2010 年 4 月 8 日 星期四 【陰】

蜜月期過後，每日返工都好似打緊十號風球咁，乜都話趕、乜都話要馬上出！由本來一頭漠水到而家已開始掌握到工作的流程後，就開始想有D乜工作係可以選擇做同唔做，因為我發覺有很多工作都不是我的職位範圍、而有D就係無必要duplicate去做…但因為係咁多個Contract中最早開工始就係我負責的Contract，所以想抄下人都唔得。

加上有D engineer又不知所謂，份Document今日Deadline佢就真係今日先print份野出來比Supervisor approval，如果Supervisor咁岩唔洗出去開會就話坐係個位度，if not就又hold住咗！就算咁好彩個Supervisor當天Initial咗都唔代表經理係公司 and final approval埋。但當Engineer pass咗份野出街，佢的責任就已經同一時間轉移咗比其他人，而最後份document都會係我收工前的半個鐘就會遊返來 and keep咗係我度，所以個責任都會係我度。

故此我每天的下班時間都會由official的1800順延到我at least send out晒overdue的document先可以收工，如果overdue的document唔多，1900前都可以閃、但我都試過由1730﹝星期五收早﹞OT到2030都仲未做完…全因為一D自私的engineer臨收工先搵經理簽野！

講真，呢度D人個個都忙！只在乎果個人的做事手法係有Sense定無Sense！但我發覺做得咁上下年資的人往往都係自私 + 無料的人，成日都持住自己做過幾多個Project經驗就成日係度認威認勢，但當需要有人出來負責時就搵D細的出去，先生…你作為一個咁有年資的人無理由咁做野丫，你話你乜都唔知都無人信啦！

不論是Engineer / Inspector都係一樣，只不過Inspector更加麻煩的就係成日都以為自己想要乜就有乜，先生…呢間公司的資源就係得咁多，你一係要、一係就唔要！成日都叫我搵比你，我點搵比你…你咁多投訴就正接同PM講啦！下下都係我面前得把口…

今日仲要收到個小道消息，本來五天工作的我，分分鐘之後要返長、短週，原因就係呢D多多意見的人話點解Engineer / Inspector要返5.5，而Admin就反而返5日…真係好想講一句，你份人工夠唔係 = 我份人工啦，又唔見你同公司講對我地的薪金睇齊…今次真大獲！


唉，我已經夠多負能量啦！而家仲整多單…想點丫…

>>April 9, 2010 at 3:45:49 PM GMT+8

2010 年 3 月 18 日 星期四 【陰】

不知道應該用什麼心情、什麼想法、什麼感覺去決定我到底是不是繼續堅持下去？

要找到一份人工合理又開心的工…難；要找到一個可以隨時隨地都聽你講心事或聽取意見的人…更難；要找到一個可以在旁幫助你、支持你、了解你的人…難上加難！

難道我有這個想法要錯嗎？難道我想要這個要求都也是錯嗎？難道我只想找一個人給我一些意見或指引也是錯嗎？

「家」早已不是我可以解決的問題，但想不到連自己希望抓緊的東西都不是我可以解決的問題‧‧‧

很難才找到一份工作，結果常被人家說我搭霸王車，拜託！這些福利就相當於我被壓掉低的錢，所以你到底還要說到什麼時候？或是你想我轉過另一份工作去滿足你？

>>March 19, 2010 at 6:09:55 PM GMT+8

2010 年 3 月 13 日 星期六 【陰】

是日為「白色情人節」！

>>March 14, 2010 at 2:33:42 PM GMT+8

2010 年 3 月 7 日 星期日 【颳風】

今日一下子發生了很多不如意的事…

1) 用咗大半日入的document到最後要全部return返來再重新做過…
2) 有D成日都要人地當佢皇帝我係平民的人要求多多，唔係我唔肯比佢，而係公司有公司的政策和規則，你咁多要求和不滿你直接同你老闆講，咪係我面前阿支阿左仲大大聲話我辦事不力…我都未聽過有人用寫CD的筆走去寫石屎，寫到鈍晒返來仲話我比D咁既筆佢，阿叔…我比你果D係靚野來的。比D粗的Marker筆佢又話要晒咁多隻色，公司就得藍色…你要就要、唔要就收聲，你嘈我有叉作咩！咁巴閉就行入CM房講啦！
3) 呢個部門D人真係嘈到你真係做野做到好亂，本身已經夠亂，D人講野又無Point之餘仲好似係街市賣野咁，都唔明白為何一個office會嘈到咁。返到屋企想靜下又唔得，係咪個個都係要咁大聲？
4) 第一次上網買野，本來都好地地！我要三腳插頭你無，咁我唔收貨走…好正常！你之後打電話來話我本身訂咗而家唔可以唔要？你無野丫！都唔明點解你D好評係100%，算數！今次當用68蚊又學多樣野…
5) 我只不過係一個管錢的P/O，你地要買乜野你地咪自己去睇、去夾價，之後Send返D information比我去做個report，但事實錯晒…結果要我自己去搵、自己去睇、自己去設計、自己去買，但到最後唔岩你地心水又多多說話，咁點丫！你公司的A/c會唔會要做埋design、自己睇板、自己夾價、自己落埋order？
6) 返到屋企開notebook，點知又開極都開唔到！operating not found！又來！結果同事叫我等部機休息下先再開...唉...仲有幾多家電要換？

