2005 年 7 月 7 日 星期四 【綿綿細雨】

本來今日同Lover食Lunch的，不過突然收到個小學老師Call，嘻嘻！我下次先補返比你啦！你放心，實有機會的…有拖無欠！

好準時咁1230去到目的地，不過就勁大雨，想唔開Umbrella都唔得…今日有我、老師和張太去嘉彩飲茶…咁耐無見都係吹吓水啦！同埋比個機會佢地讚吓我…哈哈！大約1400老師要返學校開會，而我同張太繼續吹水到3點先閃人…本來打算返置樂買零食的，不過落雨濕濕都係打道回府，今晚先再出去同『展翔』食飯…

真奇怪！明明食到好飽的，但返到屋企個胃好似乜都無咁，餓到腳軟的Feel，結果嗱嗱臨食個麵包先，好彩昨天在Sogo買咗個脆皮白包，不過今日食已經唔脆，仲變硬咗，唉！算啦！下次都係即買即食好D…順便食咗半盒的士多啤梨，哈哈！好耐都未試過食得咁爽啦！正~~~

今日都算是早起身，所以趁出門前先見一見周公子才去奧海城同『展翔』食飯…大約8點去到，Join咗2位主角（阿康和阿睿），然後Join埋Lover，行咗個Round就去『金滿庭』…佢班衰仔都算有人性，唔係遲咁多…

不過今日我好衰仔咁表面上問阿康食乜，但實際上係自己決定叫乜R食…哈哈！Sorry丫！因為大家個經濟環境唔係咁好、同埋好似有幾樣野你都好似唔食得…原來叫Set的R係大碟好多的，早知就唔洗再加2碟菜啦！個個食到一半已經停手，Only『孖聰』由頭帶落尾…到最後就去攞壽包，但當我一入到去就有意外。就係支蠟燭熄咗，結果比佢地X，嗚！我都唔想ka…過份…好彩余生幫我，如果唔係真係有排比佢地X…哈哈！原來余生佢在機場做野的，有機會去捕吓佢先~~

食到11點幾就閃人，因為人地要打烊！打包咗好多盒野，返到屋企先發覺收少咗＄，哈哈！大頭蝦唔記得自己預先比咗訂，今日埋單時佢梗係扣返啦！我仲白痴咁跟Bill個Total Amount去收…嘻嘻！下次先追返D尾數…

相關的相Upload晒去Church的Folder（http://photobucket.com/albums/v650/cyng/）

>>July 22, 2005 at 5:52:11 PM GMT+8

2005 年 7 月 7 日 星期四 【綿綿細雨】

100題問題~!

