘床先起身，結果匆匆咁換衫就返屯門望Mass，唔洗問當然是LATE啦！後來見到阿康同雷稀客。堂區今日搞捐血日，阿康晨咁早就走咗去做熱血青年，而我因為無食早餐，所以今次無一齊…望完Mass自己走咗去吉之島行咗一陣等Lover的電話，然後就同佢一齊食Lunch（當我地兩個真係落樓食野時都已經係Tea time）…在Lover屋企留到5點半左右就要閃人，因為今日係『父親節』，所以幾唔想都好都要浦頭…

本打算搭巴士的，不過後來要遲到的關係就搭西鐵再轉MTR，但到都係遲咗10分鐘。我地去咗奧海城六鼎記食迴轉火鍋，其實對我來說都無乜分別，最抵死係阿哥買咗部LG L1100比老豆但就話係我送，哈哈！我都覺得奇怪點解老豆突然會多謝我，可惜我唔領情講咗句：「唔洗客氣，反正又唔係我比＄…」嘩哈哈！真係好衰仔丫！

食完飯行咗一陣，買咗一件返工衫就打道回府睇Pride。



上個月被考試搞到我唔記得交Card數比人罰息，好彩Lover幫我撐掂佢，哈哈！佢的Reason係收唔到Statement。哈哈！比著我真係做唔出丫！

>>June 19, 2005 at 5:48:49 PM GMT+8

2005 年 6 月 17 日 星期五 【酷熱】

昨晚聽「別人的女朋友」話，找周公子前想一D我同佢之間開心的事，結果真的有效丫！今次無再夢到同穎風分手了，仲同佢、子霖和女朋友一齊去聽【雨神】佢地的Concert…正當好開心咁準備開場時，呢個阿哥好唔識做咁吵醒我…@#$%^&*@#$%^&*，難得人地今次咁Sweet，激死我啦！

無辦法啦！後來同阿娘過咗星河明居同BB玩，佢一聽到門鐘響就從房入面衝出來，結果撞到個頭，喊到豬頭咁。之後見到我攞咗份玩具出來就馬上收聲，唉！而家D細路真現實，同佢玩咗一陣我表姐就返來，湊埋佢返教會。最抵死係佢一見到佢阿媽就話佢撞到個頭、有份新玩具、同埋下個星期要跟表姨去玩，點知未講完佢就停咗，過咗幾廿秒就話：「我無氣啦！你比我休息一陣先再講…」表姐、我和阿娘聽到呢句笑到收唔到聲，然後佢真係對住佢阿媽講埋下半段…哈哈！

送走咗表姐和BB，就同帶阿娘去九龍城，因為佢約咗D朋友去果度開飯，我搭單咁食咗少少就返荷里活廣場，其實今日主要的Appointment係同F.D.的同學仔食飯…

今次都算齊人，有囡囡（昔日的Miss）、卿卿、可欣、璇、輝、Bill、Maggie、Be和我，好彩叫Maggie訂咗枱，如果唔係真係有排等。其實大家都係吹吓水，無乜特別，但感覺好舒服。因為大家真係無乜心病，大家都係用個心去保持呢個關係…唯一最大的問題係我收錯＄，哈哈！應該係我收多咗份＄，因為自己真係唔為意，Sorry！下次提我要比返囡囡丫…

大家吹到差不多10點半、映埋相就各自散水

其他相關的相Upload晒去（http://photobucket.com/albums/v650/cyng/）01601BT的Folder

【大合照】

【我地個個都好有Heart的】

【我同卿卿著情侶裝】

>>June 24, 2005 at 5:55:52 PM GMT+8