我今年明明無犯太歲，仲乜樣樣野都不順？

>>March 8, 2010 at 4:22:11 PM GMT+8

2010 年 3 月 4 日 星期四 【晴】

呢個世界有很多種不同類型的人，不同類型的人有不同的思想、觀點和做事方式！要迎合不同的人除了不斷調教自己去適應別人之後，還要做到面面俱圓…

其實呢度D人唔可以話衰，只不過人總是自私的！既然講一句就可以方便到自己，何樂而不為，但他們總是不知道因為他的一句說話就增加了別人的工作量、時間和精神。又或許是我仍未習慣這裡的生活吧！說真的，自己的不滿只是微不足度，但如果要求我去做某一些事情之前，為何總不是給我一個最後和清楚的指示，一時一樣、一時又另一樣，想點？不過係呢度最討厭既都係果D假惺惺的人，一方面叫人我唔趕時間，下一句就問人咁你幾時到？第三句就再同人講最緊要就到你，但第四句就話我D時間唔係成日都得閒…想知丫？

最不滿的就是到最後你們總是說一句：「呢D野我唔清楚，乜呢D野唔係你的責任、你去做咩？」頂！你係呢度做咗幾耐，我又做咗幾耐？

同埋呢度D人大部份對耳都係有問題，無論佢同隔離位講野 / 講電話都係成條街都聽到，仲要係你講野，我要大聲過你…同街市差不多，分分鐘仲嘈過街市！最搞笑的係有D人係坐尾房，但佢講的一字一句連坐中間的人的聽到！我終於明白為什麼新來的Manager明明坐尾房，半日都唔陪就要轉去頭房，仲要每日都關門大吉咁與世隔絕，因為一打開門真係嘈到你無心機做野…

>>March 5, 2010 at 7:55:14 AM GMT+8

2010 年 2 月 22 日 星期一 【陰】

我希望你會完完全全記得你自己講過既野，咪到時又話我「屈」你…

鬼唔知幾千蚊養唔起你，我都唔認為四千蚊就養得起你！但你覺得你唔方便開口問佢拎的話，我唔覺得我可以再做到D乜！

你話四千蚊出面連租都租唔到屋，言下之意係咪倘若有一天我搬出去住，我連呢四千蚊都唔洗比你，你覺得你自己如果唔係因為身體咁差而令到你做唔到咁多野的話，咁你就要學懂什麼叫「放手」…所以我一直都覺得我姨媽係一個好醒的女人，四個仔女事業有成，佢就負責去敗家…唔止！要搵到佢幫手時，佢就會話自己唔係呢度痛就果度跌襯，簡單一句：「指意佢就係浪費時間！」不過最多多意見的…又係佢！呢D咪叫做醒…又唔洗自己做到成隻狗咁，但又可以大大聲咁講野。

你成日都話自己有辛苦，但係出面做晒好人…返到屋企對住我呻，咁你想我點？打電話去鬧佢地？我聽得多都嫌啦！我自己都有自己的困難，對住你講有乜Q用…到時又話「從來都唔指意你地D人！」既然係咁，咁何必對住我講？

我無野做大半年，你話你無比過壓力我！都算係…不過如果你放少幾份求職報紙 / 同你D朋友講少D我的野就更加好。係果段時間我好清楚自己搵緊D乜，你話我要好好多謝你個仔…原因係在我失業期間佢叫我去保誠做Part time，咁都應該要。但其實你有無想過我係佢公司打工時的心情比我去展覽館幫人登記做20蚊一個鐘的心情同感覺更差…

不過算啦！同你講你都唔會明，看來我要慢慢將返工對人的態度轉移到這所謂的「家」…一家四口、各有各自家！都不失為一個「經典」…

所以「人真的會隨著成長而轉變！」而我應該會選擇「沉默」，因為唔想再解釋咁多…唔好再要我去解釋為什麼我要咁做或我會有咁的想法…你明就明、唔明就算！

>>February 23, 2010 at 4:48:04 PM GMT+8

2010 年 1 月 14 日 星期四 【晴】

對於一個極度需要安全感的我，面對新的環境都必須用時間去調節自己的感覺！而我都很明白在一個商業的社會中會有很多隔膜，但原來只求一切安穩都很困難！曾經在小規模的公司打滾過一年，因為無知識、無經驗…很多東西都要靠自己摸索返來，雖然一齊都無一個Standard，而且當中失敗過很多次，但起碼自己對得起自己的工作和滿足感！之後都在一間規模夠大的公司又打滾過四年，四年的時間不長不短，但起碼對自己日常要處理的事和人都已經懂得處理，最重要的是係呢間公司我曾經搵到一份安全感和歸屬感…