現在時間：1648

你的中文名：（你地都知啦！）
你的英文名：Anna（返工先用）
在網路上的化名：小Clare
綽號：靚仔
出生地：香港
家鄉：好似係佛山
目前居住地：荔枝角
實際上幾多歲：22
心理上幾多歲：唔定㗎喎，視乎咩環境、同咩人一齊啦
如果你係日本人你個名會係：長谷川小百合
你喜歡你的中文名嗎：一時時
你出世果陣比你自己改名想叫咩：唔...無唸過呢個問題~
而家聽緊咩歌：柏拉圖的永恆
你最後吃的一樣東西是什麼：白麵包
對上買的正版CD係咩：鄭伊健的Discover
曾經愛一個人愛很深，深到讓你落淚：好似無
曾經出過車禍嗎：冇
曾經因傷入過醫院嗎：有...
汽車喜歡兩門式的還是四門式的：四門式
凡咖啡也喜歡：不是
喜歡的地方：望到海的地方
喜歡的襪子顏色：白色
最喜歡的數字：9
喜歡地毯還是櫸木地板：櫸木地板
最懷念的假期：聖誕節
呢一刻最鍾意的人是誰：穎風
如果變成男生的話要做什麼：入男廁放水
如果都沒人聽到，你想大叫：講粗口
最近最高興的事情是：買了睇咗好耐都唔捨得買的龍貓擺設
最近最難過的事情是：有
最近最喜歡的男歌手：無固定
最近最喜歡的女歌手：S.H.E.
將來的夢想：可以同穎風一齊
最尊敬的人：劉記的陳主任
你重色輕友嘛：唔會
覺得今生最想去的地方：台灣
地球滅亡的前一天要：大巴大巴咁【星】穎風
覺得blythe (B女) 恐怖嘛：唔知係乜
會把什麼類型的人當做是自己的對手：自己討厭的人
最希望他消失的人：有…不過唔想講
看過印象最深的演唱會：F.I.R.拉闊演唱會…超正…
如果讓你自由選擇的話：同穎風一齊
生活中覺得最快樂的事：唔洗做有＄洗，每天睡足15個鐘
生活中覺得最痛苦的事：前路茫茫
認為自己最有魅力的地方：無…
把自己比喻成什麼動物：狗
你會想做阿嬌、定阿SA：兩個都唔想
咁想做Kenny, 定Steven：Kenny
鍾意吳日言、定薜凱琪多：無得揀就…吳日言
你認為自己是個值得交的朋友嘛：對
適婚年齡應該係：無唸過
你覺得自己有幾長命：75
印象最深刻的場所：未唸到
接受到同性戀嘛：YES
在這封e-mail 前上一封是誰寄的：My Lover
現在離你最遠的朋友是：阿敏…
你現在最想擁有的東西係：＄＄＄
小時候，有試過吃鼻屎：邊記得丫…
中左六合彩，第一件事做咩：分身家
最令你煩惱的事：肥
隱形一個鐘會做咩：找穎風
還愛你的前度男朋友/女朋友嘛：都無
全世界最好的事：我是一個人
你的願望：都係果句…可以同穎風一齊
對上一次喊係幾時：好似係考試期間
對上一次睇演唱會幾時：6月14日（At 17 x Twins）
最鍾意的書：賣海豚的女孩
開心的夢：同穎風一齊
你係人生中最後悔係：好多喎…
你最信任的人：Lover +「別人的女朋友」 + 穎風
如果你聽日要死，你會最想做乜：用晒所有＄豪一獲
到呢一刻為止，你認為邊個係影響你最大既人：好多喎
最近你最唔開心事係咩：等成績表
你最討厭自己D咩：為食
信有外星人嘛：信
有無發過明星夢：有
最令你自豪的一次表現係：入到KA
最鍾意o既人鍾唔鍾意你：唔知…
喜歡和家人住、與朋友住、還是自己住：朋友住
比你選擇你想自己聰明定蠢：聰明
究竟乜o野先叫愛：最美好的愛就是成全
你著幾號鞋：某D鞋5號、某D鞋要5.5
你有幾多知心的朋友：2-3個
今日天氣點呀：有雨有太陽
最喜歡的歌：遺失的美好
想成為：衣食無憂的人
你而家最想搵邊個無見好耐的朋友食番餐飯：阿敏
朋友！你快樂嗎：不錯
放假最鍾意做咩：見周公子
最想去邊度旅行：台灣
跟男或女朋友相約，能等他多久：無所謂（情人例外）
用顏色來形容自己：白色
小時候是個怎樣的孩子：過度活躍、古靈精怪唔怕死
之後想理個怎麼樣的髮型：上短下長的頭髮
有什麼 Fashion Style：簡簡單單、舒舒服服

現在幾點了：1715

>>July 8, 2005 at 6:48:28 PM GMT+8

2005 年 7 月 6 日 星期三 【綿綿細雨】

懶咗成個鐘頭床先起身去做Body Check，雖然訓唔足15個鐘，但都起碼有7-8個鐘，為什麼總是不想起來的樣子，看來返工的初段應該幾苦…

過到海剛好十點鐘...在醫療中心登記完就去度高、磅重、驗血、驗眼、照肺之類的例行公事…大約45分鐘就搞掂，仲以為佢會搞好耐。結果就決定去食返個早餐先，因為睇完牙醫都可以唔洗食…

未夠鐘就走咗去書局睇書，然後才上去受刑。點知上到去先想起無帶張X-Ray，唉！結果又要照多張，又比人收多幾舊水…唔知係咪驚呢？佢原來問我係咪『Mok』左邊牙，我以為佢問我係咪幫我『補』牙，結果答佢係…打咗2支麻醉針，然後休息一會。入到去先問佢點解今次『補』牙D麻醉感覺唔同上次，佢就好奇怪問我「乜唔係『Mok』牙咩」…哈哈！結果因為時間同埋唔可以再落麻醉藥的關係，所以今日唔洗『Mok』牙，延期到9月。Yeah！明天可以食大餐…但講真丫！比人打咗2支麻醉針都咪話唔痛…

結果就同阿娘去銅鑼灣食野，仲買咗幾件T-shirt返工，然後就急速回家補眠…

嗚！打針果個位仲痛緊...

>>July 7, 2005 at 5:37:06 PM GMT+8

2005 年 7 月 5 日 星期二 【酷熱】

近來都唔知仲乜，日日晨咁早就比D電話聲嘈醒，咪咁啦好唔好！由下星期開始我就要和我15個鐘暫別啦！好心你地生性D，咪搞我啦！

回正題，晨咁早就收到江湖傳聞，原來阿Sir由今日開始通知邊D人要re-exam，嘩！好驚丫！我唔想收到佢的電話丫，因此搞到今日個電話一響就嚇一嚇…我唔想讓小鵬哥失望，我想和「別人的女朋友」一樣去完成小鵬哥未完成的事，這是我們之間的承諾，也是我們唯一可回報他的方法。至於「他」…是最無資格在這方面發表任何意見的人，原因是什麼？我想「你」應該心知肚明…

明天一早要過海做Pre-employment Medical Check，然後就去正式同隻智慧齒講Bye Bye…唉！怕怕啊！希望不要太痛，因為星期五我要食大餐…

PS：今天是我的老婆生日，呵呵！又大一歲啦！要成熟D、咪咁低B啦！仲有就係唔該你專一D好唔好…你都算我咁多個情人中最花心果個…

>>July 6, 2005 at 2:57:03 PM GMT+8

2005 年 7 月 3 日 星期日 【酷熱】

11點幾比阿娘吵醒咗聽電話，唉！終於打電話來了，老實講都不知該開心或是無奈…開心的是終於唔洗做3失青年，無奈是This not my first choice…

本來是這個星期上班的，但因為HR果邊知道我想出Trip，所以才把Starting Day延後一個星期，哈哈！可惜我還是沒機會去…不過算吧啦！反正資金不足…唯有趁這個星期（我最後的暑假）抽D時間和一些很久沒見的朋友、兄弟姊妹再聚一聚，然後就要聽穎風、小鵬哥的話收拾心情去工作了…

事業上的問題暫告一段落，但學業上仍在煩憂中，幸好新學校那邊Defer my payment date，如果唔係就真係都唔知點決定好…

嘻嘻！我和女朋友將會在同一天、同一間公司入職，別忘到時記得要扮唔識我丫…哈哈！各自搵食…

>>July 4, 2005 at 12:20:37 PM GMT+8

2005 年 7 月 2 日 星期六 【晴】

又懶床了，搞到又遲咗望Mass…雖則阿康去咗長洲靈修，但我晨早約咗「他」一齊食飯。哈哈！4年啦！「他」終於回來了…

原來今日是基督少年團結業禮，怪不得咁人山人海啦！望完Mass就周圍找呢位人兄，原來佢早走咗去探佢以前的小提琴老師…我仲以為佢走咗！將佢當成禮物帶到展翔之花鄒姐面前，哈哈！咁耐無見，當然要擁抱吓啦！

鄒姐本來打算提議去食西餐的，不過我估佢都應該食到怕，而且今次見佢【壯】咗咁多，嘻嘻！所以我提議去茶樓飲茶…去到稻香準備行入去就坐時，突然有人嚮我全名，原來係我個肥阿哥同埋佢D小學同學，哈哈！佢地一開Ball就話好耐無見，我仲係成個小朋友咁，咩wo！係你地老咋，哈哈！打咗個大招呼就去返屬於我的位置…