到今次仍然是一間規模夠大的公司，只不過從來都無想過會有一種遊牧民族的感覺，一開始好正常去HQ報到，之後就派你去另一個地方！而呢個地方同你最初的協議是完全不一樣的，去到之後就有人同你講「你千萬不要放太多的東西係你張枱度，因為我們而家所擁有的working place都是問人借的，倘若對方隨時需要此地，你就必須要搬到第二個working place…」聽到果下真係唔知有乜反應，放下包包就去整埋張Staff card，返到來又發現個位多左2個櫃桐﹝就係一張枱下面果D櫃桐﹞，突然覺得呢個所謂的working place似垃圾場多D！一個位居然有五個櫃桐，真係想唔到有乜形容詞可以形容呢一刻的感受！

成個department﹝應該﹞有30多人，但今日識的或被介紹的都只不過是會同自己一齊工作的Admin小姐，其他的一概不知道，身邊總有人行過，但你永遠都唔知知道他是不是跟你同team的，而且你都唔知你老闆係乜水，因為都係無人同你講過，你只需要知道的就係﹝應該﹞你條Team有3-4個經理…係咪好威呢？總之的感覺好奇怪，都唔知應該用什麼形容詞去形容！看來我真的跟這個商業環境脫節了，又或許是以前的生活太舒服…

>>January 17, 2010 at 5:34:40 PM GMT+8

2009 年 12 月 30 日 星期三 【颳風】

每個人的生活背景、成長環境都唔同！有很多事都有正、反兩面！無人知道那一邊才是對的，所以我們都需要不斷地學習和探索…同時也因為種種的原因每個人都有不同的思想和想法，要達到一致的答案，「溝通」係其中一個方法…

不過對於不善於表達的我，很多時我都會選擇沉默…因為我覺得要明的始終會明、但不明的無論你再講幾多野，那只不過會被對方當成一個「藉口」，與其是這樣，倒不如講少一點，起碼凡事會錯少一點！

一個「家」好與壞，的確很影響小朋友的成長和行為！早幾天行超級市場，我發覺如何我放慢腳步的話，身邊的人會很快從自己身旁走過！那一刻不其然的想，如果身邊有個熟悉的人，佢會唔會都會很快地從你身邊走過，去睇或去找佢想要的東西呢OR當佢見到一D吸引到佢的野時都會很快地遺下你向目標進發？雖然到最後佢可能會發覺你並沒有跟著佢後面，而行返轉頭去找一找你…但如果呢一條係單程路，又何來About turn呢？咁當然凡事總有不同的方案…佢可能會係不遠的地方等你、佢又可能會馬上用佢的方法U-turn、或佢由得你自生自滅睇下你幾時追得返上去…而由我懂事開始就知道我屋企的人係用第三個方案。所以人大咗就唔會再去追求什麼，因為就算比你追到都無用！雖則你很在乎、很想抓住，但很多問題並不是你想得到就能擁有…

不管是以前或是現在，我都希望將自己同屋企取得一個平衡，但事實係需要很多勇氣和體諒，加上今年又被否定咗成7個幾月，就連自己想點都唔知時候！根本就顧慮唔到咁多的事情…加上當我發覺原來我一直好大安指意的事，事實並不是這樣！

>>December 31, 2009 at 5:34:40 PM GMT+8

2009 年 12 月 16 日 星期三 【晴】

努力了230日，一次又一次的期待、一次又一次的失望！一次又一次的無奈、一次又一次的失落！終於得到一個答案！雖然只是一個口頭上的承諾，但感覺都已經實在了很多，起碼個心都定咗好多先。

收到個Offer，真係大叫咗一聲「搞掂」！雖然人工比預期既少咗三分之一，但起碼都叫做有個地方可以避下，新的環境無人知道是怎樣，只不過那些所謂口口聲聲的「親人」就已經又對我的工作態度指點一返，其實我係咪需要用返我工作的態度和語氣對待你們，盈盈話如果我真係咁做，呢D就叫「假」，但其實佢地可能覺得你咁對佢地，呢D先叫做「好」或「有禮貌」…

之前都因為呢個問題而同GM呻咗一輪，但其實第三者又可以幫到你D乜？唯一開心的係佢無果個Moment再踩多我一腳，咁已經足夠了…

仲有29日的假期，要好好計劃下點「反」埋佢…

Thanks God has listened my wishes…

PS：阿嫂...生日快樂！雖然你唔會見到呢個Blog，不過我都希望你每日開開心心，你和你身邊的人都健健康康！

>>December 17, 2009 at 1:59:09 PM GMT+8

2009 年 12 月 14 日 星期一 【乍雨乍晴】

有很多事情就算你計劃好晒，到最終都會有很多原因和因素而終止…

>>December 15, 2009 at 3:29:36 PM GMT+8