3個人在茶樓吹水，咩都講一餐，大部份的話題都係關於堂區。我都係果句『你自己想一想啦』

之後我就趕去下一場，嘻嘻！好耐無見過我最鍚的老師了，順便比埋份手信佢…兩個人在快餐店又係狂吹水…哈哈！近來D人第一句就同我講：「仲乜瘦咗咁多」哈哈！有咩？但我覺得自己肥咗喎，可能係未訓夠15個鐘精神不佳…但相反對住「他」，D人第一句就話：「仲乜肥咗咁多！」嘻嘻！趁仲未返工，咁D去做吓運動啦！

後來打電話比阿哥，就跟車一齊出返九龍食Dinner，哈哈！因為我屋企是標準的【無飯家庭】，呢個阿哥…明知泊車時間就來到又唔出聲，搞到過咗幾分鐘要比成舊水停車場費，個Cheap精仲係又點我去Pay…哼！我以後都唔會再去幫你Pay停車場費的…

>>July 3, 2005 at 5:34:44 PM GMT+8

2005 年 7 月 1 日 星期五 【晴】

我終於明白為什麼我怕讓自己有一個『習慣』，因為每當我有了這種『習慣』後就不喜歡有任何改變，包括那種感覺。到底這對我是『好』、還是『不好』？與其說『時間』可以改變一個人，那『距離』不就是可以改變一個人的感覺…？

5年前，「你」是我的夢中天使

4年前，「你」是我的貴公子

3年前，「你」再次成為愛的使者

2年前，「你」是帥帥的黑道小子

1年前，「你」成為了帶領我衝破黑暗的悲劇英雄

到今天，「你」仍然為自己的目標而努力

>>July 2, 2005 at 10:52:54 AM GMT+8

2005 年 6 月 29 日 星期三 【微雨】

仲以為可以好好咁訓返15個鐘，點知9點幾就比阿娘叫醒咗去睇牙醫。唉！無奈就暫別我的周公子…

其實今次係阿娘整牙，而我只不過係Check吓隻智慧齒洗唔洗Mok咗佢，何醫生話有一隻可以佢幫我搞掂佢，其他的仲可以睇定D先…唉！唔Mok又唔得，咁又無咗2千幾啦！等於成程旅費…對於一個仲涼緊地的人來說都咪話唔心痛。赤爆！

近來很開心，因為可以常見到穎風，另一方面，可能是因為他受了某些人的壓力吧，哈哈！至於我們昨天去咗邊、做過D乜，是秘密... 哈哈！無辦法啦！總之今次一定無分手啦！

舊的告白版唔知仲乜唔Work，又要申請過新的，好努力咁貼返之前的Message，每一句都讓我有點感觸…

PS：今日係雷聰聰和淇淇牛一，呵呵！又大一歲啦！大個仔、大個女，唔好成日有異性無人性丫…

>>July 1, 2005 at 3:21:40 PM GMT+8

2005 年 6 月 28 日 星期二 【綿綿細雨】

昨晚返到屋企、沖埋澡，就嗱嗱臨整理Interview的資料和熨衫，搞到成3點幾先訓。8點鐘就要起身去Interview，唉！早知就唔約咁早啦！今次真係自己辛苦…

成日都唔記得多咗個欣奧站，所以車程方面又要多咗幾分鐘。結果遲咗5分鐘先去到，不過算吧啦！反正在大堂都坐咗成20分鐘先叫我上去，剛想上去時就見到Simon爸爸，哈哈！其實打算見完工把份手信放在Reception等佢自己攞的，不過現在見到佢就當然走上去比佢啦，佢第一句就問我係咪返工，哈哈！咪玩啦！見都未見，後來佢叫我In完就打電話比佢，嘻嘻！真係估唔到會見到Simon爸爸…

上到HR又要填果份好X長的Form，唉！好彩早有準備，仲打咗2次電話比Lover問野，哈哈！人見工、我見工，都見得勁…其實今次Interview都蠻大的壓力和尷尬，因為萬一失敗就真係Very樣衰，二來個HR自己都認識，所以好似唔知點咁！

一開Ball就用英文對答，唉！結果都唔知自己答D乜，其中有一條仲係唔識答，我情願你考我普通話都無咁驚。佢見到我咁的樣，問咗幾條就用返廣東話，哈哈！同我預期的一樣，好彩有備而來…但問我自己有無其他的問題就真係考起我，畢竟今次又係做返果個位，仲係同一個Department，不過唔問又唔得，結果就問咗條好白痴的問題…

今次比上次快好多，11點半就走得…Yeah！唔洗餓死…落到樓下就打電話比Simon爸爸，順便約埋佢同Rebecca一齊食Lunch。食飯時佢地問我In成點，唉！我都唔知，Test唔洗做之餘、連自己的Department Head都無見到，都唔知係咪來Interview，定係又要找一日再來Interview，不過以佢地咁【那西】的做法，呢個機會會好低，所以結果只有一個，一係得、一係唔得…

食飯時Rebecca問我點解唔做地勤，因為佢覺得我的性格適合過留在Office，點知我答都未答就比Simon爸爸Reject，仲講咗好多理由令人無辦法反對，哈哈！我常說Simon爸爸好鬼勁的…食完飯就急速打道回府補眠，實在太累了…

眠咗3個鐘就比阿哥叫醒咗，因為今日是阿娘的生日，訂咗枱去馬哥孛羅食龍蝦Buffer…呢個Buffer麻麻地，無乜特別，D龍蝦又唔係話好好食，總之呢間野試一次就夠啦！加上都係阿哥比＄，哈哈！所以我都無乜意見…

今個月簡直是大破財，把打算去旅行的＄都用光了。下個月真係要洗少D先…

PS：嘻嘻！轉眼間大家分開了4年了，還好從今天開始你真真正正回來了，別忘了我的禮物…

>>June 30, 2005 at 5:01:00 PM GMT+8

2005 年 6 月 27 日 星期一 【清涼】

晨早8點幾就起咗身，9點鐘出發去『龍華茶樓』…不知道是不是因為平日的關係，所以唔係太多人。老闆「德哥」一見到我地就知道係遊客便主動招呼我們，非常好人…食飽飽就去『黑沙灣』，而天氣比昨天好，有個非常大的太陽和微風，無昨天咁焗…然後就去路環果邊的聖堂，本打算食葡撻，但可能因為之前一晚食完D咖啡蟹，個胃唔係太舒服…所以只有我無食…

接著就過返S恭J的『住宅博物館』過冷河，最搞笑係居然免費果個Hall的冷氣是最大的。哈哈！早知就唔洗買飛啦！行行吓阿康見到我勢色唔對就幫我背埋我個包包，仲幫我開埋Umbrella，因為個太陽實在大到可以去燒豬…真係辛苦晒阿康（To穎風：學吓人啦！）睇完就去手信街掃貨和找小食，點知D鋪頭仲未開。激死…下午12點幾都未開，果然唔休做…所以唯有去返澳門大街果邊，今次選擇搭巴士返過去，其實我地都無乜目的地，在車上突然經過見到一間賣雪糕磚的銷頭就匆匆落車去食雪糕。

因為天氣太熱，個個都唔想郁。後來決定分頭行事，我同阿康佢地搵野食，而睿哥就去賭場…我地幾個就先去找果間賣『龍鬆糖』的街邊鋪，然後就去食『木槺布丁』，之後返去市政廳去『九記』，阿康飲『黃牛』（忌廉＋菠蘿雪糕），我就貪得意叫咗個『煎蛋多士』，佢真係煎咗隻太陽蛋放上多士上面，好搞笑！去埋附近的聖堂就去手信街入貨…今次張清單其實比之前少咗ka啦！後來因為無＄＄，所以有D都要放棄…所以今次真係買少咗的…買完野就搭巴士返碼頭準備回程。基本上這兩天都是全程坐Taxi…哈哈！超爽

返到HK就馬上找「別人的女朋友」出來一齊去『和民』食Dinner，順便比埋子霖交帶落的手信比佢。嘻嘻！最後掛著超累的身體打道回府，但返到去都未可以去找周公子，因為明天晨咁早去Interview，咩都未整、衫都未熨…早知就唔揀朝早啦…

>>June 30, 2005 at 7:33:04 AM GMT+8